Новости за 23.03.2023

Төрки халыкларның Яңа елы — Нәүрузгә багышлап, Пенза дәүләт университеты 21 март көнне «Нәүруз» фестивале оештырган. Бу хакта penza.tatar хәбәр итә.

Иртәгә, 24 мартта, Татарстанда һава температурасының кинәт күтәрелүе көтелә.

«Самар татарлары» журналының быелгы беренче саны бастырырга тапшырылган. 112 битле ике телдәге басмада төрле яшьтәге кешеләргә исәпләнгән мәкаләләр сериясе була.

Корбан бәйрәме алдыннан имин булмаган төбәкләрдән Татарстанга бруцеллез белән авыручы терлекләрне алып керергә мөмкиннәр. Үзеңне саклау өчен, хайваннарны үзебезнең җитештерүчеләрдән сатып алырга һәм барлык кирәкле документларны тикшерергә кирәк. Алып сатучыларга Башкортстан, Оренбург өлкәсе һәм Казахстаннан терлекләр кертүне туктатырга тәкъдим ителә. Бу турыда «Татар-информ»да матбугат конференциясендә Татарстан Министрлар Кабинетының Баш ветеринария идарәсе башлыгы урынбасары Габделхак Мотыйгуллин сөйләде. Читать дальше...

Татарстан Дәүләт Советы Рәисе Фәрит Мөхәммәтшин даими эшләүче депутатларга керемнәр турында мәгълүмат бирергә кирәклеге турында искәртте. Бу хакта парламент башлыгы VI чакырылыш ТР Дәүләт Советының 42нче утырышында белдерде.

Быелдан башлап Россиядә якынча 10 млн гаилә бала тәрбияләү өчен ай саен яңа бердәм пособие алачак.

Татарстанда һәм Казанда киләсе җәйдә уртача айлык һава температурасы климат нормасына якын булачак. Явым-төшем шулай ук уртача күпьеллык күрсәткечләр дәрәҗәсендә фаразлана. Бу хакта Казан федераль университеты профессоры, география фәннәре докторы Юрий Переведенцев хәбәр итте.

Татарстанның Буа районы башлыгы Ранис Камартдинов мобилизацияләнгән Марсельнең хәлен белергә барды. Запастан беренчеләрдән булып чакырылган хәрби отпускка кайтты. 7 мартта Марсель икенче тапкыр әти булган, хәзер аның Рамил исемле улы бар.

Балалар омбудсмены Ирина Волынец Татарстанны торак комплексларда алкоголь сатуны тыю буенча сынау төбәге итәргә тәкъдим итте. Бу хакта республикада бала хокуклары буенча вәкаләтле вәкил VI чакырылыш ТР Дәүләт Советының 42нче утырышында белдерде.

«Аулак өй — көрәш» төбәкара әдәби бәйгесенең студентлар өчен зона ярышлары 27 март көнне Казанда, Габдулла Кариев исемендәге Казан Татар дәүләт яшь тамашачы театрында узачак, дип хәбәр итте оештыручылар.

Төркия Республикасының Казандагы генераль консуллыгы «Туган авылым» комплексы белән берлектә быел беренче тапкыр ифтар оештырды. Ифтар Төркиядә җир тетрәүдә һәлак булучылар рухына багышланды.

Татарстан Дәүләт Советы сирәк очрый торган авырулары (орфан) булган гражданнарны дарулар белән тәэмин итү турындагы мөрәҗәгатьне Россия Дәүләт Думасы Рәисе Вячеслав Володинга юллаячак. Депутатлар, аерым алганда, төбәкләрдән кыйммәтле препаратлар белән тәэмин итү бурычын алуны һәм федераль законнарга тиешле үзгәрешләр кертүне сорый. Документ VI чакырылыш республика парламентының 42нче утырышында хупланды.

2024 елның 1 гыйнварыннан хезмәт өчен түләүнең минималь күләме (МРОТ) күрсәткечен 18,5 процентка индексациялиләр. Бу хакта РИА Новости Россия Премьер-министры Михаил Мишустинга сылтама белән хәбәр итә.

Бүген Казанның 187нче күппрофильле лицее укучылары Идел буе төбәгенең иң зур полиграфия предприятиеләренең берсе - «Идел-Пресс» җитештерү-нәшрият комплексында һәм Татарстан китап нәшриятында булды.

Финляндия НАТОга керү өчен илкүләм дәрәҗәдә документларны ратификацияләү ноктасы белән финалга җитте. Ул ил Президенты Саули Ниинистё Төньяк Атлантика альянсына керү турындагы законнарга имза кую белән тәмамланды.

Россиянең иң мөһим гомумдәүләт бурычы - кешенең сәламәтлеген саклау һәм ныгыту, шулай ук аның гомер озынлыгын арттыру. Бу хакта Россия премьер-министры Михаил Мишустин РФ Хөкүмәтенең парламент алдындагы еллык хисабы барышында әйтте.

Татарстан Диния нәзарәтенең «Зәкят» хәйрия фонды «Рамазан – изге гамәлләр ае» марафонын башлап җибәрде. Фонд әзерләгән азык-төлек җыелмаларын алырга ата-аналар инвалид балалары белән бергә килгән иде. Өч балада да ДЦП диагнозы.

Николай Лобачевский исемендәге Бөтенроссия фәнни конференциясендә җиңүчеләр Казан федераль университетына укырга кергәндә өстәмә биш балл алачак.

Быелның апрелендә Россиядә социаль пенсияләр бер елга исәпләгәндә 13,5 процентка артачак. РФ Премьер-министры Михаил Мишустин Дәүләт Думасында Хөкүмәт эшчәнлеге турында еллык хисап белән чыгыш ясаганда шулай дип белдерде.

«Алар киләчәктә шагыйрь, язучы, әдәбият белгече, фильм тәнкыйтьчесе, сценарий авторы була алачак. Хәзер киносценарий язучыларга ихтыяҗ бар», - диде Резедә Мөхәммәтшина.

20-23 март көннәрендә Казанның «Адымнар» полилингваль мәктәбендә «Иң яхшы татар теле һәм әдәбияты укытучысы» Бөтенроссия һөнәри бәйгесе үтте. Бүген бәйгенең йомгаклау этабы үткәрелде.

Дәүләт символлары турындагы республика законында «Татарстан Республикасы суверенитеты» сүзтезмәсен «Татарстан Республикасы дәүләтчелеге»нә алыштырачаклар. Алтынчы чакырыш ТР Дәүләт Советының 42нче утырышында депутатлар шул хактагы закон проектын кабул итте.

Бүген социаль челтәрләрдә Казанның 262нче балалар бакчасында берничә сабыйның йомырка белән агулануы турында мәгълүмат чыкты.

Бүген, Рамазан-шәриф аеның беренче көнендә (23 мартта), Казанның Галиев мәчетендә Коръән хәтем кылына башлады. Хафиз, Галиев мәчете мөэдзине Нурмөхәммәд хәзрәт Исламов көн саен өйлә намазыннан соң (сәгать 12.00дән соң) бер җүзне, ягъни Коръәннең 1/30 өлешен укып чыгачак. Бу хакта ТР Диния нәзарәте матбугат хезмәте хәбәр итә.

Санкт-Петербургның Каюм Насыйри институты милли-мәгариф үзәгендә татар теле курслары кысаларында чаралар, очрашулар оештырыла. Чираттагы татар теленә өйрәтү курсларында XIX гасыр дин галиме, язучы, мәгърифәтче Таҗетдин Ялчыгол дәвамчылары белән очрашу узды. Бу хакта «Piter.tatar» порталы хәбәр итә.