Новости за 12.03.2023

Габдулла Тукай исемендәге Әтнә татар дәүләт драма театры агымдагы елның 20-21 март көннәрендә Мәскәү тамашачысына үзенең спектакльләрен тәкъдим итә.

15 мартта Бөтендөнья кулланучылар хокуклары көне билгеләп үтелә. Шул уңайдан 13 мартта кулланучылар хокукларын яклау мәсьәләләре буенча «кайнар элемтә» эшли башлый.

Әлки районында 2021 елда ук малайларны начар юлларда да йөри алган багги автомобильләрен идарә итәргә өйрәтеп, авыл хуҗалыгы эшенә кызыктыру түгәрәге эшли башлаган иде. Хәзер әлеге эш «Балалар өчен җиңел авыл хуҗалыгы техникасында механизаторлар түгәрәге» грант проектында дәвам ителә.

Чаллы шәһәр башлыгы Наил Мәһдиев махсус хәрби операциядә катнашучы ир-егетләр белән очрашты. Хәзерге вакытта алар кыска вакытлы ялга кайткан.

Дүшәмбе Татарстанда кабат җилле һава торышы көтелә. Җил көньяктан, көньяк-көнбатыштан секундына 15-20 метр тизлектә, ә урыны белән 23 метрга кадәр була.

Кичә төнлә Россия Гадәттән тыш хәлләр министрлыгына Казанның Гагарин урамындагы йортларның берсендә фатирда яшәүче 22 яшьлек кызның аягына кадак керүе турында хәбәр килгән.

Татарстан Рәисе Рөстәм Миңнеханов Ислам хезмәттәшлеге оешмасы генераль секретаре Хөсәен Ибраһим Таха белән очрашты. Бу хакта Татарстан җитәкчесе Телеграм-каналында сөйләде.

Башкортстанда озак авырудан соң республикада атлар үрчетүче, крестьян-фермер хуҗалыгы хуҗасы Хәсән Идиятуллин вафат булды. Бу кайгылы хәбәрне Дәүләт Думасы депутаты Римма Утяшева раслады. Бу хакта «Башинформ» яза.

Россия Сәламәтлек саклау министрлыгы илнең үзәк өлешендә һава торышы начарлану сәламәтлек өчен куркыныч булу турында кисәтте. Бу хакта РИА Новости хәбәр итә.

Бүген Чаллы мэры Наил Мәһдиев шартлау булган йортны карады. Бу хакта «Татар-информ»га автошәһәр мэриясе матбугат хезмәтендә хәбәр иттеләр.

13 март көнне Казан шәһәренең «Адымнар» мәктәбендә (Бондаренко ур., 32) Аяз Гыйләҗевнең тууына 95 ел тулу уңаеннан искә алу кичәсе булачак. Шулай ук балалар арасында фестиваль-конкурс узачак. 

Бүген, 12 мартта, Татарстанда яшәүчеләр Төркиядә җир тетрәүдән зыян күрүчеләргә җыйган гуманитар ярдәм Адан провинциясенә килеп җитте.

Шагыйрь, Татарстан китап нәшрияты мөхәррире Рифат Сәлах Мәскәү һәм Татарстан галимнәренең Себер диалекты татар теленең бер өлеше булып караламы яисә ул аерым бер телме дигән бәхәсләшүенә үзенең фикерен җиткерде. Бу хакта ул Интертат сайтының «В контакте» аккаунтында барган туры эфирында әйтте.

13 мартта XI Бөтенроссия атар авыллары эшмәкәрләре җыены башлана. Бу хакта Бөтендөнья татар конгрессының матбугат хезмәте хәбәр итә.

14 мартта Татарстан Республикасы Яшьләр эшләре министрлыгы тарафыннан оештырылган «ТР яшьләренә торак» темасына туры эфир узачак.

Бүген Сызрань – Саратов юлында Хвалынск районында егермегә якын машина бәрелешкән. Бу хакта РИА Новости хәбәр итә. 

Татарстанда 2022 елның октябрь азагыннан соң беренче тапкыр Covid-19 инфекциясенең 184 яңа очрагын ачыкланды. Шулай итеп, узган елның 20 октябрендә республикада 199 кешенең коронавирус йоктыруы теркәлгән иде.

Кичә кич Гадәттән тыш хәлләр министрлыгына Ютазы районының Урыссу бистәсендә Киров урамындагы 44нче йорт подъездында төтен чыгуы турында хәбәр килгән.

Татарстан Дәүләт автоинспекциясе начар һава шартларында йөртүчеләргә иминлек чаралары турында искәртә. Бу хакта ведомствоның Телеграм-каналында хәбәр ителә. Бүген Татарстан территориясендә буран һәм секундына 20 метрга кадәр тизлектә көчле җил көтелә. Ә юллдарда бозлавык фаразлана.

Төркиянең көньяк-көнчыгышында җир тетрәү корбаннары 47975 кешегә кадәр артты. Бу хакта РИА Новости Табигый бәла-каза нәтиҗәләрен бетерү буенча идарә җитәкчесе Юнус Сезер сүзләренә сылтама белән хәбәр итә.

Саранскиның «Ихсан» мәчетендә хәдисләрне белү буенча республика бәйгесе узды. Ай дәвамында конкурсантлар Бохараның һәм Мөслимнең дөрес җыентыкларыннан 21 хәдисне ятлаган. Аннары алар Мордовия мәчетләрендә ислам нигезләрен укытучылары кергән компетентлы жюри алдында чыгыш ясады.

Төнлә Чаллының 38нче комплексындагы күпкатлы йортта шартлау булды. «Татар-информ»га билгеле булганча, анда яшәүчеләр үз фатирларына кайткан. Үзәк район башкарма комитеты җитәкчесе Эдуард Фәттахов «Челнинские известия»гә хәбәр иткәнчә, инвалидларга һәм өлкән кешеләргә ярдәм күрсәтелгән. Подъезд янында ике автобуста кешеләргә кайнар чәй тәкъдим ителгән.

Чаллыда күпкатлы йортта яшәүче ир һәлак булганнан соң, «Үтерү» маддәсе буенча җинаять эше  кузгатылган. Автошәһәрнең 38нче комплексының күпкатлы йортларның берсендә шартлау аркасында 21 яшьлек ир-ат һәлак булган.

Тукай районының «Якты юл» газетасы редакциясе малайлар һәм кызлар арасында «Сыерчыгым, рәхим ит!» исемле иң матур сыерчык оясы ясаучыга бәйге игълан итте. Үзегез ясаган сыерчык ояларын фотосүрәткә төшереп электрон адреска yakti.ul76@gmail.com га җибәрергә кирәк. Конкурс 28 апрельгә кадәр дәвам итә.

Кайбыч районының уңган хатын-кызлары, «Салават күпере» спорт комплексына җыелып, махсус хәрби операциядә катнашучы ир-егетләргә жибәрер өчен токмач кисте һәм чәкчәк пешерде. Бу хакта «Кайбыч таңнары» сайтында хәбәр ителә.