Новости за 21.03.2023

Чаллы кафесында 9 кеше агуланган. Хәзерге вакытта 6 кеше хастаханәдә, өчесе өендә дәвалана. 4 кешедә сальмонеллез таякчыгы ачыкланды.

23 мартта 16.00 сәгатьтә Казан Кремле территориясендә Татарстан Сынлы сәнгать музееның «Хәзинә» галереясендә «Петр Сперанский – татар театры «архитекторы» күргәзмәсе ачыла. Бу хакта Татарстан Мәдәният министрлыгының матбугат хезмәте хәбәр итә.

Иртәгә, 22 мартта, Татарстанда җылы һәм дымлы һава торышы саклана.

Республикада болытлы һава торышы саклана, көндез - аязучан болытлы. Урыны белән явым-төшем көтелә, күбесенчә яңгыр явачак. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Төнлә һәм иртән урыны белән, шулай ук Казанда да, томан төшә. Җил көньяк-көнбатыштан һәм көнбатыштан уртача тизлектә фаразлана. Төнлә һәм иртән юлларда урыны белән бозлавык хасил була, дип хәбәр итә синоптиклар. Читать дальше...

21 март 2023 ел 16:20Рамазан-шәриф алдыннан Татарстан Республикасы мөселманнары Диния нәзарәте сайтының «Файдалы мәгълүмат» бүлегендә «Рамазан-2023: төп сораулар» сәхифәсе эшли башлады. Бу турыда Нәзарәт сайтында хәбәр ителә.

Камал театры режиссеры Айдар Җаббаров РФ Президентының яшь мәдәният әһелләренә бирелә торган премиясенә лаек булды.

Кытай спортчыларын «Киләчәк уеннары» турнирында көтәләр. Ул 2024 елның язында Казанда була. Россия Президенты Владимир Путин Кытай Халык Республикасы рәисе Си Цзиньпин белән сөйләшүдә чакыру белән чыгыш ясады.

Бүген, 21 мартта, Самара өлкәсенең Камышлы районы китапханәсендә журналист, тарихчы, туган якны өйрәнүче, күпсанлы мәкаләләр авторы һәм Самара татарлары тарихы турында берничә китап авторы Шамил Галимов белән Сәйф Сараига багышланган очрашу узды. Бу хакта Самара өлкәсе Камышлы районының «Вконтакте» социаль челтәрдәге төркемендә хәбәр ителә.

Бердәм дәүләт имтиханын (БДИ) үткәрү тәртибен бозган очракта, чыгарылыш сыйныф укучысын имтиханнан чыгарып җибәрәләр. Республиканың мәгариф һәм фән министры Илсур Һадиуллин имтихан уздыру пунктында нәрсә эшләргә ярамаганлыгы турында Татарстан Министрлар Кабинетында узган брифингта сөйләде.

Чаллы шәһәре мэриясе янында төзелә торган «Җәмигъ» мәчете гөмбәзендә «Рамазан ае мөбәрәк булсын» дигән язу пәйда булды. Төзүчеләр шулай итеп мөселманнарны изге ай башлану белән котлады. Бу хакта «Челнинские известия» газетасы сайтында хәбәр ителә.

Кремльдә Россия Президенты Владимир Путин һәм Кытай Халык Республикасы рәисе Си Цзиньпинның бүген киңәйтелгән форматта илләр делегацияләре катнашында узган рәсми сөйләшүләре тәмамланды. Аның нәтиҗәләре буенча дәүләт лидерлары ике документны - икътисади хезмәттәшлек планнары һәм партнерлыкны тирәнәйтү планнары турындагы документларны имзалады.

Россия партнерлары, шул исәптән Азия, Африка һәм Латин Америкасы илләре белән сәүдә иткәндә, Кытай юане белән исәп-хисап ясау үсешен хуплый. Бу турыда Россия Президенты Владимир Путин киңәйтелгән составта Россия-Кытай сөйләшүләре вакытында әйтте.

Яңа Көньяк Уэльс (Сидней) татар мирасы ассоциациясе Powerhouse музеенда Австралиядә яшәүчеләр өчен концерт куйды. Ул төрки халыкларның Нәүрүз бәйрәменә багышланган иде. Бу хакта Бөтендөнья татар конгрессының матбугат хезмәте хәбәр итә.

Ульяновск өлкәсенең «Өмет» газетасында «Татар егете – «Ел укучысы» дигән язма чыкты.

Татарстанда быел туган (татар) тел буенча Бердәм республика имтиханын унберенче сыйныфта укучы сигез бала тапшыра. Узган елда Бердәм дәүләт имтиханын (БДИ) нибары бер чыгарылыш сыйныф укучысы тапшырды. Бу хакта ТР Министрлар Кабинетында узган брифингта республиканың мәгариф һәм фән министры Илсур Һадиуллин хәбәр итте.

22 мартта 14:00 сәгатьтә «Ялкын» журналының «Кәеф» медиалабораториясендә Татарстан Республикасында Милли мәдәниятләр һәм традицияләр елы уңаеннан масштаблы проект – «ШӘП БЛОГЕР» медиамәктәбе презентациясе узачак.

Олы Нырсы мәдәният йорты каршында Нәүрүз бәйрәме оештырылды. Бәйрәмдә авыл халкы һәм кунаклар пылау һәм коймактан авыз итте.

Буа районы Яңа Чәчкап авылы урта мәктәбендә шагыйрь Әхмәт Рәшит имемендәге «Кояшлы ил» VII республикакүләм фәнни-гамәли конференциясе узды.

Татарстан башкаласында Россия Илкүләм гвардия гаскәрләренең Идел буе округы хәрби частьлары хәрбиләрен һәм Росгвардиянең Татарстан Республикасы буенча идарәсе хезмәткәрләрен бүләкләү тантанасы узды. Алар махсус хәрби операциядә катнашкан. Бу хакта Росгвардиянең Татарстан буенча идарәсенең матбугат хезмәте хәбәр итә.

Татарстанда Төп дәүләт имтиханын (ОГЭ) тапшыру өчен туган телне сайлаган укучылар саны ике тапкырга диярлек арткан. Бу хакта республика мәгариф һәм фән министры Илсур Һадиуллин Татарстан Министрлар Кабинетында узган брифингта хәбәр итте.

Мамадышта «Йолдызлык» фестиваленең зональ туры тәмамланды

ТР Рәисе матбугат хезмәте

Бүген Ульяновскида Россия Федерациясе Иминлек Советы Секретаре Николай Патрушев Идел буенда илкүләм иминлекне тәэмин итүнең актуаль мәсьәләләре буенча киңәшмә үткәрде. Чарада Россия Президентының Идел буе федераль округындагы Тулы вәкаләтле вәкиле Игорь Комаров, федераль министрлыклар һәм ведомстволар вәкилләре, шулай ук Идел буе федераль округы составына керүче төбәкләр башлыклары катнашты.

Татарстан Республикасы исеменнән Татарстан Республикасы Рәисе Рөстәм Миңнеханов катнашты. Читать дальше...

https://tatar-congress.org/

Бүген Казанда Бөтендөнья татар конгрессы бинасында «Солдат альбомы-2023» конкурсында җиңүчеләрне бүләкләү тантанасы узды. Исегезгә төшерәбез, быел бәйге 1-19 февраль көннәрендә уздырылды.

Бәйге ике номинациядә үтте. Катнашучылар махсус хәрби операциядә катнашучыларга хат язды һәм 10-15 яшьлек балалар, яшүсмерләр рәсем-открытка ясады. Бу хакта Бөтендөнья татар конгрессы матбугат хезмәте хәбәр итә. 

Бөтендөнья татар конгрессы Башкарма комитеты җитәкчесенең беренче урынбасары ... Читать дальше...

Бүген «Татмедиа» акционерлык җәмгыяте бинасы янында Нәүрүз - яз бәйрәмен билгеләп үттеләр. Ул Иран һәм төрки халыкларының Яңа ел бәйрәме булып санала. Медиахолдинг хезмәткәрләре, массакүләм мәгълүмат чаралары вәкилләре, блогерлар һәм гади шәһәр кешеләре Декабристлар урамында милли җырлар тыңлады, уеннарда катнашты, пылау һәм чәй белән сыйланды. Акциянең «Китап» радиосы оештырды.

Язгы ташуның тискәре сценарие буенча республикада 220 торак пункт территориясе су басу зонасына эләгергә мөмкин. Бу хакта бүген Татарстан Республикасы Премьер-министрының беренче урынбасары Рөстәм Нигъмәтуллин хәбәр итте. Ул бу турыда 2023 елда язгы ташкынга әзерлеккә багышланган утырышта сөйләде. Утырыш Татарстан Республикасы Министрлар Кабинетында узды.

Бердәм дәүләт имтиханнарының контроль-тикшерү материалларында иң зур үзгәрешләр «тарих» фәне буенча булды. Имтихан эшенең кимендә 20 процент биремнәре Бөек Ватан сугышы вакыйгаларына багышлана. Бу хакта Татарстан Республикасы мәгариф һәм фән министры Илсур Һадиуллин республика Министрлар Кабинетында узган брифингта хәбәр итте.