Новости за 02.03.2023

Әлмәттә район башлыгы Тимур Нагуманов өлешчә мобилизацияләү кысаларында чакырылган ир-атларның туганнары белән очрашты.

Самара өлкәсе Камышлы районы Татар Байтуганы авылында «Әлифба» авторы Сәләй Вәгыйзовның музей-йортында Туган тел көненә һәм Ватанны саклаучылар көненә багышланган чаралар булды. Бу хакта «Самара татарлары» сайтында хәбәр ителә.

Бераз суытканнан соң, Татарстанда кабат җылыта. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.

Фәндә Кадыйргали бәкнең җыентыгы чагатай, ягъни иске үзбәк телендә язылган дигән версияне алга сөрүчеләр дә бар.

Россия Президенты Владимир Путин, су басу сәбәпле, үз йортларын ташлап китәргә туры килгән гражданнарга ташламалы ипотека бирү мөмкинлеген уйларга кушты. 1 февральдә узган торак инфраструктурасын торгызу мәсьәләләренә багышланган киңәшмә нәтиҗәләре буенча йөкләмәләр исемлеге Кремль порталында чыкты.

Менделеевск районында берничә ел мунчада яшәүче күп балалы гаиләнең йортына газны чиратсыз кертергә һәм ремонт ясарга ярдәм итәргә җыеналар. Бу хакта «Татар-информ»га Менделеевск районы матбугат хезмәтендә хәбәр иттеләр.

4 мартта Тольятти шәһәре татарларының милли-мәдәни мохтарияте һәм «Идел» татар җыр һәм бию ансамбле Халыкара хатын-кызлар көненә багышланган «Кичке уен» бәйрәм концертын оештыра. Бу хакта «Самар татарлары» сайтында хәбәр ителә.

Чувашия Республикасының Батыр районы Шыгырдан авылында Әфганстанда хәрби бурычын үтәгәндә һәлак булган сугышчы-интернационалист, Кызыл Йолдыз ордены кавалеры Минхәйдәр Вәлитов истәлегенә билбау көрәше турниры булды.

Алабугада Сабан туена ипподром яңартыла. Анда тротуарларны ремонтларга, конкур ярышы мәйданчыгын һәм картинг трассасын тезекләндерергә җыеналар. Муниципаль бюджеттан ремонт өчен 20 млн сум бирелә.

23 мартта 17:00 сәгатьтә Татарстан Милли музеенда XXI Татар хор музыкасы фестивале кысаларында Ильяс Әүхәдиев исемендәге Казан музыка көллиятенең Татар хоры «Казан утлары» дип исемләнгән концерт куя. Хорның сәнгать җитәкчесе һәм дирижеры - Гүзәл Ахунова.

Россия кооперация университеты ректоры Алсу Нәбиева җиңүчеләргә Муса Җәлил шигырьләреннән иҗат ителгән «Шагыйрь» портретын бүләк итте.

Тарихчы Әнвәр Әксәнов әйтүенчә, беренче хан дип Олуг Мөхәммәдне түгел, Мәхмүт ханны атау татар тарихына «Мәскәү карашын» кертү белән бәйле.

Иртәгә, 3 мартта, Татарстан территориясендә аязучан болытлы һава торышы көтелә. Төнлә һәм иртән томан төшәргә мөмкин.

Россия Хөкүмәте Рәисе Михаил Мишустин Татарстанны Таҗикстан белән икътисади мөнәсәбәтләрне актив үстерүче төбәкләрнең берсе буларак билгеләп үтте. Бу хакта ул Дүшәнбедә «Россия һәм Таҗикстанның эшлекле һәм инвестицион партнерлыгы» төбәкара хезмәттәшлеге турындагы конференциядә хәбәр итте.

Татарстан Таҗикстан белән хезмәттәшлекне үстерергә тели, шулай ук республиканың зур предприятиеләренең базарга чыгуын тәэмин итәргә әзер. Бу хакта Татарстан Рәисе Рөстәм Миңнеханов Дүшәнбедә «Россия һәм Таҗикстанның эшлекле һәм инвестицион партнерлыгы» төбәкара хезмәттәшлеге буенча конференциядә чыгыш ясаганда белдерде.

Татар милли сәнгатен үстерү һәм пропагандалау максатыннан үткәрелүче «Кызыл төлке» V Ачык милли татар сәнгате республика конкурсы - фестивале игълан ителде. Бу хакта Бөтендөнья татар конгрессының матбугат хезмәте хәбәр итә.

Әлмәт театрының популяр артисты Динар Хөснетдиновка Татарстанның атказанган артисты исеме бирелгән.

Санкт-Петербургтагы Россия этнография музеенда «Иман һәм яхшылык юлы: Россия мөселман халыкларының сәнгати традицияләре» күргәзмәсен ачу тантанасы булды.

2023 елда якынча 8 миллион укучы Бөтенроссия тикшерү эшләрен язачак. Ул 1 марттан старт алды. Өстәвенә, 4-8 сыйныф укучылары аларны штат режимында язачак, ә менә 10 һәм 11 сыйныфларда Бөтенроссия тикшерү эшләрен үткәрү турындагы карарны һәр мәктәп мөстәкыйль кабул итәчәк. Бу хакта ТР Мәгариф һәм фән министрлыгы матбугат хезмәте хәбәр итә.

Россия Премьер-министры Михаил Мишустин Таҗикстан җитәкчелегенә «Россия - Ислам дөньясы: KazanForum» форумына делегация җибәрергә тәкъдим итте. Бу хакта Россия Хөкүмәте Рәисе Дүшәнбедә «Россия белән Таҗикстанның эшлекле һәм инвестицион партнерлыгы» төбәкара хезмәттәшлек буенча IX конференция утырышында белдерде.

Бүген Әстерхан телеграм-каналларында бөек татар шагыйре Габдулла Тукай һәйкәле янында төрле хәрәкәтләр ясап басып торган ялангач ир-атның видеосы чыкты. Төбәк полициясенең матбугат хезмәтендә әлеге уңайдан оперативникларның инде тикшерү үткәрүе хакында хәбәр иттеләр.

ТР Дәүләт җыр һәм бию ансамбле бинасында ремонт көтелә. Ансамбль җитәкчелеге аның озакка сузылмаячагына өметләнә һәм әлегә вакытлыча каядыр күченеп тору турында уйламый.

27 февраль көнне Башкортстанда Бөтендөнья татар конгрессының вәкиллегендә «Текә татар» проекты кысаларында беренче очрашу узды. Чараның беренче спикеры Рөстәм Нәбиев булып, аның чыгышының темасы «Авырлыклар аша җиңүгә» дип аталды. Бу хакта Бөтендөнья татар конгрессы матбугат хезмәте хәбәр итә.

Татарстанда 2027 елга кадәр волейболны үстерү буенча яңа программа булган ресурсларны исәпкә алырга тиеш. Төзелгән спорт залларының мөмкин кадәр тулы булуы шарт. Нәкъ менә спорт аша яшьләрне гаджет экраннарыннан аерырга һәм аларда ватанпәрвәрлек хисләре тәрбияләргә мөмкин. Республика Дәүләт Советы Рәисе Фәрит Мөхәммәтшин ТР Волейбол федерациясенең хисап конференциясендә шундый фикере белән уртаклашты.

Тарих институтында XVII гасыр башы елъязмачысы Кадыйргали бәк хезмәтләрен өйрәнүгә багышланган халыкара фәнни конференция бара.