Новости за 10.03.2023

Әлки муниципаль районының «Ләйсән» йөзү бассейнында йөзү буенча ачык беренчелеге эшмәкәр, дәүләт һәм сәясәт эшлеклесе, Дәүләт Думасы депутат Айрат Хәйруллин истәлегенә багышланды. Ул  2020 елда 49 яшендә фаҗигале төстә вафат булды.

Ни өчен тарихи сюжетларны кеше күңеленә якын ала? Ни өчен бәхәсләр китә? Милли китапханәдә «Дастан: сәнгатькәрләр әдәбиятны ничек күзаллый?» дип аталган очрашуны алып баручы Тәбрис Яруллин кунакларга шундый сорау белән мөрәҗәгать итте.

13 мартта Татарстанда гражданнарның кулланучылар хокукларын яклауга багышланган туры линия узачак. Чара РФ Президентының ТРдагы кабул итү бүлмәсендә булачак, дип хәбәр итә Республика матбугат һәм массакүләм коммуникацияләр агентлыгы.

Мәскәү Татар мәдәни үзәгенең актлар залында 11 мартта Татарстан Республикасының халык шагыйре, Г.Тукай премиясе лауреаты, шагыйрь, драматург һәм прозаик Рөстәм Мингалимны искә алу кичәсе узачак. Мәскәү татарлары автономиясе шул турыда хәбәр итә.

Юл хәрәкәте иминлеге дәүләт инспекциясе Татарстан йөртүчеләренә начар һава шартларында иминлек кагыйдәләре турында искәртте. Бу хакта республика Дәүләт автоинспекциясе Телеграм-каналында хәбәр итә.

Татарстан Рәисе Рөстәм Миңнеханов Россия Энергетика министрлыгы башлыгы Николай Шульгинов белән очрашты. Татарстан Республикасы җитәкчесенең матбугат хезмәте шул турыда хәбәр итә.

Камал театрында Татарстанның һәм Россиянең халык артисты Ринат Таҗетдиновның юбилей кичәсе бара.

Иртәгә, 11 мартта, Татарстан территориясендә һава торышының бозылуы көтелә. Суыту сәбәпле, төбәктә көчле бозлавык көтелә, дип кисәтә Татарстанның Гидрометеорология үзәге.

11 һәм 12 мартта Татарстан Республикасының Яшел Үзән районында өченче «Чыңгызхан» Кубогы узачак. Ирек Миңнәхмәтов истәлегенә багышланган автоузышлар Васильево бистәсенә борылыш янында урнашкан «Драйв парк» территориясендә узачак.

Бүген Казан мэры Илсур Метшин Татарстан башкаласында Укытучылар һәм остазлар елына старт бирде. Чара «Ел укытучысы – 2023» бәйгесендә җиңүчеләрне бүләкләү тантанасы белән ачылды.

Татарстан Республикасында өч боз кичүе ябыла. Россия гадәттән тыш хәлләр министрлыгының Татарстан Республикасы буенча Баш идарәсе матбугат хезмәте шул турыда хәбәр итә.

Уфаның «Мирас» җыр һәм бию ансамбле Татарстан башкаласында уникаль «Хәзинә» программасын тәкъдим итәчәк. Концерт Ленин исемендәге мәдәни-ял комплексында 14 мартта узачак. Бу хакта «Башинформ»га Уфа хакимиятенең мәдәният һәм сәнгать идарәсендә хәбәр итәләр.

Казан лингвистлары Удмуртиянең Халыклар дуслыгы йортында татар һәм удмурт телләренә өйрәтә торган үзөйрәткеч тәкъдим итте. Басмаларны Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән Татар китап нәшриятында чыгардылар, дип хәбәр итә Халыклар дуслыгы йортының матбугат хезмәте. Бөтендөнья татар конгрессы шул турыда яза.

2022 елда Казан мэры инициативасы белән ачылган «Апуш» татар балалар театр студиясе 13 мартта, 17:00 сәгатьтә, «Сәйдәш» мәдәният үзәгендә 1 еллыгын уздырачак.

10 мартта IV «Мирас» Халыкара татар мәдәнияте фестиваль-бәйгесендә катнашу өчен гаризалар кабул ителә башлады. Конкурс 28-30 апрельдә Самара шәһәрендә уза. Бу хакта «Самар татарлары» сайты хәбәр итә.

Чуваш блогеры Ксения Кошелева үз халкының саны телне белмәү аркасында кими дип саный. Бу турыда ул «Татар-информ» хәбәрчесенә «Татмедиа»ның «Кәеф» медиалабораториясендә популяр чуваш блогерлары белән очрашуда әйтте.

Зур электораль цикл башланыр алдыннан Татарстанның «Бердәм Россия» партия оешмаларына урыннарда эшне активлаштырырга кирәк. Кирәкле адымнар арасында –  беренчел партия оешмаларының гражданнар белән муниципаль дәрәҗәдә үзара эшчәнлеген көчәйтү, шулай ук партия сафларына профессиональ һәм актив кадрлар җәлеп итү. Бу һәм башка мәсьәләләр «Бердәм Россия» Бөтенроссия сәяси партиясенең Татарстан төбәк бүлеге сәяси советы президиумы утырышында каралды.

«Россия Федерациясендә мәгариф турында»гы законга «педагогик хезмәткәрнең намусын һәм абруен яклау» принцибын өстәү турында закон проекты Дәүләт Думасына кертелде.

Россия халкының 80 проценты РФ Президенты Владимир Путинга ышана. Шул рәвешле, күрсәткеч элеккеге дәрәҗәдә калган, диелә Бөтенроссия җәмәгатьчелек фикерен өйрәнү үзәге (ВЦИОМ) үткәргән сораштыруда.

«Татмедиа» акционерлык җәмгыяте генераль директоры Шамил Садыйков журналистиканың киләчәге блогерлар кулында дип саный. Ул бу турыда «Татмедиа»ның «Кәеф» медиалабораториясендә популяр чуваш блогерлары белән узган очрашуда әйтте.

«Адымнар – белемгә һәм татулыкка юл» күп телле белем бирү комплексының рус теле һәм әдәбияты мөгаллимәсе Екатерина Лисина 2023 елның «Ел укытучысы» булды. Ул Бөтенроссия бәйгесенең республика этабында Татарстан башкаласын тәкъдим итәчәк.

Бүген халкыбызның легендар җырчысы, Татар АССРның атказанган артисты, Татарстан Республикасының халык артисты Флера Сөләймановага 84 яшь тулды. Җырчыга Татарстанның Илһам Шакиров исемендәге Республика премиясе тапшырылды.

ТР Иҗтимагый палатасы утырышында Россия Иҗтимагый палатасы составына республика органы вәкилен сайладылар.

Кыска вакытка кимеп алганнан соң, Татарстанда коронавирус инфекциясен йоктыручылар тагын арта башлады. Стопкоронавирус.рф порталы мәгълүматларыннан күренгәнчә, соңгы тәүлектә тагын 182 кеше әлеге инфекцияне эләктергән.

«Казан утлары» китапханәсе сериясеннән унсигезенче китап дөнья күрде. Ул – язучы Рәдиф Сәгъдинең «Бер гаилә сурәте» китабы.