Новости за 18.03.2023

Быелгы бәйгегә 200 җыр килеп ирешкән.

Бүген Азнакай шәһәренең 5нче мәктәп базасында «Әти-әниләр белән Бердәм дәүләт имтиханын тапшыру» Бөтенроссия акциясе үтте. Бу хакта «Маяк» газетасы хәбәр итә.

Балтач районы Чепья авылында урнашкан Халыклар дуслыгы музееның алыштыргысыз директоры, сугыш ветераны Гарифҗан Галиев вафат. Ул 97 нче яше белән бара иде.

Буаның тарихын, аның килеп чыгышын өйрәнә торган яңа төркем булдырылды. Ул «Буа районының генеологиясе» дип атала.

Бүген «Ак Барс» хоккейчылары «Адмирал»ны 2:1 исәбенә отты. Уен Казанның «Татнефть Арена» боз сараенда узды.

Түбән Кама районы аграрийлары язгы кыр эшләренә кереште. Беренчеләрдән булып, «Союз-Агро» җәмгыятенең «Прикамский» хуҗалыгы эшчеләре күпьеллык үләннәргә минераль ашлама кертә башлады. Бу хакта Түбән Кама муниципаль районы рәсми сайтында хәбәр ителә.

Казанның С.Сәет-Галиев исемендәге Мәдәният сараена «Казан» фотостудиясе күргәзмәсе ачылышына танылган фотографлар, фотография сәнгатен сөюче казанлылар җыелды.

Төмәннең «Яңарыш» газетасында «Дуслык» клубы җитәкчесе һәм ветераннар советы әгъзасы Винира Нигъмәтуллинаның «Дуслык»ка - 10 яшь» дигән язмасы чыкты.

18 мартка Татарстанда торак төзелеше буенча еллык план 35 процентка үтәлгән. ТР төзелеш, архитектура һәм ТКХ министры Марат Айзатуллин шимбә киңәшмәсендә шулай дип белдерде.

Татарстанда язгы кыр эшләренә әзерлек дәвам итә. 10 мартка тракторларның әзерлеге – 95, чәчү һәм туфрак эшкәртү техникасының әзерлеге 98 процент тәшкил итә. ТР авыл хуҗалыгы һәм азык-төлек министрының беренче урынбасары Наил Залаков шулай дип белдерде.

Шәһәр тибындагы Байлар Сабасы бистәсендә ир-атлар һәм хатын-кызлар арасында өстәл теннисы буенча XXI Бөтенроссия шәхси-команда ярышлары башланды. Ярышларны ачу тантанасында ТР Рәисе Рөстәм Миңнеханов һәм Россия Президенты ярдәмчесе Игорь Левитин да катнашты. Бу хакта республика җитәкчесенең матбугат хезмәте хәбәр итә.

Стопкоронавирус.рф порталы мәгълүматларыннан күренгәнчә, Татарстанда соңгы тәүлектә коронавирус инфекциясенең 193 яңа очрагы ачыкланган. Бу бер көн элек теркәлгәннән ике очракка азрак.

Татарстан Рәисе Рөстәм Миңнеханов район башлыкларына өлешчә мобилизация кысаларында хәрби хезмәткә чакырылган һәм ике атналык ял алган татарстанлыларга һәрьяклап ярдәм күрсәтергә чакырды. Искәртеп узабыз, кичә Татарстанга мобилизацияләнүчеләрнең беренче төркеме ялга кайтты.

2022 елда «Татар-информ» агентлыгы Татарстан гаммәви мәгълүмат чаралары рейтингында лидер булды, нәтиҗәләр «Медиалогия» сайтында урнаштырылган.

Башкортстанның Бәләбәй шәһәрендә XVIII гасырда төзелгән ташландык төрмә замогыннан мәдәни үзәк ясарга ниятлиләр. Бу хакта «Башинформ» агентлыгы хәбәр итә.

Татарстан Рәисе Рөстәм Миңнеханов республика шәһәр һәм район җитәкчеләренә махсус операция зонасындагы хәрбиләр һәм мобилизацияләнүчеләрнең гаиләләренә ярдәм күрсәтүгә аерым игътибар бирергә кушты.

17 мартта Пенза өлкәсенең Советлар Союзы Герое Т.К.Кержнев исемендәге Түбән Әләзән авылы урта гомуми белем бирү мәктәбендә Укытучы һәм остаз елы уңаеннан балалар арасында «Яңа йолдыз-2023» матурлык һәм талант бәйгесенең зона этабы узды.

Кичә көндез Тукай районының Әҗмәкәй авылы Хлебосольная урамында бер кешенең коега егылып төшүе хакында хәбәр килгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Чувашия Республикасы мөселманнары Диния нәзарәте Яльчик районының Сориле авылы мәчетендә Аллаһ йортына йөрүчеләр белән мәчет каршындагы кышкы курслар тәмамлануга багышланган йомгаклау очрашуы үткәрде. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

Иваново өлкәсе мөселманнары Диния нәзарәте рәисе, мөфти Фәрит Ляпин эш сәфәре белән Кинешма шәһәренең  мөселман дини оешмасына килде. Очрашуда Кинешмада якшәмбе мәктәбе төзү өчен җир кишәрлеге рәсмиләштерү турында да сөйләштеләр. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

Төркиянең көньяк-көнчыгышындагы Кахраманмараш провинциясендә 4,8 магнитудалы җир тетрәү теркәлгән. Бу хакта РИА Новости агентлыгы Европа-Урта диңгез сейсмология үзәгенә (EMSC) сылтама белән хәбәр итә.

19 мартта Казанның Шиһабетдин Мәрҗани исемендәге 2нче татар гимназиясендә Муса Җәлил истәлегенә «Таяк тартыш» уены буенча Татарстан Республикасы чемпионаты һәм беренчелеге узачак. Бу хакта Бөтендөнья татар конгрессының матбугат хезмәте хәбәр итә.

13-15 апрельдә Мәскәүдә I Халыкара яшь тәрҗемәчеләр форумы уза. Яшь белгечләр Россиядә яшәүче халыкларның төрле телләреннән русчага тәрҗемә итүнең гамәли аспектлары хакында фикер алыша. Бу хакта Россия Тәрҗемәчеләр берлеге хәбәр итә.

Россиядә 1 апрельдән социаль пенсияләрне өстәмә рәвештә 3,3 процентка индексацияләячәкләр. РФ Хөкүмәтенең шул хактагы карары хокукый мәгълүмат интернет-порталында урнаштырылган.

Композитор Эльмир Низамов Муса Җәлил исемендәге Татар дәүләт Опера һәм балет театры заказы белән опера язарга алынган. Спектакль Шаляпин турында булачак.