Новости за 28.03.2023

Әтнә районы үзәк хастаханәсендә Татарстан сәламәтлек саклау министры Марсель Миңнуллин, Әтнә районы башлыгы Габделәхәт Хакимов һәм Төбәкара клиник диагностика үзәгенең (МКДЦ) баш табибы Рөстәм Хәйруллин булды.

Хатынын һәм яңа туган кызын бала тудыру йортыннан каршы алу өчен, хәрби хезмәткәр берничә көнгә Бөгелмәгә кайтты.

Чигүче, тимер юлда бригадир, кондитер, матрос һәм югары, урта һөнәри белем бирүнең башка юнәлешләре 2030 елга кадәр Татарстанда кирәкле һөнәрләр исемлегенә кергән. Яңартылган исемлекне республика Хөкүмәте расланган.

2023 елның 1 апреленннән 18 маена кадәр Бөтендөнья татар конгрессы «Интегральләштерелгән татар теле дәресенең методик эшләнмәләре» Бөтенроссия бәйгесе уздыра.

Иртәгә, 29 мартта, Татарстан территориясендә аязучан болытлы һава торышы көтелә. Төнлә һәм иртән томан булырга мөмкин. Татарстан Гидрометеорология үзәге шул турыда хәбәр итә.

Изге Рамазан көннәрендә Россиянең төп мөселман гыйбадәтханәсендә – Мәскәү Җәмигъ мәчетендә көн саен хәйрия ифтарлары уза. Алар Россия мөселманнарының рухи лидеры, Россия мөселманнары Диния нәзарәте рәисе мөфти шәех Равил Гайнетдин фатихасы белән үтә. Россия Мөфтиләр шурасы шул турыда яза.

Бүген Мәскәүдә Динә Табиева – медицина фәннәре докторы, КПССның Татар өлкә комитетының беренче секретаре Фикрәт Табиевның хатыны вафат булган. Бу турыда Татарстанның Мәскәүдәге Тулы вәкаләтле вәкиллегенең телеграм-каналында хәбәр ителә.

«Әләзән – татар авылы, шуңа күрә балалар да саф татар телендә сөйләшә», - диде Мәрьям Янгуразова.

Бүген, Максим Горькийның 155 еллыгы уңаеннан, Казанда рус совет язучысы бюстына чәчәкләр салдылар. Акциядә Татарстан хакимияте вәкилләре, Горький һәм Шаляпин музее хезмәткәрләре, студентлар һәм мәктәп укучылары катнашты.

«Себер татарлары мәктәпләрдә татар әдәби телен укый», - диде Гүзәл Тимеркаева.

III Халыкара нәфис сүз телевизион бәйгесенең җиңүчеләре билгеле. Быел конкурсны Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе белән бергәлектә «Яңа Гасыр» телерадиокомпаниясе оештыра.

«Безнең мирас» журналы баш мөхәррире Ләбиб Лерон бөек шәхесләр аркылы балаларда туган җиргә мәхәббәт, горурлык хисе тәрбияләргә мөмкин, дип белдерде.

25 мартта Сургутта «ХМАО-Югра Татар кызы 2023» региональ бәйгесе узды. Биредә Сургут, Когалым, Нефтеюганск, Түбән Варта, Лянтор, Пойковск шәһәрләреннән 11 кыз катнашты.

Чистайга керү юлында җиңел машиналар бәрелешкән, анда ике олы кеше һәм бер бала зыян күргән. Татарстан Республикасы Прокуратурасының матбугат хезмәтендә шулай дип хәбәр иттеләр.

«Моның төп сәбәбе – ата-аналарның да татарча начар белүендә», - диде Гөлназ Кадыйрова.

Чаллы Ашыгыч медицина ярдәме хастаханәсе хирурглары 22 яшьлек хәрбинең билендә калган мина кыйпылчыгын алды, егет махсус хәрби операция зонасында яраланган булган. Бу хакта клиниканың матбугат хезмәтендә сөйләделәр.

2 апрель, Халыкара балалар китабы көнендә, сәгать 14.00 дә «Салават күпере» һәм «Сабантуй» журналлары редакцияләре балалар өчен «Әкият- PARTY» дип исемләнгән бәйрәм үткәрә. Чара Шәрык клубында (Казан шәһ., Татарстан ур., 8 нче йорт) уза.

Алексеевск районы прокуратурасы үлем белән тәмамланган юл-транспорт һәлакәтенә бәйле тикшерү үткәрә, һәлакәттә велосипедчы кечкенә малай үлгән, дип хәбәр итте Татарстан Республикасы прокурорының өлкән ярдәмчесе Руслан Галиев.

Казан Кремле территориясендәге Татарстан Республикасы Сынлы сәнгать музееның филиалы «Хәзинә» галереясендә 29 мартта Наилә Кумысникованың күргәзмәсе ачыла. Наилә Кумысникова – быел Татарстан Республикасының Габдулла Тукай исемендәге дәүләт премиясенә номинантларның берсе. 1995 елда Татарстанда беренче булып «Булгари» дип аталган халык һөнәрләре иҗади остаханәсен оештырган рәссам күн мозаикасы тәкъдим итәчәк.

«Бүгенге көндә хат язу методикасы онытылды. Туган тел укытучылары дәресләрдә хат язу методикасын яңартсын иде», - диде Минзәлия Закирова.

Татарстанда коткаручылар ир-атларга ярдәмгә килгән. Алар Кәвәл күлендә сазлыкта йөри торган техниканы сынап караганнар һәм боз астына төшеп киткәннәр.

20 апрельдә Казан телевизион манарасы Ураза гаетенә багышланган светодинамик шоуны кабызачак. Татар милли бизәкләре белән утлы шоу бәйрәм мохитен тудыра һәм шәһәр халкына гомумкешелек кыйммәтләре турында искә төшереп торачак. Бу хакта Татарстан мөселманнары Диния нәзарәтенең матбугат хезмәте хәбәр итә.

Түбән Камада дүртенче каттан 8 яшьлек малай егылгач баланы тәрбияләү бурычын үтәмәү турында җинаять эше ачканнар. Бу хакта Россия Тикшерү комитетының Татарстан буенча Тикшерү идарәсе матбугат хезмәте хәбәр итә.

Япониянең төньягында Хоккайдо утравы ярыннан ерак түгел 6,1 магнитудалы җир тетрәү булган. Цунами куркынычы юк. РИА Новости шул хакта хәбәр итә.

1 апрельдән Татарстанда санитар-экологик икеайлык башлана. Республика да яшәүчеләр кыш буена җыелган чүп-чардан җыештырырга чакырыла. Бу хакта журналистларга Казанда брифингта Татарстан экология һәм табигый байлыклар министры Александр Шадриков хәбәр итте.