Новости за 04.03.2023

Шушы көннәрдә «Татнефтедор» автомобиль юллары идарәсенең Зәй филиалы башлыгы Фидаил Хәернасов махсус хәрби операциядә катнашучы егетләр янында булып кайтты. Бу хакта «Зәй яңалыклары» сайтында хәбәр ителә.

10 мартта Түбән Камада Халыкны эш белән тәэмин итү үзәгендә гомумшәһәр вакантлы эш урыннары ярминкәсе була. Анда унга якын эш бирүче – кече һәм урта эшмәкәрлек вәкилләре катнаша. 

Язучы, шагыйрь, журналист  Ләбиб Леронның кызы Ләйлә Лерон-Бахмутова социаль челтәрдәге сәхифәсенә видео куйган. Анда ул «Татар ашлары йорты» янында «Юныс абый, безне гафу итегез» дигән язу тотып басып тора.

Лениногорскиның Г.Тукай исемендәге Үзәк китапханәдә туган ягыбызның горурлыгы, талантлы әдип, драматург, журналист Шамил Бикчуринның тууына 95 ел тулуга багышланган әдәби кичә узды. Әлеге әдәби-мәдәни чарада аны белгән, аның иҗатын хөрмәт иткән «Чишмә»дәшләре, дуслары җыелган иде.

Бүген Ташкентның Krokus Plaza кунакханәсендә Бөтендөнья татар ашлары көненә багышланган чара уза. Ул 28 февральдә, танылган кулинар Юныс Әхмәтҗановның туган көнендә билгеләп үтелә. Юныс Әхмәтҗанов беренче татар милли ашлары ресторанына нигез салучы. Аның уникальлеге – ул Татарстанның барлык авылларыннан рецептлар җыеп, 17 китап бастырган.

Татарстан синоптиклары Татарстанда һава шартларының бозылуы турында кисәтте. Бу турыда республиканың Гидрометеорология һәм әйләнә-тирә мохит мониторингы идарәсе сайтында хәбәр ителә.

Бүген Казанның Авангард урамындагы 87нче йортта янгын чыккан. Тугыз катлы торак йортның бишенче катында фатир яна башлаган, дип хәбәр иттеләр Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә.

https://tatar-congress.org/

2023 елның 28 февралендә Апас район мәдәният йортында иҗат коллективлары һәм декоратив-гамәли сәнгать осталары катнашында «Милли мәдәниятләр һәм гореф-гадәтләр елы»н ачуга багышланган тантаналы чара узды. Бөтендөнья татар конгрессы сайты шул турыда хәбәр итә.

Кунакларны өй токмачы, борынгы рус ысулы белән кәбестә тозлау, сөлге чигү һәм милли киемнәр тегү, кәрзиннәр үрү, чуваш милли баш киеме элементларын ясау кебек мастер-класслар белән каршы алдылар. Читать дальше...

Традицион халык уеннарының «УенФест» халыкара фестиваль-бәйгесе башлана. Конкурс өлешенең беренче сайлап алу этабы 2023 елның 1 мартыннан 16 маена кадәр читтән торып узачак. Быел фестиваль-конкурс халыкара статус ала һәм якын чит илләрне халык уеннары бәйрәмендә катнашырга чакыра. «Татарстанның мәдәният ресурс үзәге» сайты шул турыда хәбәр итә.

ТР Алабуга районы матбугат хезмәте

Алабуга районы башлыгы Рөстәм Нуриев мобилизацияләнгән якташы гаиләсен бала туу белән котлады. Яңа туган кыз муниципаль берәмлектә хәрби хезмәткәр гаиләсендә дөньяга килгән беренче кыз булды, дип хәбәр иттеләр Алабуга районы матбугат хезмәтендә.

Сабый Ватанны саклаучылар көне алдыннан, 22 февральдә туган, һәм әнисе әйтүенчә, кыз бала әтисенә бик охшаган. Әти-әнисе аңа Евгения дип исем биргән. Ул гаиләдә икенче бала.

Рөстәм Нуриев хәрби хезмәткәрнең хатынына чәчәк бәйләме... Читать дальше...

Чувашия Республикасында 9 нчы мәртәбә «Буыннарны тоташтыра торган бәйрәм» дигән республика фестивале узды. Аны Чувашия Диния нәзарәте Россия мөселманнары Дини җыены Үзәкләштерелгән дини оешмасы ярдәмендә оештырган. Дини җыенның матбугат хезмәте шул турыда хәбәр итә.

ТРның Россиядәге вәкаләтле вәкиллеге матбугат хезмәте

Бүген Фикрәт Табиевның (1928-2015) тууына 95 ел тулды. Татарстан Республикасының Россия Федерациясендәге Тулы вәкаләтле вәкиле урынбасары Эмиль Фәйзуллин, Тулы вәкаләтле вәкиллек хезмәткәрләре Табиевның өлкән улы Эмиль Табиев белән Мәскәүнең Данилов зиратында аның каберенә, әнисенең һәм абыйсының каберләренә чәчәкләр салды. Вәкиллек сайты шул турыда хәбәр итә.

Фикрәт Табиев - талантлы, көчле җитәкче була, ул хәлиткеч дәүләт... Читать дальше...

Хайваннарның куркыныч авыруларын профилактикалау мәсьәләләре өстенлекле булырга тиеш. Татарстан Рәисе Рөстәм Миңнеханов Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдиновның республикада эпизоотик вәзгыять турында докладына шулай дип фикерен белдерде.

Казан ТЮЗы 14 - 23 март көннәрендә «Бердәм Россия» партиясенең «Театр - балаларга» федераль проекты кысаларында куелган спектакльләре декадасын үткәрә.

Татарстанда өченче көн рәттән коронавирус белән авыручылар саны арта. Соңгы тәүлектә тагын 161 кеше инфекция йоктырган, кичә 153 кешедә карсланган булган. Стопкоронавирус.рф порталында шул турыда мәгълүмат бар.

Әстерхан өлкәсе мөфтие Назыймбәк хәзрәт Ильясов вафат. Аңа 72 яшь булган. Мөфтинең озак авырудан соң вафат булуы турында хәбәр ителә.

Фото: Рамил Гали

Татарстан Республикасы Сынлы сәнгать музееның Казан Кремлендәге филиалы - «Хәзинә» милли сәнгать галереясендә «Казан авангарды. Икенче дулкын» циклыннан дүртенче күргәзмә ачылды. Ул «Төс формуласы» дип атала һәм анда 150гә якын хезмәт туплаган. Күргәзмәдә хәзерге заманның иң күренекле татар рәссамнарының берсе Рөстәм Килдебәковның эшләре тәкъдим ителә.

«Остаханәсендә, иҗат лабораториясендә дистәләгән еллар яткан эшләрен Рөстәм Килдебәковның бүген үзе күргәзмәдә күрүенә мин бик шат. Читать дальше...

Фото: шаһитләр

Кичә Биектау бистәсендә кичке уннар тирәсендә җитди юл-транспорт һәлакәте булган. Татарстан Республикасы буенча Эчке эшләр министрлыгының матбугат хезмәтендә «Татар-информ»га шул турыда хәбәр иттеләр.

Анда берьюлы өч автомобиль – «Лада Гранта», «Лада Калина» һәм «Нива» бәрелешәкн. Көчле бәрелүдән соң автомобильләр юл кырына чыгып очкан.

Фото: шаһитләр

«Юл-транспорт һәлакәтендә ким дигәндә өч кеше, шул исәптән бала зыян күргән. 10-12 яшьлек малайны хастаханәгә алып киткәннәр»... Читать дальше...

15 апрельдә Татарстанда «Уңайлы шәһәр мохитен формалаштыру» федераль программасы кысаларында төзекләндерү объектларын сайлап алу буенча онлайн тавыш бирү башлана. Бу хакта Татарстанның Төзелеш, архитектура һәм торак-коммуналь хуҗалык министры Марат Айзатуллин Хөкүмәт Йортында узган республика киңәшмәсендә хәбәр итте. Татарстан Республикасы Рәисенең матбугат хезмәте шул турыда яза.

Татарстанда 1 миллион 28 мең квадрат метр торак файдалануга тапшырылган, бу – еллык планның 33 проценты. Бу хакта Татарстанның Төзелеш, архитектура һәм торак-коммуналь хуҗалык министры Марат Айзатуллин Хөкүмәт Йортында узган республика киңәшмәсендә хәбәр итте. Татарстан Республикасы Рәисенең матбугат хезмәте шул турыда яза.

Кайбыч районында пычрак кар ташылган ике зур кар чүплеге табылган. Экологлар Кайбычта яшәүчеләрнең шикаятьләреннән соң шул җирне тикшерде, дип хәбәр итә Татарстанның Экология һәм табигать ресурслары министрлыгының матбугат хезмәте.

«Туган як» газетасы редакциясе, традиция һәм милли-патриотик тәрбияне үстерүгә этәргеч була­рак, Ватанны яклаучылар көненә туры китереп, ел саен ир-атлар арасыннан ватан һәм милләтпәрвәрлектә зур эшләр кылучылардан иң яхшысына «Ел кешесе» исеме бирә. Ә 8 Март бәйрәменә туры китереп, хатын- кызлар арасыннан шушы юнәлештәге иң үрнәк бул­ганнарын сайлап ала.

Бүген, 4 мартта, Мәскәүдә Татар мәдәни үзәгендә татарларларның традицион музыка коралларына багышланган лекция узачак. Мәскәү татарлары автономиясе сайты шул турыда хәбәр итте.

Якынлашып килүче бәйрәмнәр уңаеннан Татарстанда күп функцияле үзәк бүлекләренең эш графигы үзгәрәчәк. 8 март – ял көне, ә 7 мартта барлык офисларда эш көне 1 сәгатькә кыскартыла.

Татарстанда урнашкан оборона сәнәгате комплексы предприятиеләренә үткән елның сентябреннән 5 меңнән артык кеше эшкә урнашкан. ТР Сәнәгать һәм сәүдә министрлыгы мәгълүматлары буенча, бүгенге көндә 4 мең эшче урынына вакансия калган.