Новости за 24.03.2023

Математика, рус теле һәм әдәбияты укытучыларына ихтыяҗ зур. Бу турыда Хезмәт һәм мәшгульлек буенча федераль хезмәтнең матбугат хезмәте «Работа России» порталы мәгълүматларына сылтама белән хәбәр итә. РИА Новости шул хакта хәбәр итә.

Уфада легендар опера җырчысы, РСФСР һәм БАССР халык артисты Мәгафура Салигаскаровага мемориаль такта ачу тантанасы була. Бу хакта «Башинформ» хәбәр итә.

Татарстанда узган елда ике яшькә кадәрге биш бала туберкулез йоктырган. Бу хакта «Татар-информ»га республиканың баш балалар фтизиатры Рәмзия Фатыйхова сөйләде.

Бүген «Татнефтехиминвест-холдинг» Директорлар советы утырышында нефть химиясендә инновацион проектлар каралды. Чара Татарстан Рәисе Рөстәм Миңнеханов рәислегендә узды.

Нәзарәтнең «Хозур» нәшрият йорты Сәйдә абыстай Аппакованың «Тузмас бүләк» китабын нәшер итте. 

Казан федераль университетының 3нче һәм 6нчы тулай торакларына капиталь ремонт ясауга 223 млн сум бүлеп биреләчәк. Бу тендерлар дәүләт сатып алулары сайтында чыкты.

Ил хакимиятен тәнкыйтьләргә мөмкин һәм кирәк. Бу хакта Россия Иминлек советы рәисе урынбасары Дмитрий Медведев журналистларның кайбер артистларның фикерләре турындагы сорауларына шулай дип җавап бирде.

Санкт-Петербургның Җәмигъ мәчетендә балалар арасында Коръән укучылар конкурсы узды. Ул бу мәчеттә беренче гыйбадәт кылуның 110 еллыгына багышланган.

Узган атнада, 13-20 мартта, Татарстанда дизель ягулыгы бәясе арзанайган. Шул ук вакытта бензинның барлык маркаларының бәясе элеккечә калган. Бу хакта Татарстанстат хәбәр итә.

«Басмада туган җире, нәселе, гаиләсенә багышланган, Татарстанның билгеле кешеләренә атап язылган шигырьләре, тормышы, иҗаты белән бәйле фотосурәтләре урын алган», - диде Флюра Абдуллина.

23-30 мартта Татарстанда кыяр, эремчек һәм ит продуктлары арзанайган. Бу турыда Татарстанстат хәбәр итә.

Татарстанда тугыз кеше - эшчеләр, мастерлар, предприятие җитәкчеләре, мәдәният эшлеклеләре «Фидакарь хезмәте өчен» медале белән бүләкләнде. Бу карарны Татарстан Рәисе Рөстәм Миңнеханов имзалады.

23 мартта Татарстан Милли музеенда «Казан утлары» концерты узды. Биредә Татар хор музыкасының XXI фестиваль-конкурсында катнашучы, Ильяс Әүхәдиев исемендәге Казан музыка көллиятенең татар хоры чыгыш ясады.

Рамазан-шәриф аеның 1 нче көнендә (23 мартта) Казанның Галиев мәчетендә Коръән хәтем кылына башлады. Коръәнне хәтем кылуга һәркем кушыла ала. Нәзарәтнең «ДУМ РТ» телеграмм-каналында аның турыдан-туры трансляциясе алып барыла. 

«18 буынын белүчеләр бар, барысы да үз нәсел агачын сәнгати югарылыкта эшләп килгән иде», - диде Флюра Абдуллина.

Татарстанда яшәүче өч кешегә республиканың атказанган машина төзүчесе исеме бирелде. Бу карарны Татарстан Рәисе Рөстәм Миңнеханов имзалады.

Татарстан мөфтие Камил Сәмигуллин изге Рамазан аеның беренче көнендә гражданнарны кабул итте. Очрашу алдан язылу буенча үткәрелде. Бу турыда Татарстан мөселманнары Диния нәзарәтенең матбугат хезмәте хәбәр итә.

Чиләбе өлкәсендә «Татар кызы. Яз чәчәкләре» һәм «Татар егете. Шаян батырлар» балалар төбәк милли бәйгесе уза. Катнашучыларга сайлап алу турына татар телендә Тукай шигырьләрен һәм «Идегәй» дастаныннан өзек сөйләү шарты куелган иде.

Самараның «Бердәмлек» газетасында Эльмира Шәвәлиеваның «Алкышлап озатырга иде…» дигән язмасы чыкты.

Чистай шәhәрендәге 2 нче гимназиядә күренекле язучы, публицист, драматург, җәмәгать эшлеклесе Гаяз Исхакый истәлекләренә багышланган XI Республикакүләм фәнни-гамәли конференциясе узды, дип яза Бөтендөнья татар конгрессы.

Түбән Кама муниципаль районында Татарстан телләре турындагы законнарны гамәлгә ашыру комиссиясе утырышында Милли мәдәниятләр һәм гореф-гадәтләр елы кысаларында уздырыла торган чараларның муниципаль планы турында фикер алыштылар. Эшлекле киңәшмә шәһәр мэры урынбасары Марина Камелина рәислегендә узды. Бу хакта Түбән Кама муниципаль районы рәсми сайтында хәбәр ителә.

Алабуга районы башлыгы Рөстәм Нуриев махсус хәрби операциядә катнашучылар белән очрашты. Хәзер алар Алабугада ял итә. Очрашу «Йолдызлык» мәдәни үсеш үзәгендә узды, анда алар өчен мәдәни программа әзерләнде.

Актанышның «Алтынчәч» балалар бакчасында мәктәпкәчә яшьтәге балаларга белем бирү максатыннан «Һөнәргә беренче адымнар» исемле төбәк чемпионаты уза. Әлеге бәйге «Яшь мастер» республика күләмендәге чемпионат кысаларында гамәлгә куелды.

Әлмәттә «Кем беләндер сөйләшәсе килә» музыкаль-шигъри программа тәкъдим ителде. Анда Татарстан Республикасының атказанган артисты Мәдинә Гайнуллина режиссер буларак чыгыш ясады. Бу турыда «Әлмәт тңанары» хәбәр итә.

Азнакайның Илбәк авылында Бәлеш бәйрәме үтте. Авыл уңганнары аның нинди генә төрен пешермәгән. Бу хакта «Азнакай» сайтында хәбәр ителә.