Новости за 27.06.2016

ახალი ვირუსი საქართველოში-ზუგდიდის ინფექციურ საავადმყოფოში ინდოეთის 4 მოქალაქე ამ დრომდე ექიმების ზედამხედველობის ქვეშ რჩება. ლაბორატორიულად დადასტურებულია, რომ მათგან ერთს დენგეს ვირუსი დაუდგინდა. უცხო ქვეყნის მოქალაქეები კლინიკაში მაღალი ტემპერატურით, თავის და კუნთების ძლიერი ტკივილით შეიყვანეს. სპეციალისტების განმარტებით, ეჭვი თავიდანვე დენგეს ვირუსზე გაჩნდა, რადგან ამ ინფექციის კერა სწორედ ინდოეთია. ოთხიდან ერთ პაციენტს დენგეს კლასიკური ცხელება დაუდგინდა.

მერვე მოწვევის პარლამენტი მუშაობას ასრულებს, თუმცა რამდენიმე მნიშვნელოვანი კანონპროექტი მისაღები რჩება. მათ შორის არის ის საკანონმდებლო პაკეტები, რომელიც მწვავე კრიტიკისა და ხმაურიანი დაპირისპირების თემა არაერთხელ გამხდარა. ორი მოსმენით დამტკიცებული სასამართლოს სისტემის რეფორმირების მესამე ტალღას, ისევე როგორც შინაგან საქმეთა სამინიტროს ინიციატივებს, საკანონმდებლო ორგანო სავარაუდოდ საპარლამენტო არჩევნების შემდეგ მიუბრუნდება. ამ დრომდე ღიად რჩება ფარულ მიყურადებასთან დაკავშირებით საკონსტიტუციო... Читать дальше...

აჭარის მთავრობაში შესაძლოა მნიშვნელოვანი საკადრო ცვლილებები განხორციელდეს. გაზეთ ქრონიკა+-ის რედაქტორი ელისო კილაძე ამტკიცებს, რომ უახლოეს მომავლში ქართული ოცნება არჩილ ხაბაძის მოხსნას გეგმავს. ასევე კილაძის ინფორმაციით უკვე შერჩეულია შემცვლელიც. სავარაუდოდ აჭარის მთავრობის თავმჯდომარის პოსტზე ხაბაძეს ზურაბ პატარაძე შეცვლის.

პარლამენტს ნონა თოდუასა და თამარ ლალიაშვილის კანდიდატურებზე მსჯელობა კიდევ ერთხელ მოუწევს. პრეზიდენტი უზენაესი სასამართლოს მოსამართლეობის ამ ორ კანდიდატურას არ ცვლის. პირველ ჯერზე ჩავარდნის მიუხედავად, გიორგი მარგველაშვილი საკანონმდებლო ორგანოს კიდევ ერთხელ მიმართავს და იმედოვნებს, რომ მე-8 მოწვევის პარლამენტი უფლებამოსილების დასრულებამდე მათ დაამტკიცებს. ამისთვის პრეზიდენტი მზადაა, ზაფხულში პარლამენტში საგანგებო სხდომაც მოიწვიოს.

შეიარაღებულ ძალებში წვევამდელებს აღარ გაიწვევენ. შესაბამის ბრძანებას თავდაცვის მინისტრმა დღეს მოაწერა ხელი, რაც იმას ნიშნავს, რომ თინა ხიდაშელის უწყება სამხედრო სავალდებულო გაწვევაზე უარს ამბობს. მინისტრმა დღეს ამ გადაწყვეტილების მიზეზებიც განმარტა და განაცხადა, რომ საქართველოს შეიარაღებულ ძალებში სამსახური პრესტიჟის საქმეა და არა იძულებითი ვალდებულება.

გავრცელებული ინფორმაციით ქართული ოცნების ცაარჩევნო სიის ფორმირება უკვე დასრულებულია და გადანაწილებული არიან მაჟორიტარობის კანდიდატებიც. კონკრეტულ გვარებს პარტია ჯერ არ ასახელებს და საოცნებო სიას პრემიერი სავარაუდოდ ივლისის დასაწყისში წარადგენს, თუმცა რამდენიმე რჩეული და მათ შორის ახალი სახეც უკვე ცნობილია.

დაპირების შესრულებამდე, რომელიც თინა ხიდაშელმა საზოგადოებას მისცა ორი კვირა დარჩა. თავდაცვის მინისტრის მტკიცებით ვარშავის სამიტზე ქვეყანა მაპს ვერა, მაგრამ შავი ზღვის უსაფრთხოების კონცეფციაში მონაწილის სტატუს მიიღებს. თინა ხიდაშელი ამბობს,რომ ნატო-ს სამიტის დასრულების შემდეგ თბილისი და ბრიუსელი უკვე კონკრეტულ გეგმაზე იმუშავებენ, თუ როგორ მოხდება ნატო-ს წევრ ქვეყნებთან ერთად საქართველოს დაცვა ზღვიდან.

შეერთებული შტატები საქართველოს თავდაცვითი შეიარაღებით დაეხმარება. ივლისში ოფიციალური შეთანხმება გაფორმდება, რაც ქართულ-ამერიკული სამხედრო თანამშრომლობის ახალ ეტაპს გულისხმობს.

დღეს ისევე როგორც ყველა ორშაბათს რუსთავი2-ის საღამოს ეთერი X ფაქტორს დაეთმობა. ყველაზე რეიტინგული და წარმატებული მუსიკალური შოუს მორიგ კონცერტზე დღეს 4 ფინალისტი გამოვლინდება.     

სოციალური მომსახურების სააგენტოს მიერ სოციალური რეაბილიტაციისა და ბავშვზე ზრუნვის 2016 წლის სახელმწიფო პროგრამის ფარგლებში ჩატარებულ ბაზრის კვლევაში კორუფციულ გარიგებაზე საუბრობს შესყიდვების მონიტორინგისა და სწავლების ცენტრის ხელმძღვანელი. გიორგი ბაჯელიძს განცხადებით კრიზისულ მდგომარეობაში მყოფი ბავშვიანი ოჯახების გადაუდებელი დახმარების პროგრამის კვლევა, არ ემსახურება შემსყიდველი მიერ უმცირესი ფასის გამოვლენას.

დიდი ბრიტანეთის მიერ ევროკავშირის დატოვების გადაწყვეტილება ნატო-ს ვარშავის სამიტზე გავლენას არ იქონიებს. განცხადება ამის შესახებ ბრიუსელში შეერთებული შტატების სახელმწიფო მდივანმა გააკეთა.

საქართველოს პრემიერმინისტრის პირველი ოფიციალური ვიზიტი შვეიცარიაში დაიწყო. უკვე გაიმართა ორდღიანი ვიზიტის ყველაზე მნიშვნელოვანი ღონისძიებაც. ხელი მოეწერა თავისუფალი ვაჭრობის შესახებ ხელშეკრულებას საქართველოსა და ევროპის თავისუფალი ვაჭრობის ასოციაციას შორის, რომელიც ოთხ ქვეყანას: ლიხტენშტეინს, ისლანდიას, ნორვეგიასა და შვეიცარიას აერთიანებს.

თინა ხიდაშელის გადაწყვეტილებას მისი უწყების მხრიდან საყოველთაო სავალდებულო სამხედრო სამსახურის კვოტის გაუქმების შესახებ სახალხო დამცველი აფასებს. მისი თქმით, სამხედრო სავალდებულო სამსახურში არსებობს ხარვეზები და ის უნდა გამოსწორდეს.

თავდაცვის მინისტრის თინა ხიდაშელის განცხადებით ნატო-ს ვარშავის სამიტისგან საქართველო შავი ზღვის უსაფრთხოების კონცეფციაში ჩართვას მოელის. ნაციონალურ მოძრაობაში ხელისუფლების რუსეთთან არსებული პოლიტიკის ფონზე ნატო-სა და ევროკავშირში დიდ მიღწევებს არ ელოდებიან.

თავდაცვის მინისტრის თინა ხიდაშელის განცხადება ნატო-ს ვარშავის სამიტისგან საქართველოს შავი ზღვის უსაფრთხოების კონცეფციაში ჩართვის მოლოდინის შესახებ პრეზიდენტ მარგველაშვილისთვის მისაღებია.

თავდაცვის მინისტრის გადაწყვეტილებას აკრიტიკებს დემოკრატიული მოძრაობის ლიდერი ნინო ბურჯანაძე. მისი თქმით თინა ხიდაშელის მიერ სამხედრო გაწვევის გაუქმება მინისტრთა კაბინეტთან შეთანხმების გარეშე მიუღებელი მოვლენაა. ბურჯანაძის აზრით ეს ფაქტი კიდევ ერთხელ ადასტურებს კოალიცია ქართული ოცნების ყოფილ წევრებს შორის არსებულ დაპირისპირებას. დემოკრატიული მოძრაობის ლიდერი თინა ხიდაშელის იმპიჩმენტზე საუბრობს.

უფასო პირადობის მოწმობის აქცია დასრულდა. ამის შესახებ საქართველოს იუსტიციის მინისტრმა, დღეს გამართულ ბრიფინგზე განაცხადა. თეა წულუკიანის თქმით, აქციით 194 670–მა საქართველოს მოქალაქემ ისარგებლა. მინისტრის ინფორმაციით, დღევანდელი მდგომარეობით საარჩევნო სიაში 2 მილიონ 367 ათას 175 ამომრჩევლის ზუსტი მონაცემია.

თეა წულუკიანი მიხეილ სააკაშვილის საქართველოში დაბრუნების შესაძლებლობებაზე საუბრობს. იუსტიციის მინისტრი საქართველოს ყოფილ პრეზიდენტს მის წინააღმდეგ აღძრულ სისხლის სამართლის საქმეს ახსენებს და გაფრთხილებას აძლევს. 

"როგორც ვატყობ დღეს თინა ხიდაშელის ბენეფისია," - ასე შეაფასა თავდაცვის მინისტრის თინა ხიდაშელის მიერ დღეს გაკეთებული განცხადება ქართული ოცნების წევრმა ნუკრი ქანთარიამ. თინა ხიდაშელის განცხადებით ნატო-ს ვარშავის სამიტისგან საქართველო შავი ზღვის უსაფრთხოების კონცეფციაში ჩართვას მოელის. დეპუტატი ნუკრი ქანთარია კი ამბობს, რომ მხოლოდ თავდაცვის მინისტრის სიტყვებს ვერ ენდობა.

The President of Georgia responded to Tina Khidasheli`s scandalous decision on abolishing compulsory military conscription. He said that such decisions must be considered with colleagues.

საქართველოს პრეზიდენტი გიორგი მარგველაშვილი სამხედრო-სავალდებულო სამსახურში გაწვევის შესახებ თინა ხიდაშელის მიერ მიღებულ სკანდალურ გადაწყვეტილებას ეხმაურება. მისი თქმით, ასეთი გადაწყვეტილებები უდნა იქნას განხილული კოლეგიალურად.

საქართველოს პრეზიდენტი გიორგი მარგველაშვილი კონსტიტუციური უფლების გამოყენებას არ აპირებს და ყოფილი პრემიერის ვანო მერაბიშვილის შეწყალებას არ ფიქრობს. ამის შესახებ პრეზიდენტიმა მარგველაშვილმა დღეს გამართულ პრესკონფერენციაზე განაცხადა.

ანა დოლიძე პრეზიდენტის საპარლამენტო მდივანი გახდა. ამის შესახებ პრეზიდენტმა რამდენიმე წუთის წინ სპეციალურ ბრიფინგზე განაცხადა. როგორც პრეზიდენტმა განმარტა ანა დოლიძე საპარლამენტო მდივნის ფუნქციას დღეიდან შეასრულებს და სწორედ ის წაუძღვება პარლამენტში პრეზიდენტის სახელით იმ მოსამართლეების კანდიდატების წარდგენის პროცესს, რომელთა დამტკიცებაზე საკანონმდებლო ორგანომ პრეზიდენტს უარი უთხრა.

თავდაცვის მინისტრის თინა ხიდაშელის მიერ მიღებულ გადაწყვეტილებას სავალდებულო სამხედრო სამსახურის გაუქმებასთან დაკავშირებით აკრიტიკებს პარლამენტის წევრი, თამაზ მეჭიაური. მისი თქმით,  თავდაცვის მინისტრის მიერ მიღებული ყველა გადაწყვეტილება არაადეკვატურია.

ჟურნალისტი ნინო მიქიაშვილი საქართველოს კულტურისა და ძეგლთა დაცვის სამინისტროს აუდიტის სამსახურის დასკვნას ასაჯაროებს.