Новости за 16.06.2016

სახელმწიფოსგან გამოყოფილი თანხით ამ დროისთვის მთელი საქართველოს მაშტაბით მხოლოდ 85 ადრეული გაფრთხილების სისტემაა დამონტაჟებული. სპეციალისტების განმარტებით იმისთვის, რომ ქვეყნის მოსახლეობა სტიქიისგან მეტ-ნაკლებად იყოს დაცული და მათი დროულად ევაკუირება მოხდეს, რამდენიმე ათეული მილიონი ევროს ტექნიკაა საჭირო.

კონტრაქტები, რომელიც არასამთავრობო ორგანიზაცია შესყიდვების მონიტორინგისა და სწავლების ცენტრმა შეისწავლა სახელმწიფო უწყებებში ჩატარებულ ტენდერებს თუ პირდაპირი მიყიდვის წესით გაფორმებულ ხელშკრულებებს ეხება. გიორგი ბაჯელიძე აცხადებს, რომ ბოლო წლების განმავლობაში კორუფციული გარიგებებით სახელმწიფო ბიუჯეტიდან ათეულობით მილიონი ლარი არამიზნობრივადაა გახარჯული.

გამოხატვისა და მედიის თავისუფლება, საგადასახადო სისტემის გამარტივება - ამ საკითხებზე გაამახვილა ყურადღება გიორგი კვირიკაშვილმა ბერლინში, ჰუმბოლდტის უნივერსიტეტში სიტყვით გამოსვლისას.

საქართველოს ხელიუსფლება გალის ოთხმრივ შეხვედრას ელოდება. უშედეგოდ დასრულდა ჟენევის მოლაპარაკებების მორიგი რაუნდი. ოკუპანტმა მხარემ სოფელ ხურჩაში მოკლული გიგა ოთხოზორიას საქმეზე მოლაპარაკების ფარგლებში არც ერთ შეკითხვას არ უპასუხა. მიუხედავად იმისა, რომ ქართულმა მხარემ საერთაშორისო დონეზეც დააყენა გიგა ოთხოზორია მკვლელის გადაცემის საკითხი, კვლავ უცნობი დარჩა რა საგამოძიებო მოქმდებები ტარდება საოკუპაციო ხაზთან მომხდარი სასტიკი მკველობის საქმეზე.

არასაპარლამენტო ოპოზიცია პრეზიდენტის ვეტოს მოლოდინშია. ოპოზიცია გიორგი მარგველაშვილს სთხოვს, რომ ხელი არ მოაწეროს საარჩევნო კოდექსში შესატან ცვლილებებს, რომელიც უფასო სარეკლამო დროის ახლებურ გადანაწილებას ითვალისწინებს.

ფრაქცია ქართული ოცნების თავმჯდომარის, გია ვოლსკის გუშინდელ შეფასებას, რომ პრეზიდენტის პოლიტიკური მდივანი, ფიქრია ჩიხრაძე პოლიტიკურად გაუწონასწორებელია, გიორგი მარგველაშვილის პრესსპიკერი გამოეხმაურა და კომენტარს არაადეკვატური უწოდა.

გიორგი მარგველაშვილი ყველა იმ მაღალჩინოსნის დასჯას ითხოვს, ვისი ქმედებების საფუძველზეც ევროსასამართლომ ვანო მერაბიშვილის საქმეზე გადაწყვეტილება მიიღო.

Nino Burjanadze names as Georgia`s top priority the regulation of relations with Moscow. The politician stated this at a press conference. According to the chairman of the United Democratic Movement, Georgia will not receive progress in viza liberalization with the EU nor will it become a NATO member.

ნინო ბურჯანაძე საქართველოს მთავარ პრიორიტეტად რუსეთთან ურთიერთობის დალაგებას ასახელებს. ამის შესახებ პოლიტიკოსმა დღეს გამართულ პრესკონფერენციაზე განაცხადა. გაერთიანებული დემოკრატიული მოძრაობის თავმჯდომარის აზრით, საქართველო ვიზალიბერალიზაციას ვერ მიიღებს და ვერც ევროკავშირის ან ნატო-ს წევრი ქვეყანა გახდება.

Georgian Defense Minister`s visit to Brussels ended with a meeting with the NATO Deputy Secretary General Alexander Vershbow.

German Foreign Minister will visit Georgia. The visit is scheduled for the beginning of July. Kvirikashvili spoke about the details of Frank-Walter Steinmeier`s visit at the meeting today .

საქართველოს თავდაცვის მინისტრის ოფიციალური ვიზიტი ბრიუსელში ნატო-ს გენერალური მდივნის მოადგილესთან, ალექსანდერ ვერშბოუსთან შეხვედრით დასრულდა. ნატო-ს შტაბ-ბინაში გამართულ შეხვედრაზე მხარეებმა ნატო-საქართველოს ურთიერთობები, ვარშავაში დაგეგმილ ნატო-ს სამიტთან დაკავშირებით საქართველოს მოლოდინები და თანამშრომლობის სამომავლო გეგმები განიხილეს. 

გერმანიის საგარეო საქმეთა მინისტრი საქართველოს ეწვევა. ვიზიტი ივლისის დასაწყისისთვის იგეგმება. დეტალებზე ფრანკ-ვალტერ შტაინმაიერთან შეხვედრაზე დღეს გიორგი კვირიკაშვილმა ისაუბრა.

გერმანიაში საქართველოს ელჩი აცხადებს, რომ ვიზალიბერალიზაციის პროცესი საქართველოს სასარგებლოდ დასრულდება და გერმანია ამ პროცესს მხარს უჭერს. ლადო ჭანტურიამ პრემიერმინისტრის ბერლინში ვიზიტი შეაფასა.

პრეზიდენტის პრესსპიკერის განცხადებით, უშიშროების საბჭოს მდივნის მოადგილედ ვანო მაჭავარიანი დაინიშნა. ეკა მიშველაძის თქმით, მაჭავარიანი კურირებას გაუწევს საერთაშორისო ურთიერთობებს.

ნაციონალური მოძრაობა სოფელ კორცხელის საბავშვო ბაღის დირექტორის პოლიტიკურ დევნაზე საუბრობს. თენგიზ გუნავას თქმით, ირმა ნაჭყებიას გათავისუფლებას წინ უძღვოდა მუქარა ადგილობრივი გამგებლისა და გუბერნატორის მხრიდან.

ნიკოლა სარკოზი რუსეთსა და ევროკავშირს სანქციების გაუქმებისკენ მოუწოდებს. განცხადება საფრანგეთის ყოფილმა პრეზიდენტმა პეტერბურგის საერთაშორისო ეკონომიკურ ფორუმზე გააკეთა. სარკოზი ფიქრობს, რომ შეზღუდვები ორივე მხარეს აზიანებს, თუმცა ფიქრობს, რომ პირველი ნაბიჯი მოსკოვმა უნდა გადადგას.

დონალდ ტუსკი ბრიტანელებს მიმართავს და ევროკავშირში დარჩენისკენ მოუწოდებს. ევროპული საბჭოს პრეზიდენტს მიაჩნია, რომ დიდი ბრიტანეთის ევროკავშირიდან გასვლა დიდი შეცდომა იქნება. მისი თქმით ახლა ორგანიზაციიდან გასვლას აზრი არ აქვს, რადგან ბრიტანეთის პოზიციები ევროკავშირის შიგნით გაცილებით უფრო ძლიერია ვიდრე აქამდე ყოფილა და მის აზრს დიდი ყურადღება ეთმობა. დონალდ ტუსკი პირობას დებს, რომ იმ შემთხვევაში თუ 23 ივნისს დაგეგმილ რეფერენდუმზე ბრიტანელები ევროკავშირში დარჩენას გადაწყვეტენ, ორგანიზაცია ერთი წლის ვადაში შეასრულებს იმ მოთხოვნებს... Читать дальше...

სტრასბურგის სასამართლოს გადაწყვეტილებაზე კახი კალაძის განცხადებას, იმის შესახებ, რომ  ადამიანის უფლებათა საერთაშორისო სასამართლომ ვანო მერაბიშვილი კანონიერ პატიმრად აღიარა, ნაციონალურ მოძრაობაში გამოეხმაურნენ. ოთო კახიძე ვიცეპრემიერს სასამართლოს გადაწყვეტილების კონკრეტული პუნქტების გაცნობას ურჩევს. 

გაერომ ისლამური სახელმწიფოს ქმედებები ეთნიკური ეზიდებთან მიმართებაში გენოციდად აღიარა. დასკვნა გაეროს სპეციალურმა კომისიამ მოამზადა, რომელიც სირიაში მიმდინარე მოვლენებს იძიებს.

პრეზიდენტის პრესსპიკერი ფიქრია ჩიხრაძეზე ფრაქცია ქართული ოცნების თავმჯდომარის, გია ვოლსკის კომენტარს გამოეხმაურა და მას "არაადეკვატური" უწოდა. ვოლსკის განცხადების შესახებ ეკა მიშველაძემ სპეციალურ ბრიფინგზე ისაუბრა. 

გიორგი მარგველაშვილი მიიჩნევს, რომ ვანო მერაბიშვილის საქმეზე ევროსასამართლოს გადაწყვეტილებას ჰყავს უშუალო პასუხისმგებელი პირები საქართველოს სამართალდამცავ და სასამართლო  სისტემაში. ამის შესახებ პრეზიდენტის პრესსპიკერმა, ეკა მიშველაძემ სპეციალურ ბრიფინგზე ისაუბრა. 

ინდონეზიის საკურორტო ზონას გიგანტური ტალღები დაატყდა თავს. ძლიერმა მოქცევამ კუნძულ ბალიზე რამდენიმე სასტუმრო დააზიანა და სანაპირო ზოლიდან ხალხი გაიტაცა. გავრცელებული ინფორმაციით, დაღუპულია ორი ტურისტი, კიდევ ორი ადამიანი კი დაკარგულად მიიჩნევა. ძლიერი მოქცევა ინდონეზიის სანაპიროზე უკვე მეოთხე დღეა ფიქსირდება. ტალღებმა სანაპირო ზოლში მდებარე სოფლებში წყალდიდობაც გამოიწვია.

პრეზიდენტი არასაპარლამენტო ოპოზიციასა და არასამთავრობო ორგანიზაციებს საარჩევნო კოდექსში რეკლამის განთავსების შესახებ შესატან ცვლილებებთან დაკავშირებით შეხვდება.

NDI-ის დელეგაციასთან შეხვედრას მართავს პოლიტიკური მოძრაობა სახელმწიფო ხალხისთვის.