Новости за 29.06.2016

მერი ღარიბაშვილი ექსპერტიზის ბიუროსგან მამამისის ცხედრის გადმოცემას და დამარხვას უკვე 2 წელია ითხოვს. შემთხვევა 2014 წლის ივლისში, გურჯაანის სოფელ ვაზისუბანში მოხდა. 79 წლის კაცი სოფლიდან დაიკარგა 3 დღიანი ძებნის შემდეგ კი ტყეში კი მისი ცხედარი დანაწევრებული იპოვეს. ამის შემდეგ ცხედრის ფრაგმენტები სამხარაულის სახელობის ექსპერტიზაზე გადაგზავნეს, თუმცა ოჯახს ცხედარს ამ დრომდე არ უბრუნებენ.

ეკონომიკის მინისტრის განცხადებას მოსახლეობის ნაწილის განაწყენება მოყვა. დიმიტრი ქუმსიშვილმა კომპანიებს და საზოგადოებას მითითებები უკვე მეორედ მისცა და დოლარის შეძენა მხოლოდ საჭიროების შემთხვევაში ურჩია.

ეუთოს საპარლამენტო ასამბლეის პრეზიდენტობის კანდიდატის პოსტზე გიგი წერეთელმა მმართველი გუნდის მხარდაჭერა ვერ მიიღო, თუმცა მისი არჩევის თხოვნით ორგანიზაციის ევროპულ დელეგაციებს გიორგი მარგველაშვილმა მიმართა. როგორც დღეს ცნობილი გახდა, არჩევნებზე ქართული ოცნების ფავორიტი არა საქართველოს პარლამენტის წევრი, არამედ მათი პარტნიორი სოციალ-დემოკარტების მიერ წარდგენილი კანდიდატი იქნება.

ქართული ოცნების პარტიულ რეიტინგებს ამ წუთებში სოციოლოგი ზურაბ ბიგვავა საზოგადოებრივი მაუწყებლის პირდაპირ ეთერში ასაჯაროებს. მანამდე კი მთელი დღის განმავლობაში პარტიის წევრებიც და მისი აღმასრულებელი მდივანიც ამბობდნენ, რომ კვლევები შიდა მოხმარებისთვისაა და მათი საზოგადოებისთვის წარდგენა არა თუ დღეს, არამედ შეიძლება არც შემდგომში მოხდეს. სხვა პარტიებთან თანაფარდობას და 100 მანდატს, როგორც არჩევნების სამომავლო შედეგს პარტიაში კვლევის მეთოდოლოგიისა და შემსრულებლის დაზუსტების გარეშე აცხადებენ.

ზემო აჭარაში სტიქიას ებრძვიან. ამ დრომდე გარესამყაროს არის მოწყვეტილი 5 სოფელი, 400-მდე მოსახლე კი ელექტროენერგიისა და წყლის გარეშეა დარჩენილი. ჩამოწოლილმა მეწყერმა ზემო აჭარის რამდენიმე სოფელში ხიდი წაიღო. ბოლო მონაცემებით, უჩამბას ხეობის 5 სოფლიდან ალტერნატიულ საცხოვრებელში 15-ზე მეტი ოჯახია გახიზნული.

სტამბოლში მომხდარი ტერაქტის შემდეგ საქართველოს საზღვარსა და თბილისის საერთაშორისო აეროპორტში უსაფრთხოების ზომები გამკაცრდა. 

სტამბოლის ტერაქტის თვითმხილველები ქართველებიც არიან. მათი ნაწილი ამ დრომდე სასტუმროში იმყოფება, თუმცა მძიმე ღამის გათენება მათ ქუჩაში მოუხდათ.

თურქეთის ტერორიზმთან ბრძოლის სამსახურმა თავდასხმიდან თითქმის 24 საათის შემდეგ სავარაუდო ტერორისტის პირველი ფოტო გამოაქვეყნა. ეჭვმიტანილი ფეხსაცმლით ამოიცნეს. სამართალდამცველებმა აეროპორტში ორი აუფეთქებელი ხელყუმბარაც იპოვეს, ერთ-ერთი თავდამსხმელის ზურგჩანთაში იყო.

ეკონომიკის მინისტრმა ვალუტის კონვერტაციაზე რჩევები ამჯერად მოსახლეობასთან ერთად კომპანიებსაც მისცა. დიმიტრი ქუმსიშვილის მიდგომა უცვლელია, ყველა სუბიექტმა კონვერტაციას მხოლოდ საჭიროებისამებრ უნდა მიმართოს. მინისტრის ამ განცხადებას აფასებენ არასამთავრობო ორგანიზაციის წევრები.

ეკონომიკის მინისტრმა ვალუტის კონვერტაციაზე რჩევები ამჯერად მოსახლეობასთან ერთად კომპანიებსაც მისცა. დიმიტრი ქუმსიშვილის მიდგომა უცვლელია, ყველა სუბიექტმა კონვერტაციას მხოლოდ საჭიროებისამებრ უნდა მიმართოს. მინისტრის ამ განცხადებას აფასებენ ექსპერტები და პოლიტიკოსები.

პოლიტიკური მოძრაობა სახელმწიფო ხალხისთვის თავმჯდომარე დიდ ჯიხაიშში ადგილობრივებს შეხვდა. პაატა ბურჭულაძემ თანაგუნდელებთან ერთად შეკრებილებს პარტიის სამოქმედო გეგმა გააცნო და მათ მოძრაობის ეკონომიკურ და სოციალურ პოლიტიკაზე ესაუბრა.

სირიაში საქართველოს კიდევ ერთი მოქალაქის გარდაცვალების შესახებ დღის განმავლობაში უკვე მეორედ ვრცელდება ინფორმაცია. გავრცელებული ინფორმაციით, საბრძოლო მოქმედებების დროს დაღუპული პანკისის ხეობის სოფელ დუისში მცხოვრები, 39 წლის ომარ მარგოშვილია, რომელიც, სავარაუდოდ, ე.წ. ისლამური სახელმწიფოს წევრი იყო.

პარიზში კონტროლის პალატის ყოფილი თავმჯდომარე სულხან მოლაშვილი გარდაიცვალა. იგი 47 წლის იყო.

Archil Khabadze has confirmed the current consultations regarding the position of the government chairman.

არჩილ ხაბაძე აჭარის მთავრობის თავმჯდომარის პოზიციაზე მიმდინარე კონსულტაციებს ადასტურებს.

President Margvelashvili is on a visit to Germany, President arrived in Berlin accomanied with the First Lady and the delegation . According to the Administration of the President, the main purpose of the visit is to maintain the relevance of the Georgian issue against the BREXIT`s background.

საქართველოს პრეზიდენტის ვიზიტი გერმანიაში-გიორგი მარგველაშვილი ბერლინში პირველ ლედისთან და დელეგაციასთან ერთად ჩავიდა. პრეზიდენტის ადმინისტრაციის განმარტებით, ვიზიტის მთავარი მიზანი BREXIT-ის ფონზე საქართველოს საკითხის აქტუალურობის შენარჩუნებაა.

ათათურქის აეროპორტში მომხდარი ტერაქტის შემდეგ თურქეთს სამძიმარს მთელი მსოფლიო უცხადებს. ნატო-ს გენერალური მდივანი წერილობით განცხადებაში ამბობს, რომ ტერორიზმს გამართლება არ აქვს და მოკავშირეები ამ ბრძოლაში თურქეთს სოლიდარობას უცხადებენ.

"ერთობლივად უნდა გავაგრძელოთ ბრძოლა ტერორიზმის წინააღმდეგ"- ეს განცხადება იანოშ ჰერმანმა სტამბოლში მომხდარ ტერაქტთან დაკავშირებით გააკეთა. საქართველოში ევროკავშირის ელჩმა მომხდარი დაგმო. 

"Together we must continue to fight against terrorism" - This statement was made in connection with the terrorist act in Istanbul, Janos Herman, the European Union`s ambassador to Georgia condemned the incident.

შარლი ებდოს ისევ თავდასხმით ემუქრებიან. ფრანგული მედიის ინფორმაციით, რედაქციის ფეისბუქის გვერდზე, უცნობებმა მუქარის შემცველი ჩანაწერები დატოვეს და თანამშრომლების მკვლელობით დაიმუქრნენ. მოგვიანებით კი გამოცემამ ანალოგიური შინაარსის ანონიმური წერილიც მიიღო.

რომის პაპმა სტამბოლში მომხდარი ტერაქტი დაგმო. პაპმა ფრანცისკემ წმინდა პეტრეს მოედანზე შეკრებილ მორწმუნეებს პეტრე-პავლობის დღესასწაულთან დაკავშირებით მიმართა და მომხდარს არაადამიანური თავდასხმა უწოდა.

ამ დროისთვის არსებული ინფორმაციით, სტამბოლიდან თბილისის მიმართულებით პირველი რეისი საღამოს 21:30-საათზე შესრულდება, რის შემდეგაც თბილისიდან სტამბოლის მიმართულებით 2 რეისი განხორციელდება.

According to current information, the first flight from Istanbul to Tbilisi will be carried out at 21: 30 pm day, after which two flight will be carried out from Tbilisi to Istanbul .

თურქ ხალხს მინისტრთა კაბინეტის წევრებმა მიუსამძიმრეს. საქართველოს პირველი ვიცე-პრემიერის, ეკონომიკისა და მდგრადი განვითარების მინისტრის დიმიტრი ქუმსიშვილის თქმით, ასეთი რაღაცეები ქვეყანაში არ უნდა ხდებოდეს.