Новости за 25.06.2016

ნაციონალური მოძრაობის წევრი, რომან გოცირიძე, ლარის გაუფასურებას ხელისუფლების მხრიდან საზოგადოებისთვის გაცემულ არასწორ სიგნალებს უკავშირებს და ეროვნული ბანკის მონეტარულ პოლიტიკას აკრიტიკებს.

„მე მგონი, იხუმრა,“ - ლარის კურსის ვარდნის გაერთიანებული სამეფოს ევროკავშირიდან გასვლასთან დაკავშირებას ნაციონალური მოძრაობის წევრი, რომან გოცირიძე, არასერიოზულს უწოდებს.

„ევროკავშირზეც ამას, ბუნებრივია, დიდი ზეგავლენა ექნება. ეს არ არის კატასტროფული შედეგის მომტანი და ის ამ გამოწვევა გაუძლებს, უბრალოდ ზეგავლენას იქონიებს,“ -ეს განცხადება დიდი ბრიტანეთის მიერ ევროკავშირის დატოვებასთან დაკავშირებით საგარეო საქმეთა ყოფილმა მინისტრმა, ეკა ტყეშელაშვილმა, კურიერის პირდაპირ ეთერში გააკეთა.

ევროკავშირი ბრიტანეთის გარეშე - გაერთიანებული სამეფოს მოსახლეობის ნაწილი ახალი რეფერენდუმის ჩატარებას ითხოვს. პეტიციას, რომელიც საკანონმდებლო ორგანოს ვებ-გვერდზეა გამოქვეყნებული, უკვე მილიონნახევარზე მეტმა ადამიანმა მოაწერა ხელი.

“დიახ, კანონი ნამდვილად დაირღვა,“ - ეს განცხადება არასამთავრობო ორგანიზაცია საქართველოს დემოკრატიული ინიციატივას თავმჯდომარემ, გიორგი მშვენიერაძემ, ტელეკომპანია რუსთავი2-ის საქმეზე გადაწყვეტილების დაჩქარებულ ვადებში ჩაბარებასთან დაკავშირებით გააკეთა.

სააპელაციო სასამართლოს მიერ საკუთარი ინიციატივით ჩაბარებული დასაბუთებულ გადაწყვეტილებას არასამთავრობო ორგანიზაცია საერთაშორისო გამჭვირვალობა - საქართველოს პროექტის მენეჯერი, გიორგი გვილავა, "უპრეცედენტოს" უწოდებს.

ტელეკომპანია რუსთავი2 მეორე ინსტანციის გადაწყვეტილების უზენაეს სასამართლოში გასაჩივრებისთვის ემზადება. ამის შესახებ კურიერის პირდაპირ ეთერში ტელეკომპანიის ადვოკატმა, დიმიტრი საძაგლიშვილმა, ისაუბრა.

ზურა კიწმარიშვილი პროკურატურის იმ დასკვნას, რომლის მიხედვითაც, ეროსი კიწმარიშილმა თავი მოიკლა, არ ეთანხმება.

დღეს პუშკინის ქუჩაზე საავტომობილო მოძრაობა გადაიკეტება.  ამის შესახებ ინფორმაციას თბილისის მერია ავრცელებს.

მეორე ინსტანციის გადაწყვეტილების უზენაეს სასამართლოში გასაჩივრებისთვის, რუსთავი 2-ის მხარემ მუშაობა დაიწყო. ამ პროცესის დაწყება კომპანიის იურისტებს დაგეგმილზე ადრე მოუწიათ. მიზეზი სააპელაციო სასამართლოს მიერ ვადაზე ადრე - საკუთარი ინიციატივით ჩაბარებული დასაბუთებული გადაწყვეტილებაა.

ეროსი კიწმარიშვილის საქმე დახურულია - ამ კვირაში მთავარმა პროკურატურამ "რუსთავი 2"-ის დამფუძნებლის გარდაცვალების საქმეზე გამოძიება დაასრულა.

ცნობილი ჰოლივუდელი კინომწარმოებლების წარმომადგენლები ანაკლიის პოტენციალს ადგილზე გაეცნენ.

პრემიერ-მინისტრი სამეგრელოში იმყოფებოდა. გიორგი კვირიკაშვილმა აბაშაში მდებარე საკონდიტრო საწარმო დაათვალიერა. ვესტ ჯორჯიან ბეიკერი  „აწარმოე საქართველოში“ ფარგლებში გაიხსნა და მასში 44 ადგილობრივი მცხოვრებია დასაქმებული.

თბილისში ქუჩის მუსიკის ფესტივალი დაიწყო. კონცერტები რუსთაველის გამზირზე რამდენიმე ლოკაციაზე იმართება.

თბილისის საქალაქო სასამართლომ დაკავებული ბაიკერების საქმეზე იმსჯელა. მოსამართლის გადაწყვეტილებით, 2 ბაიკერი სასამართლო დარბაზიდან გაათავისუფლეს, ხოლო ერთ-ერთ მათგანს 250-ლარიანი ჯარიმა დაეკისრა.

კახეთს ოფიციალური ვიზიტით საფრანგეთის ელჩი სტუმრობს. პასკალ მენიე საელჩოს ეკონომიკის ატაშესთან და უსაფრთხოების სამსახურის უფროსთან ერთად კახეთის გუბერნატორს შეხვდა.

აშშ-ში ვიზიტის ფარგლებში გირჩის თავმჯდომარე, ზურაბ ჯაფარიძე, NDI-ის დირექტორს შეხვდა.

ამ წუთებში თბილისის სხვადასხვა რაიონში ბაიკერები იკრიბებიან. ისინი მდუმარე აქციით ბოლო 2 დღის განმავლობაში განვითარებულ მოლენებს აპროტესტებენ. 

მცხეთა–სტეფანწმინდა–ლარსის საავტომობილო გზა ისევ გადაკეტილია. დარიალის ხეობაში განვითარებული სტიქიური პროცესების გამო, მესამე დღეა, გაჩერებული ავტომანქანების რამდენიმე კილომეტრიანი კოლონა გზაზეა გაჩერებული.

ბრიტანეთის რეფერენდუმის შედეგების გამო თანამდებობას ტოვებს ევროკომისიაში დიდი ბრიტანეთის წარმომადგენელიც.

შოტლანდიამ დამოუკიდებლობის საკითხზე მეორე რეფერენდუმისთვის მზადება დაიწყო. პარალელურად, ევროკავშირში დამოუკიდებლად გაწევრიანების შესახებ მოლაპარაკებას იწყებს. 

ევროკავშირის დამფუძნებელი ქვეყნები გაერთიანებულ სამეფოს მოუწოდებენ, ევროკავშირიდან გასვლის პროცესი, რაც შეიძლება, მალე დაიწყოს.

სამოქალაქო პლატფორმა - ახალი საქართველო საპარლამენტო არჩევნებისთვის კანდიდატთა სიის ფორმირებას პრაიმერის გზით მოახდენს.

წიგნი ყველა სოფელს - პროექტის ფარგლებში გამოფენა-გაყიდვა მოეწყო თბილისში. დღის განმავლობაში ცნობილი ამერიკული რესტორნის სტუმრებს საშუალება ექნებათ, ფასდაკლებით შეიძინონ და გაუგზავნონ წიგნები მათ, ვისთვისაც ისინი ხელმიუწვდომელია.

გაერთიანებულ სამეფოში რეფერენდუმის ხელახლა ჩატარების თაობაზე პეტიციას ხელი უკვე 1 მილიონზე მეტმა მოაწერა.