Новости за 05.06.2016

ხელოვნური სუნთქვა - სერიალ ჩემი ცოლის დაქალების შემქმნელები რუსთავი 2-ზე ახალ სერიალს იწყებენ.

მსოფლიოს უძრავი ქონების ფედერაცია FIABCI-იმ, პანამა წლევანდელი კონგრესის მასპინძელ ქვეყნად შეარჩია. მსოფლიოს 40 ქვეყნიდან დაკომპლექტებულმა 70 კაციანმა ჟიურიმ სხვადასხვა კატეგორიაში საუკეთესო კომაპნიები და პროექტები უნდა გამოავლინოს.

თბილისის მერის, დავით ნარმანიას ძმას სადაზღვევო კომპანია უნისონის ხელმძღვანელები, მათი კერძო საკუთრების ხელყოფაში ადანაშაულებენ.  დავის მიზეზი თბილისში გამრეკელის 19-ში მდებარე კომერციული ფართია.

ნაძალადევის ფერდობზე გაშენებულ პირველი ხელოვნური ტყე-პარკის ტერიტორიაზე, ასობით ხე უკვე მონიშნულია მოსაჩეხად, ყველას ძირი აქვს დამწვარი და ხელოვნურად არის გამხმარი - მიზანი სამშენებლო ტერიტორიის გათავისუფლებაა.

შინაგან საქმეთა სამინისტრო რუსთავი 2-ის ეთერში გასულ სიუჟეტს პასუხობს. საქმე ეხება ონში, პოლიციის მაღალჩინოსნების - ზაზა ჩუბინიძესა და პავლე ბუბულაშვილს შორის მომხდარი კონფლიქტის. უწყება განმარტავს, რომ გენერალურმა ინსპექციამ მოკვლევა ჩაატარა, რის საფუძველზეც ინციდენტში მონაწილე პოლიციელები თანამდებობიდან დაითხოვეს.

ზესტაფონის პოლიციის სამმართველოს უფროსი - პავლე ბუბულაშვილი და ტყიბულის პოლიციის სამმართველოს უფროსი - ზაზა ჩუბინიძე, ერთმანეთს ფიზიკურად დაუპირისპირდნენ. ჩხუბი პოლიციის ორ მაღალჩინოსანს შორის ხელკეტების გამოყენებით რაჭაში, რესტორან ორიონში მოხდა. ინფორმაცია სკანდალის შესახებ ვებპორტალმა ქუთაისი თუდეიმ 30 მაისს გაასაჯაროვა.

ოზურგეთის II საჯარო სკოლის მე-12 კლასელთა გამოსაშვები საღამო, გურიაში განხილვის მთავარი თემა გახდა. მოსწავლეებმა სპექტაკლში, რომელიც ოზურგეთის თეატრის სცენაზე ითამაშეს, ხუმრობით ბიძინა ივანიშვილის ფიქრები გადმოსცეს. სპექტაკლის კულმინაცია სცენაზე მცურავი ხე იყო. მოსწავლეების ხუმრობამ გავრცელებული ინფორმაციით გურიის გუბერნატორი გაანაწყენა, რომელმაც დარბაზი ჯერ დატოვა, შემდეგ კი უკან დაბრუნდა. 

დედისა და ნაჯახის როლი ქართულ მართლმსაჯულებაში - ამ თემაზე საავტორო რეპორტაჟი ჟურნალისტმა თენგიზ გოგოტიშვილმა სპეციალურად P.S.-თვის მოამზადა. 

რუსთავი 2-ის საქმის განმხილველმა მოსამართლემ ნათია გუჯაბიძემ მასზე გავრცელებულ სკანდალურ ინფორმაციას, რომლის თანახმადაც იგი წლების განმავლობაში სახელმწიფო სახსრებით დედისგან ბინას ქირაობდა, სამაუწყებლო კომპანიის სასამართლო პროცესზე უპასუხა და განაცხადა, რომ მის მიმართ არც სამართლებრივი და არც დისციპლინური დევნა არ ხორციელდება. 

ზაჰესის ტერიტორიაზე გუშინ ჩაშლილი ფესტივალი დღეს უკვე მარჯანიშვილის გამზირზე, ყოფილი კინოსტუდიის ტერიტორიაზე გრძელდება, თუმცა სასულიერო პირების მიერ გვიან ღამით ფესტივალზე ჩადენილ ქმედებებს დრეს როგორც მისი მონაწილეები ასევე საპატრიარქოს წარმომადგენლებიც ეხმაურებიან.

საქართველო ისევ ვიზალიბერალიზაციის მიღების მოლოდინშია. ევროკომისიის პოზიტიური დასკვნის შემდეგ იმისათვის, რომ საქართველოს მოქალაქეებმა შეძლონ უვიზოდ იმოგზაურონ შენგენის ზონაში, საჭიროა კიდევ ორი ევროსტრუქტურის გადაწყვეტილება-საბჭოსი და პარლამენტის. მიუხედავად არსებული პოზიტიური მოლოდინებისა, ორი შეხვედრის განმავლობაში საბჭოს მუდმივმა წარმომადგენლებმა, შეთანხმებას ამ საკითხზე ვერ მიაღწიეს.

თამაზ მეჭიაური ახალი პარტიის შესაქმენალდ ემზადება. როგორც დეპუტატმა რუსთავი 2-თან საუბრისას განაცხადა, ხვალ ჟურნალისტებს იმ პირებს გააცნობს, ვინც მისი ახალი პარტიის საინიცატივო ჯგუფში იქნებიან. მეჭიაურის თქმით ამ ეტაპზე მის გუნდში 5 ადამიანია, თუმცა მათ ვინაობას არ აკონკრეტებს. 

ღვინის მე-8 საერთაშორისო კონკურსის გამარჯვებულები დააჯილდოვეს.
კონკურსზე ღვინის ნიმუშები წარდგენილი ჰქონდათ როგორც მსხვილ კომპანიებს, ისე მცირე და საოჯახო მარნებს, ჯამში 40 კომპანიის 153 სხვადასხვა დასახელების ღვინო.

ქაბულში საქართველოს სახელმწიფო ჰიმნის ფონზე ავღანეთში დაღუპული ქართველი მეომრების მემორიალი გაიხსნა. ცერემონიალს ავღანეთში ვიზიტით მყოფი საქართველოს თავდაცვის მინისტრი დაესწრო.

გასული წლის ანგარიში სახელმწიფო აუდიტის სამსახურმა უკვე მოამზადა. 291 გვერდიანი დოკუმენტში დეტალურად არის გაწერილი, ვინ როდის და რამდენად კანონიერად ხარჯავდა ბიუჯეტის ფულს.

ძლიერი წვიმის გამო შეფერხდა გიორგი ვაშაძის ახალი პოლიტიკური პლატფორმის დაფუძნებასთან დაკავშირებით მოძრაობის მხარდამჭერების მსვლელობა თბილისში. რეგიონებიდან ჩამოსული მოქალაქეები და დედაქალაქის მცხოვრებლები ვარდებისა და კოლმეურნეობის მოედნებსა და თავისუფლების მეტროსთან შეიკრიბნენ,  ამ წუთებში პლატფორმა ახალი საქართველოს დამფუძნებელი გიორგი ვაშაძე დამსწრე საზოგადოებას სიტყვით მიმართავს.

ნაციონალური მოძრაობის ლიდერები წილკაანის დევნილ მოსახლეობასა შეხვდნენ. ზურაბ მელიქიშვილთან და ნუგზარ წიკლაურთან საუბრისას, ადგილობრივებმა საძოვრების სახელმწიფოს მხრიდან გასხვისება გააპროტესტეს და ამორტიზირებულ საგზაო ინფრასტრუქტურის მოწესრიგება მოითხოვეს. მოსახლეობის განცხადებით, ხელისუფლება პრობლემებით არ ინტერესდება.

კალიფორნიაში მასშტაბურ ტყის ხანძარს ებრძვიან. სტიქიამ ლოს ანჯელესის რეგიონში 200 ჰექტარი მიწის ფართობი გაანადგურა. ხანძარმა ყველაზე მეტად ქალაქი კალაბასასი დააზარალა, სადაც რამდენიმე სახლი დაიწვა. რეგიონიდან მოსახლეობის მასშტაბური ევაკუაცია მიმდინარეობს.

ანტი ემიგრაციული დემონსტრაცია დიდი ბრიტანეთის ქალაქ ბრისტოლში არეულობაში გადაიზარდა. მომიტინგეები ანტი ფაშისტური აქციის მონაწილეებსა და პოლიციელებს დაუპირისპირდნენ.

თბილისში ძლიერი წვიმა და სეტყვაა, რასაც თან ერთვის ჩრდილო-დასავლეთის  ძლიერი ქარი, რომლის სიჩქარეა 22მ/წ.

საპარლამენტო უმცირესობის ლიდერი თელავში, გივი ლეკიშვილის ოჯახში იმყოფებოდა, რომელიც უკიდურეს გაჭირვებაში ცხოვრობს და სოციალური დახმარება მოუხსნეს. ადგილობრივები დავით ბაქრაძესთან საუბარში აცხადებდნენ, რომ სოციალური დახმარების გაუქმება ბოლო პერიოდში მასიურად ხდება. დავით ბაქრაძემ არჩევნებში გამარჯვების შემდეგ მათ დაპირდა, რომ ოქტომბრიდან ხელისუფლებაში მოსვლისთანავე ბოლო 4 წლის განმავლობაში მოხსნილ დახმარებებს აღუდგენდა და პენსიას 50 ლარით გაზრდიდა.

გერმანული პრესა საქართველოსთვის უვიზო რეჟიმის მინიჭების გაჭიანურების მიზეზებს ასახელებს. გამოცემა Die Welt წერს, რომ გერმანიის ხელისუფლებას, მიგრაციის რისკებთან ერთად, ქვეყანაში კრიმინალური დაჯგუფებების გააქტიურების ეშინია. სტატიის თანახმად, ამ საკითხზე გერმანიის შინაგან საქმეთა მინისტრმა პარლამენტში გამართულ დახურულ სხდომაზეც ისაუბრა, თუმცა დეპუტატების ნაწილმა აღნიშნა, რომ პრობლემის საჯაროდ განხილვა საქართველოსთვის უვიზო რეჟიმის მინიჭებას საფრთხის ქვეშ დააყენებს.

ვარშავის სამიტამდე საქართველოს თავდაცვის მინისტრის ავღანეთში ჩავიდა. თინა ხიდაშელმა ის ბაზები მოინახულა, სადაც ქართველი ჯარისკაცები ნატო-ს ეგიდით საერთაშორისო მისიაში მონაწილეობენ. თავდაცვის მინისტრი ბაგრამის საავიაციო ბაზაზე იმყოფებოდა, სადაც ჯარისკაცებს გაესაუბრა.

ავიაიერიშებს სირიის ალეპოს რეგიონში 40-ზე მეტი ადამიანი ემსხვერპლა. ბოლო 24 საათის განმავლობაში ალ ქაიდას მოკავშირე დაჯგუფება "ნუსრას ფრონტის" მებრძოლებმა ალეპოს სამხრეთ რაიონში რამდენიმე შეტევა განახორციელეს.

რეჯეპ ტაიპ ერდოღანი კვლავ საერთაშორისო გაერთიანებას აკრიტიკებს. თურქეთის პრეზიდენტი კიდევ ერთხელ გამოეხმაურა ბუნდესტაგის გადაწყვეტილებას სომხების მასობრივი მკვლელობის გენოციდად აღიარების შესახებ.