Новости за 19.06.2016

გადაცემა  განსხვავებული აქცენტები  სუს-ის მაღალჩინოსნის, ზვიად ლაგვილავას გარდაცვალების შესახებ გიამბობთ. საუბარია გამოძიების ვერსიაში არსებულ შეუსაბამომებებზე. იმ დოკუმენტებზე, რომელსაც ლაგვილავა აგროვებდა. მისი ახლობლები ყვებიან, რომ სუს-ის მაღალჩინოსანი გარდაცვალებამდე ცოტა ხნით ადრე მის მანქანას მუდმივად ამოწმებდა და უსაფრთხოების მიზნით ოჯახის წევრებს მასში არ სვამდა.

ქართული ეკლესიის სინოდი სრულიად მართლმადიდებელთა კრებაში მონაწილეობაზე უარს ამბობს, თუმცა აღსანიშნავია, რომ ქართული ეკლესიის წაუსვლელობის მიუხედავად, 16-27 ივნისს კრეტაზე მიღებული ყველა გადაწყვეტილება სავალდებულო იქნება ყველა მართლმადიდებელი ეკლესიისთვის.

იმ სამარშრუტო სქემით, რომელიც დღეს თბილისს გააჩნია, ყოველდღიურად 520 ავტობუსი გადაადგილდება. ე.წ. ყვითელი ავტობუსები, 2005-2006 წლიდან ემსახურება ქალაქს და მათი ხანდაზმულობა მინიმუმ 11 წელს აღემატება.

მაგდა პაპიძის საქმეზე განაჩენს ორივე მხარე ელის. 9 ტომიან საქმეში საქმეში კიდევ უამრავი დეტალია. ბრალდების მხარეს 60 მოწმე ჰყავს, ამის შემდეგ დაცვის მხარის მოწმეების დაკითხვა და მტკიცებულებების გამოკვლევა დაიწყება. ასევე ისაუბრებენ ექსპერტები.

ბოტანიკური ბაღის მიმდებარე სოფლებში მცხოვრები მოსახლეობა 6 მეტრიანი ჰესის მშენებლობას აპროტესტებს. მშენებლობის შესახებ ინფორმაცია მათ ოპოზიციისგან მიიღეს.

საერთაშორისო ჟურნალისტებმა ივანიშვილის კიდევ ერთ საიდუმლო კომპანიას, გრინ ვალს ტრასტს და სიცოცხლის დაზღვევის 750 მლნ. დოლარიან სქემას მიაგნეს, რომელსაც ყოფილ პრემიერი ჯერ კიდევ მინისტრთა კაბინეტში ყოფნისას აქტიურად იყენებდა, ხოლო იმის გამო, რომ თანხა იურიდიულად სადაზღვევო პოლისიდან გადიოდა, მიღებულ მოგება დაბეგვრას აღარ ექვემდებარებოდა.

ადამიანის უფლებათა ევროპულმა სასამართლომ 57 წლის მანძილზე 11 ათასამდე გადაწყვეტილება გამოიტანა. ადამიანის უფლებათა ევროპული კონვენციის უფლებათა მე-18 მუხლის დარღვევა მხოლოდ 7 საქმეზე დაადგინა. ერთ-ერთი საქმეა ივანე მერაბიშვილი საქართველოს წინააღმდეგ.

36 წლის მსჯავდებულ  კახაბერ გელაშვილის ჯანმრთელობის მდგომარეობა მიმდინარე წლის 6 აპრილს სასჯელაღსრულების მეთოთხმეტე დაწესებულებაში დამძიმდა, სადაც ის სასჯელს ნაკლებად მძიმე დანაშაულისთვის იხდიდა.

„ვერ დამაკვებენ,“-ასე ეხმაურება ყოფილი მთავარი პროკურორი ევროსასამართლოს მიერ ვანო მერაბიშვილზე გამოტანილი გადაწყვეტილების შემდეგ გამოძიების ხელახლა დაწყების ვალდებულებას, რომლის ფარგლებშიც მას პროკურატურაში გამოცხადება მოუწევს.

ყოფილი მთავარი პროკურორი ოთარ ფარცხალაძე პოსტსკრიპტუმთან ექსკლუზიურ ინტერვიუში ვანო მერაბიშვილის ციხიდან გაყვანის სკანდალურ საქმეზე ევროსასამართლოს გადაწყვეტილებას აფასებს. იგი ღიად აცხადებს, რომ მერაბიშვილს მისი ციხიდან გაყვანის, პროკურატურაში მიყვანისა და მასზე ზეწოლის ამბავი მოელანდა, სასამართლომ კი დადგენილება მერაბიშვილის არარეალურ მონათხრობზე დაყრდნობით გამოიტანა.

ტელეკომპანია რუსთავი 2-ის ადვოკატი დიმიტრი საძაგლიშვილი დღეს ტელეკომპანიის გადამღებ ჯგუფზე მომხდარი თავდასხმის შესახებ საუბრობს. ის ასევე ეხმაურება შინაგან საქმეთა სამინისტროს იმ განცხადებას სადაც ნათქვამია, რომ ინციდენტის დროს გადამღებ ჯგუფს პროფესიული საქმიანობა დასრულებული ჰქონდა.

ე.წ. კანონიერი ქურდი დავით გერლიანი საქართველოშია. მან ქვეყნის საზღვარი ისე გადმოკვეთა, რომ სამართალდამცავების ყურადღება არ მიუქცევია მიუხედავად იმისა, რომ მისი დეპორტაციის შესახებ ინფორმაცია გერლიანის ჩამოსვლაზე ნაციონალური მოძრაობის წევრმა გაავრცელა.

სულთმოფენობის დღესასწაულთან დაკავშირებით საზეიმო წირვა ლოცვა გაიმართა სამების საკათედრო ტაძარში. ილია მეორემ ლოცვის დასრულების შემდეგ იქადაგა.

პაატა ბურჭულაძე სიღნაღის რაიონის მცხოვრებლებს შეხვდა. მოძრაობა სახელმწიფო ხალხისთვის ლიდერმა, მოძრაობის წევრებთან ერთად ადგილობრივების პრობლემები მოისმინა და მათ მოძრაობის სამოქმედო გეგმა გააცნო. ბურჭულაძის თქმით, ოქტომბრის არჩევნების შემდეგ ხალხის ცხოვრება უკეთესობისკენ შეიცვლება. 

კარელიის რეგიონში მდებარე ტბაზე ექსკურსიის დროს ნავი ჩაიძირა, რის შედეგადაც 11 ბავშვი და ერთი ზრდასრული ადამიანი დაიღუპა, რამდენიმეს კი ამ დრომდე ეძებენ. ჯგუფის 40-მდე წევრი მაშველებმა გადაარჩინეს, ერთმა გოგონამ კი ნაპირამდე მიცურვა თავად შეძლო.

"საქართველოში არსებობს მკაცრი კანონები ე.წ. კანონიერ ქურდებთან მიმართებაში და სამართალდამცველები შესაბამისად იმოქმედებენ," - ასე ეხმაურება ვიცე-პრემიერი, დიმიტრი ქუმსიშვილი საქართველოში კანონიერი ქურდის, დავით გერლიანის, იგივე სვანას ჩამოსვლის შესახებ გავრცელებულ ინფორმაციას.ამ თემაზე კომენტარი გააკეთეს პოლიტიკოსებმა და არასამთავრობო ორგანიზაციების წარმომადგენლებმაც. მათი თქმით, კრიმინალური დაჯგუფებები და დაუსჯელობის სინდრომი ქვეყნისთვის ყველაზე დიდი საშიშროებაა.

მესამე სექტორის წარმომადგენლები რუსთავი 2-ის გადამღებ ჯგუფზე მომხდარ თავდასხმასთან დაკავშირებით საუბრობენ. ადამიანის უფლებების სწავლებისა და მონიტორინგის ცენტრის იურისტის სოფო ვერძეულის თქმით, საკმარისი დეტალებია ცნობილი იმისთვის, რომ გამოძიება წარიმართოს იმ მუხლით, რაც გულისხმობს ჟურნალისტური საქმიანობის ხელ შეშლას.

საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი, რუსთავი 2-ის გადამღებ ჯგუფზე თავდასხმის ფაქტს ეხმაურება. მისი თქმით, შინაგან საქმეთა სამინისტრო ამ შემთხვევას უმოკლეს ვადაში გამოიძიებს.

რუსთავი 2-ის ჟურნალისტი ელენე ფირცხალაიშვილი, დღეს დილით თბილისის აეროპორტში მომხდარი თავდასხმის დეტალებს იხსენებს და შინაგან საქმეთა სამინისტროს მიერ გავრცელებულ ვიდეომასალაზე საუბრობს.

საქართველოს ჟურნალისტური ეთიკის ქარტიის საბჭო რუსთავი 2-ის გადამღებ ჯგუფზე თავდასხმის ფაქტს ეხმაურება. განცხადებაში, რომელიც ქარტიის ოფიციალურ ვებგვერდზე გამოქვეყნდა ხაზგასმულია ის ფაქტი, რომ ბოლო პერიოდში ჟურნალისტებზე გახშირებული თავდასმების გამოძიებაში არ არის გამოყენებული სისხლის სამართლის კოდექსის 154-ე მუხლი, რაც ჟურნალისტისთვის საქმიანობაში ხელის შეშლას გულისხმობს. 

შსს რუსთავი 2-ის გადამღებ ჯგუფზე მომხდარ თავდასხმას სპეციალური განცხადებით ეხმაურება. სამინისტრო თბილისის საერთაშორისო აეროპორტში დამონტაჯებული კამერების ჩანაწერსაც ავრცელებს.

იპოდრომის მიმდებარე ტერიტორიაზე ჩოგბურთის კორტების დანგრევა კიდევ ერთხელ გააპროტესტეს თბილისელებმა. აქციის მონაწილეები, სპორტისა და სხვადასხვა ორგანიზაციების წარმომადგენლები რეკრეაციული ზონის შენარჩუნებასა და კორტები აღდგენას ითხოვენ. ისინი არ გამორიცხავენ, რომ ტერიტორიაზე ახალი საცხოვრებელი კორპუსი აშენდეს.

იაპონელები კუნძულ ოკინავაზე ამერიკული სამხედრო ბაზის დახურვას ითხოვენ. საპროტესტო აქციაში, რომელიც ბოლო 20 წლის განმავლობაში ყველაზე მასშტაბურია, ათასობით ადამიანი მონაწილეობს. ადგილობრივი მოსახლეობის უკმაყოფილება გასულ თვეს მომხდარმა ინციდენტმა გამოიწვია, როდესაც 20 წლის გოგოს გაუპატიურებისა და მკვლელობის ბრალდებით ყოფილი ამერიკელი სამხედრო დააკავეს.

კავკასიის, ცენტრალური აზიის, ავღანეთის და მონღოლეთის რეგიონული ფორუმი სრულდება. კონფერენციის ფარგლებში სასტუმრო რუმსში დღეს დისკუსია შედგა, სადაც დონალდ რამსფელდი მონაწილეობდა. შეხვედრას მსოფლიოს 18 ქვეყნიდან 150-ზე მეტი წარმომადგენელი ესწრება. შეკრებილები განიხილავენ რეგიონისთვის მნიშვნელოვან მოვლენებსა და საკითხებს.

ჰილარი კლინტონი მეორედ გახდა ბებია. შეერთებული შტატების პრეზიდენტობის კანდიდატის შვილს, ჩელსის, ვაჟი შეეძინა. ახალშობილს სახელად ეიდანი შეურჩიეს. გავრცელებული ცნობით, დედა-შვილი თავს კარგად გრძნობს. 26 წლის ჩელსი ჰილარი და ბილ კლინტონების ერთადერთი ქალიშვილია. ის ცოლად ბანკირ, მარკ მეზვინსკის 2010 წელს გაჰყვა. პირველი შვილი - შარლოტა წყვილს 2014 წლის სექტემბერში შეეძინა.