Новости за 24.06.2016

ლეიბორისტული პარტიის ლიდერმა ამერიკის შეერთებულ შტატებში ოფიციალური ვიზიტი დღეს დაასრულა. შალვა ნათელაშვილი კონგრესმენებს სტივ რასელს, ჯიმ კოსტასა და დინა ტიტუს შეხვდა.

გიგა ოთხოზორიას მკვლელობაში ბრალდებულს რაშიდ კანჯი ოღლის ოკუპირებული აფხაზეთის დეფაქტო სასამართლომ შინა პატიმრობა შეუფარდა. ოკუპირებული აფხაზეთის სამხედრო პროკურორის განცხადებით, გადაწყვეტილება ე.წ. სამხედრო სასამართლომ მიიღო, რომელმაც არ დააკმაყოფილა სამხედრო პროკურატურის შუამდგომლობა ბრალდებულის დაპატიმრების თაობაზე. დეფაქტო მთავრობის ამ გადაწყვეტილებას ქართული მხრიდან კრიტიკა მოყვა. მთავრობა ოთხოზორიას მკვლელის დაკავებას ითხოვს.

პარლამენტში უმრავლესობის 76 წევრის მხარდაჭერით დამტკიცდა ცვლილებების ის პროექტი, რომელიც პოლიციას არჩევნების დღეს კენჭისყრის მიმდებარე ტერიტორიაზე ყოფნის უფლებას აძლევს. საბოლოო კენჭისყრამდე რესპუბლიკელების მოთხოვნით, ცვლილებებს ერთი დაზუსტება დაემატა-სამართალდამცველებმა ადგილი ინცინდენტის ამოწურვისთანავე უნდა დატოვონ. კენჭისყრამდე პროექტის განხილვა პარლამენტში დებატების ფონზე მიმდინარეობდა.

სახალხო დამცველი სააპელაციო სასამართლოს ქმედებაზე რეაგირებას უზენაესი სასამართლოსგან ითხოვს. შერჩევითი მართლმსაჯულებისა და კანონის დარღვევის გამო, სააპელაციო სასამართლო დღეს უჩა ნანუაშვილმა ღიად გააკრიტიკა. მისი განცხადებით, მეორე ინსტანციამ არასამართლებრივი ინტერესებიდან გამომდინარე იმოქმედა, როდესაც რუსთავი 2-ს, როგორც დავაში მონაწილე მხარეს გადაწყვეტილება ვადაზე ადრე საკუთარი ინიციატივით ჩააბარა.

დიდი ბრიტანეთის ევროკავშირიდან გასვლის გადაწყვეტილებას თბილისში გამოეხმაურნენ. ექსპერტების აზრით, ევროკავშირს ახლა უსწრაფესი რეფორმების გატარება მოუწევს სტაბილურობის შესანარჩუნებლად და ეს, უპირველეს ყოვლისა, გაერთიანებაში დამკვიდრებულ ბიუროკრატიულ მექანიზმებს უნდა შეეხოს.

დიდი ბრიტანეთი ევროკავშირს ტოვებს - რეფერენდუმის შედეგების გამოცხადებიდან რამდენიმე საათში გაერთიანებული სამეფო მწვავე პოლიტიკური და ეკონომიკური გამოწვევების წინაშე აღმოჩნდა. პრემიერმა და მისმა კაბინეტმა გადადგომის შესახებ განცხადება გააკეთა.

დიდ ბრიტანეთში ჩატარებული რეფერენდუმის შედეგების გამოცხადების შემდეგ, რომ გაერთიანებული სამეფო ევროკავშირს ტოვებს, ნიდერლანდების თავისუფლების პარტიის თავმჯდომარემ განცხადება გააკეთა და აღნიშნა, რომ სახეზეა ევროკავშირის დაშლის დასაწყისი. სერბეთი ისევ რუსეთთან უნდა თანამშრომლობდეს.

ევროკავშირი ბრიტანეთის გარეშე - რეფერენდუმის შედეგები არამხოლოდ ევროპისთვის, თავად ბრიტანეთის მოსახლეობის ნახევრისთვის შოკის მომგვრელი იყო.

საქართველოს პრემიერმინისტრი ბრიტანეთის გადაწყვეტილებას ევროკავშირიდან გასვლის შესახებ სპეციალური განცხადებით ეხმაურება. გიორგი კვირიკაშვილი აღნიშნავს, რომ ეს დემოკრატიული პროცესია, თუმცა პატივისცემის მიუხედავად სინანულს გამოთქვამს მომხდართან დაკავშირებით.

კადეტთა სამხედრო ლიცეუმში სასწავლო წელი დასრულდა. გამოშვების საზეიმო ცერემონიას თავდაცვის მინისტრი თინა ხიდაშელი დაესწრო. წელს სასწავლებელი 2012 წელს ჩარიცხულმა 72-მა კურსანტმა დაასრულა.

დედაქალაქის 18 მილიონით გაზრდილი ბიუჯეტი დაამტკიცა თბილისის საკრებულომ დღევანდელ სხდომაზე. მერიის წარმომადგენლების თქმით, ცვლილებები სოციალურ და ჯანდაცვის, ასევე ინფრასტრუქტურულ პროექტებზე საჭიროებების გაზრდით იყო განპირობებული. უმრავლესობის განმარტებით, ბიუჯეტის ზრდის ერთ-ერთი მიზეზი შემოსავლების ზრდა და ეკონომიით მიღებული დანაზოგი გახდა.

სასჯელაღსრულებისა და პრობაციის სამინისტროს კუთვნილი დიდი ოდენობით ქონების მითვისებისთვის, უწყების ოთხი თანამშრომელი დააკავეს.

მოძრაობა სახელმწიფო ხალხისთვის თავმჯდომარე პაატა ბურჭულაძე პრეზიდენტსა და პარლამენტის თავმჯდომარეს მიმართავს თხოვნით მოიწვიონ პარლამენტის რიგგარეშე სესია. ბურჭულაძის თქმით, ეს საჭიროა იმისთვის, რომ მოხერხდეს მოძრაობის მიერ საერთო სასამართლოების შესახებ კანონში მომზადებული ცვლილებების მიღება. ეს ინიციატივა მიზნად ისახავს სასამართლო სისტემის რეფორმირებას და იუსტიციის უმაღლესი საბჭოს მოქმედი შემადგენლობის დათხოვნას. რიგგარეშე სესიის ჩატარებამდე მოძრაობა 30 ათასი ხელმოწერის შეგროვებას გეგმავს.

ევროკავშირის ლიდერები დიდ ბრიტანეთს მოუწოდებენ, რაც შეიძლება სწრაფად დაიწყოს ევროკავშირიდან გასვლის პროცედურა.

ვანო მერაბიშვილის რამდენიმე საათიანი დაკითხვა სასჯელაღსრულების მე-9 დაწესებულებაში დასრულდა. გამომძიებლებს ყოფილ პრემიერთან და ნაციონალური მოძრაობის გენერალურ მდივანთან კითხვები ჰქონდათ ევრო სასამართლოს გადაწყვეტილებაში მითითებულ საქმეზე. მერაბიშვილმა ჩვენება მისცა 2013 წლის დეკემბერში ციხიდან მისი გაყვანის ფაქტთან დაკავშირებით.

დიდი ბრიტანეთის რეფერენდუმის შედეგები შეაფასა ნინო ბურჯანაძემ. გაერთიანებული დემოკრატიული მოძრაობის ლიდერის განცხადებით, გადაწყვეტილება მნიშვნელოვნად შეცვლის ევროკავშირის სამეზობლო პოლიტიკას, მათ შორის საქართველოსა და უკრაინასთან მიმართებით. ნინო ბურჯანაძე მიიჩნევს, რომ რეფერენდუმის შედეგები საქართველოსთვის უვიზო მიმოსვლის რეჟიმის დაწესების პროცესს შეაფერხებს. 

საარჩევნო კოდექსში შესატან ცვლილებებთან დაკავშირებით, რომელიც საარჩევნო უბნებთან პოლიციელების განთავსებას ითვალისწინებს, თავისუფალი დემოკრატები და ეროვნული ფორუმის წევრები საკუთარ შენიშვნებს აფიქსირებენ და აცხადებენ, რომ კანონპროექტით ზუსტად არ არის განსაზღვრული, როდის მიდის საარჩევნო უბანთან პოლიცია ან რამდენი ხნის განმავლობაში რჩება ადგილზე. ოპოზიციის წარმომადგენლები ასევე განმარტავენ, რომ კანონპროექტს არ დაუჭერენ მხარს, რადგანაც ეს ყველაფერი ნიშნავს იმას, რომ 2016 წლის საპარლამენტო არჩევნები ჩატარდება პოლიციური რეჟიმით. Читать дальше...

ვაზიანის სამხედრო პოლიგონზე პირველი საარტილერიო ბრიგადის საველე სწავლება გაიმართა.

"თავისუფლება ჯარისკაცებს"- ასე ჰქვია, რომლისთვისაც თავისუფალმა დემოკრატებმა ხელმოწერების შეგროვება უკვე დაიწყეს.

„ეს არის უკიდურესი ცინიზმი და უსამართლობა,“ - ასე აფასებს ნაციონალური მოძრაობის წევრი თინათინ ბოკუჩავა გიგა ოთხოზორას მკვლელობაში ბრალდებულისთვის შინა პატიმრობის შეფარდებას. ბოკუჩავა ამ გადაწყვეტილებას ხელისუფლების არასწორ პოლიტიკას უკავშირებს.

"შინაპატიმრობის გამოყენება საზოგადოების დაცინვაა,“- ასე შეაფასა სახალხო დამცველმა გიგა ოთხოზორიას მკვლელობაში ბრალდებულის შინა პატიმრობის შეფარდება.

ქართული მხარისთვის არადამაკმაყოფილებელია თუ რატომ შეეფარდა გიგა ოთხოზორიას მკვლელობაში ბრალდებულს შინა პატიმრობა. ქართულ ოცნებაში აფხაზეთის დე ფაქტო ხელისუფლებას მოუწოდებენ, რომ ბრალდებული საქართველოს გადმოსცენ.

გადაწყვეტილება მომავლის ნაცვლად მიიღო ბრიტანულმა პროვინციამ-ასე ეხმაურება ბრიტანეთის მიერ ევროკავშირიდან გამოსვლის გადაწყვეტილებას, რესპუბლიკური პარტიის ერთ-ერთი ლიდერი.

საარჩევნო კოდექსში შესატანი ცვლილებები უბნებთან პოლიციის განთავსების შესახებ პარლამენტმა  მეორე მოსმენით დაამტკიცაგანხილვა პარლამენტში თავისუფალ დემოკრატების, რესპუბლიკელებისა და ეროვნული ფორუმის მხრიდან გამოთქმული კრიტიკის ფონზე მიმდინარეობდა.

„როგორც ჩანს დე ფაქტო ხელისუფლება ბოლომდე ვერ აცნობიერებს რა მასშტაბის პრობლემასთან აქვს საქმე,“ - ეს განცხადება თავდაცვის მინისტრმა თინა ხიდაშელმა, გიგა ოთხოზორიას მკვლელობაში ბრალდებულისთვის შინა პატიმრობის შეფარდებასთან დაკავშირებით გააკეთა.