Новости за 01.01.2016

ნასას მეცნიერების კვლევამ მარსზე და ბოლო აღმოჩენამ კიდევ ერთი ნაბიჯით დაახლოვა კაცობრიობა ყველაზე დიდი საიდუმლოს ამოხსნასთან- არის თუ არა სიცოხლე სხვა პლანეტებზე და ვართ თუ არა ჩვენ, დედამიწის მოსახლეობა მარტოები მზის სისტემაში.

გერმანელი სამართალდამცველები აცხადებენ, რომ მიუნხენში გარდაუვალი საფრთხის ნიშნები არ არის.

თავდასხმა თელავივში. შეიარაღებულმა მამაკაცმა ცეცხლი ქალაქის ცენტრში, ერთერთ ბარში გახსნა. სროლის შედეგად ორი ადამიანი დაიღუპა, 7 კი დაშავდა, 4 მათგანი მძიმე მდგომარეობაშია.

ვლადიმერ პუტინმა ეროვნული უსაფრთხოების ახალი სტრატეგია დაამტკიცა. დოკუმენტში წერია, რომ ნატოს გაფართოვება და ალიანსის რუსეთის საზღვრებთან მიახლოვება ქვეყნისთვის საფრთხეს წარმოადგენს.

20 წლის შემდეგ პირველად ბათუმი ახალ წელს უხვი ნალექით შეხვდა. ზღვისპირა ქალაქში, სადაც თოვლის საფარმა 50 სანტიმეტრს უკვე მიაღწია, სინოპოტიკოსები თოვლს კიდევ 2 დღის განმავლობაში ვარაუდობენ. თოვლიანი ბათუმის სანახავად ქუჩაში გამოსული ადგილობრივებისთვის და ტურისტებისთვის კიდევ ერთი სანახაობა საახალწლო კონცერტი იყო, რომელიც 11 საათზე დაიწყო და შუაღამემდე გაგრძელდა.

ქუთაისში ახალ წელს პირველი ბავშვი ელენე ობოლაძე გაჩნდა. პატარა ორი კილო და შვიდასი გრამი და 50 სანტიმეტრი დაიბადა. ელენე დედასთან ერთად თავს კარგად გრძნობს.

ქალაქის მასშტაბით საპატრულო ეკიპაჟებმა ახალი წლის ღამეს რამდენიმე ავტომობილი ერთდროულად გააჩერეს. მართვის მოწმობის შემოწმების ნაცვლად მძღოლებს პატრულისგან სიურპრიზი ერგოთ. საპატრულო ეკიპაჟებმა მათ სამინისტროს მილოცვები და ტკბილეული გადასცეს. საპატრულო პოლიციის საახალწლო საჩუქრების აქცია დღესასწაულის დღეებშიც გაგრძელდება.

ახალი წლის პირველივე საათიდან, სამედიცინო დაწესებულებებს სადღესასწაულო პიროტექნიკით 10-მა დაშავებულმა მიაკითხა. უმეტესობას სამედიცინო დახმარება ხელებზე მიღებული დამწვრობებისა და ჭრილობების გამო დასჭირდა.

ახალი წლის დადგომასთან ერთად თბილისის ყველა უფასო სასადილო დროებით დაიხურა. ბენეფიციარები, რომლებიც 1 ლარისა და 18 თეთრის ღირებულების საკვებით ყოველდღიურად სარგებლობენ, ამ მომსახურებასაც ორშაბათამდე ვერ მიიღებენ.

პაატა ბურჭულაძემ და საქართველოს განვითარების ფონდის წევრებმა თბილისის პანსიონატის ხანდაზმულებს ახალი წელი მიულოცეს. მათ მოხუცებს საახალწლო საჩუქრები გადასცეს.

რუსთავი 2–მა თავის მაყურებელს, ტრადიციულად, არ უღალატა და განსაკუთრებული საახალწლო პროგრამა შესთავაზა.

საახალწლო საჩუქრები 101 წლის ნეონილა ჩერნიშევამ მიიღო. სამგორის რაიონში მცხოვრები უხუცესი ქალბატონი პროფესიით ბუღალტერია და სპეციალობით წლების განმავლობაში მუშაობდა.

149 მსჯავრდებული 2016 წელს საკუთარ ოჯახში შეხვდა. სასჯელაღსრულებისა და პრობაციის სამინისტროს ადგილობრივი საბჭოს გადაწყვეტილებით, პატიმრები პირობით ვადამდე გათავისუფლდნენ.

წლის მთავარი პოლიტიკური ინტრიგა აქტუალობას მომავალ წელსაც არ დაკარგავს. ირაკლი ღარიბაშვილმა პოსტი ისე დატოვა, რომ მიზეზები არ განუმარტავს, სავარაუდოდ ისე მოულოდნელად, რომ ახალი წლის მისალოც ბარათებზე უკვე გადამდგარი ხელს ისევ პრემიერის რანგში აწერს.

2016 წელი აუცილებალად პოლიტიკურად აქტიური იქნება, წინ საპარლამენტო არჩევნებია, ამიტომ წლის ინტრიგად წინასაარჩევნოდ პოლიტიკურად ძალთა გადანაწილება რჩება.

მსოფლიომ 2016 წლის დადგომა იზეიმა. 2015 წლის უკანასკნელი წამები ნიუ იორკის ცენტრში მილიონზე მეტმა ადამიანმა ერთდროულად აითვალა. ახალი წლის დადგომისთანავე კი ტაიმს სკვერზე 6 ტონიანი ბროლის ბურთი დაუშვეს, რომელსაც მიმდებარე შენობების სახურავებიდან ფერადი ქაღალდების წვიმა მოჰყვა. 

საქართველოს პრეზიდენტმაც საახალწლო მილოცვა იმ ჯარისკაცებით დაიწყო, რომლებიც ქვეყნის გარეთ მსახურობენ. პრეზიდენტმა მოსახლეობას ახალი წელი თავისუფლების მოედნიდან მიულოცა.

ახალი წლის დადგომა მოსახლეობას პრემიერმინისტრმა მიულოცა. გიორგი კვირიკაშვილმა განსაკუთრებული აქცენტი იმ სამხედროებზე გააკეთა, რომლებიც მსოფლიოს ცხელ წერტილებში სამშვიდობო მისიებს ასრულებენ.

ახალი წლის დადგომა მოსახლეობას საქართველოს კათოლიკოს პატრიარქმა მიულოცა.