Новости за 23.01.2016

საქართველოს განვითარების ფონდის ხელმძღვანელი, ვანო მაჭავარიანი, ევროპარლამენტის მიერ მიღებულ რეზოლუციის მნიშვნელობაზე კურიერის პირდაპირ ეთერში საუბრობს და ამბობს, რომ რეზოლუცია საკმაოდ ნეგატიურია, რადგან არსებული 7 პუნქტიდან 5 სწორედ საქართველოს მიმართ ნეგატიური შეფასებებია.

საქართველოს სტრატეგიული კვლევების ინსტიტუტის პრეზიდენტმა, ეკა ტყეშელაშვილმა, ევროპარლამენტის მიერ მიღებულ რეზოლუციის მნიშვნელობაზე კურიერის პირდაპირ ეთერში ისაუბრა და თქვა, რომ "ეს მთავარი გზავნილი და პოლიტიკური ტონის მიმცემი დოკუმენტია".

რეზოლუცია, რომლიც ევროპარლამენტმა 21 იანვარს მიიღო, საქართველოს, მოლდოვასა და უკრაინას ეძღვნება.

ევროპარლამენტის მიერ მიღებულ რეზოლუციას ნაციონალური მოძრაობის ერთ-ერთი ლიდერი, გიგა ბოკერია, აფასებს და ამბობს, რომ ამ რეზოლუციაში ქვეყანაში არსებული ყველა ძირითადი პრობლემა არის აღნიშნული და მას მხარს უჭერს ევროპარლამენტის ყველა ძირითადი პოლიტიკური ძალის წარმომადგენელი.

საქართველოს გავლით ტვირთბრუნვა ისევ მცირდება. ეკონომიკის სამინისტროს 10 თვის მონაცემებით, ფოთის პორტში 2014 წელს 7 მილიონი ტონა ტვირთი შევიდა, 2015 წელს კი 20%-ით ნაკლები. 6%-იანი კლებაა ბათუმის პორტშიც. თუ 2014 წელს პორტმა 5 მილიონ ტონაზე მეტი ტვირთი მიიღო, 2015 წელს 4,8 მილიონ ტონამდე შემცირდა.

"მაამებლები, ჩვენი ინტერესების არდამცველები, არაკომპეტენტურები და მატყუარები", - ასე შეაფასა ხელისუფლებასა და გაზპრომს შორის მიმდინარე მოლაპარაკებები ნაციონალური მოძრაობის ერთ-ერთმა ლიდერმა, გიგა ბოკერიამ.

სკანდალური მიმოწერა, რომლიდანაც ირკვევა, რომ შესაძლოა, კახა კალაძის ახლობელი თბილისში ყაზტრანსგაზისგან ბუნებრივი აირის დიდ მოცულობას იპარავდა და ამ გზით ფინანსურ სარგებელს იღებდა.

ნაციონალური მოძრაობის ერთ-ერთი ლიდერი, გიგა ბოკერია, ლარის გაუფასურებაზე მთელს პასუხისმგებლობას ხელისუფლებას აკისრებს და მთავრობის მოქმედებებს "არაადექვატურს" უწოდებს.

თავისუფალი და აგრარული უნივერსიტეტების ბიზნესსკოლის დეკანი, გიგა ბედინეიშვილი, ლარის გაუფასურებას გარეფაქტორს არ უკავშირებს.

ეკონომიკური განვითარების ცენტრის ხელმძღვანელი, რომან გოცირიძე, ხელისუფლების არგუმენტებს, რომ ლარის გაუფასურება აზერბაიჯანული მანათის გაუფასურებას უკავშირდება, "არასერიოზულად" აფასებს და ამბობს, რომ ლარის გაუფასურებას აზერბაიჯანში მიმდინარე პროცესთან არავითარი კავშირი არა აქვს.

ენერგეტიკის მინისტრის, კახა კალაძის, მტკიცების მიუხედავად, ენერგეტიკაში ინვესტიციები მკვეთრად მცირდება. ამის დასტურია სტატისტიკის დეპარტამენტის ოფიციალური მონაცემები.

მკვლელობის საქმეები, სადაც ბიძინა კუჭავას გვარი ფიგურირებს, პროკურატურა გამოძიებაში აბრუნებს.

საქართველოს გზების გარკვეულ მონაკვეთებზე შეზღუდვები მოქმედებს. თოვის, ძლიერი ყინვის და ლიპყინულის გამო აკრძალვები ყაზბეგის, სვანეთის და ჯავახეთის მიმართულებებზეა დაწესებული. 

თავდასხმა ებრაელ სამხედროებზე - დანით შეიარაღებულმა 13 წლის პალესტინელმა გოგომ მდინარე იორდანეს დასავლეთ სანაპიროზე, ებრაულ დასახლებაში ჯარისკაცის დაჭრა სცადა.

შეერთებული შტატებში უამინდობის შედეგად გარდაცვლილთა რიცხვი 9–მდე გაიზარდა, საგანგებო მდგომარეობა კი უკვე 10 შტატში გამოცხადდა.

პარლამენტის საფინანსო-საბიუჯეტო კომიტეტის თავმჯდომარე, თამაზ მეჭიაური, მესამე სექტორის წარმომადგენლებს მისი მისამართით წარმოთქმული კრიტიკის გამო საქციელ უწუნებს.

არმენოფობიური-ფაშისტური ხასიათის განცხადებაა, - ასე აფასებს საიას იურისტი, გიორგი გოცირიძე, საფინანსო-საბიუჯეტო კომიტეტის თავმჯდომარის, თამაზ მეჭიაურის, განცხადებას, რომელიც დეპუტატმა პარლამენტთან მომხდარი ინციდენტის შეფასებისას გააკეთა.

სპეციალისტები ლარის გაუფასურებიდან გამომდინარე ფასების კიდევ უფრო მატებას პროგნოზირებენ. მათი განცხადებით, ქვეყნის მაკროეკონომიკური მაჩვენებელი კიდევ უფრო უარესდება და ლარის გაუფასურება იმპორტის გაძვირებას გამოიწვევს.

უკავშირდება თუ არა პროკურორ ვახტანგ ქირიას მკვლელობა მის პროფესიულ საქმიანობას, ამ კითხვაზე ჯერჯერობით ზუსტი პასუხი არ არსებობს. თუმცა, თბილისის პროკურატურის განცხადებით, ამ ვერსიაზეც აქტიურად მიმდინარეობს მუშაობა.

დიდმა ბრიტანეთმა შესაძლოა იმ ადამიანების "შავი სია" გამოაქვეყნოს, რომლებსაც ალექსანდრე ლიტვინენკოს მკვლელობის საქმესთან დაკავშირებით ქვეყანაში შესვლა აეკრძალებათ.

არა გაზპრომს-აქცი დღეს ქუთაისში გაიმართა. ქალაქის ცენტრალურ ქუჩაზე ნაციონალური მოძრაობის წარმომადგენლები და თავისუფალი ზონის წევრები შეიკრიბნენ.

თბილისის ზღვის ტერიტორიაზე მოსახლეობამ ნაკვეთების შემოსაზღვრა თვითნებურად დაიწყო. ადგილზე დღეს თბილისის მერიის ზედამხედველობისა და ქონების მართვის სააგენტოს წარმომადგენლები იმყოფებოდნენ. ისინი ცდილობდნენ გაერკვიათ ვინ დაარწმუნა მოსახლეობა, რომ ქალაქის ხელისუფლება ამ მიწების გაჩუქებას გეგმავდა და შესაბამისად, ვინ შეიყვანა ისინი შეცდომაში.

"ამ ეტაპზე მოპოვებული მტკიცებულებებით დგინდება, რომ ქავთარაძის ქუჩაზე, სადაც პროკურორის ცხედარი აღმოაჩინეს, ვახტანგ ქირიასა და ბიძინა კუჭავას გარდა მკვლელობის მომენტში არავინ ყოფილა," - ეს განცხადება მთავარმა პროკურორმა, ირაკლი შოთაძემ, ზუგდიდში განაცხადა, სადაც ის მოკლული პროკურორის დაკრძალვას დაესწრო. 

მთავარი პროკურორის განცხადებით, პროკურატურა ვახტანგ ქირიას მკვლელობის მოტივის დადგენაზე მუშაობს.

სამხედროები, რომლებიც დავოსის ეკონომიკურ ფორუმზე უსაფრთხოებას იცავდნენ, ნარკოტიკული საშუალებების მოხმარების გამო დაითხოვეს.