Новости за 22.12.2015

პრეზიდენტი გიორგი მარგველაშვილი საპატრიარქოში, საქართველოს კათოლიკოს პატრიარქის მიერ ჩატარებულ პანაშვიდს დაესწრო, რომელიც სანდრო გირგვლიანის და ირინე ენუქიძის სულის მოსახსენებლად აღევლინა.

"ივანიშვილმა ამოკენკა კორუპირებული კადრები და მოახვია საქართველოს," - ასე ეხმაურება ლეიბორისტული პარტიის წევრი, გიორგი გუგავა, შეწყალების სკანდალის გარშემო მიმდინარე პროცესებს და პასუხისმგებლობას ამ და სხვა საკითხებზე მილიარდერ ბიძინა ივანიშვილს აკისრებს. 

ნაციონალური მოძრაობა პარლამენტში დროებით საგამოძიებო კომისიის შექმნას მხარს დაუჭერს.

"ეს არის ისეთი პოლიტიკური სკანდალი, როგორიც საქართველოში არასდროს ყოფილა. ეს არის პარლამენტის ღირსების საქმე," - ეს განცხადება დეპუტატმა ნინო გოგუაძემ რუსთავი2-ის პირდაპირ ეთერში საუბრის დროს გააკეთა.

მანანა კობახიძის ადვოკატი, დავით ლანჩავა, პრეზიდენტის მხრიდან არასათანადო რეაგირებაზე საუბრობს და ამბობს, რომ გიორგი მარგველაშვილს იურიდიული განათლება არა აქვს და მან საქმე „შესაძლოა, არასწორად“ შეაფასა.

გაზეთ ქრონიკა პლიუსის რედაქტორი, ელისო კილაძე, სისხლის სამართლის პასუხისმგებლობისთვის მზად არის, მაგრამ მანანა კობახიძეზე გავრცელებული ინფორმაციების უარყოფას არ აპირებს.

"ბესელიამ გამოთქმები შეარჩიოს და თათხვას მოეშვას. მე მასთან სადებატო არაფერი მაქვს," - ასე გამოეხმაურა ტოკშოუ არჩევანში ეკა ბესელიას ალეკო ელიაშვილი და განაცხადა, რომ ბესელია-კობახიძესთან დებატებში მონაწილეობას არ მიიღებს.

"მატყუარა და ფლიდი ელისაშვილი," - ეს განცხადება ეკა ბესელიამ კურიერთან სატელეფონო საუბრის დროს გააკეთა.

შეწყალების კომისიის ყოფილი თავმჯდომარე, ალეკო ელისაშვილი, ეკა ბესელიასა და მანანა კობახიძის მხრიდან მუქარის შემცველი მესიჯების შესახებ ღიად ალაპარაკდა.

ქარელის მუნიციპალიტეტის ყოფილი გამგებელი, ემიკო ფეიქრიშვილი, ადასტურებს, რომ ამჟამინდელი გამგებლის, ზაზა გულიაშვილის თანაშემწე, ილია ქელეხსაშვილთან, ფიზიკური დაპირისპირება მოუვიდა.

რუსული ბალისტიკური რაკეტები ჯავის რაიონში ერთი კვირის წინ გამოჩნდა. ისკანდერ ემ-ის ტიპის სარაკეტო კომპლექსის ოკუპირებულ რეგიონში შეყვანა მოგვიანებით რუსეთის თავდაცვის უწყებამაც დაადასტურა.

გენშტაბის უფროსმა დაადასტურა, რომ კომპანია სპეცკავშირმშენმა თავდაცვის სამინისტროს ბოჭკოვანი მაგისტრალის გაყვანისას გარკვეული მომსახურების უფასოდ შესრულება შესთავაზა. თუმცა, ვახტანგ კაპანაძის თქმით, ამ წინადადების განხილვა და გადაწყვეტილების მიღება მის კომპეტენციაში არ შედიოდა. სპეცკავშირმშენს უარი პროექტზე მომუშავე ბრალდებულებმა უთხრეს.

ახალი წელი საჩუქრების გარეშე. საბავშვო ბაღის 56 ათასი აღსაზრდელი ამ დრომდე ტრადიციული წინასაახალწლო სიურპრიზის მოლოდინშია. თბილისის ყველა სკოლამდელ დაწესებულებაში ზეიმზე თოვლის ბაბუა ხელცარიელი მივიდა.

პრეზიდენტის მრჩეველი, ფიქრია ჩიხრაძე, მოსამართლე ლევან მურუსიძის სააპელაციო სასამართლოს მოსამართლედ უვადოდ დანიშვნის შესაძლო გადაწყვეტილებას აფასებს და ამბობს, რომ "არ უნდა გადაიდგას ისეთი ნაბიჯები, რომელიც სასამართლო პრესტიჟს სერიოზულ ზიანს მიაყენებს".

ლევან მურუსიძეს სანდრო გირგვლიანის მამა დაუპირისპირდა და სამართლიანობის აღდგენის პროცესი ეჭვქვეშ დააყენა.

შენგენის ქვეყნებში უვიზოდ მიმოსვლაზე საოკუპაციო რეჟიმი უარს აცხადებს და, სავარაუდოდ, აფხაზეთის მოსახლეობასაც აიძულებს, ქართული ბიომეტრული პასპორტები არ აიღონ.

გაერთიანებული დემოკრატების ლიდერი, ნინო ბურჯანაძე, რუსეთის მხარეს მადლობას უხდის, რადგან რუსეთის ხელისუფლებამ მისთვის მიცემული პირობა შეასრულა.

პრემიერ-მინისტრის პირადი წარმომადგენელი რუსეთთან ურთიერთობის საკითხებში, ზურაბ აბაშიძე, რუსეთის მხრიდან სავიზო რეჟიმის გამარტივების შესახებ ინფორმირებული იყო.

რუსეთის მხრიდან სავიზო რეჟიმის გამარტივების თაობაზე რუსეთის ხელისუფლების მიერ მიღებულ გადაწყვეტილებას ოპოზიცია ევროკავშირთან ვიზალიბერალიზაციის საკითხს უკავშირებს.

ალეკო ელისაშვილმა დუმილი დაარღვია. საკრებულოს დეპუტატმა დღეს უკვე ღიად დაასახელა ის დეპუტატები, რომლებიც მისგან კონკრეტული მსჯავრდებულების შეწყალებას მოითხოვდნენ.

ცოტა ხნის წინ ცნობილი გახდა, რომ რუსეთი საქართველოსთან სავიზო რეჟიმს ხვალიდან გაამარტივებს.

"აუცილებლად შეიცვლება ხელისუფლება და ამ საქმეს ბოლომდე მივიყვან," - ეს განცხადება კურიერთან საუბრის დროს შეწყალების სკანდალზე საუბრისას ალეკო ელისაშვილმა გააკეთა.

ალეკო ელისაშვილმა რამდენიმე წუთის წინ სკანდალური განცხადება გააკეთა და დეპუტატები ეკა ბესელია და მანანა კობახიძე მასზე ზეწოლაში დაადანაშაულა.

ხვალიდან რუსეთი საქართველოს მოქალაქეებისთვის ვიზის აღების წესებს ამარტივებს.

Magda Papiashvili said that her husband and child left the house at 11:00 am . She tried several times to get in touch with her husband on the phone. However, she says, her husband "s cell phone was off.