Новости за 13.12.2015

საგარეჯოს რაიონის სოფელ ლამბალოში უკვე წლებია სასწავლო პროცესი მძიმე ვითარებაში მიმდინარეობს. საჯარო სკოლას საკუთარი შენობა არ აქვს და სოფელში სხვადასხვა დაშორებით 5 ლოკაციაზე სასწავლო პროცესი ერთდროულად მიმდინარეობს. 

718 000 ლარად EBRD-ისთვის შეძენილი 67 ახალი ავტომობილით მმართველი გუნდის წევრები სარგებლობენ, თუმცა მანამდე საკოორდინაციო საბჭოში ამბობდნენ, რომ ახალი ავტომობილები გაიყიდებოდა და თანხა უკან დაბრუნდებოდა. დღეს კი აღმოჩნდა, რომ ახალი ავტომობილების ნაწილით პარლამენტის კომიტეტების ხელმძღვანელები, ნაწილით კი სამთავრობო გუნდის წარმომადგენლები სარგებლობენ. 

უახლოეს მომავალში ენერგეტიკის სამინისტრო ირანში საქმიანი ვიზიტისთვის ემზადება - თემა ირანული გაზის საქართველოში იმპორტია, თუმცა მანამდე, როგორც პოსტსკრიპტუმისთვის გახდა ცნობილი, იქ კიდევ ერთი არაფორმალური დელეგაცია ჩავა, რაც თავის დროზე ბიძინა ივანიშვილმაც დააანანონსა.

მიიღებს თუ არა საქართველო ვიზალიბერალიზაციას  რამდენიმე დღეში გახდება ცნობილი. მანამდე კი პოსტსკრიპტუმი ქუჩაში გავიდა და მოქალაქეების პოზიციით დაინტერესდა. საზოგადოების დიდი ნაწილი ევროინტეგრაციის მომხრეა და სურთ, რომ საქართველომ ვიზალიბერალიზაცია მიიღოს. 

ქობულეთის ტრაგედიის შემდეგ 7 თვე გავიდა. 7 თვის წინ ხანძრის შედეგად 3 ბავშვი დაიღუპა მათი იდენტიფიკაცია კი მხოლოდ დე ენ ემ-ის საშუალებით მოხერხდა.

პოსტსკრიპტუმის რედაქციაში წერილი მოვიდა. ქუთაისის ნომერ მეორე პენიტენციური დაწესებულების პატიმარი ილია კვეტენაძე ჟურნალისტებს მისი საქმით დაინტერესებასა და დახმარებას სთხოვდა. მსჯავრდებული წერდა, რომ უდანაშაულო იყო და სასჯელს ცრუ ბრალდების გამო იხდიდა.

საპატრიარქოს ბიუჯეტი ბოლო ათი წლის განმავლობაში 300-ჯერ გაიზარდა. მართლმადიდებელი ეკლესიის ბიუჯეტი 10 წლის წინ 91 ათასი ლარი იყო, დღევანდელი ბიუჯეტი კი 25 მილიონ ლარამდე გაიზარდა.

საპატრიარქოს მილიონიანი ბიუჯეტის მიუხედავად მის საკუთრებაში არსებულ ბაგა-ბაღებსა და სკოლებში მძიმე მდგომარეობაა. პოსტსკრიპტუმი რამდენიმე სკოლასა და სკოლამდელ დაწესებულებაში იმყოფებოდა და ადგილზე გაეცნო არსებულ ვითარებას. 

პოსტსკრიპტუმში გასული სიუჟეტის შედმეგ სააკაძის მოედანზე წლების წინ არსებულ სახლებში მცხოვრები მოქალაქეები უსახლკაროდ აღარ დარჩებიან. ინფორმაცია ერთ-ერთმა მოქალაქემ დღეს მიაწოდა პოსტსკტიპტუმს. როგორც გაირკვა ერთერში გასული რეპორტაჟის შემდეგ მათ იურისტს ხელისუფლების მაღალი პოლიტიკური თანამდებობის პირები დაუკავშირდნენ და უთხრეს, რომ პრობლემა მოგვარდებოდა. 

რაგბის კავშირი საპრეზიდენტო არჩევნებისთვის ემზადება. არჩევნების მოახლოებასთან ერთად კი დღეს კავშირმა ოფიციალური განცხადება გაავრცელა.  სპორტული გაერთიანების ინრფორმაციით, კავშირის შიდა არჩევნების მოახლოებასთან ერთად, თანამდებობის პირები კავშირის წევრებზე ზეწოლასა და სასურველი კანდიდატის გაყვანას ცდილობენ.

გუდაურში სათხილემური სეზონი გაიხსნა. წელს ეს ყველაზე ადრე მოხდა, თუმცა ამისთივის საჭირო  გახდა ტრასების ხელოვნური გათოვლიანება.

საყდრისის აფეთქებიდან ერთი წელი გავიდა, გუშინ კი კულტურის ყოფილმა მინისტრმა აღნიშნა, რომ ამ თემასთან დაკავშირებით მასზე ზეოწოლას ახორციელებდნენ. ერთ-ერთი ვინც ოდიშარიაზე ზეწოლას ახორციელებდა ყოფილი მინისტრის განცხადებით მოქმედი ეკონომიკის მინისტრი დიმიტრი ქუმსიშვილია. 

საყდრისის აფეთქებიდან ერთი წელი გავიდა. საბადოს დამცველებმა აქცია დღეს კულტურის სამინსტროსთან გამართეს და პასუხისმგებელი პირების დასჯა მოირთხოვეს.

მარჯვენასაჭიანი მანქანების მძღოლებმა აქცია გამართეს ქუთაისში. ავტომფლობელემბმა პარლამენტის წინ მანქანებით ჯაჭვი შეკრეს და საკუთარი მოთხოვნები კიდევ ერთხელ გააჟღეს.

არ აკრძალო მარჯვენა საჭე - ამ ლოზუნგით დღეს თბილისში კიდევ ერთი საპროტესტო აქცია გაიმართა.  აქცია რომელშიც ათობით ავტომობილი მონაწილეობდა შს სამინისტროსთან დაიწყო და დედაქალაქის ცენტრალურ ქუჩებში გაგრძელდა. საბოლოოდ ის თავისუფლების მოედანზე დასრულდა. 

აქცია გაიმართა თბილისში, ვაზისუბნის პოლიციასთან. ადგილობრივები ლადო კურკაციშვილის სახლის სისტემატიურ ჩხრეკას აპროტესტებდნენ. მათი განამრტებით, სამართალდამცველების მხრიდან ადგილი ჰქონდა იარაღისა და ნარკოტიკული იარაღის ჩადების მცდელობას.

რუსულმა სამხედრო გემმა თურქულ სათევზაო ხომალდს ცეცხლი გაუხსნა. ინცინდენტი ეგეოსის ზღვაში საბერძნეთის სანაპიროსთან მოხდა. რუსეთის თავდაცვის უწყებაში განმარტეს, რომ თურქული სეინერი მოკლე მანძილზე მიუახლოვდა საბრძოლო ხომალდს და მას შემდეგ რაც ეკიპაჟმა თურქ მეზღვაურებთან კონტაქტის დამყარება ვერ შეძლეს, შეჯახების თავიდან ასაცილებლად რუსმა მეზღვაურებმა ცეცხლი გახსნეს.

"ბესელია არის პროკურატურის პრესსპიკერი,"- ასე გამოეხმაურა ერთიანი ნაციონალური მოძრაობის წევრი ხათუნა გოგორიშვილი ეკა ბესელიას განცხადებებს, რომელსაც დეპუტატი ალეკო ელისაშვილთან დაკავშირებით აკეთებს. გოგორიშვილი არ გამორიცხავს, რომ ელისაშვილი დააკავონ. 

არასამთავრობო ორგანიზაციები დედოფლისწყაროში ნაციონალური მოძრაობის ოფისის დაცხრილვას ახმაურებიან.

ISIS-ის წინააღმდეგ მიმდინარე ოპერაციის პარალელურად სირიაში ოპოზიციური ძალების პოზიციებიც დაიბომბა.

ცნობილი ხდება საუდის არაბეთის ისტორიული არჩევნების პირველი შედეგები. ქვეყანას პირველი დეპუტატი ქალი ჰყავს. საარჩევნო კომისიის განცხადებით, სალმა ალ-ოტეიბი მექას პროვინციის დეპუტატი გახდა.

საფრანგეთში ადგილობრივი არჩევნების მეორე ტური მიმდინარეობს. ხმის მიცემის პროცედურა უსაფრთხოების განსაკუთრებული ზომების ფონზე იმართება. საკუთარი არჩევანი უკვე გააკეთეს სამივე წამყვანი პარტიის ლიდერებმა.

მოწმეთა დაკითხვის წესთან დაკავშიბით ადვოკატთა ასოციაციამ საკუთარი კანონპროექტი შეიმუშავა. იურისტები დაცვის მხარისთვის უფლებების გაზრდას ითხოვენ. პროექტის მიხედვით ადვოკატის უფლებვამოსიელბა 20-ზე მეტ მუხლშია გაწერილი.

ვიზალიბერალიზაციასთან დაკავშირებით პოზიტიურ დასკვნას ელოდებიან მთავრობის წევრები 15 დეკემბერს. ევროკომისიის ანგარიშის გამოქვეყნებამდე მინისტრები განცხადებებს აკეთებენ, მათი განმარტებით, საქართველომ სამოქმედო გეგმის ყველა მოთხოვნა შეასრულა. 

8 ოჯახს ღია ცის ქვეშ დარჩენის საფრთხე ემუქრება ოზურგეთში. დაბა ნასაკირალის ცენტრში მდებარე ორსართულიან საცხოვრებელ კორპუსს, ერთი ნაწილი ჩამოეშალა. უქმე დღის გამო, ხელისუფლებიდან დაზარალებულებთან არავინ მისულა. შემთხვევა წუხელ მოხდა. დაშავებული არავინაა. ადგილობრივების განმარტებით, ამორტიზირებული შენობის გამაგრების თხოვნით მათ ხელისუფლებას არაერთხელ მიმართეს.