Новости за 27.12.2015

ახალ 2016 წელს რუსთავი 2 კვლავ პირადპირ ეთერში თქვენთან ერთად შეხვდება.  31 დეკემბერს ყველაზე პოპულარუი ტელეკომპანია 100 % ქართულ კონცერტს შემოგთავაზებთ პირდაპირ ეთერში. 

წინასაახალწლოდ ელექტრონული მედია, სოციალური ქსელები და ინტერნეტი აფეთქდა სახალისო ვიდეოშარჟების სიმრავლით. ამ შარჟებში ერთერთი მთავარი როლი ჯონ ტრავოლტას გმირს ფილმიდან მაკულატურა ეკავა. მისი მონაწილეობით ვიდეომასალები წლის თითქმის ყველა მნიშვნელოვან მოვლენას გამოეხმაურა. 

რუსთავი 2-ის სიუჟეტები, რომლებმაც ადამიანთა ცხოვრება შეცვალა. 2015 წლის განმავლობაში პოსტსკტიპტუმის საეთერო დროის დიდი ნაწილი სწორედ იმ პრობლემებს შეეხებოდა, რომელიც მოქალაქეებს აწუხებთ. მათ შორის არის ელექტროენერგიის ტარიფი, უგზოობა, სამსახურიდან უკანონოდ გათავისუფლება, მუქარა, ცემა, დაშინება. 

გასული წლის ყველაზე ტრაგიკული მოვლენა 13 ივნისის სტიქია იყო. ოფიციალური ინფორმაციით საერთო ჯამში სტიქიამ 194 ოჯახი და 800-ზე მეტი ფიზიკური პირი დააზარალა. გარდაიცვალა 20 ადამიანი, 2 დაკარგულის სერგი კაპანაძის და ბექა ბუთურიშვილის პოვნა კი ამ დრომდე ვერ ხერხდება.

2015 წელი ეკონომიკური თვალსაზრისით მთელი რეგიონისთვის აღმოჩნდა რთული. რუბლი 20 პროცენტით, ლირა 25 პროცენტით, აზერბაიჯანული მანათი კი 99 პროცენტით გაუფასურდა. გაუფასურდა ლარიც და გაიზარდა პროდუქტების ფასებიც. 

2015 წლის ბოლო პოსტსკტიპტუმმა ქვეყნის პოლიტიკური წელი შეაჯამა. მთავარი თემები -ირაკლი ღარიბაშვილის გადადგომა, ახალი მთავრობის დაკომპლექტება, ვიზალიბერალიზაცია, რუსეთთან ვიზების გამარტივება იყო. 

ახალი პოლიტიკური მოძრაობის პრეზენტაცია თბილისში. ახალი მოძრაობის მიზანი საზოგადობის აქტიურ პოლიტიკურ ცხოვრებაში ჩაბმა და სამოქალაქო ცნობიერების ამაღლებაა.

"ცილისმწამებელი,"- ასე ეხმაურება ვიცესპიკერი მანანა კობახიძე ალეკო ელისაშვილის ბრალდებებს. მანანა კობახიძე ამბობს, რომ მისი ადვოკატი სარჩელს ელისაშვილის წინააღმდეგ უახლოეს პერიოდში შეიტანს. 

მთავრობის ახალ შემადგენლობას ხვალ პარლამენტში ელოდებიან. დღის განმავლობაში საპარლამენტო კომიტეტებში და პოლიტიკურ ჯგუფებში განხილული იქნება მინისტრთა კაბინეტის ახალი შემადგენლობა. ხოლო 29 დეკემბერს სამშაბათს პარლამენტი იმსჯელებს გამოუცხადოს თუ არა ნდობა მთავრობის ახალ შემადგენლობას. 

ბათუმის მცხოვრებლებმა ბულვარში სარეაბილიტაციო სამუშაოების ნაწილის მიმდინარეობა გააპროტესტეს. მათ განაცხადეს, რომ ე.წ. შუა ხაზი ამ სამუშაოების ჩატარების შემდეგ გაუქმდება და ახალი კონცეფციის მიხედვით მესამე ზოლში კაფე-ბარები განთავსდება.

რუსეთის ავია-იერიშებს სირიაში მშვიდობიანი მოსახლეობის მხრიდან მსხვერპლი მოჰყვა.

"გვჭირდება თანადგომა და ურთიერთანამშრომლობა,"- ასე გამოეხმაურა თავდაცვისა და უშიშროების კომიტეტის ხელმძღვანელი ირაკლი სესიაშვილი საქართველოს პრეზიდენტის განცხადებას, სადაც პრეზიდენტი ამბობს, რომ მასსა და ყოფილ პრემიერმინისტრს შორის იყო უთანხმოება. 

პრეზინდეტის განცხადებას ქართულ ოცნებასთან გართულებული კომუნიკაციის შესახებ ეხმიანებიან უმრავლესობის წევრები. ამ კუთხით არსებულ პრობლემას ადასტურებს ფრაქცია ქართული ოცნების თავმჯდომარე გია ვოლსკი.

ახალი მთავრობის შემადგენლობა ცნობილია და პარლამენტში მინისტრობის კანდიდატებს ხვალიდან ელოდებიან, მაანმდე კი ცნობილი ხდება რომ არ არის გამორიცხულ ახლად დამტკიცებულ მინისტრთა კაბინეტში ცვლილებები განხორიცლედეს. განცხადებები ამის შესახებ საპარლამენტო უმრავლესობაში გაკეთდა. 

ავარია მოხდა ჩინეთის თაბაშირის მომპოვებელ მაღაროში. წინასწარი ინფორმაციით დაღუპულია ერთი ადამიანი, 17 კი - მიწის ქვეშაა ბლოკირებული. ადგილზე მასშტაბური სამაშველო ოპერაცია მიმდინარეობს. მაშველებმა მხოლოდ 14 მაღაროელის ადგილმდებარეობა იციან, დანარჩენ სამთან კი კონტაქტის დამყარებას ვერ ახერხებენ.

"დარწმუნებული ვარ წარმატებული გუნდი იქნება,"- ეს განცხადება ჟურნალისტებთან დღეს ეკონომიკის მინისტრობის კანდიდატმა და მომავალმა ვიცეპერემიერმა დიმიტრი ქუმსიშვილმა გააკეთა. 

საქართველოს პრემიერმინისტრობის კანდიდატი ამბობს, რომ მაქსიმალურად გააკეთებს ყველაფერს იმისათვის, რომ სახელმწიფო სტრუქტურებს შორის იყოს სამუშაო ვითარება. ამასთან კვირიკაშვილი ამბობს, რომ ირაკლი ღარიბაშვილსა და პრეზიდენტს შორის ცუდი ურთიერთობა არასდროს ყოფილა თუმცა აღნიშნავს, რომ იყო გარკვეული დელიკატური საკითხებიც. 

ახალი მთავრობის დამტკიცების შემემთხვევაში ვიცეპრემიერების თანამდებობებს დიმიტრი ქუმსიშვილი და კახა კალაძე დაიკავებენ. განცხადება ამის შესახებ პრემიერმინისტრობის კანდიდატმა გიორგი კვირიკაშვილმა გააკეთა. 

დაჯგუფება თალიბანმა ოფიციალური განცხადება გამოაქვეყნა, სადაც რუსეთთან მოლაპარაკებები უარყვეს. განცხადებაში ნათქვამია, რომ ისლამურ სახელმწიფოსთან ბრძოლაში მათ დახმარება არავისგან სჭირდებათ, არავისთან აქვთ კონტაქტები და არც მოლაპარაკებებს აწარმოებენ.

გურიაში 24 წლის ახალგაზრდა დაჭრეს. შემთხვევა სოფელ ბაილეთში გამთენიისას მოხდა. არსებული ინფორმაციით ახალგაზრდას სანადირო თოფიდან ესროლეს. 

მთავრობის წარმომადგენლები ბაკურიანში კოხტა გორაზე ახალი საბაგიროს გახსნას ესწრებიან. კოხტის საბაგიროზე ახალი სავარძლის ტიპის 6 ადგილიანი საბაგირო დამონტაჟდა.

მთავრობის წარმომადგენლებმა კომენტარი გააკეთეს სამთავრობო ცვლილებებზე. მინისტრების მოვალეობის შემსრულებლების თქმით, ისინი დიდი ხანია გიორგი კვირიკაშვილთან მუშაობენ, თუმცა მას ახლა მოუწევს, რომ ყველა უწყების მუშაობის პრინციპში გაერკვეს.

ცნობილი ხდება რაგბის კავშირის ყრილობის ჩატარების თარიღი, სადაც ახალი პრეზინდეტი უნდა აირჩიონ. კავშირის წევრები 24 იანვარს, სასტუმრო მარიოტ ქორთიარდში შეირკიბებიან.
ჯერ-ჯერობით ოფიციალურად არც ერთი კანდიდატურა წარდგენილი არაა. 

ახალ მინისტრთა კაბინეტში თეა წულუკიანი აღარ უნდა იყოს - აცხადებს ადვოკატთა ასოციაციის პრეზინდეტი. ზაზა ხატიაშვილი ამბობსმ, რომ ის მურუსიძეებს სასამართლო სისტემაში არ დაუშვებს. 

არასაპარლამენტო ოპოზიციაში სამთავრობო ცვლილებებს ბიძინა ივანიშვილს უკავშირებენ. განცხადებები პოლიტიკური პარტიების წარმომადგენლებმა კიდევ ერთხელ გააკეთეს და აღნიშნეს, რომ ქვეყანაში ყველა გადაწყვეტილებას ბიძინა ივანიშვილი იღებს.