Новости за 23.12.2015

A few minutes ago, and the President issued a decree and  imposed  duties o of the interim government  on the current composition of theCabinet of Ministers.

რამდენიმე წუთის წინ პრეზიდენტმა გიორგი მარგველაშვილმა განკარგულება გამოსცა და არსებული მთავრობის შემადგენლობას დროებითი მოვალეობის შესრულება დააკისრა.

თავისუფალი დემოკრატებისათვის ირაკლი ღარიბაშვილის თანამდებობიდან წასვლის მიზეზები უცნობია. როგორც დღეს ფრაქციის თავმჯდომარემ ირაკლი ჩიქოვანმა განაცხადა, პრემიერი საკუთარი საქმიანობით კმაყოფილი იყო, ამიტომ მისი თანამდებობის დატოვების შესახებ გადაწყვეტილება გაუგებარია.

ეკა ბესელია პარლამენტში საგამოძიებო კომისიის შექმნას მხარს უჭერს და აცხადებს, რომ არაფერი აქვს დასამალი. მმართველი გუნდი შეწყალების სკანდალთან დაკავშირებით საგამოძიებო კომისიის შექმნის აუცილებლობას ვერ ხედავს. ქართული ოცნება გამოძიების დასრულებას ელოდება და ამ პროცესში პროკურატურას სრულ ნდობას უცხადებს.

რუსთავის პირველი საჯარო სკოლის პედაგოგების ნაწილი და მშობლები განათლების სამინისტროს დირექტორის თანამდებობიდან გათავისუფლებას სთხოვენ. სკოლის ხელმძღვანელს ფულის გამოძალვაში, სიტყვიერ და ფიზიკურ შეურაცხყოფაში ადანაშაულებენ.

თინა ხიდაშელი აცხადებს, რომ პრემიერმინისტრობის ახალი კანდიდატის ვინაობა უმრავლესობამ უნდა გადაწყვიტონ. თინა ხიდაშელმა იმედი გამოთქვა, რომ ის მომავალ მთავრობაში მუშაობას გააგრძელებს.

პრემიერის გადადგომას და სამთვრობო პორტფელების ცვლას ექსპერტები ბიძინა ივანიშვილის უკავშირებენ. ანლიტრიკოსებს მიჩნიათ, რომ ყოფილმა პრემიერმა გადაწყვეტილება ერთპიროვნულად მიიღო და წინასაარჩევნოდ პოზიციების გამყარებას ახალი პოლიტიკური გუნდით შეეცდება.

პრემიერმინისტრის დამტკიცებაზე საბოლო გადაწყვეტილებას პარლამენტი იღებს, თუმცა საპარლამენტო უმრავლესობის ნაწილმა საკადრო ცვლილებები დღის პირველ ნახევარში არასერიოზულად მიიღო.

According to "Courier`s" information, a new Cabinet will be headed by Giorgi Kvirikashvili, who has held the post of foreign minister. His deputy,Mikhail Janelidze is supposed to take this position.
Dmitry Qumsishvili, who was the Minister of Economy, will be appointed to th position of Finance Minister and he, in his turn will be replaced by Giorgi Gakharia or Mamuka Bakhtadze, who was the head of the Georgian Railways.

კურიერის ინფორმაციით ახალ მინისტრთა კაბინეტს გიორგი კვირიკაშვილი უხელმძღვანელებს, რომელიც ამ დრომდე საგარეო საქმეთა  მინისტრის პოსტს იკავებდა. ამ თანამდებობაზე კი კვირიკაშვილის ნაცვლად მისი მოადგილე მიხეილ ჯანელიძე დაინიშნება. 

პირველი განცხადება მინისტრთა კაბინეტიდან-ირაკლი ღარიბაშვილის გადაწყვეტილება თავდაცვის მინისტრმა შეაფასა. თინა ხიდაშელის თქმით, მისთვის ეს გადაწყვეტილება სიახლე არ იყო.

მინისტრთა კაბინეტის წევრებს პრემიერის გადადგომის შესახებ ინფორმაცია დღის პირველ ნახევარში არ დაუდასტურებიათ. სახელმწიფო მინისტრის მსგავსად პრემიერის წარმომადგენელიც აცხადებდა, რომ მან ირაკლი ღარიბაშვილის გეგმების შესახებ არაფერი იცოდა.

ნაციონალურ მოძრაობაში არსებული ვითარებიდან გამოსავლად რიგგარეშე არჩევნებს მიიჩნევენ. როგორც დღეს ოპოზიციის წევრი დეპუტატები აცხადებენ პრემიერის შეცვლით რეალურად არაფერი იცვლება. ამის შესახებ განცხადება ნაციონალურ მოძრაობის ლიდერმა დავით ბაქრაძემ გააკეთა და თქვა, რომ დღეს ბიძინა ივანიშვილის გარდა არავინ იცის ვინ შეცვლის ირაკლი ღარიბაშვილს.

უმრავლესობის ნაწილი არ უარყოფს, რომ ირაკლი ღარიბაშვილის მიერ თანამდებობიდან წასვლის შესახებ  კონსულტაციებში ბიძინა ივანიშვილი ჩართული იყო. 

ირაკლი ღარიბაშვილის თანამდებობიდან წასვლა პარლამენტის თავმჯდომარის მოადგილემ და დამოუკიდებელმა დეპუტატმა, მურმან დუმბაძემ, შეაფასა. მისი თქმით, ირაკლი ღარიბაშვილი თანამდებობაზე მოსვლის დღიდან უკვე წასული იყო, რადგან დუმბაძის განცხადებით, ის დამოუკიდებელი პრემიერმინისტრი არ ყოფილა. 

ნაციონალურ მოძრაობაში ირაკლი ღარიბაშვილის თანამდებობიდან წასვლას ბიძინა ივანიშვილის გადაწყევტილებას უწოდებენ და ამბობენ, რომ ქვეყენაში რეალური ცვლილება მანამდე არ იქნება, სანამ რეალური მმართველი ბიძინა ივანიშვილი ქვეყნის მართვას არ ჩამოშორდება. ამის შესახებ დღეს განცხადება კურიერთან გიგა ბოკერიამ გააკეთა.

"ირაკლი ღარიბაშვილი ივანიშვილის მსგავსად მოიქცა,"- ასე გამოეხმაურა პარლამენტის თავმჯდომარე დავით უსუფაშვილი ირაკლი ღარიბაშვილის განცხადებას თანამდებობიდან წასვლის შესახებ. დავით უსუფაშვილმა ყოფილ პრემიერს მადლობა გადაუხადა გაწეული საქმიანობისთვის.

2016 წელს საქართველო შესაძლოა მოვალეობის შემსრულებელი მთავრობით შეხვდეს. საპარლამენტო უმრავლესობას ერთი კვირა რჩება ახალი მთავრობის დასამტკიცებლად, თუმცა ვინ იქნება მინისტრთა კაბინეტის ახალი შემადგენლობის ახალი ხელმძღვანელი ჯერ უცნობია. ირაკლი ღარიბაშვილმა პოსტი დატოვა. ახლა ჯერი უმრავლესობაზეა, რომელმაც მისი შემცვლელი უნდა დაასახელოს. სავარაუდო კანდიდატურებად საგარეო საქმეთა მინისტრი გიორგი კვირიკაშვილი, ჯანდაცვის მინისტრი დავით სერგეენკო და ეკონომიკის მინისტრი დიმიტრი ქუმსიშვილი სახელდებიან.

პრემიერმინისტრის ირაკლი ღარიბაშვილის გადადგომის შემდეგ, ყველაზე აქტიურად მის შემცვლელად ვიცეპრემიერის გიორგი კვირიკაშვილის კანდიდატურა სახელდება.

ყოფილმა პრემიერმა ირაკლი ღარიბაშვილმა კარიერა ქართუ-ჯგუფში მუშაობით დაიწყო. 2004-2005 წლებში იგი - შ.პ.ს. ბურჯი-ს (ქართუ-ჯგუფი) ლოჯისტიკის დეპარტამენტის საგარეო შესყიდვების განყოფილების მენეჯერად დაინიშნა. მანამდე კი ის საქართველოს პარლამენტში საგარეო ურთიერთობათა კომიტეტში სტაჟიორი იყო.

საქართველოს პრემიერმინისტრის პოსტს ირაკლი ღარიბაშვილის შემდეგ უკვე მეორედ ბიძინა ივანიშვილი დაიკავებს. ამის შესახებ განცხადება რამდენიმე წუთის წინ უკვე ყოფილმა პრემიერმა, ირაკლი ღარიბაშვილმა გააკეთა.

პრემიერმინისტრის შესაძლო გადაგომაზე განცხადებები საპარლამენტო უმცირესობაში გააკეთეს. ფრაქცია ნაციონალური მოძრაობის წევრი პეტრე ცისკარიშვილი მიიჩნევს, რომ ირაკლი ღარიბაშვილის გადადგომა ქვეყანას კრიზისიდან ვერ გამოიყვანს, რადგან, მისივე თქმით, ახალი პრემიერიც ბიძინა ივანიშვილის მმართველობის ქვეშ იქნება.

"ვინც არ უნდა იყოს პრემიერი ეს არაფერს შეცვლის,"- ასე ეხმაურებიან ახალ პოლიტიკურ ცენტრ - გირჩში გავრცელებულ ინფორმაციას იმის შესახებ, რომ დღეს დღის ბოლოს ირაკლი ღარიბაშვილი თანამდებობას დატოვებს. 

ნაციონალური მოძრაობა პრემიერმინისტრის მოსალოდნელი გადადგომის შესახებ შეფასებებს აკეთებს და ამბობს, რომ ბიძინა ივანიშვილს ჯერ ირაკლი ღარიბაშვილის შემცვლელი შერჩეული არ ჰყავს, რის გამოც დღეს პრემიერის განცხადება რამდენჯერმე გადაიდო.

ამ დროისთვის დეპუტატები მთავრობის ადმინისტრაციიდან ირაკლი ღარიბაშვილის თანამდებობის შესაძლო დატოვებაზე ინფორმაციის დაზუსტებას ელოდებიან. უმრავლესობას არ აქვს დაზუსტებული ინფორმაცია თუ რას განაცხადებს ბრიფინგზე ირაკლი ღარიბაშვილი.