Новости за 28.12.2015

პარლამენტის თავმჯდომარე დავით უსუფაშვილი მთავრობის შემადგენლობის დამტკიცების პროცედურებს განმარტავს. როგორც უსუფაშვილმა განაცხადა, ახალ პრემიერსა და მთავრობის შემადგენლობას დღეს კომიტეტებსა და ფრაქციებში მოუსმინეს და პროცედურულად პარლამენტი მზად არის მთავრობის დამტკიცებისთვის.

დიდი ბრიტანეთის პრემიერმინისტრმა წყალდიდობის შედეგად დაზარალებული რეგიონები მოინახულა. დეივიდ კამერონი იორკ–შირში ჩავიდა და სამაშველო ოპერაციაში მონაწილე სამხედროებსა და მოხალისეებს შეხვდა.

გუდიაშვილის ისტორიული ქუჩის რეაბილიტაცია ისევ განახლდა, რასაც სავარაუდოდ არასამთავრობო სექტორის ფართომაშტაბიანი პროტესტი მოჰყვება. თბილისის ჰამქარი ფართომასშტაბიან აქციებს გუდიაშვილის მოედნის გადარჩენისთვის აანონსებს.

ახალი კაბინეტისა და მთავრობის მეთაურის წარდგენის შემდეგ ერთ-ერთი მთავარი კითხვა პრეზიდენტისა და პრემიერის ინსტიტუტების სამომავლო ურთიერთობას ეხება, რომელიც წინა პრემიერის დროს საკმაოდ დაძაბული ფორმატის იყო.

საზოგადოების სხვადასხვა სფეროს წარმომადგენელი პრეზიდენტს თბილისის ყოფილი მერის შეწყალებას სთხოვს.

ადამიანის უფლებათა დაცვის კომისიის თავმჯდომარე ეკა ბესელია ალეკო ელისაშვილს პრეზიდენტის ცოლის ძმის საქმეს ახსენებს. ბესელია პრეზიდენტ გიორგი მარგველაშვილისადმი გაღიზიანებასაც ვერ მალავს და პრეზიდენტის ცოლის ძმის გათავისუფლების საფუძვლებს ეჭვქვეშ აყენებს.

საპროტესტო აქციებით არასამთავრობო სექტორი საკანონმდებლო ცვლილებების მოთხოვნას გეგმავს. დღის ბოლოს არასამთავრობო ორგანიზაციების წარმომადგენლები ახლაგაზრდა იურისტთა ასოციაციაში შეიკრიბნენ და საკუთარი მოთხოვნები პუნქტებად ჩამოაყალიბეს.

აუცილებელი პროცედურები გავლილია. პრემიერ მინისტრობის კანდიდატი და მინისტრთა კაბინეტი მთელი დღის განმავლობაში პარლამენტში მართავდა შეხვედრებს. საკომიტეტო განხილვების პარალელურად მთავრობის წევრები ოპოზიცისა და უმრავლეობასაც შეხვდნენ. 

პრემიერობის კანდიდატის შეხვედრა უმცირესობასთან 20 წუთის დაგვიანებით მიკროფონების გაუმართაობისა და ტექნიკური პრობლემების გამო დაიწყო.

პრემიერობის კანდიდატი გიორგი კვირიკაშვილი სამწუხარო რეალობას უწოდებს იმ ფაქტს, რომ უახლოეს პერიოდში კომუნალური გადასახადების ტარიფები გაიზრდება. კვირიკაშვილი ნაციონალურ მოძრაობასთან შეხვედრისას მან ტარიფების გაზრდის გარდაუვალობის მიზეზები ახსნა. გიორგი კვირიკაშვილი ამბობს, რომ ქართული ოცნების საარჩევნო დაპირებები ხშირ შემთხვევაში იყო გადაჭარბებული, თუმცა ეს არ იყო ავანტიურა ქართული ოცნების მხრიდან.

"რუსეთთან ურთიერთობაში უმნიშვნელოვანესი ფორმატია ჟენევის მოლაპარაკებები,"- ეს განცხადება გიორგი კვირიკაშვილმა საპარლამენტო უმცირესობასთან შეხვედრის დროს გააკეთა. 

პრემიერობის კანდიდატი გიორგი კვირიკაშვილი ნაციონალურ მოძრაობასთან შეხვედრისას რუსთავი 2-ის თემაზე დასმულ კითხვას პასუხობს და ამბობს, რომ სიტყვის თავისუფლება არის უმაღლესი ფასეულობა ჩვენი მთავრობისათვის. გიორგი კვირიკაშვილმა დღეს შეხვედრაზე ბრიუსელში მისი ვიზიტის დეტალებიც გაიხსენა და განაცხადა, რომ მან პირადად მოითხოვა ევროკომისიის სპეციალური წარმომადგენლების ჩამოსვლა საქართველოში, რათა პროცესი იყოს მაქსიმალურად გამჭვირვალე, ტელეკომპანიის სარედაქციო პოლიტიკაში არ ქონდეს არანაირი ჩარევას ადგილი... Читать дальше...

პრემიერობის კანდიდატმა გიორგი კვირიკაშვილმა ეროსი კიწმარიშვილთან დაკავშირებით ნუგზარ წიკლაურის შეფასებები გააკრიტიკა. ნაციონალური მოძრაობის დეპუტატმა ღიად განაცხადა, რომ საზოგადოებაში არსებობს მოსაზრება, რომ კიწმარიშვილის მკვლელობა რუსთავი 2-ის წილების საქმეს უკავშირდება. გიორგი კვირიკაშვილის თქმით ასეთი განცხადებების მოსმენა დეპუტატისგან არამიზანშეწონილია.

"რაფალიანცის საქმე რომ გამოუძიებელია ეს არის უბედურება,"- ეს განცხადება პარლამენტში პრემიერმინისტრობის კანდიდატმა გიორგი კვირიკაშვილმა გააკეთა. 

"ჩვენ უნდა ვიყოთ პირველ რიგში ევროპული ქვეყანა რომელიც არის ღია როგორც ევროპული ასევე აზიური ინვესტიციისვის,"- ეს განცხადება საქართველოს პრემიერმინისტრობის კანდიდატმა გიორგი კვირიკაშვილმა გააკეთა. 

ზურაბ მელიქიშვილმა აბსოლუტური ჯოჯოხეთი დახატა თავის შეკითხვებში, – ასე დაიწყო პრემიერობის კანდიდატმა გიორგი კვირიკაშვილმა ნაციონალურ მოძრაობის წევრი დეპუტატის ზურაბ მელიქიშვილის კითხვებზე პასუხი. კვირიკაშვილმა ოპოზიციასთან შეხვედრისას ეკონომიკაზე საუბარს დიდი დრო დაუთმო და თქვა, რომ პრობლემები ამ სფეროში არის, მაგრამ არსებულ კრიტიკას სრულად არ იზიარებს.

გიორგი კვირიკაშვილი არაფორმალურ მმართველობასთან დაკავშირებულ განცხადებებს არ იზიარებს და ამბობს, რომ არაფორმალური მმართველობა არ არის ჩვენს ქვეყანაში. გიორგი კვირიკაშვილმა ბიძინა ივანიშვილის დამსახურებებზე ისაუბრა და კულტურული მემკვიდრეობის ძეგლების აღდგენაზე გაამახვილა ყურადღება. თუმცა ნაციონალურმა მოძრაობამ პრემიერობის კანდიდატს დანგრეული საყდრისი შეახსენა.

"ბატონმა ნოდარ ხადურმა ისეთი ცვლილებები შემოგვთავაზა, მეც გამიკვირდა,"- ეს განცხადება პარლამენტში ერთიანი ნაციონალური მოძრაობის დეპუტატებთან შეხვედრის დროს პრემიერმინისტრობის კანდიდატმა გააკეთა. გიორგი კვირიკაშვილი ამბობს, რომ ეკონომიკის სფეროში ცვლილებები საჭირო არის. 

პრემიერობის კანდიდატი გიორგი კვირიკაშვილი ნაციონალურ მოძრაობას მოუწოდებს მათი მმართველობის პერიოდში არსებულ უარყოფით ასპექტებზე უფრო მეტი ისაუბრონ. ამის შესახებ კვირიკაშვილმა დღეს ოპოზიციასთან შეხვედრის დროს განაცხადა. პრემიერობის კანდიდატი ხაზს უსვამს ნაციონალური მოძრაობის მმართველობისას მიღწეულ პროგრესსაც და აცხადებს, რომ დღევანდელი ხელისუფლება ამ პროგრესს ინარჩუნებს.

"მინდა ჩავიხედო იმ სფეროებში რომელთანაც ვიცეპრემიერობის დროს შეხება არ მქონია,"- ეს განცხადება პრემიერმინისტრობის კანდიდატმა გიორგი კვირიკაშვილმა გააკეთა. კვირიკაშვილი აცხადებს, რომ საკადრო ცვლილებები შეიძლება განხორციელდეს.

Giorgi Kvirikashvili meets UNM members. Irma Nadirashvili claims that the country has not Georgian government, but Bank Cartu"s government, which works for the success of this Bank and not of the country.

"ჩვენ საქართველოში ვართ და ეკონომიკის პარამეტრები დოლარში არ განისაზღვრება,"- ეს განცხადება რამდენიმე წუთის წინ პარლამენტში გიორგი კვირიკაშვილმა გააკეთა. პრემიერმინისტრობის კანდიდატი ამბობს, რომ საქართველომ 13-14 ქვეყანას შორის შეძლო რომ ეროვნულ ვალუტას დიდი დევალვაცია არ განეხორციელებინა.

ნაციონალური მოძრაობის წევრმა დეპუტატმა ირმა ნადირაშვილმა პრემიერობის კანდიდატ გიორგი კვირიკაშვილს მთავრობის დაკომპლექტებაში ბიძინა ივანიშვილის ინტერესების გათვალისწინებასთან დაკავშირებით კითხვა დაუსვა და თქვა, რომ დღეს ქვეყანას ყავს, არა საქართველოს მთავრობა, არამედ ქართუ ბანკის მთავრობა, რომელიც მუშაობს ამ ბანკის წარმატებაზე და არა ქვეყნის წარმატებაზე.

Giorgi Margvelashvili responds to an appeal of the famous Georgians to pardon Gigi Ugulava.  According to the Statement Giorgi Margvelashvili can not take a decision, which would  create an extra sense of loyalty towards such crime.

საქართველოს პრეზიდენტი გიორგი მარგველაშვილი გიგი უგულავას შეწყალების მოთხოვნით ცნობილი სახეების მიმართვას პასუხობს. უგულავას შეწყალებასთან დაკავშირებით პრეზიდენტი საპასუხო წერილში წერს, რომ ის ვერ მიიღებს გადაწყვეტილებას, რომელმაც შესაძლოა საზოგადოებაში გააჩინოს მსგავსი დანაშაულების მიმართ ზედმეტი ლოიალობის  შეგრძნება.