Новости за 01.11.2015

რუსთავი 2-ზე ნიჭიერი ბრუნდება. ხვალიდან ყოველ ორშაბათს 22:00 საათზე მეგაშოუ განსხვავებული ფორმატით გავა ეთერში. გასული სეზონებისგან განსხვავებით წელს მონაწილეებს ჟიურის 5 წევრი შეაფასებს გამარჯვებულს კი კვლავაც საქართველოს მოსახლეობა
გამოავლენს.

27 ოქტომბერს, 40 წლამდე ქალბატონი სასწრაფომ საავადმყოფოში გადაიყვანა, ახალნამშობიარები აღმოჩნდა, თუმცა ბავშვზე არაფერს ამბობდა. ექიმებმა პატრული გამოიძახეს, პოლიციამ გარდაცვლილი ახალშობილი პაციენტის სახლში იპოვა. ქალს მეუღლე და 3 ბიჭი ჰყავს და მე-4 შვილს ელოდებოდა.

საფრანგეთის რესპუბლიკის პროკურორის სახელზე ბიძინა ივანიშვილის წინააღმდეგ საჩივარი შევიდა. ეს არის პარიზის სისხლის სამართლებრივი მართლწესრიგის ბიუროს მიერ გაცემული ცნობა. დოკუმენტი რუსთავი 2-ს ჟურნალისტმა ვლადიმერ ივანიძემ მიაწოდა. ცნობაში წერია, რომ მოქალაქე ინგა პავლოვას განცხადების საფუძველზე ფრანგმა სამართალმდაცავებმა საფრანგეთის მოქალაქის ბიძინა ივანიშვილის მიერ 1994 წელს გაფორმული დოკუმენტების კანონიერების შესწავლა დაიწყეს.

დედაქალაქის ხელისუფლება ახალ სკანდალში ეხვევა - თბილისის მერიამ ახალი, 1 მილიონ 700 ათასი ლარის ღირებულების კონტრაქტი უგულავასა და მერაბიშვილის პროცესის კიდევ ერთი მთავარი მოწმის, გიორგი მიქელაძის კუთვნილ კომპანიას, ასევე უკონკურსოდ, პირდაპირი შესყიდვის გზით გაუფორმა.

სამოქალაქო განვითარების სააგენტოს (CIDA) ხელმძღვანელს ზვიად დევდარიანს ამ დრომდე არ აქვს მიღებული გადაწყვეტილება მიიღებს თუ არა მონაწილეობას რუსთავი 2-ის მიერ შეთავაზებულ წინადადებაში, რაც სამაუწყებლო კომპანიაში საზოგადოებრივი საბჭოს შექმნას გულისხმობს. 

გასულ კვირას გავრცელებულ ფარულ ჩანაწერებზე, სადაც მიხეილ სააკაშვილი გიგა ბოკერიასა და ნიკა გვარამიას ესაუბრება საქმე აღიძრა. 

ევროპარლამენტმა გასულ კვირას საქართველოს მისამართით ერთ-ერთი ყველაზე კრიტიკული განცხადება გაავრცელა. განცხადებაში შეშფოთება იყო გამოთქმული რუსთვი 2-ის ირგვლივ მიმდინარე პროცესზე, სიძულვილის ენაზე ქართულ პოლიტიკაში და სტალინიზმთან დაკავშირებით. 

სამცხე ჯავახეთი ერთ-ერთი რეგიონია, რომელიც საქართველოს გზას ევრაზიულ კავშირში უფრო ხედავს ვიდრე ევროპაში, მიზეზი ბევრია. ეთნიკურად სომეხი მოქალაქეები ნაწილი საქართველოშიც 6 თვეს და რუსეთშიც 6 თვეს ატარებენ. მათი ახლობლების დიდი ნაწილი კი სწორედ რუსეთში ცხოვრობს და მუშაობს. ისინი ფიქრობენ, რომ რუსეთი უფრო საინტერესოა ვიდრე ევროპა. ნაწილი კი ვერ აკონკრეტებს თუ რატომ რუსეთი და არა ევროპა. სამცხე-ჯავახეთში მცხოვრები ქართველები ამბობენ, რომ მათ რუსეთი არ სურთ და უნდათ ევროპაში. რეგიონში არიან ქართველები... Читать дальше...

მმართველი გუნდი ცესკო-ს მონაცემებით ორივე მაჟორიტარულ ოლქში ლიდერობს. მარტვილში პატრიოტთა ალიანსის წარმომადგენელს ქართული ოცნების წევრმა დიდი სხვაობით სძლია. რაც შეეხება საგარეჯოს, აქ როგორც წინასაარჩევნო პერიოდი, ასევე არჩევნების დღე და მისი მომდევნო პერიოდი დაძაბულ ვითარებაში მიმდინარეობდა. ვითარების დაძაბვა განსაკუთრებით იმ სპეცუბნის შედეგებმა გამოიწვია, სადაც მუხროვანის სამხედრო ბაზის შედეგები ითვლებოდა. ირმა ინაშვილი ამბობს, რომ ადგილი ჰქონდა გაყალბებას, თუმცა თამარ ხიდაშელს მიაჩნია, რომ... Читать дальше...

შს სამინისტრომ ქუთაისში ავტომშენებლის ქუჩაზე მომხდარი მკვლელობა გახსნა. განცხადება ამის შესახებ რამდენიმე წუთის წინ შს სამინისტროს პრესსამსახურმა გაავრცელა. განცხადებაში ნათქვამია, რომ სამართალდამცავებმა 27 წლის პირი დააკავეს, რომელიც ჩადენილ დანაშაულს აღიარებს. 

ქუთაისში მკვლელობა მოხდა. არსებული ინცორმაციით 30 წლამდე მამაკაცმა სკოლის მოსწავლე მოკლა.  

რუსი, ეგვიპტელი და ფრანგი სპეციალისტები ეგვიპტეში ჩამოვარდნილი თვითმფრინავის შავი ყუთების გაშიფვრას შეუდგნენ. როგორც ირკვევა შავი ყუთები უმნიშვნელოდაა დაზიანებული, რაც ექსპერტებს სრულფასოვანი მონაცემების მიღების საშუალებას მისცემს.

ისლამური სახელმწიფოს ტერორისტებმა 12 ბავშვი სიკდილით დასაჯეს. ინფორმაციას ქურთთა დემოკრატიული პარტიის ლიდერი ავრცელებს.

სამართლიანი არჩევნები მორიგ განცხადებას პარლამენტის შუალედურ არჩევნებთან დაკავშირებით მორიგ განცხადებას აქვეყნებს. მასში აქცენტი შემაჯამებელი ოქმების შედგენის პროცედურის დროს გამოვლენილ პრობლემებსა და დარღვევებზე კეთდება.

პარლამენტს ირჩევენ დღეს აზერბაიჯანში. ხმის მიცემის პროცესი ქვეყანაში დილის 08:00 საათზე დაიწყო. 125 ადგილიან მილი მეჯლისში მოსახვედრად 767 კანდიდატი იბრძვის.

თურქეთში რიგგარეშე საპარლამენტო არჩევნები მიმდინარეობს. საარჩევნო უბნები ქვეყნის მასშტაბით ადგილობრივი დროით დილის 08:00 საათზე გაიხსნა.

"არა პანორამა - თბილისს" - ამ სახელწოდების აქცია-მსვლელობა იწყება ამ წუთებში აბანოთუბნის ტერიტორიიდან ორბელიანის მოედნის მიმართულებით.

"ახლა არ არის ძალადობის, რევოლუციებისა ან ფიზიკური ბარიერების აგების დრო,"- ეს განცხადება რუსთავი 2-თან დაკავშირებით გავრცელებულ ფარულ ჩანაწერებზე დიდი ბრიტანეთის ელჩმა გააკეთა. ალექსანდრა ჰოლ ჰოლი პირადი საუბრების მოსმენაზეც ამახვილებს ყურადღებას.

დეფი დეფი ნაცემია - ინციდნეტი თბილისში, მწერალის სახლთან ახლოს მდებარე მაღაზიაში მოხდა. დეფის თქმით, სავაჭრო ობიექტში ის გვიან ღამით მეუღლესთან ერთად იმყოფებოდა.

დავით ნარმანია რუსთავი 2-ს წინააღმდეგ მიმდინარე სასამართლო დავაზე საუბრობს და აცხადებს, რომ ის სამართლიანი გადაწყვეტილების მოლოდინშია.

ნაციონალური მოძრაობა ხელისუფლებისგან დანაპირების შესრულებას კვლავ ითხოვს და აცხადებს, რომ 2016 წლის პირველი იანვრიდან შესაძლებელია პენსიისთვის დამატებით 50 ლარის გამოყოფა. გიგი წერეთელი ამბობს, რომ 420 მილიონი ლარის გამოძებნა ბიუჯეტში რეალურია.

კინორეჟისორი ნინო კირთაძე რუსთავი 2-ს და არხზე მომუშავე ჟურნალისტებს სოლიდარობას და მხარდაჭერას უცხადებს. რეჟისორი ფიქრობს, რომ ქვეყნისთვის ასეთი ტელეკომპანიის დახურვა დამღუპველია.

რუსთავი 2-ის მხარდამჭერთა რიცხვს ოთარ იოსელიანი შეემატა. საფრანგეთში მყოფი კინორეჟისორი ამბობს, რომ რუსთავი 2-ის დახურვა ქვეყნის სირცხვილია. 

კოალიცია ქართული ოცნების მაჟორიტარობის კანდიდატი მარტვილში გამარჯვებას ზეიმობს. ცესკო-ს წინასწარი მონაცემებით, აქ სოსო დანელიამ გაიმარჯვა.

მხოლოდ გამთენიისას მოხერხდა პოლიციის დახმარებით უჯარმის საარჩევნო უბანზე ჩატარებული კენჭისყრის შედეგების გადატანა საგარეჯოს საოლქო საარჩევნო კომისიაში.