Новости за 22.11.2015

ტერორიზმის საფრთხე. სოციალურ ქსელ Twitter-ში ბოლო რამდენიმე წუთია ვრცელდება ინფორმაცია, რომ ბრიუსელის ცენტრში ცენტრალურ სადგურზე სამართალდამცავები და ჯარისკაცები არიან მობილიზებულნი. 

მის საქართველოს 21 კონკურსანტს შორის გამარჯვებული 24 წლის ნუკა ყარალაშვილი გახდა.

მეი ჩინეკე, 16 წლის, გერმანიის ქალაქ ჰანოვერში დაბადებული ჭაბუა ამირეჯიბის შვილთაშვილი 5 წლიდან საქართველოში ცხოვრობს. თბილისში მიმის ეძახიან. სკოლას ამთავრებს და უნდა გადაწყვიტოს სწავლას სად გააგრძელებს.

კუმისის დასახლებაში უგზოობა დიდსაც და პატარასაც თანაბრად აწუხებს. სკოლის მოსწავლეები სახლიდან დილის 08:00 საათზე გადიან, რომ სოფლის შესასვლელთან მისულ სამარშუტო ტაქსს მიუსწრონ.

თბილისის მერის პოსტი დავით ნარმანიამ 2014 წელს დაიკავა 2015 წლის ნოემბერში კი მის შესაძლო იმპიჩმენტზე საკრებულოში ალაპარაკდნენ, მათ შორის უმრავლესობაშიც. მიზეზი 2016 წლის თბილისის ბიუჯეტის პროექტი გახდა. 

მოსალოდნელი ტერორისტული აქტების საფრთხიდან გამომდინარე ბრიუსელში სკოლები და უნივერსიტეტები იხურება. ამის შესახებ გადაწყვეტილება ბელგიის ხელისუფლებამ მიიღო, ინფორმაცია კი ჟურნალისტებს რამდენიმე წუთის წინ ბელგიის პრემიერმინისტრმა გააცნო. 

ეკონომიკის სამინისტრომ თებერვალში 102 ათას დოლარად ერთ-ერთ საკონსულტაციო კომპანიას ბაზრის კვლევა დაუკვეთა. კვლევას პასუხი უნდა გაეცა კითხვაზე - რა დაუჯდება ქვეყანას უნივერსალური საფოსტო მომსახურება და რა პრივილეგია უნდა გადაეცეს ამისთვის ეროვნულ საფოსტო კომპანიას. კვლევას 5 თვე დასჭირდა და დამკვეთმა ივლისში ჩაიბარა, თუმცა მისი შედეგები დღემდე უცნობია, ეკონომიკის სამინისტროში დოკუმენტს მე-4 თვეა სწავლობენ.

რუსთავი 2-ის მხარდამჭერ აქციაზე დაკავებული ნიკა ნარსიას მამა უკვე ერთი თვე და ერთ კვირაა ციხიდან შვილის გათავისუფლებას ყოველ დღე ელოდება. ფიქრობს, რომ მისი შვილი პოლიტიკური პატიმარია და ციხეში ხელისუფლებამ ერთადერთი მოტივით გამოკეტა, სამაგალითოდ დასაჯონ ყველა, ვინც უსამართლობის წინააღმდეგ ქუჩაში გამოვა და მეგოფონით ხელში ეტყვის „არას“ დიქტატურას.

ქობულეთის პოლიციის მთავარ სამმართველოში გატარებული 72 საათის შემდეგ, ბესიკ მახარაძე სახლში სხეულის დაჟეჟილობით, ტვინის შერყევითა და დაზიანებული კისრის მალებით დაბრუნდა.

პაატა ბურჭულაძე არ არის პირველი, ვინც ქველმოქმედებას პოლიტიკური საქმიანობით აგრძელებს. მიუხედავად იმისა გარდაიქმნება თუ არა ეს ფონდი პარტიად, ერთ-ერთი მთვარი თემა რომელზეც უნდა იმუშაოს რუსეთთან ურთიერთობაა.

ტერორისტული საქმიანობის ბრალდებით დაკავებული დავით ბორჩაშვილი ამ დროისთვის კვლავ ღუდუშაურის საავადმყოფოში რჩება. მას ოფიციალურად ბრალს ხვალ წაუყენებენ. მანამდე კი რამდენიმე საათით ადრე ინტერნეტში გავრცელდა კადრები, სადაც სავარაუდოდ შეიარაღებული ბორჩაშვილი ჩანს. როგორც მასალის გამავრცელებლები ამბობენ კადრები სირიაშია გადაღებული. 

ტერორიზმის საფრთხე მსოფლიოში. ბოლო რამდენიმე დღეა ინტერნეტში ისლამური სახელმწიფოს წევრთა რამდენიმე მიმართვა გავრცელდა. "მოვდივართ ბომბებით და ფეთქებადი ქამრებით" ამბობენ ტერორისტები. ISIS-ის წევრებისთვის მთავარი სამიზნე ამერიკა და ევროპაა. ვაშინგტონი, ნიუ-იორკი, მილანი, ლონდონი, ანტალია ეს არასრული ჩამონათვალია იმ ადგილებისა, სადაც ტერორისტები სისხლის ღვრით იმუქრებიან.  

ქართული ოცნება მთავარ პროკურორად ირაკლი შოთაძეს მხარს დაუჭერს. ამის შესახებ განცხადებები ქართული ოცნება დემოკრატიული საქართველოსა და ქართული ოცნების პოლიტსაბჭოს სხდომების შემდეგ გაკეთდა. 

გაეროს გენერალური მდივანი შეერთებულ შტატებსა და რუსეთს ტერორიზმის წინააღმდეგ ბრძოლაში თანამშრომლობისკენ მოუწოდებს. ამის შესახებ პან გი მუნმა კუალა ლუმპურში განაცხადა, სადაც დიმიტრი მედვედევთან გამართა მოლაპარაკება.

"მას ეშინია,"- ეს განცხადება ბიძინა ივანიშვილის ყოფილი მეუღლის, ინგა პავლოვას ადვოკატმა განსხვავებულ აქცენტებთან საუბრის დროს გააკეთა. მისი თქმით პავლოვას ეშინია მისი ყოფილი ქმრის და იმ ყველაფრის, რაც შეიძლება მოხდეს. 

ინგა პავლოვა ყოფილ ქმართან, მილიარდელ ივანიშვილთან დაკავშირებას კალაძის მეშვეობით ცდილობდა. ინფორმაციას ამის შესახებ ჟურნალისტი ვლადიმერ ივანიძე ავრცელებს. 

24 წლის შოთა ქემოკლიძე რამდენიმე საათის წინ ცივი იარაღის ტარების ბრალდებით ქუთაისის პოლიციამ დააკავა. როგორც მისი ადვოკატი აცხადებს დაკავებულს სხეულზე დაზიანებები აქვს მიყენებული, თუმცა ბრალდებულის უფლებადამცველის თქმით ჯერჯერობით უცნობია მას თვითდაზიანებები აქვს თუ ფიზიკური შეურაცხყოფა მიაყენეს.

ანგოლა გეითის საქმე წლების წინ პარიზის პროკურატურამ გამოიძია და რამდენიმე პირი დამნაშავედ ცნო. სკანდალური საქმე, რომელიც ანგოლას სამოქალაქო ომში რუსული იარაღის შეტანას და ფულის გათეთრებას ეხება ბიძინა ივანიშვილის კომპანიასაც უკავშირდება. 

საფეხბურთო კლუბ საბურთალოს გენერალური დირექტორი კახაბერ ჭუმბურიძე და თბილისის დინამოს აღმასრულებელი დირექტორი ნიკოლოზ ჯღარკავა უახლოესი 4 წლის განამვლობაში ფეხბურთის ფედერაციის ვიცეპრეზიდენტები იქნებიან.

ISIS-ის ანუ ისლამური სახელმწიფოს მებრძოლებთან ინტენსიური შეტაკებები მიმდინარეობს ერაყში. გავრცელებული ცნობით, ქვეყნის სამთავრობო ძალებმა ქალაქ რამადის მიმართულებით წინ წაიწიეს და მასშტაბური შეტევის დაწყებამდე, მის ალყაში მოქცევას ცდილობენ.

ტერორისტული საქმიანობის ბრალდებით დაკავებულ დავით ბორჩაშვილი აცხადებს, რომ მასზე დაკავების შემდეგ ფსიქოლოგიურ და ფიზიკურ ძალადობას ადგილი არ ჰქონია. მან ეს განცხაება სახალხო დამცველის წარმომადგენელთან საუბრის დროს გააკეთა. 

ისლამური სახელმწიფოს მოკავშირეების წინააღმდეგ მასშტაბური სპეცოპერაცია ჩატარდა ყაბარდო–ბალყარეთში. სამართალდამცველებმა მებრძოლების კვალს ნალჩიკის მახლობლად, ტყის მასივში მიაკვლიეს.

ბარაკ ობამა დაჯგუფება ისლამური სახელმწიფოს განადგურების პირობას დებს. განცხადება ამის შესახებ შეერთებული შტატების პრეზიდენტმა მალაიზიაში, აღმოსავლეთ აზიის სამიტის ფარგლებში გამართულ პრესკონფერენციაზე გააკეთა.

მშობელთა და შვილთა ურთიერთობაზე ისაუბრა დღეს საქართველოს კათალიკოს პატრიარქმა. საკვირაო ქადაგემისას ილია მეორემ შვილებს მშობელთა პატივისცემისკენ მოუწოდა და მეხუთე მცნებაზე გაიხსენა.

ტერორისტული საქმიანობის ბრალდებით დაკავებული დავით ბორჩაშვილი ღუდუშაურის საავადმყოფოში მკურნალობს. არსებული ინფორმაციით ბორჩაშვილი საავადმყოფოში დილის 08:00 საათისთვის შეიყვანეს.