Новости за 31.10.2015

რუსული სამგზავრო თვითმფრინავის კატასტროფის ადგილის ამსახველი ვიდეო–მასალა მთელი დღის განმავლობაში არც ერთ მედია საშუალებას არ გაუვრცელებია, დღის ბოლოს კი ისლამისტურ საიტებზე დაიწერა, რომ მომხდარზე პასუხისმგებლობა დაჯგუფება "ისლამურმა სახელმწიფომ" აიღო. რადიკალ ისლამისტებს არ დაუკონკრეტებიათ, როგორ შეძლეს თვითმფრინავის ჩამოგდება, თუმცა მტკიცებულებად დაბალი ხარისხის რამდენიმე წამიანი ვიდეო გამოაქვეყნეს.

პარტია პატრიოტთა ალიანსის წევრი თარხან გასვიანი საგარეჯოს მაჟორიტარობის კანდიდატ თამარ ხიდაშელის ქმარს ფიზიკურ ანგარიშსწორებაში ადანაშაულებს. გასვიანის მტკიცებით, თამარ ხიდაშელის მხარდამჭერებმა, რომელთა შორისაც თავად კანდიდატის მეუღლეც იყო ის სცემეს, ამ ფაქტს კი საპატრულო პოლიციის თანამშრომლები მანქანიდან აკვირდებოდნენ.

ქართული ოცნების მაჟორიტარობის კანდიდატი თამარ ხიდაშელი მისი კონკურენტის პატრიოტთა ალიანსის წევრებს პროვოკაციების მოწყობაში ადანაშაულებს. როგორც დღის ბოლოს შემაჯამებელ ბრიფინგზე ხიდაშელმა განაცხადა, ინაშვილის მხარდამჭერები საარჩევნო უბნებზე მთვრალ მდგომარეობაში მიდიოდნენ და ამომრჩევლებს შეურაცხყოფას აყენებდნენ.

სოსელიების 7 სულიანი ოჯახი უკვე წლებია ავტოფარეხში ცხოვრობს. მათი შემოსავლის ერთადერთი წყარო სოციალური დახმარება იყო რომელიც მეოთხე შვილის დაბადების გამო დროებით შეჩერებულია. 4 შვილის დედას ბავშვების გამოკვება უფასო სასადილოდან მოტანილი საჭმლით უწევს.

მარშალ გელოვანის გამზირზე მდინარე დიღმულაზე მდებარე ხიდის რეკონსტრუქცია სრულდება.

ეგვიპტეში რუსული სამგზავრო თვითმფრინავის კატასტროფას ვერც ერთი ადამიანი ვერ გადაურჩა. ბორტზე 217 მგზავრი და ეკიპაჟის 7 წევრი იმყოფებოდა. ეგვიპტის ხელისუფლების ცნობით, მგზავრებს შორის 3 უკრაინის, დანარჩენები კი რუსეთის მოქალაქეები იყვნენ.

თბილისში, სურბ გევორქის საკათედრო ტაძრის ხელახალი კურთხევისა და გახსნის ცერემონია საპროტესტო აქციის ფონზე მიმდინარეობდა. აქციას ადგილობრივი და სომხეთიდან ჩამოსული მოქალაქეები მართავდნენ.

სამართალდამცველებმა პროსტიტუციისთვის ადგილის გადაცემის ბრალდებით ჩინეთის და საქართველოს მოქალაქეები დააკავეს.

ჰელოუინის დღესასწაულთან დაკავშირებით თეთრ სახლში ტრადიციული მიღება გაიმართა. ბარაკ და მიშელ ობამებმა ადგილობრივი სკოლის მოსწავლეებსა და სამხედრო მოსამსახურეების ოჯახის წევრებს უმასპინძლეს.

ტეხასის შტატს ძლიერი ტორნადო დაატყდა თავს. სტიქიამ ყველაზე მეტად შტატის ცენტრალური რეგიონები დააზარალა. ძლიერი ქარმა ათობით საცხოვრებელ სახლს სახურავი ახადა.

ჰილარი კლინტონს ფერადკანიანმა აქტივისტებმა წინასაარჩევნო შეხვედრა შეაწყვეტინეს. ინციდენტი ჯორჯიის შტატის ქალაქ ატლანტაში მოხდა.

შეერთებული შტატები სირიაში სპეცდანიშნულების რაზმს აგზავნის. ბარაკ ობამას გადაწყვეტილებით, ქვეყანაში 50 კაციანი სპეცკონტინგენტი გაემგზავრება.

რუსული სამოქალაქო თვითმფრინავი, რომელიც ეგვიპტის საკურორტო ქალაქ შარმელშეიხიდან სანქტ–პეტერბურგში მიფრინავდა, რადარებიდან გაქრა.

მორიგი ტრაგედია მოხდა საბერძნეთის სანაპიროსთან. ბოლო 24 საათის განმავლობაში ქვეყნის ორ სხვადასხვა კუნძულთან მიგრანტების ორი ნავი ჩაიძირა. შედეგად 22 ადამიანი დაიღუპა, 150–მდე კი გადაარჩინეს.

ტრაგედია ბუქარესტში. რუმინეთის დედაქალაქში ღამის კლუბში გაჩენილ ხანძარს 27 ადამიანი ემსხვერპლა, 180 კი - დაშავდა. გარდაცვლილთა უმეტესობა თინეიჯერია. შემთხვევა ღამის კლუბში უფასო როკ კონცერტის დროს მოხდა.