Новости за 29.11.2015

საგარეჯოს მუნიციპალიტეტში გომბორის ქედის სამხრეთ-დასავლეთ კალთაზე სოფელ ხაშმში სამების სახელობის სამნავიანი ბაზილიკა მე-5 საუკუნის ძეგლია. დასახლებული პუნქტიდან საკმაოდ მოშორებით მონასტერი რთულად სავალ გზაზეა. ვახტანგ გორგასლის მიერ აშენებული ტაძარი სასწრაფო რეაბილიტაციას საჭიროებს. 

საქართველოში ერთ-ერთი ყველაზე პოპულარული რეალითი შოუს გადამღები ჯგუფი ჩამოვიდა. შოუს მონაწილეები მილიონის მოსაგებად იბრძვიან და მოვლენები საოცარი სისწრაფით რბოლაში ვითარდება.

ჯგუფებში ბავშვების სიმრავლე თბილისში არსებული ბაგა-ბაღების უმრავლესობის პრობლემაა. 143-ე ბაღში ერთ ჯგუფში 59 ბავშვია. როგორც დირექტორმა განაცხადა, შენობის ნახევარი დაზიანებულია და ამის გამო ბაღის სრულად დატვირთვა არ ხდება. პრობლემა მშობლებსაც აწუხებთ თუმცა, სხვა გამოსავალი არ აქვთ.

ბიძინა ივანიშვილის ბიზნესპარტნიორი ციხეში 3 წელს გაატარებს. არკადი გაიდამაკი საფრანგეთის ჟანდარმერიამ 6 წლიანი ძებნის შემდეგ, ერთი კვირის წინ დააკავა.

დედაქალაქის მერის ძმა კიდევ ერთ სკანდალში ეხვევა. იურისტ ირაკლი ნარმანიას ადვოკატთა ეთიკის კომისიამ დისციპლინური სახდელი დააკისრა და არაეთიკური საქციელისთვის დასაჯა.

13 ივნისის სტიქიიდან 5 თვის შემდეგ რამდენიმე დღის წინ კურიერმა საწყობი აღმოაჩინა, სადაც დაზარალებულებისთვის შეგროვებული და გამოყოფილი ჰუმანიტარული დახმარება ინახება, მათი დიდი ნაწილი საკვებია. არსებული ინფორმაციით მათ უმეტესობას ვადა აქვს გასული. 

საახალწლოდ ყველა ხანდაზმული სოციალურად დაუცველი თბილისელი დედაქალაქის ადმინისტრაციისგან საჩუქარს მიიღებს.

ირაკლი ღარიბაშვილი პარიზში სამუშაო ვიზიტით ჩავიდა. საქართველოს პრემიერმინისტრი დღეს რესპუბლიკის მოედანზე უნდა მისულიყო და ტერაქტების დროს დაღუპულთათვის პატივი უნდა მიეგო, თუმცა საფრანგეთის დედაქალაქში განვითარებული მოვლენების გამო ღარიბაშვილმა რესპუბლიკის მოედანზე ვერ შეძლო. 

ოპერისა და ბალეტის განახლებული თეატრი ფართო აუდიტორიისთვის იანვარში უნდა გაიხსნას. პირველი სპექტაკლი „აბესალომ და ეთერი“ იქნება, თუმცა მანამდე მოცეკვავეები შეზღუდული რაოდენობის მაყურებლის წინაშე თანამედროვე ქორეოგრაფიის ვარსკვლავის, კილიანის დადგმებს წარმოადგენენ.

პარიზში შეტაკებები ამ წუთებში აღარ მიმდინარეობს. სამართალდამცავებმა რესპუბლიკის მოედანი სრულად გაწმინდეს აქციის მონაწილეებისგან.

როგორ უნდა გაყიდო პროდუქტი 4 წამში - საკუთარი საიდუმლო თბილისში გამართულ თრეინინგზე ვოლ-სტრიტის მგელმა ჯორდან ბელფორტმა გაამხილა.

დიდი ბრიტანეთის თავდაცვის მინისტრი მოსახლეობას ტერაქტების შესახებ აფრთხილებს. მაიკლ ფელონის განცხადებით, ISIS-ისთვის ყველაზე მიმზიდველი ქალაქები ლონდონი, მანჩესტერი და გლაზგოა.

თურქეთის შემდეგ რუსულმა სამხედრო თვითმფრინავმა ისრაელის საჰაერო სივრცეც დაარღვია.

ამ წუთებში პარიზში სამართალდამცველები გარემოსდამცველების არასანქცირებული მიტინგის დაშლას ცდილობენ. პოლიციამ რესპუბლიკის მოედაზე, ცრემლსადენი გაზი გაუშვა.

გზა არის გადაკეტილი გურიაში - საპროტესტო აქცია ოზურგეთის მუნიციპალიტეტის სოფელ ორმეთში მიმდიანრეობს. ადგილორივი მოსალხოება ხელისუფლებისგან სოფლის გზის სასწრაფოდ შეკეთებას ითხოვს.

შობის მოახლოებასთან ერთად გერმანიაში სადღესასწაულო განწობა სულ უფრო მეტად იგრძნობა. საშობაო ბაზრობების გახსნის შემდეგ ბერლინში უკვე სანტა კლაუსების და ანგელოზების ტრადიციული შეკრებაც გაიმართა.

რიგით მესამე ინტერნეტფორუმს უმასპინძლა დღეს გივი ზალდასტანიშვილის სკოლამ. ფორუმის მიზანი ბლოგერების, ონლინ აქტივისებისა და ინტერნეტის განვითარებით დაინტერესებული პირების შეკრება და ამ თემებზე დისკურისიის გამართვა იყო.

მსოფლიო მასშტაბით ძალადობის წინააღმდეგ მიმართულ აქციას საქართველოც უერთდება.

საქართველოს კათოლიკოს-პატრიარქმა ფერიცვალების სახელობის ტაძარში საკვირაო ქადაგება გამართა. ილია მეორემ მამა გაბრიელის შესახებ ისაუბრა.

რამდენად ხარისხიან საკვებს სთავაზობენ სოციალურად დაუცველებს უფასო სასადილოები - თბილისში მოქმედი რამდენიმე საკვები ობიექტი დღეს ნიკა მელიამ მოიანხულა.

ანტიტერორისტული ოპერაცია ჩატარდა დაღესტანში. რესპუბლიკის შინაგან საქმეთა უწყების ინფრომაციით, სამართალდამცველებმა სამი ტერორისტი მოკლეს, რომლებსაც ისლამურ სახელმწიფოსთან ჰქონდათ კავშირი.

საქართველოს პრემიერმინისტრს რამდენიმე საათში პარიზში ელოდებიან. ირაკლი ღარიბაშვილი  საფრანგეთის პრეზიდენტის პერსონალური მიწვევით გაეროს კლიმატის ცვლილებების ჩარჩო-კონვენციის მხარეთა კონფერენციაში მიიღებს მონაწილეობას.

კლიმატის კონფერენცია პარიზში დღეს იხსნება. საფრანგეთის საგარეო საქმეთა მინისტრმა სიმბოლური გასაღები უკვე გადასცა გაეროს კომისარს კლიმატის საკითხებში.

თურქეთის დიდი ქალაქები მასშტაბურმა საპროტესტი აქციებმა მოიცვა. მოსახლეობა გავლენიანი ქურთი ადვოკატის მკვლელობას აპროტესტებს. ქურთები და მათი მხარდამჭერები ტაირ ელჩზე თავდასხმას შეკვეთილ მკვლელობად მიიჩნევენ და მმარველ გუნდს ადანაშაულებენ. მოკლული ადვოკატი ხშირად აკრიტიკებდა ხელისუფლების პოლიტიკას, ეთნიკური ქურთების დევნაში ადანაშაულებდა და არასწორი პოლიტიკური კურსით ქურთი სეპარატისტების წახალისებაშიც სდებდა ბრალს.

საქართველოს ახალგაზრდა იურისტთა ასოციაციის ხელმძღვანელი ანა ნაცვლიშვილი ამბობს, რომ შესაძლოა მაღალი თანამდებობის პირებსაც უსმენდნენ. განცხადება ამის შესახებ ანა ნაცვლიშვილმა გააკეთა.