Новости за 15.11.2015

საქართველოს ორივე მოქალაქე, რომელთა შესახებაც საელჩო ინფორმაციას 2 დღის განმავლობაში აზუსტებდა, ნაპოვნია. ამ დროისთვის საფრანგეთში მყოფი საქარველოს მოქალაქეები იდენტიფიცირებული არიან და მათ სიცოცხლეს საფრთხე არ ემუქრება.

ამ წუთებში ფრანგულმა პოლიციამ გამოაქვეყნა მოქალაქის ფოტო, რომელიც სავარაუდოდ 13 ნოემბერის ტერორისტულ აქტში მონაწილეობდა. ის 26 წლის ბელგიის მოქალაქე აბდესლამ სალაა. პოლიციამ განსაკუთრებით საშიშ დამნაშავეზე ძებნა გამოაცხადა.

დღეს პოსტსკრიპტუმი დაუკავშირდა ყველა სახელისუფლებო ერთეულს ვისაც ჩვენს უსაფრთხოებაზე ზრუნვა ავალია და ხელეწიფება. უშიშროების სამსახური, უშიშროების საბჭო და ასე შემდეგ მაგრამ ვერავინ მოიცალა პოსტსკრიპტუმის მაყურებლისათვის. გავრცელებული ინფორმაციით ქართველმა ძალოვნებმა გააძლიერეს უსაფრთხოების ზომები.

13 ნომებრის სისხლიანი ღამე გრძელდება. კრიტიკულ მდგომარეობაში მყოფი 90 ადამიანიდან რამდენიმე გარდაიცვალა. იფნორმაცია BBC-ს საავადმყოფოში დაუდასტურეს. 

ასობით ადამაიანის ევაკუაცია მოხდა პარიზში რესპუბლიკის მოედანზე, როგორც ალ არაბიას ახალი ამბების ჟურნალისტი ამ წუთებში იტყობინება. თვითმხილველები ამბობენ, რომ ევაკუაციის მიზეზი რესპუბლიკის მოედანზე აღმოჩენილი საეჭვო პაკეტი გახდა.

"ISIS-ის მიზანი იყო საფრანგეთში დაწყებულიყო სამოქალაქო ომი,"- ეს განცხადება პარიზში მცხოვრებმა ქართველმა პოლიტიკურ მეცნიერებათა დოქტორმა თორნიკე გორდაძემ რამდენიმე წუთის წინ პოსტსკრიპტუმის პირდაპირ ეთერში გააკეთა. 

პარიზის ტერაქტების მერვე მონაწილეს ევროპის რამნდენიმე ქვეყანაში ეძებენ, გამოძიების ველი უფრო ფართოვდება. ინფორმაციას ამის შესახებ New York Times-ი ავრცელებს.

ISIS-ის მებრძოლები კლვავ საქართველოს ემუქრებიან.  მუქარის ავტორები საქართველოს მოქალაქეები არიან, რომლებმაც ქვეყანა დატოვეს და სირიაში გაემგზავრნენ. გაზეთ რეზონანსის ინფორმაციით კი ისლამურმა ხალიფატმა უკვე დაარსა ვილაიეთი გურჯისტანი, რომელიც საქართველოს გააკონტროლებს. გაზეთი იუწყება, რომ მალე ვილაიეთი გურჯისტანის ვიდეო სოციალურ ქსელში გავრცელდება. 

პარიზული სისხლიანი ღამის მომწყობ ISIS-ის მებრძოლებს ემიჯნებიან საფრანგეთის მოქალაქეობის მქონე მუსლიმანები. ისინი ამბობენ, რომ ნებისმიერი ტერორისტული აქტი მათთვის მიუღებელია. 

13 ნოემბრის სისხლიანი პარიზული ღამე-ვაშინგტონში, ნიუ-იორკსა და ბოსტონში სოლიდარობის აქციები იმართება.  ამერიკელები პარიზში მომხდარს გმობენ და ტერორიზმის წინააღმდეგ გამოდიან. 

ხალიფატის სისასტიკე ნათლად აჩენს პრობლემებს, რომელიც მსოფლიოს უსაფრთხოების კუთხით აქვს. ევროპა კი ამ სირთულეებს დამოუკიდებლად ვერ უმკლავდება.

ბატაკლანის საკონცერტო დარბაზში მისული ახალგაზრდები ტერორისტების სამიზნეები გახდნენ. 4 ტერორისტი შენობაში მაშინ შეიჭრა, როცა სცენაზე ამერიკული როკ ჯგუფი
სიმღერას ასრულებდა.

პარიზის რესპუბლიკის მოედანი ყვავილებითა და სანთლებით გაივსო. ასე იმ ადამიანებს მიაგებენ პატივს, ვინც 13 ნოემბრის ტერაქტების შედეგად დაიღუპა. საგანგებო მდგომარეობის გამოცხადების მიუხედავად, რომლის თანახმადაც მასობრივი შეკრებები აიკრძალა, ხალხი მაინც მიდის ყველა იმ ადგილას, რომლებიც ტერორისტების სამიზნეები გახდა.

პარიზში ერთადერთი ადგილი, სადაც ხალხმრავლობაა რესპუბლიკის მოედანია. ეს სწორედ ის ადგილია სადაც უკვე მესამე დღეა ტერორისტთა თავდასხმის დროს დაღუპულ ადამიანებს პატივს მიაგებენ. მოქალაქეებს არა მარტო ფრანგებს, ადგილზე მიაქვთ სანთლები, ყვავილები, პლაკატები.

"მოხარული ვარ გაცნობოთ, რომ არც მსხვერპლთა შორის და არც დაშავებულთა შორის ქართველები არ არიან,"-ამ განცხადებას საკუთარ facebook გვერდზე საქართველოს ელჩი საფრანგეთში ეკატერინე სირაძე-დელონე აკეთებს. 

Two of the people who attacked Paris on Friday have been identified as French citizens who lived in the Molenbeek district of Brussels, according to Jean Thoreau, spokesman for Belgian Federal prosecutor, who spoke to CNN on the phone.

CNN-ის ინფორმაციით 2 ტერორისტი, რომლებმაც თავი პარიზში აიფეთქეს ბელგიაში ცხოვრობდნენ და ისინი საფრანგეთის მოქალაქეები იყვნენ.

ავტოსაგზაო შემთხვევა თბილისში-სამარშრუტო ტაქსი უნივერსიტეტის ქუჩაზე არსებულ მშნებლობას შეეჯახა. ინციდენტის მიზეზი მიკროავტობუსის საპისრისპირო მხარეს მოძრავი მსუბუქი ავტომობილი გახდა, რომელიც სამარშრუტო ტაქსის სავალ ნაწილზე გადავიდა, მიკროავტობუსის მძღოლი კი ავარიის თავიდან აცილების მიზნით გზიდან გადავიდა, საჭე ვეღარ დაიმორჩილა და მშენებლობაზე შევარდა, სადაც დაცვის ჯიხურს დაეჯახა. 

საქართველოს მუსლიმთა კავშირის წარმომადგნებმა დღეს წლიური ანგარიშის პრეზენტაცია გამართეს. მათ შეკრებილებს 2015 წლის განმავლობაში მათ მიერ განხორიელებული საქმეები გააცნეს. დღესვე კომენტარი გაკეთდა პარიზში მომხდარ ტერაქტებთან დაკავშირებით. საქართველოს მუსლიმთა კავშირმა ძალადობა დაგმო.

დღეს სამების საკათედრო ტაძარში, უწმინდესმა და უნეტარესმა, სრულიად საქართველოს კათალიკოს პატრიარქმა, ილია მეორემ ყოველკვირეული ქადაგების დროს პარიზში მომხდარი ტრაგედიის შესახებ ისაუბრა. პატრიარქი ამბობს, რომ ტერაქტთან მუსულმანური რელიგია არაფერ შუაში არ არის. 

"რეაქცია მქონდა დაახლოებით ის, რაც 2001 წლის 11 სექტემბერს,"- ასე გამოხემაურა ამერიკის შეერთებული შტატების ელჩი საქართველოში იან კელი საფრანგეთში განვითარებულ მოვლენებს. კელი ამბობს, რომ ეს იყო თავდასხმა ღირებულებებზე, რომელიც თანამედროვე სამყაროსთვის მნიშვნელოვანია.

CNN-ის ინფორმაციით ერთ-ერთი ტერორისტი საფრანგეთში როგორც სირიიდან ლტოლვილი ისე შევიდა. რამდენიმე წუთის წინ გამოქვეყნებულ ინფორმაციაში აღნიშნულია, რომ ამ ფაქტს ოფიციალური საფრანგეთი ადასტურებს.

ვაკე-საბურთალოს პოლიციის განყოფილების ყოფილ უფროსს ლაშა კვირკვაიას სასამართლომ წინასწარი პატიმრობა 2 თვის ვადით მიუსაჯა. კვირიკვიას სასამართლო პროცესი რესპუბლიკურ საავადმყოფოში რამდენიმე წუთის წინ დასრულდა. 

კონტრტერორისტული ცენტრისა და საზღვრის დაცვის დეპარტამენტისთვის დაფინანსების გაორმაგებას ითხოვენ თავისუფალი დემოკრატები. შესაბამისი ინიცაიტივით პარტია პარლამენტს მომავალ კვირას მიმართავს.

კიდევ ერთი ადგილი, სადაც ქართველებს ფრანგი ხალხის მიერ სოლიდარობის გამოხატვა საჯაროდ შეუძლიათ დღეს მრგვალი ბაღია, სადაც ამ წუთებში აქცია იწყება.