Новости за 14.11.2015

ბოლო ინფორმაცია საფრანგეთში მომხდარი ტერაქტების შესახებ - ამ დროისთვის დაღუპულთა რიცხვი 129-ს აღწევს, დაშავებულია 352 ადამიანი. ბელგიაში ჩატარებული რეიდის დროს სამართალდამცველებმა ერთი ადამიანი დააკავეს.

დიდუბეში, აგლაძის ქუჩაზე ექვს-სართულიანი შენობის ერთი ფლიგელი ჩამოინგრა. შენობაში, რომელიც აგლაძის ქუჩაზე 37 ნომერში მდებარეობს, არავინ ცხოვრობს.

ნაციონალური მოძრაობის ლიდერი დავით ბაქრაძე ხელისუფლების მიერ წარმოებულ პოლიტიკას აკრიტიკებს და ამბობს, რომ დღეს ხელისუფლება ხალხის პრობლემების მოგვარებაზე არ ფიქრობს. დავით ბაქრაძე აცხადებს, რომ დღევანდელ მართველ კოალიციას ხელისუფლებაში ყოფნის რამდენიმე თვე აქვს დარჩენილი,

"დღევანდელი ხელისუფლება დიდ სულიერი დეპრესიის და კრიზისის პირობებში არიან, ამიტომ მიედ-მოედებიან ყველაფერს", - ასე შეაფასა ლეიბორისტული პარტიის ლიდერმა შალვა ნათელაშვილმა ხელისუფლების მხრიდან მედიის, მესამე სექტორისა და პრეზიდენტის წინააღმდეგ დაწყებული კამპანია.

თავისუფალი დემოკრატების ლიდერი ირაკლი ალასანია მედიისა და მესამე სექტორის მიმართ ყოფილი პრემიერისა და მმართველი კოალიციის მხრიდან არსებული პოლიტიკა მიუღებელია. ირაკლი ალასანიამ ამ თემაზე კურიერთან ისაუბრა.

საქართველოს პრეზიდენტის მრჩეველი ფიქრია ჩიხრაძე პრეზიდენტ მარგველაშვილის წინააღმდეგ დაწყებულ კამპანიას ბიძინა ივანიშვილთან არსებულ პირად უთანხმოებას უკავშირებს და ამბობს, რომ ეს დაპირისპირება სწორედ მათი პირადი ურთიერთობიდან მოდის. ამის შესახებ ფიქრია ჩიხრაძემ კურიერთან ისაუბრა.

„მათ სურდათ, რომ პრეზიდენტი ყოფილიყო მორჩილი და ყურმოჭრილი მონა, რომელიც მიიღებდა იმ გადაწყვეტილებებს, რასაც გადაწყვეტდა მართველი კოალიცია. ის უნდა ყოფილიყო უბრალოდ აღმსრულებელი მათი გადაწყვეტილებებისა,“ - ასე აფასებს საქართველოს პრეზიდენტის მრჩეველი ფიქრია ჩიხრაძე მმართველი კოალიციის მხრიდან პრეზიდენტის მიმართ დაწყებულ კამპანიას. ასეთი პოლიტიკა ჩიხრაძის აზრით „არავის წაადგება.“

"პრეზიდენტის სასახლიდან გამოსახლების შესახებ მიმდინარე პოლემიკაში პრეზიდენტი ცდილობს არ ჩაერთოს", - ამის შესახებ კურიერთან საქართველოს პრეზიდენტის მრჩეველმა ფიქრია ჩიხრაძემ განაცხადა. ჩიხრაძე არ გამორიცხავს რომ მმართველმა კოალიციამ შექმნას კანონი, რომლითაც შექმნის საფუძველს პრეზიდენტის რეზიდენციიდან გამოსვლის საფუძველს. დღეს ასეთი სამართლებრივი ფაქტორი არ არსებობს.

"მესამე სექტორის დასუსტება შედეგად გამოიწვევს საქართველოში დემოკრატიის ხარისხის დასუსტებასაც. დამოუკიდებელი მედია და დამოუკიდებელი სასამართლოსთან ერთად არასამთვრობო ორგანიზაციების დამოუკიდებლობა იზომება ქვეყნის დემოკრატიის ხარისხი", - განაცხადა კურიერთან საუბრისას ფილოსოფოსმა  თათა ცოფურაშვილმა და ხელისუფლების პოლიტიკას მესამე სექტორის მიმართ გააკრიტიკა.

ახალგაზრდა იურისტთა ასოციაციის თავმჯდომარე ანა ნაცვლიშვილი ყოფილი პრემიერისა და ხელისუფლების მხრიდან მესამე სექტორის მიმართ არსებული კრიტიკის შესახებ საუბრობს და ამბობს, რომ მხოლოდ არადემოკრატიულ ქვეყნებში არიან ხელისუფლებები არასამთავრობო ორგანიზაციების მიმართ კრიტიკულები.

ახალგაზრდა იურისტთა ასოციაციის ხელმძღვანელმა ანა ნაცვლიშვილმა სოლიდარობა გამოხატა ფრანგი ხალხისა და ყველა იმ ადამიანის მიმართ, ვისთვისაც მიუღებელია ძალადობა და გაუმართლებელია ტერორიზმი.

პარიზის ტერაქტების შემდეგ უსაფრთხოების განსაკუთრებული ზომებია მიღებული საქართველოშიც, საფრანგეთთან დაკავშირებულ ობიექტებზე. გამკაცრებულია უსაფრთხოების ზომები საზღვრებსა და აეროპორტებში.

საფრანგეთისადმი თანადგომის გამოსახატად მთელი დღის განმავლობაში თბილისში, საფრანგეთის საელჩოსთან ადამიანები იკრიბებოდნენ და ფრანგებს სამძიმარს უცხადებდნენ.

5 ადამიანი დაიღუპა და 60 დაშავდა საფრანგეთში ჩქაროსნული მატარებლის ავარიის შედეგად. შემთვევა სტრასბურგთან ახლოს, ეკვერსჰაიმში მოხდა.

პარიზში მომხდარი ტერაქტების თვითმხილველებს შორის ქართველებიც აღმოჩნდნენ, ბევრ ჩვენს თანამემამულეს კი იქ მეგობარი ჰყავს, რომლებთანაც ტერაქტის შემდეგ ინტენსიურ კონტაქტს ინარჩუნებენ.

მსოფლიო ფრანგ ხალხს დღეს სრულ თანაგრძნობას უცხადებს. თითქმის ყველა ქვეყანაში საფრანგეთის საელჩოებთან და საკონსულოებთან უამრავი ადამიანი მიდის და ყვავილებს ტოვებს.

გამომძიებლებმა 8 ტერორისტიდან ამ დროისთვის 3-ის იდენტიფიცირება მოახდინეს. თითის ანაბეჭდის მიხედვით, სპეციალისტებმა დაადგინეს, რომ ბატაკლანის საკონცერტო დარბაზში შეჭრილ თავდამსხმელებს შორის ერთი საფრანგეთის მცხოვრები იყო.

საფრანგეთის დედაქალაქში მომხდარ თავდასხმებზე შეერთებული შტატების პრეზიდენტმა ბარაკ ობამამ საგანგებო განცხადებაში ისაუბრა.

საფრანგეთში მომხდარ ტერაქტზე პარალელები 11 სექტემბრის ტერაქტთან ივლება. ქართველი ანალიტიკოსების შეფასებით, ტერაქტების სერია პარიზში არა მარტო ფრანგების ტრაგედია, არამედ გამოწვევაა გლობალური უსაფრთხოებისთვისაც. მათი განცხადებით, ტერორისტების მიზანი ცივილიზებული სამყაროს დაშინებაა და ევროპა თავდაცვით პოზიციაში არ უნდა დარჩეს.

რუსთავი ორის დაცვა სამოქალაქო სექტორზე ბიძინა ივანიშვილის ახალი იერიშის მიზეზი გახდა. იმ დროს, როცა არასამთავრობო ორგანიზაციები ფედერიკა მოგერინის დემოკრატიულ გამოწვევებსა და რუსთავი ორის წინააღმდეგ მიმდინარე ბრძოლაზე ინფორმაციას აწვდიდნენ, მათ საქმიანობას ყოფილმა პრემიერმა ახალი შეფასება მისცა და მესამე სექტორის წარმომადგენლები გააკრიტიკა.

მედიის უფლებები, მონიტორინგი, მფლობელების გამჭვირვალობის მოთხოვნა და ჟურნალისტების ზეწოლისგან დაცვა – არასამთავრობო ორგანიზაციების ყველა წარმომადგენელი მედიის და სიტყვის თავისუფლების დასაცავად გაერთიანდნენ.

"ეს იყო ლაჩრული, სამარცხვინო და სასტიკი თავდასხმა", – ასე შეაფასა საფრანგეთის პრეზიდენტმა ტერაქტების სერია, რომელზეც პასუხისმგებლობა ისლამურმა სახელმწიფომ მალევე აიღო და განაცხადა, რომ შეტევა საგანგებოდ შერჩეულ ადგილებზე განხორციელდა. მათი განცხადებით, ეს იყო პასუხი იმაზე, რომ საფრანგეთი მონაწილეობას იღებს ორგანიზაციის საწინააღმდეგო სამხედრო მოქმედებებში სირიასა და ერაყში.

ბოლო ორი კვირის განმავლობაში ბიძინა ივანიშვილმა პრეზიდენტის ავლაბრის სასახლიდან გასვლაზე 2–ჯერ ისაუბრა. ყოფილი პრემიერის თქმით, სასახლის დატოვება და ათონელზე გადასვლა ქვეყნის პირველ პირს, სახელწიფო უწყებებისა და სტრუქტურების ჩარევით მოუწევს. ივანიშვილმა დაადასტურა, რომ ამ საკითხით პირადად არის დაინტერესებული.

4 მოსამართლისგან შემდგარმა კოლეგიამ სამდღიანი მსჯელობის შემდეგ ტელეკომპანია საქართველოს და ძმები ყარამანიშვილიების მიერ შეტანილი სარჩელი წარმოებაში ნაწილობრივ მიიღო და კანონმდებლობაში მოქმედი ნორმების ის ნაწილები შეაჩერა რის მიხედვითაც პირველმა ინსტანციამ რუსთავი 2-ში მოქმედ მენეჯმენტს უფლებები შეუჩერა და დროებითი მმართველები დაუნიშნა.

საქსტატის მონაცემებით 2015 წლის იანვარ ოქტობერში ქვეყნის ეკონომიკურ სავაჭრო ბრუნვა შემცირებულია - ამის შესახებ ნაციონალურ მოძრაობაში ისაუბრეს.