Новости за 28.02.2023

1 марттан «Идел» журналы редакциясе каршында «Яңа исем» иҗат лабораториясе эшли башлый. Ул татар әдәбиятында яңа исемнәрне барлау, яшь каләм тибрәтүчеләргә иҗади мәйдан бирүне күзалдында тота.

Яшел Үзәндә полиция хезмәткәрләре дүрт яшүсмерне тоткарлаган. Алар мошенниклыкта шикләнелә. Бу хакта Татарстан буенча Эчке эшләр министрлыгының матбугат хезмәтендә хәбәр ителә.

2022 ел өчен Шәриф Камал әдәби премиясе лауреатлары игълан ителде. Быел лауреатларның саны арткан. «Шәриф Камал әдәби премиясе министрлык өчен бик мөһим проект. Быел лауреатлар саны арта - без 2 иң яхшы тәрҗемәчене һәм 2 яхшы прозаикны бүләклибез», - диде лауреатларны котларга килгән мәдәният министры урынбасары Дамир Натфуллин.

Татарстанда капиталь төзелеш объектларының архитектура-шәһәр төзелешен килештерү тәртибе гамәлгә куелган. ТР Хөкүмәтенең карарына Татарстан Премьер-министры вазифаларын башкаручы Рөстәм Нигъмәтуллин имза куйды.

Фото: © Салават Камалетдинов / «Татар-информ»

Яшел Үзәннең Горький исемендәге судно төзү заводында бүген өч пассажир судносы төзелешенә старт бирелде. Алар - «Метеор 2020» ике тизйөрешле пассажир судносы һәм Россиядә беренче водород ягулыгы элементларында эшләүче экскурсия судносы.

«Татарстан су ресурсларына бай. Аның гомуми мәйданы республиканың барлык территориясенең 6,5 процентын тәшкил итә. Төп елгалар - Идел, Чулман һәм Нократ федераль дәрәҗәдәге су объектлары статусына ия. Читать дальше...

Иртәгә, халыкка хәбәр итү системасын сирена кабызып тикшергәндә, «Игътибар, барыгызга да» хәбәрен алганда, каушап калырга кирәкми. Бу хакта «Татар-информ»дагы матбугат конференциясендә Татарстан гражданнар оборонасы һәм гадәттән тыш хәлләр министры урынбасары Радик Гыйсмәтов хәбәр итте.

Татарстан мөфтияте 23 көннән җитәчәк изге Рамазан ае уңаеннан җәмәгать урыннары арасында иң матур бизәлештә ярышу буенча «Нурлы Рамазан» бәйгесен игълан итә. Республикада изге ай мохитен тудыру һәм бәйгедә катнашу өчен иҗтимагый, коммерцияле, шәхси, дәүләт, дини һ.б. оешмалар чакырыла. Бу хакта ТР Диния нәзарәте матбугат хезмәте хәбәр итә.

Гадәттән тыш вазгыятьтә яшеренү урынына «хәвеф тартмасы»н алырга кирәк. Анда чиста су, документларның төп нөсхәсе, алмаш кием, шулай ук авыртуны баса һәм температураны төшерә торган дарулар булырга тиеш. Бу хакта «Татар-информ»дагы матбугат конференциясендә Татарстан гражданнар оборонасы һәм гадәттән тыш хәлләр министры урынбасары Радик Гыйсмәтов хәбәр итте.

Узган атна белән чагыштырганда, Россиядә грипп һәм сулыш юлларында вируслы кискен инфекция (ОРВИ) белән авыручылар саны 27 процентка, ә ковид йоктыручылар саны 11,6 процентка кимегән. РИА Новости шул хакта хәбәр итә.

Казанның Вознесенское бистәсендә автояпма түбәсе ишелгән. Бу хакта ашыгыч хезмәтнең 112 бердәм номерына хәбәр килгән.

Татарстанда дүртенче көн рәттән коронавирус белән авыручылар саны кими. Бүген ковид йоктыруның 136 очрагы ачыкланган. Ул бер көн алдан булган саннар белән чагыштырганда, унга азрак. Бу хакта стопкоронавирус.рф. порталында хәбәр ителә.

Бүген Казанда төбәкара «Аулак өй - көрәш» бәйгесенең финал ярышлары уза.

Бүген Татарстанның берничә радиостанциясендә һәм ТВ-каналында, шулай ук Россиянең берничә төбәгендә һава хәвефе сигналы белән тапшырулар өзелде. Хатын-кыз тавышы ашыгыч рәвештә яшеренергә кирәк, дип хәбәр итте.

Чәршәмбе, 8 март, эш көне булмаячак. Бәйрәм алдыннан алдыннан эш көне бер сәгатькә кыскарак булачак. Бу хакта РИА Новости Хезмәт һәм мәшгульлек буенча федераль хезмәткә сылтама белән хәбәр итә.

Татарстан Рәисе Рөстәм Миңнеханов «Беренчеләр хәрәкәте» Бөтенроссия балалар һәм яшьләр иҗтимагый-дәүләт хәрәкәте идарәсе рәисе Григорий Гуров белән очрашты. Бу хакта республика җитәкчесенең матбугат хезмәте хәбәр итә.

Мәскәүдә яшәүче татар кызы Венера Шәрәфиева халык санын алуга карата фикерләре белән уртаклашты.

26 февральдә Новосибирскиның Татар мәдәнияте йортында Юныс Әхмәтҗановка багышланган «Тук тамак» татар ашлары төбәк конкурсы узды.

Әлмәт районыннан махсус хәрби операция зонасына тагын ике «УАЗ» автомобиле җибәреләчәк. Бу хакта «Татар-информ»га район башлыгы матбугат хезмәтендә сөйләделәр.

Көн җылыту сәбәпле, бүген Казанның «Черек күл» паркындагы шугалак кабат ябылды. Бу хакта шәһәрнең Парклар һәм скверлар дирекциясенең Телеграм-каналында хәбәр итә.

Менделеевскида Татарстаннан Дәүләт Думасы депутаты Эдуард Шәрәфиев мобилизацияләнгән кешеләрнең гаиләләре белән очрашты. Парламентарий махсус операция зонасыннан кайткач районга килгән, шул вакытта бу идеяне хәрбинең хатыны тәкъдим иткән. «Татар-информ»га муниципалитет матбугат хезмәтендә сөйләүләренчә, депутат ул вакытта аның үтенечен үтәргә вәгъдә иткән.

Татарстанда 38 яшьлек Алабуга кешесенә хөкем карары чыгарылган. Ир-ат «Балаларга яки эшкә яраксыз әти-әнисенә акча түләмәү» маддәсе буенча гаепле дип табылган. Бу хакта Татарстан прокурорының өлкән ярдәмчесе Руслан Галиев хәбәр итте.

«КИТАП» радиосы Санкт-Петербург шәһәренең «Пулковец» яшьләр үзәгендә «Питер-Казан арасы» дип исемләнгән яңа проектын милләттәшләребезгә квартирник форматында тәкъдим итте.  

Самара өлкәсе Похвистневский районы Алькино авылында яулык бәйләү буенча мастер-класс үтте. Аны социаль хезмәт күрсәтүчеләр үткәрде. Бу хакта «Самара татарлары» сайиы яза.

1 мартта Үзәк Россиядә һава температурасы көндез -2... -4 градус, төнлә -6...-8 градус булачак, дип хәбәр итте РИА Новостига Россия Гидрометеорология үзәгенең фәнни җитәкчесе Роман Вильфанд.

Төркиянең көнчыгышындагы Малатья провинциясендә 4,1 магнитудалы җир тетрәү теркәлгән, дип хәбәр итте Төркиянең Табигый бәла-каза нәтиҗәләрен бетерү идарәсе (AFAD).