Новости за 27.01.2023

Буада яшәүче Айдар Сәмигуллин махсус хәрби операциядә катнашучыларга 40 литрга якын бал җибәрергә җыена. Ул һәрберсен аерым пластмасса контейнерларга салып куйган.

Татарстанда имам-хатыйблар өчен халык алдында чыгыш ясау сәнгате һәм әдәби сөйләм нигезләре буенча дәресләр үткәрелә. Әлеге башлангыч ТР Дәүләт Советы Рәисе урынбасары, Татарстан Президенты каршындагы татар телен һәм Татарстанда яшәүче халыкларның туган телләрен саклау һәм үстерү комиссиясе рәисе Марат Әхмәтов тәкъдиме белән тормышка ашырыла.

«Документларга кул куелды, ләкин финанслау мәсьәләсе хәл ителмәгән», – диде Дамир Сабиров.

1-5 февральдә Татарстанда алкалы хоккей буенча «Кубок дружбы — Дуслык кубогы» дигән III Бөтенроссия турниры узачак. Быел оештыручылар яшьләргә патриотик тәрбия бирүгә, махсус хәрби операция геройларын хөрмәтләүгә һәм хәрби тарихка зур игътибар бирә.

Россия Тышкы эшләр министрлыгы Латвия илчесе Марис Риекстиньшуның ике атна эчендә Россиядән китүен таләп итте. Бу хакта ведомствоның телеграмдагы каналында хәбәр ителә.

Кичә Казанда 22 гыйнварда башланган Махсус Олимпиаданың Бердәм Уеннары тәмамланды. Ярышлар югары дәрәҗәдә оештырылды, дип белдерде Татарстан Республикасы Президенты Рөстәм Миңнеханов Татарстан Республикасы Хөкүмәте Йортында уздырылган традицион республика киңәшмәсендә..

Шимбә көнне Татарстан территориясендә болытлы һава көтелә, урыны белән кар явачак. Бу хакта республика Гидрометеорология үзәге хәбәр итә.

Казан Россия студентлары арасында илдәге иң популяр 10 юнәлеш исемлегенә керде. Бронь ясалган билетларның гомуми саныннан 3,1 проценты Казанга туры килә. OneTwoTrip сервисы тикшерүенә сылтама белән, бу турыда «Газета.Ru» хәбәр итә.

24 гыйнварда Мәскәүдә «Уникаль Россия» сәнгать-сәнәгать күргәзмәсе ачылды. Күргәзмә-форум 5 февральгә кадәр дәвам итәчәк.

Профессор, әдәбият галиме Фоат Галимуллин, Бөек Ватан сугышында һәлак булган әтисе турында мәгълүмат тапкан өчен, Шаһинур Мостафинга гомер буе рәхмәтле булуын әйтте.

Актаныш мәдәният йортында 2022 елгы күрсәткечләр буенча район алдынгыларын бүләкләделәр.

Дания сәясәтчесе – «Кырыс курс» партиясе лидеры Расмус Палудан Копенгагендагы мәчет янында Коръән яндырды. Бу акция Стокгольмдагы хәлне кабатлау булды, анда да шушы ук активист мөселманнарның изге китабын Төркия илчелеге каршында мәсхәрә итте. Бу хакта Франс Пресска сылтама белән РИА Новости хәбәр итә.

Бөтен дөньяда, шул исәптән Бәйсез дәүләтләр берлеге илләрендә дә, кызамык белән бәйле хәл начар. Россия Федерациясенең кайбер төбәкләрендә дә авырулар саны арта. Кулланучы хокукларын яклау буенча күзәтчелек хезмәтенең (Роспотребнадзор) Татарстандагы идарәсе җитәкчесе урынбасары Любовь Авдонина «Татар-информ» агентлыгында узган матбугат конференциясендә шул турыда сөйләде.

Бүген Татарстан Президенты Рөстәм Миңнеханов «Яшел Үзән» сәнәгать паркында булды һәм аның резидентлары булган предприятиеләр белән танышты. Татарстан Республикасы җитәкчесе Яшел Үзән районына эшлекле сәфәрдә, дип искәртә аның матбугат хезмәте.

Татарстанның халык шагыйре Зиннур Мансуров күренекле язучы Шаһинур Мостафин турындагы истәлекләре белән уртаклашты.

«Без биредә үз телебездән оялабыз, Санкт-Петербургта татар теле «аксый», - диде татар активисты.

2 февральдә 14:00 сәгатьтә 1941-1945 еллардагы Бөек Ватан сугышы Музей-мемориалында «Иделдә ныгытма» дигән күргәзмә ачыла. Сталинград җиңүенең 80 еллыгын бәйрәм итүгә багышланган экспозициядә 50дән артык экспонат тәкъдим ителәчәк. Сугышта катнашучыларның фотосурәтләре, документлары, шәхси әйберләре, шулай ук сугыш кырында табылган танклар һәм самолетлар детальләре куелачак.

Татарстан Президенты Рөстәм Миңнеханов Росконгресс фонды директоры, идарәсе рәисе Александр Стуглев белән очрашты.

«Бердәм Россия» партия проектларын вакытында һәм нәтиҗәле гамәлгә ашыру өчен партиялеләрнең урыннардагы хакимият органнары белән тыгыз хезмәттәшлеген активлаштырырга кирәк. «Бердәм Россия» партиясенең Татарстан бүлекчәсе төбәк сәяси советы президиумының Казанда узган утырышында катнашучылар шундый нәтиҗәгә килде.

Мәскәүдә татар телен өйрәнү курслары кысаларында әдәби клубның беренче очрашуы узды. Курслар җитәкчесе Альбина Вәлиева тәкъдиме буенча, клубта татар әдәбияты классикларының әсәрләре турында фикер алышачаклар.

«Сәяхәт» альбомына УСАЛ татар рэперының соңгы ике елда яздырылган материаллары тупланган. Альбомны шушы сылтамага басып тыңларга мөмкин.

Россия Мөфтиләр шурасы Россиянең мөселман хатын-кызлары оешмаларын Бөтендөнья хиҗаб көненә багышланган бәйгедә катнашырга чакыра. Чара Бөтендөнья хиҗаб көненең 10 еллыгы уңаеннан уздырыла.

Covid-19 очракларының 97 процентында чир симптомнарсыз уза, яисә аның билгеләре сулыш юллары инфекциясенә (ОРВИ) охшаш. Быел коронавирус белән авыручылардан алынган анализлардан күренгәнчә, «Омикрон»ның өстенлек итүе билгеле.

2023 елда мобилизацияләнгән гражданнарның гаиләләренә ярдәм күрсәтүгә аерым игътибар бирергә кирәк. Татарстанда кеше хокуклары буенча вәкаләтле вәкил коллегиясендә ТР вице-премьеры Ләйлә Фазлыева шундый күрсәтмә бирде.

Баласы булган хатын-кызларның түләнә торган өстәмә ял алырга яки уртача хезмәт хакын саклаган хәлдә тулы булмаган эш вакыты сорарга хакы бар, дип саный Россия Бәйсез профсоюзлар федерациясе рәисе урынбасары Александр Шершуков. Бу хакта РИА Новости агентлыгы хәбәр итә.