Новости за 26.01.2023

Дөрес дәваламыйча, кеше үлеменә сәбәпче булганы өчен Балтач табибын хөкем иткәннәр. Бу хакта «Хезмәт» сайтында хәбәр ителә.

Бер тәүлек эчендә, 25 гыйнварда мөфтияттә тәүге тапкыр җәмәгатьчелеккә тәкъдим ителгәннән соң, Татарстан мөселманнарының Диния нәзарәте эшләтеп җибәргән рус телендәге онлайн-мәдрәсәгә 2000 «шәкерт» укырга керде.

Татарстанда алдагы ял көннәрендә һава торышы сизелерлек үзгәрмәячәк. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Төмән өлкәсе мөселманнары Диния нәзарәте мобилизацияләнгән гражданнарның гаиләләренә ярдәм күрсәтүен дәвам итә. Бу хакта Россия мөфтиләр шурасының рәсми сайты яза.

Аз керемле гаиләләр өчен бердәм пособие беренче тапкыр ул билгеләнгәннән соң биш көн үткәч, шуннан соң айның һәр 3нче көнендә киләчәк. Бу хакта РИА Новости агентлыгы Россия Социаль фондына сылтама белән хәбәр итә.

Бүген Татарстан һәм Башкортстан Муниципаль берәмлекләр советы муниципаль хезмәттәшлек турында килешү имзалады. Хәзер советлар җирле үзидарә органнарының эш тәҗрибәсе белән уртаклашыр, җирле үзидарәне үстерү буенча программалар һәм чараларны гамәлгә ашыруда хезмәттәшлек итәр дип көтелә.

«27 гыйнвар - Санкт-Петербург өчен изге дата, бу - Ленинградны фашист камалышыннан тулысынча азат иткән көн. Ул ил язмышында һәм һәрберебез өчен мөһим вакыйга», - диде Ренат Вәлиуллин.

Татарстанның Әгерҗе районы прокуратурасы хатынын вәхшиләрчә үтергән 61 яшьлек ир-атка карата гаепләү карарын раслады. Бу хакта ТР прокурорының өлкән ярдәмчесе Руслан Галиев хәбәр итте.

Татарстан Президенты Рөстәм Миңнеханов «ТР Конституциясенә үзгәрешләр кертү турындагы» Татарстан Республикасы» законын имзалады. Документ республика Президенты сайтында урнаштырылган.

Бүген 16.05 сәгатьтә Казанның Шаляпин һәм Павлюхин урамнары чатында троллейбус тимер коймага килеп бәрелгән. Бу хакта «Метроэлектротранс Казан» муниципаль унитар предприятиесе хәбәр итә.

«Санкт-Петербургта татарлар саны кимемәде, артты гына, чөнки күченеп килүчеләр күп. Алар татар телен яхшы белә. Аерым яшәгән яшь гаиләләр милли мәдәниятебездән читләшә», - диде активист.

Бүген Татарстанның Кама Тамагы районында кеше үлеменә китергән авариядән соң җинаять эше кузгатылган. Бу хакта РФ Тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий хәбәр итте.

Шаһитлар Казанның Горький шоссесында берничә машина катнашында булган юл-транспорт һәлакәтен видеога төшереп алган.

21 гыйнварда Свердловск өлкәсенең Садовый бистәсендә шагыйрә Илсөяр Биккулованың юбилее уңаеннан «Картлыгымда шатлыгым» дип аталган иҗат кичәсе булды. Бу хакта Татарстанның Свердловск өлкәсендәге Даими вәкиллеге матбугат хезмәте хәбәр итә.

Тверь шәһәрендә «Исламның чикләре юк: Болгардан Тверьга кадәр» дип исемләнгән конференция узды. Ул Идел буе Болгар дәүләте халыкларының Ислам динен рәсми кабул итүенә 1100 ел тулуга багышланган иде. Тверь өлкәсе мөселманнары Диния нәзарәте шәһәрдә мондый зур чараны беренче тапкыр үткәрде. 

Башкортстан милли симфоник оркестры Татарстанга гастрольләр белән килергә ниятли. Бу хакта «Башинформ» агентлыгы хәбәр итә.

«Самар татарлары» журналының декабрь санында, һәрвакыттагыча, Самара татарлары тормышындагы иң мөһим вакыйгалар, шулай ук якташларыбыз турында очерклар һәм мәкаләләр тупланды. 

Бөтендөнья татар конгрессы Милли шурасы, Стокгольм һәм Гаагада мөселманнарның Изге Китабы мәсхәрә ителүен гаепләп, Швеция һәм Нидерландның Россиядәге илчеләре адресына рәсми хатлар юллады. Бу хакта Бөтендөнья татар конгрессының матбугат хезмәте хәбәр итә.

«Әкият» курчак театры «Мең дә бер кичә» әкиятләр җыентыгына кергән «Аладдин» әкиятен чыгара.

Иртәгә, 27 гыйнварда, Татарстанда салкынча, шул ук вакытта дымлы һава торышы саклана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Татарстан мөфтие Камил Сәмигуллин якынлашып килүче Рәгаиб кичәсе уңаеннан мөрәҗәгать итте. Әлеге текст Татарстан Диния нәзарәте сайтында чыкты. 

Татарстанның Россиядәге Тулы вәкаләтле вәкиллегендә Яшьләр советы җыелды. Очрашу 25 гыйнварда Россия студентлары көне кысаларында узды.

«Китапларны, басма матбугатны Татарстаннан яздырып ала идек», - диде Дамир Сабиров.

Татарстан Дәүләт Советы Рәисе Фәрит Мөхәммәтшин 2021 елгы Бөтенроссия халык санын алу нәтиҗәләре турында фикерен әйтте. Парламент җитәкчесе VI чакырылыш республика Дәүләт Советының кырыгынчы утырышында шул хакта сөйләде.

«Созвездие-Йолдызлык» һәм «Наше время-Безнең заман» фестивальләренә 2023 елга ЮНЕСКО эшләре буенча Россия Федерациясе комиссиясе химаясе бирелгән.