Новости за 25.01.2023

25 гыйнварда шәһәр мэры Наил Мәһдиев Татарстан Язучылар берлегенең Чаллы бүлегендә булды. Биредә ул калабыз каләм осталарының эшчәнлеге белән танышты, иҗат әһелләренең киләчәккә планнарын тыңлады. Очрашуда Башкарма комитеты җитәкчесе урынбасары Рамил Хәлимов, мәдәният идарәсе башлыгы Румил Кәрәмиев, шәһәр Советы депутаты Марсель Мингалимов та катнашты. Бу хакта «Шәһри Чаллы» хәбәр итә.

Бүген «Бердәм Россия» партиясенең Татарстан төбәк бүлеге секретаре, ТР Дәүләт Советы Рәисе Фәрит Мөхәммәтшин Казан мэры Илсур Метшинга бөтенроссия сәяси партия рәисе Дмитрий Медведевның Рәхмәт хатын тапшырды. Бүләкләү «Бердәм Россия» җирле бүлегенең Казан дәүләт медицина университетындагы XXХVI конференциясендә узды.

Бүген социаль челтәрләрдә Чаллыда маршрут такси йөртүчесенең балигъ булмаган яшүсмер белән конфликтка керүе күренеп торган видео чыкты.

Казанлылар «Без тарихта эзлебез» фестивалендә катнаша ала. Муниципаль этапка гаризалар 5 февральгә кадәр кабул ителә, дип хәбәр итә Казан Башкарма комитеты Муниципаль архив идарәсе.

Татарстан Республикасының Даими вәкиле Ренат Вәлиуллин хәрби тарихчы, «Подводник Измаил Зайдуллин – возвращение из забвения» китабы авторы Шамил Насыйров белән очрашу уздырды.

Татарстан 2022 елда илкүләм дүрт проектны гамәлгә ашыру буенча Россиядә беренче урынны алды: «Хезмәт җитештерүчәнлеге», «Кече һәм урта эшмәкәрлеккә ярдәм», «Мәдәният» һәм «Цифрлы икътисад». Россия Президенты Аппаратының аналитика үзәге җитәкчесе Константин Калинин шул турыда белдерде. Ул бу хакта Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгының йомгаклау коллегиясендә хәбәр итте.

Татарстан Республикасы Президенты Рөстәм Миңнеханов РФ Саклану министрлыгының Казандагы хәрби госпиталендә дәваланучы хәрби хезмәткәрләр белән очрашты.

Татарстанда Цифрлаштыру елы буларак расланган 2022 елда зур эш башкарылды: кадрлар әзерләү, республика ведомстволарының матди-техник торышын тәэмин итү һәм барлык дәүләт һәм муниципаль хезмәтләрне электрон рәвешкә күчерү. Бу хакта Татарстан Республикасы Президенты Рөстәм Миңнеханов Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгының йомгаклау коллегиясендә хәбәр итте.

Татарстанның Лаеш районында җиңел машина йөк машинасы белән бәрелешкән. Татарстан Дәүләт автоинспекциясе шул турыда хәбәр итте.

Иртәгә, 26 гыйнварда, Татарстан территориясендә болытлы һава торышы көтелә. Бозлавык булачак, көньяк-көнбатыш талгын җил исәчәк. Татарстан Гидрометеорология үзәге шул турыда хәбәр итә.

Катлаулы халыкара хәл, Россиягә санкция һәм сәяси басым фонында гражданнар белән эшләү, диалогны саклау һәм кешеләргә ярдәм итү өчен «Бердәм Россия» партиясенең җирле бүлекчәләренә аерым җаваплылык йөкләнә. Мондый фикерне Казанда бердәмроссиялеләрнең җирле бүлекчәсе конференциясендә катнашучылар әйтте.

Санкт-Петербургның «Акчарлак» татар фольклор ансамбле җитәкчесе Светлана Җиһангирова Татар милли-мәдәни автономиясендә бер төркем Татарстан журналистлары белән очрашуда татар телен өйрәнү, телне көндәлек тормышта куллану һәм татар ансамбле оештырып җибәрү тәҗрибәсе белән уртаклашты.

Бүген иртән Татарстанның Лаеш районында җиңел машина һәм микроавтобус бәрелешкән. «Татар-информ» мәгълүмат агентлыгына бу турыда авария урынында булучылар хәбәр итте.

Татарстанның Яңа Чишмә районы Екатерининск авыл җирлеге башлыгы Александр Хорьков, Денис Денисов һәм Николай Бударин белән бергә, мобилизациягә алынган якташларына гуманитар ярдәм илтеп тапшырды. Яңа Чишмә районы администрациясендә шул турыда хәбәр иттеләр.

Фән һәм югары министрлыгы стипендияләр күләмен арттыру мәсьәләсен караячак. Россиядә билгеләп үтелә торган студентлар көнендә бу хакта Россиянең Фән һәм югары белем министры Валерий Фальков сөйләде.

Татарстан Президенты Рөстәм Миңнеханов Казан үзәгендәге яңа ИТ-паркта урнашкан Бәшир Рәмиев музеенда булды. Телеграмдагы үзенең каналында ул электрон исәпләү машинасы (ЭВМ) рәвешендәге миниатюр композиция күрсәтте.

Татарстанның спорт министры Владимир Леонов Казанның җәйге Олимпиада кабул итә алуын белдерде. Аның сүзләренчә, Татарстан башкаласы дүртьеллыкның төп спорт турнирын быел ук уздыра алыр иде.

Төркия НАТО сафларыннан китәргә җыенмый, мондый мөмкинлек ил җитәкчелеге тарафыннан хәтта каралмый. Бу хакта Гаделлек һәм үсеш партиясенең матбугат сәркатибе Омер Челик белдерде.

Остаханә татар казыннан пешерелгән ризыкларны халыкка кертү максатыннан оештырылган.

Мордовия татарларының «Юлдаш» иҗтимагый-сәяси газетасы җаваплы сәркатибе Эльвира Баляева җанисәптә төбәктәге татарлар санының чагыштырмача аз кимү сәбәбен аңлатты.

«Курай мәктәбе оешып, әсәрләрне өйрәнгәч, «Акчарлак» татар фольклор ансамбле белән бергә чыгыш ясаячакбыз», - диде Илсөя Садриева.

Ел башында Татарстан буенча уртача хезмәт хакы 50,2 мең сум исәпләнә, ул бер ел эчендә 17 процентка арткан. Татарстанның Хезмәт министрлыгы фаразынча, ел дәвамында бу сан артырга мөмкин. Бу хакта Татарстан Республикасының хезмәт, халыкны эш белән тәэмин итү һәм социаль яклау министры урынбасары Клара Таҗетдинова хәбәр итте.

Казанлылар «Без тарихта эзлебез» фестивалендә катнаша ала. Муниципаль этапка гаризалар 5 нче февральгә кадәр кабул ителә. Бу хакта Казан муниципаль архив идарәсенә сылтама белән Казан мэриясе матбугат хезмәте хәбәр итә. 

Согуд Гарәбстаны Корольлеге, хаҗиларга уңайлыклар тудыру максатыннан, гражданнарга хаҗ вакытында үз торакларын тапшырырга рөхсәт итте. Моның өчен торак хуҗасы тиешле органнардан рөхсәт алырга һәм General Directorate of Civil Defence сертификатларын юнәтергә тиеш. Торакны веб-сайтлар һәм кушымталар аша эзләргә һәм арендаларга мөмкин. Бу хакта Россия Мөфтиләр шурасының матбугат хезмәте хәбәр итә.

Төркия инде ярты елдан соң ук Әнкара адресына ясалган провокацион гамәлләр аркасында НАТОдан чыгарга мөмкин. Альянстан чыгу ил өчен «ашыгыч һәм мәҗбүри гамәлгә» әверелде, төрекләр үзләре исә Россиягә һәм Президент Владимир Путинга теләктәшлек күрсәтә башлады, дип белдерде «Родина» партиясе рәисе урынбасары Этем Санчак.