Новости за 18.01.2023

Бүген хакимиятнең утырышлар залында Актаныш районы җитәкчелеге авыл хуҗалыгы тармагында эшләүче фермерлар белән очрашты.

Россия Хөкүмәте яңа ел уңаеннан эшләми торган көннәрне (алар Хезмәт кодексында билгеләнгән) саклап калып, 31 декабрьне бәйрәм көне итеп билгеләү турындагы закон проектын хупламады. Бу турыда ТАСС хәбәр итә.

Быел Татарстанда мөгезле эре терлек үрчетүгә киткән чыгымнарны компенсацияләү өчен 83,3 миллион сум күләмендә яңа ярдәм чарасы кертеләчәк. Сөт җитештерүне стимуллаштыру өчен 1,3 миллиард сум субсидия каралган, ул узган ел белән чагыштырганда 112 миллион сумга күбрәк, дип хәбәр итте Татарстан Республикасы Авыл хуҗалыгы һәм азык-төлек министрлыгы җитәкчесе Марат Җәббаров.

Татарстан Президенты Рөстәм Миңнеханов Төрекмәнстанга эш сәфәренә килде. Ашхабад аэропортында аны республиканың Тышкы эшләр министры урынбасары Бердынияз Мәтиев һәм Россия илчесе Александр Блохин каршы алды.

Күп функцияле үзәкләрдә машина йөртү таныклыгын бирү вакытын 10 эш көненә кадәр кыскарттылар. Элегрәк хезмәт күрсәтү 15 эш көне булган. Бу хакта Казан мэриясе матбугат үзәге хәбәр итә.

«Күпчелек балаларның исемнәре европалашкан. Мәсәлән, Гарри», - диде ул.

Бүген кич Азнакайда үзәк котельнаяның (пар казаннары бинасы) котеллары коллекторында авария булган. Шул сәбәпле, 186 күпфатирлы торак йорт, аларда 19 меңнән артык кеше (шул исәптән 5 меңнән артык бала) яши, шулай ук 8 мәктәп, 16 балалар бакчасы, хастаханә һәм шифаханә җылылыксыз калган.

Быел Татарстанда шәхси ярдәмче хуҗалыкларга субсидияләргә республика бюджетыннан 110 миллион сумга күбрәк акча бүлеп биреләчәк. Бу турыда Татарстан Республикасы Авыл хуҗалыгы һәм азык-төлек министрлыгы җитәкчесе Марат Җәббаров белдерде. Министр бу хакта Татарстан Республикасы Дәүләт Советының Экология, табигатьтән файдалану, агросәнәгать һәм азык-төлек сәясәте комитеты утырышында хәбәр итте.

«Телебезне онытсак, татар дигән халык та югала», - диде татар активисты.

19 гыйнварда Иске Татар бистәсендә татар телендә «Мәрҗани тормышының бер елы» дигән җәяүле экскурсия узачак. Габдулла Тукай әдәби музее аны галим-мәгърифәтченең тууына 205 ел тулуга багышлап әзерли. Казан мэриясе шул турыда хәбәр итә.

Бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев җитәкчелегендәге Татарстан делегациясе Читада урнашкан «Дамба Брайбунлинг» дацаны белән танышты. Бу хакта Бөтендөнья татар конгрессы матбугат үзәге хәбәр итә. 

Хәрби хәрәкәтләр куркынычы туган очракта, Казан метросы сыену урыны буларак кулланылырга мөмкин. Бу хакта йомгаклау коллегиясе утырышында Россия Гадәттән тыш хәлләр министрлыгының ТР буенча Баш идарәсе башлыгы Рафис Хәбибуллин хәбәр итте.

Үз балаларын балалар бакчаларына урнаштырырга теләүчеләр моны чиратсыз эшли алырга тиеш, бу мәсьәләне илнең барлык төбәкләрендә дә хәл итәргә кирәк. Бу хакта Россия Президенты Владимир Путин белдерде, дип хәбәр итә Кремльнең матбугат хезмәте.

Дәүләт Думасы, ЛДПР фракциясе тәкъдим иткән закон проектын кире кагып, минималь хезмәт хакын 20 мең сумга кадәр арттырудан (хәзер – 16 242 сум) баш тартты.

21 гыйнвар көнне Тверьда «Ислам без границ: от Болгара до Твери» дип аталган төбәкара фәнни-белем бирү конференциясе узачак. Ул Идел буе Болгар дәүләте халыкларының Ислам динен рәсми кабул итүенә 1100 ел тулу уңаеннан үтәчәк.

Татарстан Гадәттән тыш хәлләр Министрлыгы хезмәткәрләре якын арада хосусый картлар йортларында, приютларда һәм интернатларда яшәүчеләрнең иминлегенә игътибарны юнәлтергә тиеш. Бүген Татарстан Республикасы Президенты Рөстәм Миңнеханов Россия гадәттән тыш хәлләр Министрлыгының Татарстан Республикасы буенча Баш идарәсенең йомгаклау коллегиясендәге чыгышында шундый бурыч йөкләде.

Ташкентта 98 яшендә СССРның халык артисты, дрессировщик Хәким Зарипов вафат. Бу хакта Росгосцирк матбугат хезмәте хәбәр итте, дип яза «Известия».

Казанда хайваннар кимергән ир-ат мәете табылуы турында мәгълүмат чыкты.

Билгеләнгән түләүләр һәм пенсия яки ЮХИДИ штрафлары турында хәбәрләрне хәзер «ВКонтакте» социаль челтәре һәм VK Мессенджеры аша алырга мөмкин.

Бүген Казан дәүләт аграр университет спорт залында уку йортлары студентлары арасында көрәш буенча шәхси-команда ярышлары узды. Командалар буенча беренче урында Кукмара аграр колледжы студентлары, икедә – Казан дәүләт аграр университеты, өчтә – Казан дәүләт ветеринар академия студентлары, дип яза «Шәһри Казан». 

Махсус хәрби операциядә катнашучыларга һәм аларның гаиләләренә барлык түләүләр тулы күләмдә һәм вакытында түләнергә тиеш, дип белдерде Россия премьер-министры Михаил Мишустин.

Башкорт дәүләт филармониясе күренекле композитор, РСФСРның халык артисты, РСФСРның атказанган сәнгать эшлеклесе, Салават Юлаев исемендәге Дәүләт премиясе лауреаты Хөсәен Әхмәтов (1914-1993) исемен йөртә. Филармония коллективы ел саен гыйнвар аенда композиторның туган көненә махсус проект белән чыгыш ясый. Ул башкорт музыкаль сәнгате эшлеклесенең иҗади мирасына багышлана. «Башинформ» шул турыда хәбәр итә.

20 гыйнвардан Казанда метрода йөрү тарифлары үзгәрәчәк. үз көченә керәчәк. Банк яисә транспорт картасы белән түләгән очракта, юл бәясе 35 сум (31 сум урынына) тәшкил итәчәк. Кулдагы акча белән түләгәндә юл бәясе элеккечә калачак.

Татарстанда уллыкка яки опекага алынган балаларны үз туганнары укыган һәм тәрбияләнгән мәктәпләр һәм бакчаларга өстенлекле рәвештә кабул итү мөмкинлеген күздә тоткан закон проекты әзерләнгән. ТР Дәүләт Советы каршындагы Мәгариф, мәдәният, фән һәм милли мәсьәләләр комитеты утырышында ТР Дәүләт Советы депутаты Рима Мөхәммәтшина шундый тәкъдим белән чыкты.

Халыкка хәбәр җиткерү системалары һәм яшеренү урыннары тулы әзерлеккә китерелергә тиеш. Татарстан Президенты Рөстәм Миңнеханов Россия Гадәттән тыш хәлләр министрлыгы ТР буенча Баш идарәсенең йомгаклау коллегиясе утырышында шундый йөкләмә бирде.