Новости за 04.01.2023

Әлки районы ЮХИДИ хезмәткәрләре «Әлки хәбәрләре» газетасы журналистлары белән берлектә юл кичүендә җәяүлеләргә юл бирүче транспорт чаралары йөртүчеләрен Яңа ел белән котлады.

Социаль челтәрләрдә боланның тыныч кына авыл урамында йөргән видеосы чыкты. Якынча мәгълүматлар буенча ул Биектау бистәсендә төшерелгән.

Яңа ел алдыннан Новокузнецк шәһәренең «Чулпан» мәчетендә малайлар арасында «Иң яхшы азан әйтүче» конкурсы узды. Анда Новокузнецк шәһәрендәге «Чулпан» һәм «Абдурахмон» мәчетләре шәкертләре катнашты.

«Туган Батыр» образын ясауга акция игълан ителде. Ясалма интеллект белән җиһазланган нейрочелтәр ярдәмендә Туган Батыр образы булдырылачак.

Россия Президенты Владимир Путин Россия фән һәм югары белем министры урынбасары Айрат Гатиятовка өченче класслы гамәлдәге дәүләт киңәшчесе исемен бирде. Бу хактагы карар хокукый мәгълүматның рәсми интернет-порталында чыкты.

Тарих фәннәре кандидаты, сәясәт белгече Илдар Габдрафиков җанисәптә татарлар санының 600 мең кешегә кимүен демография һәм ассимиляция белән генә аңлата торган түгел, дип белдерде «Татар-информ» хәбәрчесенә.

Дәүләт Думасының Саклану буенча комитеты депутаты Андрей Гурулев сүзләренчә, Россиядә мобилизациянең яңа дулкыны өчен алшартлар юк. Бу турыда «Татар-информ» яза.

Тарих фәннәре кандидаты, сәясәт белгече Илнар Гарифуллин татарлар күпләп яшәгән субъектларга игътибарны көчәйтергә кирәк, дип саный.

Татарстан Президенты Рөстәм Миңнеханов Макеевкага ату вакытында һәлак булган хәрбиләрнең туганнарының һәм якыннарының кайгысын уртаклашты. Бу хакта Татарстан Президентының матбугат хезмәте хәбәр итте.

«Халык санын алу күп төбәкләрдә начар оештырылды»,  – дип белдерде Тарих институтының фәнни хезмәткәре, тарих фәннәре докторы Искәндәр Измайлов «Татар-информ» хәбәрчесенә.

Әфганстан, Пакистан һәм Иран татар җәмгыятьләре Бердәм татарлар советын төзү планы турында белдерде. Бу хакта «Татар-информ» хәбәрчесенә Россия мөселманнарының Казан хәйрия патриотик фонды генераль директоры Рөстәм Хәбибуллин хәбәр итте.

«Безнең мирас» журналы баш мөхәррире Ләбиб Лерон җанисәп алдыннан татар язучыларының Башкортстанга очрашуларга баруының уңай нәтиҗәсе булгандыр, дип саный.

3 гыйнварда көндез республиканың Тукай районы Илбакты авылы янында юл-транспорт һәлакәте булган. Бу хакта һәлакәт урыныннан «Татар-информ»ның үз хәбәрчесе сөйләде.

Бөтендөнья татар конгрессы Башкарма комитеты рәисе Данис Шакиров халык санын алуның ковид чорына туры килүен, шул сәбәпле саннарда хилафлыклар булуын әйтте.

Бөгелмә районында юл-транспорт һәлакәтеннән соң, Татарстан прокуратурасы тикшерү башлады. Анда өч кеше үлгән, ике кеше, шул исәптә бер бала имгәнгән иде. Бу хакта «Татар-информ»га Татарстан прокурорының өлкән ярдәмчесе Руслан Галиев хәбәр итте.

Мәскәү татарлары «Штабы» лидеры, Татар һәм милли халыклар конгрессы президенты Рөстәм Ямалеев фикеренчә, татарлар сан ягыннан кимегән вакытта сыйфат турында уйларга кирәк. Бу фикерен ул «Татар-информ» хәбәрчесенә әйтте.

Кичә 14.00 сәгать тирәсендә Чаллы-Түбән Кама юлында авария булган.

«Татар-информ»га һәлакәт урынынан үз хәбәрчесе сөйләгәнчә, «Лада Гранта» белән идарә итүче 63 яшьлек йөртүче имин тизлек сайламаган. Ул каршы як полосага чыккан һәм 11нче модельле «Лада» автомобиле белән кара-каршы бәрелешкән. Шуннан соң «Лада» автомбиле юл кырына төшеп киткән һәм әйләнеп капланган.

«Юл-транспорт һәлакәтендә ике кеше – 11нче модельле «Лада» автомобиленең йөртүчесе һәм пассажиры имгәнгән. Зыян күргән... Читать дальше...

Бүген иртәнге сәгать алтыдан республиканың Алабуга районында Кама елгасы аша Покровское — Кызыл Чишмә авыллары маршруты буенча боз кичүе яңадан эшли башлады. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Татарстан Президенты Рөстәм Миңнеханов мобилизацияләнгән кешеләрне коммуналь хезмәтләргә вакытында түләмәгән өчен пенидан азат итү тәртибен раслый торган карарга имза куйды. Шулай ук пени капиталь ремонтка кертемне вакытында түләмәгән өчен дә исәпләнмәячәк.

Бүген Татарстанның Азнакай районында юл-транспорт һәлакәте булган. Республика Дәүләт автоинспекциясе хәбәр иткәнчә, якынча белешмә буенча, Volkswagen автомобиле белән идарә итүче 59 яшьлек йөртүче имин тизлек сайламаган. Ул каршы як полосага чыккан һәм Ford автомобиле белән кара-каршы бәрелешкән.

Татарстанда 2023-2025 елларга «Яшь гаиләләрне торак белән тәэмин итү» ярдәмче программасын республика бюджетыннан финанслау күләме артты. Бу хакта Татарстан яшьләр эшләре министры Тимур Сөләйманов сөйләде.

РСФСР Югары Советының соңгы рәисе Руслан Хасбулатовны Чечняда туган авылы Толстой-юртта җирлиләр. Бу турыда РИА Новости мәрхүмнең туганына сылтама белән хәбәр итте.

Дәүләт Думасы депутаты Александр Мажуга сүзләренчә, стипендиягә Яңа елга өстәмәне унөченче хезмәт хакына охшаш итеп бирергә була. Бу турыда ул РИА Новости сайтына сөйләгән.

5 гыйнварда «Кукмара итекләре» фестивале була. Бүген аның программасы игълан ителде. Программада иҗади күргәзмә, мастер-класс, ярышлар, татар эстрадасы артистлары катнашында концерт һәм башкалар бар. 

2 гыйнварда Буа Үзәк район хастаханәсендә 2023 елда муниципалитет территориясендә беренче бала туган. Гаиләдә мөһим вакыйга турында район башлагы Ранис Камартдинов Телеграм-каналында хәбәр итте.