Новости за 08.01.2023

Республика Дәүләт автоинспекциясе мәгълүматлары буенча, Татарстанда гыйнварның җиде көнендә генә дә 47 юл-транспорт һәлакәте булган, аларда җиде кешенең гомере өзелгән, 77се төрле тән җәрәхәтләре алган. Кеше үлеменә китергән аварияләрнең барысы да каршы як полосага чыгу белән бәйле.

5 гыйнварда Зәй районының «Старт» спорт-сәламәтләндерү комплексы спорт залында ир-ат командалары арасында волейбол буенча Раштуа турниры узды, дип яза районның матбугат хезмәте. 

Татарстанның Менделеевск муниципаль районы дүшәмбе көнне, 9 гыйнварда, һава температурасы түбән булу сәбәпле барлык шәһәр һәм авыл мәктәпләрендә I-XI сыйныфларда укучылар өчен дәресләр үткәрелмәячәге турында карар кабул итте.

7 гыйнварда 75 яшендә прокуратура ветераны Виталий Клюкин вафат булган. Виталий Николаевич прокуратура органнарында 29 елдан артык хезмәт итә. Ул хезмәт эшчәнлеген стажер буларак башлый, аннары ТАССРның Биектау районы прокуроры ярдәмчесе була, шуннан соң -судларда прокуратураның җинаять эшләрен тикшерүгә күзәтчелек итү бүлеге прокуроры, аннары Казанның Совет районы прокуроры урынбасары булып эшли.

9 гыйнварда Казанның «Черек күл» паркындагы, шулай ук ТР төзелеш тармагы оешуның 100 еллыгы скверындагы шугалаклар эшләмәячәк. Бу һава шартлары белән бәйле, дип ачыклык керттеләр шәһәрнең Парклар һәм скверлар дирекциясе матбугат хезмәтендә.

Узган тәүлектә коронавирус инфекциясе йоктырган 476 кешене хастаханәгә озатканнар, бу моннан алдагы тәүлекләр белән чагыштырганда 31,5 процентка азрак. Коронавирус инфекциясе таралуга каршы көрәш буенча оператив штабта шулай дип белдерделәр. Бу хакта «Российская газета» яза.

Россиянең танылган язучысы, сценарийлар авторы һәм драматург Алексей Слаповский 65 яшендә вафат булган. Бу хакта ТАСС агентлыгы кинорежиссер Алексей Рудаковка сылтама белән хәбәр итә. Аның сүзләренчә, кичә Слаповскийны авыр хәлдә Мәскәү шәһәр пульмонология үзәгенә реанимациягә салганнар, аның үпкәләренең 75 проценты зарарланган булган.

Татарстанда соңгы тәүлектә ис газы белән агулануның ике очрагы теркәлгән. Аларның берсе кичә иртән Мөслим районы үзәгендә, Мусин урамындагы бер йортта булган: биредә 54 яшьлек хатын-кыз ис газы белән агуланган. Аны җирле хастаханәгә озатканнар. Әлеге хәл төтен юлының бер башы бозлану сәбәпле килеп чыккан дип фаразлана.

Искәртеп узабыз, Татарстанда 9 һәм 10 гыйнварда көчле салкыннар көтелү сәбәпле янә шторм кисәтүе игълан ителде. Республикада һава температурасы урыны белән -41 градуска кадәр түбәнәергә мөмкин.

Татарстанда аномаль салкын һава торышы урнашу сәбәпле яңа шторм кисәтүе игълан ителде. 9 һәм 10 гыйнварда төнлә һәм иртән республика территориясендә көчле салкыннар, һава температурасының -31..-36, урыны белән -41 градуска кадәр түбәнәюе көтелә. Бу көннәрдә көндез температура -25..-30 градус тәшкил итәчәк.

Стопкоронавирус.рф порталы мәгълүматларыннан күренгәнчә, Татарстанда соңгы тәүлектә коронавирус инфекциясенең 55 яңа очрагы ачыкланган, пандемия башланганнан алып 193 мең 739 кеше әлеге чирне йоктырган. 13 пациент хастаханәгә озатылган, 57 кеше терелгән.

Идел буенда аномаль салкын һава торышы урнашты: синоптиклар Башкортстан, Удмуртия республикалары һәм Оренбург өлкәсендә температураның терекөмеш баганасы -40 градуска кадәр төшәчәген фаразлый. Бу хакта РИА Новости агентлыгы хәбәр итә.

Үзгәрешләр барлык категорияләрдәге, шул исәптән купе, СВ һәм Люкс классындагы вагоннарга да кагылды. Аларда Монополиягә каршы федераль хезмәт тарифларын индексацияләү дәрәҗәсе нигезендәге яңа тарифлар билгеләнгән. Бу хакта «Российская газета» яза.

Кышын машина йөртүчегә, елның башка фасылларына караганда, юлда тоташ линияне кисеп чыккан өчен салынган штрафка карата ризасызлык белдерүе ансатрак, дип саный Иҗтимагый палата әгъзасы, «Автомобиль хуҗаларының хокукларын яклау комитеты» төбәкара иҗтимагый оешмасының вице-рәисе Александр Холодов. Sputnik радиосына биргән интервьюсында ул моны нинди шартларда эшләргә мөмкин икәнлеген әйтте. Бу хакта РИА Новости агентлыгы хәбәр итә.

9 гыйнвардан һәм ким дигәндә бу айның ахырына кадәр Таиландка очучы пассажирлар самолетка утырганда коронавирус инфекциясенә каршы прививка ясату турында сертификат күрсәтергә тиеш булачак. Бу хакта Bangkok Post газетасы Таиландның Гражданнар авиациясе идарәсенә сылтама белән хәбәр итә.

Көньяк Африка Республикасы территориясендә коронавирусның XBB.1.5 омикрон-штаммының яңа варианты ачыкланган, дип хәбәр итте Көньяк Африка вирусологы Тулио де Оливейра. «Көньяк Африка Республикасында коронавирусның XBB.1.5 омикрон-штаммының беренче очрагы ачыкланды», - дип язган ул Твиттер социаль челтәрендә. Бу хакта «Интерфакс» агентлыгы хәбәр итә.

Әлмәт прокуратурасы Әлмәт районында ике җиңел автомобиль бәрелешкәннән соң (анда ике үсмер кызның гомере өзелә) тикшерү эше башлады.

2022 елда Татарстанда «Торак һәм шәһәр мохите» илкүләм проектын гамәлгә ашыруга 6 миллиард 521 миллион сум юнәлдерелгән, дип хәбәр итте ТР төзелеш, архитектура һәм торак-коммуналь хуҗалык министрының беренче урынбасары Алексей Фролов. Ул әлеге илкүләм проектның «Торак», «Уңайлы шәһәр мохите формалаштыру», «Чиста су», «Яшәү өчен яраксыз торак фондын тотрыклы рәвештә киметүне тәэмин итү» федераль программаларын үз эченә алуын искәртте.

Чүпрәле районы Түбән Каракитә авылында яшәүче Сирачетдиновлар гаиләсендә куанычлы вакыйга - Гөлназны бала тудыру йортыннан сабые белән өенә кайтарып җибәрделәр.

Әлмәтнең медсанчастенә Кыш бабай белән Кар кызы килгән. Алар поликлиника һәм стационар бүлекләрендә булган, пациентларны һәм учреждение хезмәткәрләрен Яңа ел белән котлаганнар.