Новости за 26.01.2023

Декабрьдә депутатлар республиканың яңа сайланачак вазифаи затын гына «Рәис - Глава» дип атарга тәкъдим иткән иде.

Татарстан Дәүләт Советы депутатлары республика Конституциясенә үзгәрешләр кертү турында закон кабул итте. Төзәтмәләр республиканың Төп законындагы маддәләрнең яртысына кертелде. Үзгәрешләр Татарстанның югары вазифаи заты атамасына, федераль хакимият органнары бүлекчәләре җитәкчеләрен, гражданлык мәсьәләләрен килештерүгә кагылачак.

Татарстанда коронавирус белән авыручылар санының бераз артуы күзәтелә. Узган тәүлектә республикада яшәүче 65 кеше ковид йоктырган, алдагы көндә шундый 60 очрак теркәлгән булган.

25 гыйнварда Апас районы мәдәният йортында «Халкыбызның чал тарихын, гореф-гадәтләребезне саклау – безнең бурыч» дип исемләнгән дини чара үткәрелде. Әлеге җыенда район мөселманнары, имамнар, абыстайлар, мөгаллимнәр, остабикәләр, көньяк-көнбатыш төбәге мөхтәсибләре катнашты. 

Бүген Түбән Новгород өлкәсе Сафаҗәй авылында «Фәезханов укулары» уза.

Россия Президенты Владимир Путин Россия Хөкүмәте әгъзалары белән киңәшмә үткәрде. Россия мәгариф министры Сергей Кравцов Педагог һәм остаз елында узачак чаралар планын тәкъдим итте. Алар арасында конкурс, фестиваль, форум, шулай ук укытучыларга ярдәм итү һәм аларның статусын күтәрү инициативалары бар.

Татарстан Дәүләт Советы депутатлары республика Конституциясенә үзгәрешләр кертү турындагы законны беренче укылышта кабул итте. Төзәтмәләр республиканың Төп законындагы маддәләрнең яртысына кертелде. Төп үзгәреш шунда ки, Татарстанның югары вазифаи заты атамасы «Татарстан Республикасы Рәисе» булачак.

Бүген Россиянең күренекле дин әһелләре Түбән Новгород өлкәсе Сафаҗәй авылы зиратында мәгърифәтче Хөсәен Фәезханов рухына дога кылды.

Бүген, 26 гыйнварда, студентлар һәм аспирантлар өчен «Студентлар стартабы» конкурсына гаризалар кабул ителә башлый. Аларның проектлары шәхси тикшеренүләре нигезендә эшләнгән һәм базарга чыгу потенциалына ия булырга тиеш.

Татарстан Дәүләт Советы депутатлары бүген чираттан тыш мәсьәлә итеп республика Конституциясенә үзгәрешләр кертү турындагы закон проектын караячак. Сессиянең көн тәртибенә үзгәреш кертергә депутат Альберт Хәбибуллин тәкъдим итте.

«Татарча белергә, сөйләшергә теләкләре бар. Ленинград өлкәсендә татар теле дәресләре бөтенләй укытылмый, шуңа күрә төп бурычыбыз – татар телен үстерү», - диде активист.

Россиядә беренче тапкыр хәләл продукциянең дәүләт стандартлары расланды. ГОСТларны 704 нче стандартлаштыру буенча проект техник комитеты эшләгән. Аның составына «Россия сыйфат системасы» оешмасы кергән.

Иртәгә республикадада Татарстан Төзелеш, архитектура һәм торак-коммуналь хуҗалык министрлыгының «торак-коммуналь хезмәтләр»гә багышланган туры элемтәсе ачыла. Чара республикада Россия Президентының кабул итү бүлмәсендә узачак.

Россиядә хуҗа кеше өч яки аннан да күбрәк ел макчатчан һәм әгъза кертемнәрен түләмәгән очракта, аның бакчачылык ширкәтендәге дачасын алырга мөмкиннәр.

Татарстанда коммерцияле һәм коммерцияле булмаган оешмалар һәм авыл җирлекләрендә җирле үзидарә органнары арасында республиканың иң яхшы архивын билгеләүгә республика конкурслары башланды. Татарстан Президенты Рөстәм Миңнеханов бишенче тапкыр җиңүчеләрне бүләкләячәк. Бу хакта Татарстан Архив эше буенча дәүләт комитеты хәбәр итә.

4-5 февральдә Казанда «Хезмәткә һәм оборонага әзер» бөтенроссия физкультура-спорт комплексының «ГТО уеннары» чемпионнары фестивале узачак. Анда Татарстан Республикасы районнарының җыелма командалары катнашачак.

25 гыйнварда Казан шәһәре Совет районы мөхтәсибәте имамнарының җыелышы булып узды. Хәзрәтләр күчмә утырышны яңартылган «Мөхәммәдия» мәдрәсәсендә үткәрде. Утырыш Казан шәһәренең баш мөхтәсибе Рөстәм хәзрәт Вәлиуллин җитәкчелегендә үткәрелде. Бу хакта Татарстан мөселманнары Диния нәзарәте матбугат хезмәте хәбәр итә.

Бүген 5.16 сәгатьтә 112 чакыру номерына Казанның ТЭЦ урамында янгын чыгу турында хәбәр килә. Россия гадәттән тыш хәлләр министрлыгының ТР буенча Баш идарәсе матбугат хезмәтендә сөйләүләренчә, анда прессланган кәгазь склады янган.

Татарстанда ел саен «Созвездие-Йолдызлык» эстрада сәнгате ачык республика телевизион яшьләр фестиваленең танылган жюри әгъзаларыннан мастер-класслар сериясе дәвам итә.

Европа футбол ассоциацияләре берлеге Казанны УЕФА-2023 Суперкубогы өчен матч уздыру хокукыннан мәхрүм итте. 

Алабуга шәһәрендә Tatar Hack цифрлы эшләнмәләр буенча республика конкурсының нәтиҗәләре билгеле булды. Бу хакта «Алабуга нуры» хәбәр итә.

27 гыйнварда 9.00 сәгатьтә Теләче районы Шәтке мәдәният йортында, районда тәүге тапкыр, ир-егетләр һәм хатын-кызлар арасында бильярд ярышлары узачак. Бу хакта «Теләче-информ» хәбәр итә.

Әтнә районына күчмә поликлиника кайтты. Авыруларны карау Бәрәскә авыл җирлеге территориясендә башланып китте. Поликлиника Комыргуҗа авылында да эшләде. Бу хакта «Әтнә таңы» сайтында хәбәр ителә.

Питрәч авыл җирлегендә халык җыены узды. Анда район хакимияте вәкилләре халык белән бергә узган елга йомгак ясады һәм 2023 елга планнар белән уртаклашты

Әлмәттә мобилизацияләнгәннәргә һәм аларның гаиләләренә ярдәм итү буенча актив эш алып барыла. Ярдәм өлешчә мобилизацияләү кысаларында чакырылган ир-атлар гаиләләрендә туа торган көнкүреш һәм тормыш мәсьәләләрен хәл итүне үз эченә ала.