Новости за 16.07.2016

თავისუფალი დემოკრატების წევრი, ალექსი პეტრიაშვილი, კურიერში დღეს გამართული პარტიის ყრილობის შესახებ საუბრობს, რა დროსაც მათ პარტიის პირველი ოცეული ოქტომბრის არჩევნებისთვის დაასახალეს. 

თავისუფალი დემოკრატების რიგით მეოთხე ყრილობაზე საპარლამენტო სიის პირველი ოცეული ირაკლი ალასანიამ დაასახელა. მათ საზოგადოებას მიმართეს და სამომავლო გეგმებზე ისაუბრეს.  გიორგი ცაგარეიშვილმა საქართველოს მასშტაბით მაჟორიტარი კანდიდატები დაასახელა.

თავისუფალი დემოკრატების ერთ-ერთი ლიდერი, ალექსი პეტრიაშვილი, კურიერის პრიდაპირ ეთერში თურქეთის არეულობაზე საუბრობს და აცხადებს, რომ სამხედროების ჯგუფის მთავარი მიზანი იყო, ლეგიტიმურად არჩეული პრეზიდენტის, ხელისუფლების დამხობა და განწირულები იყვნენ ეს ჯგუფები წარუმატებლობისთვის. მათ არ ჰქონდათ მხარდაჭერა არც შეიარაღებულ ძლებში და არც მოსახლეობაში.

თურქეთში ბოლო 24 საათის განმავლობაში განვითარებული მოვლენების მიუხედავად, საქართველოს პრემიერი, გიორგი კვირიკაშვილი, მზად არის, თურქეთში უკვე დაგეგმილი ვიზიტით ჩავიდეს.

სახელმწიფო ხალხისთვის წევრი, გიორგი რუხაძე, წუხელ გვიან ღამით თურქეთში განვითარებულ მოვლენებს კურიერს პირდაპირ ეთერში აფასებს და საკუთარ ვერსიებზე საუბრობს, თუ რა შესაძლო მიზეზები ამოძრავებდათ სამხედროებს.

აშშ-ისა და არაბთა გაერთიანებული ემირატების თავდაცვის კოლეჯის ასოცირებული პროფესორის, გეგა მგალობლიშვილის, თქმით, თურქეთის პრეზიდენტისთვის სერიოზული ოპონენტი არის ფეთჰულაჰ  გიულენი.

„ერდოღანი არის ანტიბიოტიკივით, რომელიც მცირე დოზებში კარგია, დიდ დოზებში კი მომაკვდინებელი,“ - სტრატეგიისა და საერთაშორისო ურთიერთობათა ფონდის მკვლევარი, ნოდარ ხარშილაძე, თურქეთში ბოლო რამდენიმე საათში განვითარებული მოვლენების შესახებ კურიერის პირდაპირ ეთერში საუბრობს.

"ერდოღანის მმართველობისას თურქეთის ჯარმა დაკარგა ისტორიული გავლენა," - ეს განცხადება ერთიანი ნაციონალური მოძრაობის ლიდერმა, გიგა ბოკერიამ, გააკეთა.

ვაშინგტონი შესაძლებლად მიიჩნევს, განიხილოს ფეთჰულაჰ გიულენის ექსტრადიციის მოთხოვნა, თუ თურქეთის მთავრობა მის დანაშაულებრივ საქმიანობაზე მტკიცებულებას წარმოადგენს, - ეს განცხადება აშშ-ის სახელმწიფო მდივანმა, ჯონ კერიმ, მანამდე გააკეთა, ვიდრე თურქეთის პრეზიდენტი აშშ-ს გიულენის ექსტრადირებას სთხოვდა.

ერდოღანი აშშ-ს ფეთჰულაჰ გიულენის ექსტრადირებას სთხოვს, - ამის შესახებ ინფორმაციას CNN ავრცელებს.

მსახიობი და ტელეწამყვანი, შორენა ბეგაშვილი და მისი შვილი, ევა ბარბაქაძე, თურქეთში მომხდარი არეულობის დეტალებს იხსენებენ. ევა ბარბაქაძე რეაბილიტაციის კურსს სტამბოლში გადის. ისინი აღნიშნავენ, რომ ისმოდა სროლების ხმა, იყო არეულობა.

ტერაქტი ნიცაში - 84 დაღუპული ადამიანის პატივსაცემად საფრანგეთში სამდღიანი გლოვაა გამოცხადებული.

ათათურქის აეროპორტის დროებითი ბლოკირების შემდეგ საქართველოს მიმართულებით სტამბოლიდან უკვე ორი რეისი განხორციელდა.

პირველი სამხედრო გადატრიალება თურქეთში 1960 წელს მოხდა, როდესაც მაისში სამხედროებმა დემოკრატიული პარტიის ყველა წევრი დააკავეს. საუბარია პოლიტიკოსებზე, რომელებიც ხელისუფლებაში იმყოფებოდნენ. ყველა მათგანი პასუხისგებაში მისცეს და ისინი გაასამართლეს.

საქართველოს საგანგებო და სრულუფლებიანი ელჩი თურქეთში, ირაკლი კოპლატაძე, რამდენიმე საათის განმავლობაში რეჯებ ტაიპ ერდოღანთან გაფართოებულ შეხვედრას ესწრებოდა.

ვაშინგტონი პირველი იყო, რომელმაც ღიად და მკაფიოდ გამოუცხადა მხარდაჭერა თურქეთის ლეგიტიმურ ხელისუფლებას.

სტამბოლის და ანკარის ქუჩებში ჯავშანტექნიკა და შეიარაღებული სამხედროები ადგილობრივი დროით, საღამოს 8 საათზე გამოჩდნენ, რის შემდეგაც სტამბოლში ქალაქის აზიურ და ევროპულ ნაწილს შორის დამაკავშირებელი ყველა ხიდი დაიკეტა.

სახელმწიფო გადატრიალება თურქეთში კრახით დასრულდა - ქვეყანას უკვე მთლიანად ერდოღანის ხელისუფლება აკონტროლებს.

თურქეთში მმართველი პარტიის მხარდამჭერებმა ამბოხებაში მონაწილე ჯარისკაცს "ბოსფორის ხიდზე" თავი მოაჭრეს.

თურქეთში გარდაცვლილთა რაოდენობა 265-მდე გაიზარდა, - ამის შესახებ ინფორმაციას თურქეთის პრეზიდენტის ადმინისტრაცია ავრცელებს.

ამბოხება თურქეთში და ტერორისტული თავდასხმა საფრანგეთში - ბოლო და ერთ ერთი ყველაზე სისხლიანი გვერდი მსოფლიოს ისტორიაში გუშინ ღამე ჩაიწერა. სამხედრო გადატრიალებამ, რომელსაც მსოფლიომ უკვე მისცა ტერორისტული აქტის კვალიფიკაცია, ბოლო მონაცემებით 90 ადამიანის სიცოცხლე შეიწირა. 1000- ზე მეტი მძიმედაა დაშავებული. ამბოხებულმა სამხედროებმა სტამბულსა და ანკარაში მოქმედება თითქმის პარალელურად დაიწყეს.  ბოლო რამდენიმე თვის განმავლობაში ტერორისტული აქტების გამო თურქეთმა სერიოზული დარტყმა მიიღო.

ქართული ტურისტული კომპანიებისთვის მიყენებული ფინანსური ზარალი გადადებული რეისების გამო ჯამში უკვე 300 ათას დოლარზე მეტია და ვარაუდობენ, რომ ეს თანხა კიდევ გაიზრდება.

ფრანგი ძალოვანები ნიცაში ანტიტერორისტულ ოპერაციას ატარებენ - დღეს გამთენიისას ანტიტერორისტულმა სამსახურმა ორ მისამართზე ჩაატარა ჩხრეკა და ოთხი პიროვნება დააკავა, თუმცა რა კავშირი აქვთ მათ სატვირთო მანქანის მძღოლთან, რომელმაც საზეიმო ღონისძიების დროს ხალხს გადაუარა, გამოძიება არ აკონკრეტებს.

თურქეთის პრეზიდენტი ამ წუთებში სტამბოლის ქუჩებში მოსახლეობას ხვდება. როგორც BBC იტყობინება, ის მოსახლეობას მხარდაჭერისთვის მადლობას უხდის. 

 Times-ის ჟურნალისტებმა სტამბოლში ამბოხებაში მონაწილე ჯარისკაცების ფოტოები Twitter-ზე განათავსეს იმის დამადასტურებლად, რომ ჯარისკაცების გაშიშვლების და მათზე განხორციელებული ფიზიკური ძალადობის შესახებ ინფორმაცია სიმართლეს შეესაბამება.