Новости за 29.07.2016

ქართულმა ოცნებამ მცხეთა-თიანეთში მაჟორიტარობის კანდიდატები წარადგინა. დეპუტატის მანდატისათვის მცხეთის რაიონიდან საკანონმდებლო ორგანოს წევრი დიმიტრი ხუნდაძე იბრძოლებს. გაერთიანებულ დუშეთში-თიანეთსა და ყაზბეგში კი კენჭს ზაქარია ქუცნაშვილი იყრის. მცხეთაში შეკრებილ ამომრჩეველს კანდიდატები საქართველოს პრემიერმინისტრმა წარუდგინა. გიორგი კვირიკაშვილმა ადგილობრივებს სიტყვით მიმართა და ყურადღება მთის კანონის ამოქმედების მნიშვნელობაზე გაამახვილა.

უელს ფარგო არენაზე შეკრებილ დელეგატებს მთავარი გამომსვლელი ჩელსი კლინტონმა წარუდგინა. სცენაზე ჰილარი კლინტონის გამოჩენას აუდიტორია ოვაციით შეხვდა. მან პრეზიდენტობის კანდიდატობაზე თანხმობა ოფიციალურად განაცხადა და შეერთებული შტატების ისტორიაში პირველი ქალი გახდა, რომელიც რომელიც ქვეყნის უმაღლესი თანამდებობის დასაკავებლად იბრძოლებს.

კლინტონისთვის ეს ბოლო 25 წლიანი კარიერის განმავლობაში ეს ყველაზე მნიშვნელოვანი საჯარო გამოსვლა იყო. ჰილარი კლინტონმა აქცენტი ძირითადად გამოწვევებზე, ნატო-ს მოკავშირეების დაცვაზე გააკეთა... Читать дальше...

მესამე სექტორი ფინანსური ორგანიზაციების ნაწილის საქმიანობაზე მეტ კონტროლსა და ახალი რეგულაციების შემოღებას ითხოვს. საქართველოში ეგრეთ წოდებული ”პირამიდის სისტემის” შესაძლო არსებობას ადასტურებს ეროვნული ბანკის პრეზიდენტიც. კობა გვენეტაძე, ისევე როგორც ფინანსთა მინისტრი, პრობლემის მოგვარების გზას საზოგადოებრივი ცნობიერებისა და ფინანსური განათლების ამაღლებაში ხედავს.

საკადრო გადაწყვეტილებები მერიაში, რომელიც ამ დრომდე არ საჯაროვდება-დავით ნარმანიამ მოადგილეებისა და საქალაქო სამსახურების უფროსების კანდიდატურები საკრებულოში წარადგინა.

შინაგან საქმეთა მინისტრის მოადგილე აღიარებს, რომ უწყებამ პრეზიდენტის ოჯახის წევრის შესახებ პერსონალური მონაცემები გაასაჯაროვა, თუმცა კანონდარღვევას არ ადასტურებს. საქმე ეხება სამინისტროს იმ განცხადებას, სადაც მინდია გოგოჭურის სამჯერ ნასამართლეობის შესახებ ინფორმაცია გავრცელდა. ამ ფაქტის გასაჯაროვების გამო, ბოლო რამდენიმე დღეა შინაგან საქმეთა სამინისტროს მიმართ ბრალდებები ისმის.

თავდაცვის ახალი მინისტრის დასახელებამდე პრემიერმინისტრი კონსულტაციებს მართავს. დღეს მთავრობის ადმინისტრაციაში პარლამენტის თავმჯდომარეც იმყოფებოდა. ეს გიორგი კვირიკაშვილსა და დავით უსუფაშვილს შორის მინისტრთა კაბინეტში განხორციელებული ცვლილებების შემდეგ პირველი შეხვედრა იყო.

ძალიან სამწუხარო - ასე გამოეხმაურა საკონსტიტუციო სასამართლოს თავმჯდომარე, ამავე სასამართლოს 5 მოსამართლის მიერ გავრცელებულ განცხადებას, სადაც ისინი გიორგი პაპუაშვილს აკრიტიკებენ და რამდენიმე ახალი ინიციატივით გამოდიან. 

არჩევნებამდე დაახლოებით 2 თვით ადრე, ამომრჩევლების დიდი ნაწილს, 76 პროცენტს, არჩევნებში მონაწილეობა გადაწყვეტილი აქვს, თუმცა უმრავლესობამ, 57-მა პროცენტმა ამ დრომდე არ იცის რომელ პარტიას მისცემს ხმას. 

ევა გოცირიძეზე მორგებული ჩანაცვლების გადაწყვეტილება, პოლიტიკურად მოტივირებული პროცესი და გაუგებარი პროცედურები, - ასეთი გამოხმაურების შემდეგ, რომელიც თეა წულუკიანის სკანდალურ გადაწყვეტილებას მოჰყვა, იუსტიციის მინისტრს დღეს განმარტებების გაკეთება აღარ სურს.

მმართველი გუნდის წევრები საკონსტიტუციო სასამართლოს მოსამართლეების ნაწილის განცხადებას, სასამართლოს შიდა პრობლემად მიიჩნევენ.

თავისუფალი დემოკრატები მმართველ პარტიას ზუგდიდის მუნიციპალიტეტში ადმინისტრაციული რესურსის პარტიული ინტერესებისთვის გამოყენებაში ადანაშაულებენ. ირაკლი ჩიქოვანის ინფორმაციით, ადგილობრივი ხელისუფლების წარმომადგენლები წინასაარჩევნოდ პარტიის სატელევიზიო რეკლამის თანხებს ბიუჯეტიდან იხდიან. ოპოზიციის ბრალდებებს დღეს გამგეობაში გამოეხმაურნენ და უარყვეს რაიმე კანონდარღვევის არსებობა.

ახმეტის რაიონის ამომრჩეველთან გამართა შეხვედრა ლეიბორისტული პარტიის ლიდერმა. შალვა ნათელაშვილმა ამომრჩეველს მაჟორიტარი დეპუტატობის კანდიდატი წარუდგინა.

თბილისის მერის მოადგილეობის კანდიდატები კომენტარის გაკეთებისგან თავს იკავებენ. კურიერმა ოფიციალური დოკუმენტი მოიპოვა, სადაც იმ პირების ვინაობაა დასახელებული, რომლებიც მერიის ვაკანტურ თანამდებობებზე ინიშნებიან.

პატრიოტთა ალიანსი რეგიონებში მაჟორიტარი დეპუტატობის კანდიდატებს ასახელებს. პარტიის ლიდერები დღეს ამომრჩეველს ქუთაისში შეხვდნენ და საკუთრი წარმომადგენლები გააცნეს.

საქართველოს ელჩების ყოველწლიური შეხვედრა დღეს დასრულდა. ამბასადორიალის მეხუთე დღეს ქვეყნის დიპლომატიური წარმომადგენლობების ხელმძღვანელებს მთავრობის მეთაური შეხვდა. ელჩებს შესაძლებლობა ჰქონდათ მოესმინათ საქართველოს ხელისუფლების საგარეო კურსის პრიორიტეტების დეტალები და მათ მიიღეს პასუხები უშუალოდ მთავრობის მეთაურისგან საგარეო პილიტიკის ყველა დეტალზე. ამბასადორიალის მუშაობა საგარეო საქმეთა მინისტრმა შეაჯამა.

მთავრობის მიერ მიღებულ გადაწყვეტილებასთან დაკავშირებით კომენტარი გააკეთა სახალხო დამცველმა. ნანუაშვილის უწყების წარმომადგენელი ასევე იყო იმ კომისიის წევრი, რომელიც არჩევდა ევროსასამართლოში წარსადგენ კანდიდატებს. სახალხო დამცველი  ევროსასამართლოს რეკომენდაციების გასაჯაროებას ითხოვს.

ქართულმა ოცნებამ შესაძლოა თბილისში, მთაწმინდის საარჩევნო ოლქში საკუთრი კანდიდატი არ დაასახელოს და მხარი დაუჭიროს დამოუკიდებელ კანდიდატს - სალომე ზურაბიშვილს. პრემიერის ეს მოსაზრება გია ვოლსკიმ გაახმაურა.

მმართველი გუნდის წევრებმა კახა კოჟორიძე სამართლებრივი ჩარჩოდან გასვლაში დაადანაშაულეს. ფრაქცია ქართული ოცნების თავმჯდომარე, გიორგი ვოლსკი აცხადებს, რომ პრეზიდენტის სიძის შესახებ ინფორმაციის გასაჯაროებას თავად გიორგი მარგველაშვილმა დაუდო საფუძველი.

სამოქალაქო სექტორში ევა გოცირიძის დასახელებას ევროსასამართლოს მოსამართლეობის კანდიდატთა სამეულში აპროტესტებენ. ამ თემაზე დღეს ორგანიზაციებმა საერთო განცხადება გაავრცელეს, რომელშიც ევა გოცირიძის დასახელების საქმის დეტალების გასაჯაროება მოითხოვეს.

31 ივლისს რუსთაველის გამზირზე Biltmore თბილისი გაიხსნება. სპეციალურად ამ დღისთვის დაბი ჯგუფი გრანდიოზულ ცერემონიას გეგმავს.

საკონსტიტუციო სასამართლოს მოსამართლეების დაკითხვის პროცესს და და პარლამენტის თავმჯდომარის განცხადებას აფასებენ მმართველო პარტიის წარმომადგენლები. პარლამენტის ადამიანის უფლებათა დაცვის და სამოქალაქო ინტეგრაციის კომიტეტის თავმჯდომარის ეკა ბესელიას თქმით, მოსამართლეებმა თავად განაცხადეს, რომ მათზე ზეწოლა არ მომხდარა.

კურიერმა მოიპოვა ოფიციალური დოკუმენტი, სადაც იმ პირების ვინაობაა დასახელებული, რომლებიც მერიის ვაკანტურ თანამდებობეზე ინიშნებიან. 

მერიაში 4 ვაკანტურ თანამდებობაზე დანიშვნის კანდიდატებს დედაქალაქის მერი საკრებულოს დღის ბოლომდე წარუდგენს.

რომის პაპმა პოლონეთში ვიზიტის მესამე დღეს ოსვენციმის საკონცენტრაციო ბანაკი დაათვალიერა.

გიორგი ვაშაძის პარტიის ქუთაისის ადგილობრივი ორგანიზაციის წარმომადგენლებსა და ნოდარ ჯავახიშვილს შორის სიტყვიერი დაპირისპირება მოხდა. ინციდენტი მაშინ მოხდა, როცა ინფრასტრუქტურის მინისტრი მოსახლეობას ხვდებოდა, სადაც ნაგავსაყრელის მოწყობის საკითხს განიხილავდნენ.