Новости за 23.07.2016

მმართველი პარტიის თავმჯდომარემ, პრემიერმა გიორგი კვირიკაშვილმა, სამეგრელოს რეგიონში პარტიის მაჟორიტარი დეპუტატობის კანდიდატები დაასახელა. 

უკეთ, ვიდრე ლონდონში! - ასეთი სლოგანით ქართველმა ოლიმპიელებმა დღეს ტრადიციული ოლიმპიური ფიცი დადეს.

ლეღვთახევში ისტორიულ კლდესთან მისასვლელი გზა შესაძლოა, ჩაიკეტოს. ადგილი, სადაც ახალგაზრდები იკრიბებიან და კლდეზე ცოცვას სწავლობენ, მალე უფუნქციოდ დარჩება. ერთადერთ შესასვლელთან შესაბამისი აბრა  წარწერით, "უცხო პირთა შესვლა აკრძალულია", უკვე გამოაკრეს. 

ბათუმში რამდენიმე წუთის წინ ბასტა რაიმსის კონცერტი დაიწყო. კონცერტი რამდენიმე საათის განმავლობაში გაგრძელდება. ამერიკელი მომღერალი და პროდიუსერი ჯაზ ფესტივალის ფარგლებშია საქართველოში ჩამოსული.   

საქართველოში ათასობით  ავტომობილია, რომელიც გაზის საწვავზე მუშაობს და ყველა მათგანმა სავალდებულო შემოწმება უნდა გაიაროს. ამის ექსკლუზიური უფლება კი მხოლოდ ორ კომპანიას აქვს და მათ თვითონ აქვთ მომსახურებაზე ფასების დაწესების უფლება.

ძლიერმა ქარმა და სეტყვამ სოფელ კარდენახში ზოგიერთი ოჯახი მეურნეობისა და, შესაბამისად, შემოსავლის გარეშე დატოვა. რამდენიმე ოჯახს მოსავალი მთლიანად გაუნადგურდა და მათ არც დაზღვევის იმედი აქვთ. ზოგიერთი მათგანი კი საცხოვრებლის გარეშეც დარჩა.

საკონსტიტუციო სასამართლოს თავმჯდომარის სკანდალური განცხადების შესახებ, საერთაშორისო გამჭვირვალობა - საქართველოს ანალიტიკოსი, გიორგი ბერაია, კურიერის პირდაპირ ეთერში საუბრობს და გამოძიების დაწყების აუცილებლობაზე აკეთებს აქცენტს.

საქართველოს დემოკრატიული ინიციატივის თავმჯდომარე, გიორგი მშვენიერაძე, ამბობს, რომ გიორგი პაპუაშვილის მიერ გაკეთებულ განცხადებაზე პროკურატურა სათანადო გამოძიებას არ ჩაატარებს. მეტიც, ის ამბობს, რომ ამის იმედად ყოფნისთვის "ბრიყვული გულუბრყვილობაა" საჭირო. 

საკონსტიტუციო სასამართლოს თავმჯდომარის მიერ გაკეთებულ განცხადებას ადვოკატთა ასოციაციის თავმჯდომარე, ზაზა ხატიაშვილი, კურიერის პირდაპირ ეთერში აფასებს და მას "კატასტროფას" უწოდებს. 

საქართველოს ახალგაზრდა იურისტთა ასოციაციაში მიაჩნიათ, რომ გიორგი პაპუაშვილს კანონით არ ჰქონდა უფლება, პირდაპირ ეთერში დაესახელებინა ის მოსამართლე, რომლის წინააღმდეგაც ზეწოლა მიმდინარეობს. 

საკონსტიტუციო სასამართლოს თავმჯდომარის სკანდალურ განცხადებას პაატა ბურჭულაძის მრჩეველი სამართლებრივ საკითხებში, დავით ჯანდიერი, აფასებს და ღიად აცხადებს, რომ ნებისმიერი ხასიათის ზეწოლა სასამართლოზე და მოსამართლეებზე კატეგორიულად მიუღებელია.

საქართველოს პარლამენტის ვიცე-სპიკერი საკონსტიტუციო სასამართლოს თავმჯდომარეს სასამართლოს დისკრედიტაციაში და პოლიტიკური განცხადებების კეთებაში ადანაშაულებს.

"არასერიოზული დამოკიდებულება," - ასე ეხმაურება პარტია თავისუფალი დემოკრატების წევრი და დეპუტატი შალვა შავგულიძე პროკურატურის პოზიციას საკონსტიტუციო სასამართლოს თავმჯდომარის სკანდალურ განცხადებაზე. 

„ეს განცხადება მეტყველებს იმაზე, რომ არის მართლაც სერიოზული ზეწოლაა საკონსტიტუციო სასამართლოზე ხელისუფლების მხრიდან,“ - საკონსტიტუციო სასამართლოს თავმჯდომარის სკანდალურ განცხადებას ნაციონალური მოძრაობის წევრი, სერგი კაპანაძე, აფასებს და აცხადებს, რომ "ამას შეიძლება, ძალიან ცუდი შედეგები მოჰყვეს".

ზეწოლა საკონსტიტუციო სასამართლოზე, დაახლოებით, ერთი წელია, მიმდინარეობს. მოქმედი ხელისუფლების პერიოდში ღიად საკონსტიტუციო სასამართლო და მისი თავმჯდომარე მმართველი პარტიის წევრებმა მას შემდეგ გააკრიტიკეს, რაც გიგი უგულავამ საპყრობილე 1 დღით დატოვა. 

თბილისის მაცხოვრებელთა უმრავლესობა დარწმუნებულია, რომ გიორგი პაპუაშვილმა, მიუხედავად იმისა, რომ კონკრეტული საქმე არ ახსენა, სწორედ სამაუწყებლო კომპანიის წინააღმდეგ მიმდინარე დავა იგულისხმა.

ე.წ. კაბელების და გიგი უგულავას საქმეების განხილვა საკონსტიტუციო სასამართლოში 2 აგვისტოს გაგრძელება. გადაწყვეტილება დღის ბოლოს სასამართლო სხდომაზე მიიღეს. 

სროლა მიუნხენში - 18 წლის დავიდ სონბოლიმ ხალხის მისამართით მაკდონალდსთან ცეცხლი გახსნა. თავდამსხმელი შენობის მიმართულებით ისე გაიქცა, რომ სროლა არ შეუწყვეტია. მან 9 ადამიანი მოკლა და გაქცევის მიზნით ავტოსადგომის სახურავზე ავიდა.

დღეს ბათუმს ამერიკელი რეპერი, ბასტა რაიმსი, ესტუმრება. მომღერალი და პროდიუსერი ჯაზ- ფესტივალის ფარგლებში დღეს საღამოს კონცერტს გამართავს.  

რეგიონული სასწრაფო სამედიცინო დახმარების ცენტრის დირექტორი, დავით ტორუა, მესტიის სასწრაფო დახმარების მედპერსონალს შეხვდა, სადაც გადაუდებელი სამედიცინო დახმარების მართვის საკითხები განიხილეს.

ოპერის თეატრი დღეს სეზონს ხურავს. თუმცა, სპექტაკლამდე რამდენიმე საათით ადრე დასმა განცხადება და დამატებითი განმარტებები გააკეთა.

ინფრასტრუქტურული პრობლემები, მოუწესრიგებელი გზები, სასმელი წყლისა და კურორტიდან საყოფაცხოვრებო ნარჩენების გატანის პრობლემა, - ამ საკითხებზე აჭარის მთავრობის ყოფილ თავმჯდომარეს ლევან ვარშალომიძეს ბეშუმში ესაუბრნენ.

ქართველი სამხედროები ავღანეთიდან დაბრუნდნენ. III ქვეითი ბრიგადის ბრავო ასეული მაზარი-შარიფში გერმანული კონტინგენტის შემადგენლობაში 7 თვის განმავლობაში მსახურობდა.

ახალი პოლიტიკური ცენტრ გირჩის თავმჯდომარე ვაკის რაიონის მოსახლეობას შეხვდა.

ქაბულში მომხდარი ტერაქტის უკან ISIS დგას, - ამის შესახებ ინფორმციას BBC ადგილობრივ მედიაზე დაყრდნობით ავრცელებს.