Новости за 17.07.2016

გაყიდული საფეხბურთო თამაშების საქმე - შარშან ხმაურით დაწყებული საქმე ჯერ არ დასრულებულა. თუმცა, საქართველოს ეროვნული საფეხბურთო ჩემპიონატის პირველი ლიგის თამაშებზე, სადაც მოთამაშეთა და ორგანიზატორთა რაოდენობა მაყურებელთა რაოდენობას აჭარბებს, მრავალათასიანი ფსონის დადება მაინც ხდება. 

ოპერის კრიზისი გრძელდება. რამდენიმე საათის წინ ცნობილი გახდა, რომ დღეს დაგეგმილი სეზონის დამაგვირგვინებელი სპექტაკლი ვერ გაიმართებოდა. მიზეზი გაფიცვა არის. დასის დიდი ნაწილი სამხატვრო ხელმძღვანელის განთავისუფლებას ითხოვს. 

ყირიმ-კონგოს ვირუსით საქართველოში ახალგაზრდა მამაკაცი გიორგი სამხარაძე გარდაიცვალა. სამხარაძე ინფექციურ საავადმყოფოში გადიოდა მკურნალობას. 

ჭადრაკის ფესტივალი, რომელიც 11 წლის განმავლობაში ნანა ალექსანდრიას სახელს ატარებდა, წელს სხვა სახელით, როგორც ჭადრაკის საერთაშორისო ფესტივალი, ისე გაიხსნა.

იპოთეკით დაზარალებულები უკვე მეექვსე დღეა, ქართული ოცნების ცენტრალურ ოფისთან შიმშილობენ. აქციის მონაწილეები დახმარებას ითხოვენ.

წლობით მიმდინარე ცენტრ-პოინტის საქმეზე თითქოს გარღვევა მოხდა. მაია და გურამ რჩეულიშვილები დაკავებულები არიან. მოდავე მენაშენეები კმაყოფილებას ვერ მალავდნენ ტელეკამერების წინ. თუმცა, აქ რამოდენიმე კითხვა გაჩნდა.

თამაზ ურთმელიძე სასამართლოს სისტემის მიღმა დარჩა. რამდენიმე მცდელობის მიუხედავად, რუსთავი2-ის საქმის მოსამართლემ იუსტიციის საბჭოს მხარდაჭერა ვერ მიიღო, განსხვავებით იმ 40-ზე მეტი მოსამართლისგან, რომლებიც უკვე დაინიშნენ თანამდებობზე. 

თურქეთში გოქჩენის საერთაშორისო აეროპორთან სროლის ხმა ისმის.

არსებული ინფორმაციით, ცეცხლი აეროპორტთან პოლიციამ გახსნა. გავრცელებული ინფორმაციით, აეროპორტის მიმდებარე ტერიტორიაზე მეამბოხეები იყვნენ შეკრებილები. 

ამის შესახებ ინფორმაციას ადგილობრივი, კონკრეტულად, Daily Sabah  და საერთაშორისო მედია, Reuters ავრცელებს.    

აეროპორტი სტამბულში რიგით მეორეა სიდიდით და ის ქალაქის აზიურ ნაწილში ქალაქის ცენტრიდან შორს არის.

გასულ კვირას ევროპა, კერძოდ საფრანგეთი, კიდევ ერთხელ გახდა ტერორისტთა სამიზნე. ე.წ. ისლამური სახელმწიფოს ორგანიზებით, საზარელი ტრაგედია ამჯერად ნიცაში დატრიალდა. 

თურქეთში პოლიტიკოსები სიკვდილით დასჯის ხელახლა დაწესებაზე მსჯელობენ. მოქალაქეები აცხადებენ, რომ მათ ამბოხებული ჯარისკაცების მაგივრად რცხვენიათ. სამართალდამცავები სპეციალისტებთან ერთად კი ჯავშანტექნიკის ქუჩებიდან გაყვანას ცდილობენ. 

აშშ-ში, ლუიზიანას შტატში შეიარაღებულმა პირმა სამართალდამცავებს ცეცხლი გაუხსნა. შემთხვევა ცოტა ხნის წინ მოხდა. 

დილიდან დაძაბული ვითარებაა სომხეთის დედაქალაქში. ერევანში რამდენიმე საათის წინ შეიარაღებულმა პირებმა ერევნის ერთ-ერთ გარეუბანში პოლიციის შენობა შტურმით აიღეს. დაიღუპა ერთ-ერთი პოლიციელი. აიყვანეს რამოდენიმე მძევალი.

საბერძნეთში გაქცეული 8 თურქი სამხედრო ამბოხებულებთან კავშირს უარყოფს.

ამის შესახებ ინფორმაციას BBC ავრცელებს, სადაც ნათქვამია, რომ, მათი თქმით, თურქეთის ტერიტორია პირადი უსაფრთხოების გამო დატოვეს.  

დაკავებულები აცხადებენ, რომ თურქეთის ტერიტორია მხოლოდ იმის გამო დატოვეს, რომ პოლიციამ სამხედროების წინააღმდეგ სროლა დაიწყო და ისინი გადატრიალების მცდელობაში არ მონაწილეობდნენ.

საბერძნეთში გაქცეულ 8 სამხედროს საბერძნეთის ხელისუფლებამ დღეს საზღვის უკანონო გადაკვეთისთვის ბრალი წაუყენა. Читать дальше...

ზუსტად არჩევნების წინ იზრდება პენსია, ამუშავდება მთიანი რეგიონების დახმარების თუ მცირე ბიზნესის წახალისების პროგრამები. კვლავ რთველისათვის სახელმწიფო სუბსიდიები გაიცემა.

პარტიამ სახელმწიფო ხალხისთვის საგარეჯოში მაჟორიტარი დეპუტატობის კანდიდატები წარადგინა.

შეკრებილებს კანდიდატები პაატა ბურჟულაძემ წარუდგინა. პარტიის ლიდერმა ამომრჩეველს პარტიის პროგრამაც გააცნო.

ნაციონალური მოძრაობის ვაკის მაჟორიტარი დეპუტატობის კანდიდატი, ელენე ხოშტარია, სანდრა რულოვსთან ერთად  წყნეთელებს შეხვდა.

სოფელ კუმისის შემდეგ უცნობი მამაკაცი უკვე კოდის მცხოვრებლებს აშინებს.

ადგილობრივი მოსახლეობა ამტკიცებს, რომ ღამის საათებში მათი სახლების სიახლოვეს ნიღბიანი პირი დადის. იყო სახლებში შესვლის მცდელობაც. მამაკაცმა ერთ-ერთი სახლის ფანჯარაც ჩაამსხვრია, რის გამოც ხალხი დაშინებულია.

მოსახლეობა დახმარებას სამართალდამცველებს სთხოვს. სოფელში საპატრულო პოლიციის რიცხვი გაზრდილია. თუმცა, ადგილობრივ პოლიციაში უჭირთ მოქალაქეების განცხადების დაჯერება. 

ავტორი: თამთა დოლენჯაშვილი

თურქეთში 2 დღის წინ განვითარებული მოვლენების შედეგად დაღუპულთა დაკრძალვა დაიწყო. ცერემონიას ქვეყნის პრეზიდენტი, ყოფილი პრეზიდენტი და ხელისუფლების სხვა წარმომადგენლები ესწრებიან.

დღეს არეულობის დროს დაღუპულთა გამო თურქეთის პრეზიდენტს რუსმა კოლეგამ მიუსამძიმრა. ვლადიმერ პუტინი რეჯეპ ტაიპ ერდოღანს ტელეფონით ესაუბრა და აღნიშნა, რომ რუსეთი კატეგორიულად ეწინააღმდეგება ძალადობას და ანტიკონსტიტუციურ ქმედებებს. ლიდერები აგვისტოს პირველ ნახევარში პირისპირ შეხვედრაზეც შეთანხმდნენ.

აფეთქება მოხდა რამდენიმე წუთის წინ თბილისში, საბურთალოზე. ჯიქიას 18ა ნომერში, მესამე საერთულზე ერთ-ერთ საცხოვრებელ სახლში, წინასწარი ინფორმაციით, ბუნებრივმა აირმა გაჟონა.

ერევანში მძევლების გასათავისუფლებლად სპეცოპერაცია დაიწყო. სამართალდამცველები მანამდე თავდამსხმელებთან მოლაპარაკებებს აწარმოებდნენ და ცდილობდნენ, ისინი იარაღის დაყრაში დაერწმუნებინათ. 

თურქეთის სამხედრო გადატრიალების მცდელობისთვის დაკავებულთაგან ერთ-ერთი სამხედრო მაღალჩინოსანი ინჯირლიყის სამხედრო ავიაბაზის ხელმძღვანელობიდან არის.  

რაჭის მოსახლეობა მალე სახელმწიფო და კერძო სექტორის 400-ზე მეტ სერვისს ერთ სივრცეში მიიღებს. ონში იუსტიციის სახლი შენდება.

თურქეთში პოლიტიკოსები სიკვდილით დასჯის ხელახლა დაწესებაზე მსჯელობენ. მოქალაქეები აცხადებენ, რომ მათ ამბოხებული ჯარისკაცების მაგივრად რცხვენიათ. სამართალდამცავები სპეციალისტებთან ერთად კი ჯავშანტექნიკის ქუჩებიდან გაყვანას ცდილობს. 

თურქეთში სამხედრო გადატრიალების მცდელობის ბრალდებით დაკავებულთა რაოდენობა 6 ათასს აჭარბებს. სამართალდამცველებმა დღეს დილით კიდევ 50-ზე მეტი ეჭვმიტანილი დააპატიმრეს.