Новости за 03.07.2016

მაგდა პაპიძეს სავარაუდოდ შემდეგ კვირას ნაფიცი მსაჯულები განაჩენს გამოუტანენ. გასულ დღეებში კი ქმარ-შვილის მკვლელობაში ბრალდებულის სასამართლო, ბრალდების მოწმეთა დაკითხვით განახლდა. დაიკითხა ექსპერტი, რომელმაც გარდაცვლილების და ბრალდებულის ფრჩხილებში დარჩენილი მიკრონაწილაკები შეისწავლა.

პირველ ივლისს  საქართველო-ევროკავშირს შორის ასოცირების შესახებ შეთანხმება ძალაში სრულად შევიდა, რაც მრავალ სფეროში ახალ შესაძლებლობებს ნიშნავს.  

დედაქალაქის მერია მორიგ სკანდალში ეხვევა. მიზეზი მერიის შიდა აუდიტის მიერ მომზადებული 70 გვერდიანი დასკვნაა, რომელიც თბილისის სატრანსპორტო კომპანიას  მთელ რიგ გადაცდომებში ამხელს. დასკვნაში საუბარია ფავორიტი კომპანიებისთვის უპირატესობის მიცემაზე, ჩაწყობილ ტენდერებზე, თანხების არამიზნობრივ განკარგვასა და გახარჯულ მილიონებზე.

საპარლამენტო არჩევნებამდე რამდენიმე თვით ადრე უკვე რამდენიმე საერთაშორისო და ადგილობრივი კვლევის შედეგები გასაჯაროვდა. NDI-სა და IRI-ს შემდეგ კვლევა რუსთავი 2-ის დაკვეთით GFK-მ ჩაატარა. შედეგები რუსთავი 2-მა რამდენიმე დღის წინ გაასაჯაროვა.

რამდენიმე დღის წინ პოსტსკრიპტუმმა რუსთავის ქალთა ციხიდან წერილი მიიღო, საიდანაც საქართველოს გაერთიანებული წყალმომარაგების კომპანიის სკანდალური საქმის ახალი დეტალები და მასში ირაკლი ღარიბაშვილის გარემოცვის მონაწილეობის შესახებ ხდება ცნობილი.

"არავის შერჩება ჩვენი მოქალაქეების სიკვდილი,"- ეს განცხადება რუსეთის პრეზიდენტმა მაშინ გააკეთა, როცა თურქეთში საჰაერო საზღვრის დარღვევის ბრალდებით რუსული თვითმფრინავი ჩამოაგდეს.

ბოლო თვეების განმავლობაში თურქეთი ტერორისტების სამიზნე არაერთხელ გახდა. ამჯერად მასშტაბები გაიზარდა და 3 შეიარაღებული პირი ათათურქის სახელობის საერთაშორისო აეროპორტში შეიჭრა. აფეთქების პარალელურად მათ აეროპორტის ტერიტორიაზე ცეცხლიც გახსნეს, რასაც საბოლოო ინფორმაციით 43 ადამიანის სიცოცხლე ემსხვერპლა, 94 კი სხვადასხვა დაზიანებებით ამ დრომდე განაგრძობს მკურნალობას.

აჭარის მთავრობის თავმჯდომარე საქართველოში დაბრუნდა. ლევან ვარშალომიძემ რუსთავი 2-ის პირდაპირ ეთერში საუბრის დროს აღნიშნა, რომ ის აჭარაში გაიმარჯვებს და არჩევნების შემდეგ მალევე ყველა იმ პროექტის განხორციელებას გააგრძელებს, რომელიც ამ დროისთვის შეჩერებულია. ვარშალომიძე ამბობს, რომ ახალი ხელისუფლების პირობებში აჭარაში 50-მდე მსხვილი პროექტის განხორციელება შეჩერდა. 

ლანჩხუთის რაიონის სოფელ აცანაში რეგისტრირებული თევდორაძეების 5 სულიანი ოჯახი, უკვე წლებია სიღარიბის ზღვარს მიღმა ცხოვრობს. ისინი ერთსართულიან, დანგრევის პირას მყოფ, სიცოცხლისთვის სარისკო ხის ნაგებობაში ცხოვრობდნენ, თუმცა წლევანდელმა დიდთოვლობამ სახლი მიწასთან გაასწორა.

ბაღდადში ისლამური სახელმწიფოს თავდასხმის შედეგად დაღუპულთა რიცხვი 165-მდე გაიზარდა, დაშავებულთა რაოდენობა კი 200-ს აღწევს. აფეთქებები ორ სხვადასხვა ადგილას მოხდა.

სამართალდამცველებმა სტამბოლის ტერაქტთან კავშირის ბრალდებით კიდევ 3 ეჭვმიტანილი დააკავეს, რითაც დაკავებულთა საერთო რაოდენობა 27-მდე გაიზარდა. ეჭვმიტანილებს შორის 15 უცხო ქვეყნის მოქალაქეა. პარალელურად, სტამბოლის სასამართლოს წინაშე პირველად წარსდგა ტერაქტის მეორე დღეს დაკავებული 13 ეჭვმიტანილი.

აჭარის მთავრობის ყოფილი თავმჯდომარე საქართველოშია. ლევან ვარშალომიძე ქვეყანაში თურქეთიდან 14:00 საათისთვის გადმოვიდა. მის დასახვედრად სარფის საბაჟოზე ათობით მხარდამჭერი მათ შორის ერთიანი ნაციონალური მოძრაობის წევრები, ყოფილი პირველი ლედი და ოჯახის წევრები იყვნენ შეკრებილები. 

The former head of Ajara government will talk in details about his future political plans tomorrow. Varshalomidze who returned a few hours ago was viksited the Piazza Square wth his team mates and the former First Lady . He got acquainted with the innovations, which were introduced in Batumi n his absence.

აჭარის მთავრობის ყოფილი თავმჯდომარე სამომავლო პოლიტიკური გეგმების შესახებ ვრცლად ხვალ ისაუბრებს. რამდენიმე საათის წინ სამშობლოში დაბრუნებული ლევან ვარშალომიძე თანაპარტიელებთან და ყოფილ პირველ ლედისთან ერთად პიაცას მოედანზე იმყოფებოდა და გაეცნო იმ სიახლეებს, რაც ბათუმში მისი არყოფნის პერიოდში განხორციელდა. 

საქართველოს ოკუპირებულ ტერიტორიებთან დაკავშირებით ეუთო-ს რეზოლუციაში საქართველოს დელეგაციის მიერ წარდგენილი 4 ცვლილება მიღებულია. აქედან 3-ს მხარი რუსეთის დელეგაციამაც დაუჭირა. რეზოლუციის საბოლოო ვერსიის დამტკიცება მოგვიანებით მოხდება.

The former first lady did not rule out that Saakashvili would return to Georgia. Sandra Roelofs said this in Batumi. Roelofs said that the return of Varshalomidze lays the basis for Sakkashvili`s return.

ყოფილი პირველი ლედი არ გამორიცხავს, რომ მიხეილ სააკაშვილი საქართველოში დაბრუნდეს. განცხადება ამის შესახებ სანდრა რულოვსმა ბათუმში გააკეთა, სადაც ის ლევან ვარშალომიძესთან ერთად პიაცას მოედანზე იმყოფებოდა. რულოვსი ამბობს, რომ ვარშალომიძის დაბრუნება მიხეილ სააკაშვილის სამშობლოში დაბრუნების საწინდარია. 

ზაფხულის სეზონი კურორტ გოდერძიზე ოფიციალურად გახსნილია. ტერიტორიაზე საფუძველი ჩაეყარა ახალი დასასვენებელი კომპლექსის მშენებლობას, რომელიც 2 წელიწადში დასრულდება.

საპროტესტო აქცია ლაგოდეხის რაიონის სოფელ აფენში. ფერმერები საზამთროსა და ნესვზე დაბალ ფასებსა და რეალიზაციის პრობლემას აპროტესტებენ.

ელექტრონული ფოსტის​ სკანდალთან დაკავშირებით შეერთებული შტატების გამოძიების ფედერალურმა ბიურომ ჰილარი კლინტონი გამოკითხა. პრეზიდენტობის კანდიდატის პრესსამსახურში აცხადებენ, რომ გამოკითხვა ნებაყოფლობითი ხასიათის იყო.

The delegation from Ukraine participating in the OSCE Parliamentary Assembly is asking for more sanctions for Russia.

თბილისში მიმდინარე ეუთო-ს საპარლამენტო ასამბლეაზე უკრაინის დელეგაცია რუსეთისთვის სანქციების გამკაცრებას ითხოვს. უკრაინის დელეგაციის წევრის ანტონ გერაშენკოს მიაჩნია, რომ რუს დეპუტატებს უნდა აეკრძალოთ ცივილიზებულ ქვეყნებში შესვლა. ამასთან უკრაინელი დიპლომატი ფიქრობს, რომ უნდა გაგრძელდეს ეკონომიკური სანქციებიც. 

"შეწყდეს ლუკა ფეიქრიშვილისა და მისი ოჯახის წევრების მიმართ ზეწოლა პროკურატურის მხრიდან," - ამ მოწოდებით აქცია გაიმართა ორთაჭალაში, საგამოძიებო უწყებასთან. შეკრებილები იმ კომპიუტერული ტექნიკის დაბრუნებას ითხოვდნენ, რომელიც სამართალდამცველებმა ფეიქრიშვილის სახლიდან, რამდენიმე კვირის წინ ჩხრეკის შედეგად წაიღეს. საქმე ფარული ჩანაწერების გავრცელებას ეხება. ლუკა ფეიქრიშვილი ამბობს, რომ ამ დრომდე გაურკვეველია ჩაუტარდა თუ არა მათ ექსპერტიზა. აქციაზე შეკრებილები არ გამორიცხავენ, რომ ხმამაღალი განცხადებების გამო წინასაარჩევნოდ ფეიქრიშვილი დააკავონ. Читать дальше...

"როგორც საქართველომ მოინდომა დამოუკიდებლობა ასე მოინდომეს მათაც რატომ ართმევთ ამის უფლებას?! " - ეს განცხადება თბილისში მყოფმა რუსმა დიპლომატმა  ილია კოსტუნოვმა გააკეთა. კოსტუნოვი საქართველოში ეუთო-ს საპარლამენტო ასამბლეის ფარგლებში იმყოფება და აცხადებს, რომ საქართველომ აფხაზეთთან და სამხრეთ ოსეთთან უნდა მიაღწიოს შეთანხმებას და მათთან როგორც დამოუკიდებელ ქვეყნებთან იურთიერთოს. 

ეუთო-ს საპარლამენტო ასამბლეა კომიტეტების ფორმატში განაგრძობს მუშაობას. დელეგატები რამდენიმე საკითხზე მსჯელობენ, მათ შორის აქცენტი რუსეთ-უკრაინის თემაზე, კერძოდ კი ყირიმზე კეთდება. რაც შეეხება საქართველოს მიერ მომზადებულ რეზოლუციას მას დელეგატები სავარაუდოდ ხვალისთვის განიხილავენ.