Новости за 22.07.2016

გერმანიის ქალაქ მიუნჰენში მომხდარ სავარაუდო ტერაქტს ქართველი სტუდენტი მარი კახიძე შეესწრო. ის სროლის დროს სავაჭრო ცენტრის მიმდებარე ტერიტორიაზე იყო. მან რუსთავი 2-თან საუბარში განაცხადა, რომ ამ დროისთვის მაკდონალდსში იმყოფება. ტერიტორიას პოლიცია იცავს, სამართალდამცველები მათ შენობიდან გასვლის საშუალებას არ აძლევს. სტუდენტის განცხადებით, მოსახლეობა პანიკაშია.

საქართველოს საგარეო საქმეთა სამინისტრო მიუნხენში მყოფ საქართველოს მოქალაქეებს მოუწოდებს საჭიროების შემთხვევაში დაუკავშირდნენ საკონსულო დაწესებულებას. ამის შესახებ უწყებამ განცხადება რამდენიმე წუთის წინ გაავრცელა. 

სამტრედიაში ქართული ოცნების სახელით მაჟორიტარობისთვის გია მიქელაძე იბრძოლებს. მისი კანდიდატურა დღეს პრემიერმინისტრმა წარადგინა. გიორგი კვირიკაშვილმა მოსახლეობასთან შეხვედრისას განხორციელებულ პროექტებსა და დაგეგმილ რეფორმებზე ისაუბრა. სამტრედიის მოსახლეობას სიტყვით ქართული ოცნების გენერალურმა მდივანმა კახა კალაძემაც მიმართა. 

თბილისის მერიაში დღეს კიდევ ერთი საკადრო ცვლილება განხორციელდა. თანამდებობიდან თბილისის არქიტექტურის სამსახურის უფროსი და მისი მოადგილე გაათავისუფლეს. გავრცელებული ინფორმაციით დიმიტრი მოსულიშვილი სამსახურიდან საბურთალოსა და ნუცუბიძის ქუჩებზე უკანონო სამშენებლო ნებართვების გაცემის გამო დაითხოვეს.

გაფიცვა ოპერაში დასრულდა. ცისფერ დარბაზში თავისი ადგილები ორკესტრის, გუნდის წევრებმა, სოლისტებმა და ადმინისტრაციის ნაწილმა დაიკავა.

დოლარის კურსის ხელოვნურ ცვლილებაში ნაციონალურმა მოძრაობამ ხელისუფლება დღეს კიდევ ერთხელ დაადანაშაულა. უმცირესობაში აცხადებენ, რომ მთავრობის ეკონომიკური გუნდის პოლიტიკა ქვეყანაში უცხოური ვალუტის შემოსვლის წინააღმდეგ არის მიმართული.

დონალდ ტრამპის პრეზიდენტობის კანდიდატად დასახელებას დარბაზი ოვაციებით შეხვდა. ქუიქენ ლოუნს არენაზე, სადაც რესპუბლიკური პარტიის ყრილობა იმართებოდა, ტრამპი მეოთხედ გამოვიდა და მისი მთავარი გზავნილი გაახმაურა. პრეზიდენტობის კანდიდატი ეკონომიკური ცვლილებებით, საემიგრაციო პოლიტიკის გამკაცრებით და ტერორიზმის დამარცხებით შეერთებული შტატებისთვის დიდების დაბრუნებას გეგმავს.

სამხედრო გადატრიალების მცდელობიდან ერთი კვირის შემდეგ თურქეთის ელჩი ქართულ მედიასთან პირველად საუბრობს. კურიერთან ექსკლუზიურ ინტერვიუში ზაქი ლევენთ გუმრუქჩუმ ქვეყანაში არსებულ ვითარებაზე და სტრატეგიულ პარტნიორებთან მომავალ ურთიერთობებზე ისაუბრა. დიპლომატის განცხადებით თურქეთი არ აპირებს ქვეყნის სტრატეგიული კურსის გადახედვას.

პარლამენტი პრეზიდენტის მიერ წარდგენილი კანდიდატების განხილვას იწყებს. უზენაესი სასამართლოს მოსამართლეობის პრეტენდენტების საკომიტეტო მოსმენა მომავალი კვირიდან დაიწყება და არ არის გამორიცხული გადაწყვეტილება უმრავლესობამ საშემოდგომო სესიაზე მიიღოს, თუმცა არასამთავრობო ორგანიზაციების ნაწილი ვარაუდობს, რომ მოსამართლეები არჩევნების შემდეგ დაამტკიცებენ და მმართველი პარტია ამ ეტაპზე მხოლოდ დროის გაჭიანურებას ცდილობს.

საკონსტიტუციო სასამართლოს პლენუმი 3 საათზე მეტია მოსარჩელეების პოზიციას ისმენს. გიგი უგულავასა და ეგრეთ წოდებული კაბელების საქმის მსჯავრდებულების იურისტები ცდილობენ მოსამართლეები სისხლის სამართლის კოდექსის გასაჩივრებული ნორმების არაკონსტიტუციურობაში დაარწმუნონ. გაერთიანებული სარჩელებით მხარე ერთდროულად 13 მუხლის კოსნტიტუციურობის შემოწმებას ითხოვს. მათ მიაჩნიათ რომ გასაჩივრებული ნორმები ბუნდოვანია.

რამდენიმე ადამიანი დაიღუპა და დაიჭრა, გერმანიაში, ქალაქ მიუნჰენის სავაჭრო ცენტრზე თავდასხმის შედეგად, ამის შესახებ CNN-ი იუწყება.

ნორვეგიაში ანდერს ბრეივიკის მიერ მოწყობილი ტერაქტის ხუთი წლისთავს აღნიშნავენ. დაღუპულთა ხსოვნისადმი მიძღვნილი ცერემონია ოსლოში სამთავრობო შენობასთან გაიმართა, სადაც 2011 წლის 22 ივლისს აფეთქების შედეგად 8 ადამიანი დაიღუპა, 200-ზე - მეტი კი დაშავდა.

უზენაეს სასამართლოში ქობულეთის საკრებულოს წევრის ყოფილი მოადგილის საქმე განიხილეს. რამაზ კარალიძის უფლებადამცველებს და თანაგუნდელებს მიაჩნიათ, რომ ის 2013 წელს პოლიტიკური ნიშნით დააპატიმრეს. დაკავების დროს გამოძიება ქრთამის აღებას ედავებოდა შემდეგ კი მუხლი გადაკვლიფიცირდა და გირაოს სანაცვლოდ გათავისუფლებული ისევ დააკავეს.

ორსართულიანი ელექტრომატარებელი უკვე საქართველოშია. ბათუმი-თბილისი და თბილისი-ბათუმის მიმართულებით 400-მდეა მგზავრს ახალი ევროპული სტანდარტების მატარებელი ორშაბათიდან მოემსახურება.

ახალგაზრდა იურისტები სამართალდამცველთა მიერ, სავარაუდოდ, ჩადენილი დანაშაულების ფაქტების შესახებ რეაგირებას ითხოვენ.

ახალი პოლიტიკური ცენტრის რაიონული ცენტრი ავჭალაში. გირჩში განმარტავენ, რომ მსგავსი ოფისების საშუალებით ისინი შეძლებენ ამომრჩევლებთან მჭიდრო თანამშრომლობას. ცენტრის ხელმძღვანელი მხარდამჭერებს მოუწოდებს გაეცნონ პარტიის სოციალურ და ეკონომიკურ პროგრამებს.

ნაციონალური მოძრაობის მხარდამჭერი ახალგაზრდების ინიციატივით გლდანში ფოტოგამოფენა ახალგაზრდების თვალით დანახული ინფრასტრუქტურული პრობლემები მოეწყო.

საარჩევნო განვითარების სკოლაში სწავლის სურვილი 700–მდე ახალგაზრდამ გამოთქვა. სწავლა ერთდროულად საქართველოს 20 მუნიციპალიტეტში 25 ივლისს დაიწყება. 18-დან 24 წლამდე ახალგაზრდები 10 დღის განმავლობაში საარჩევნო თემებზე გაივლიან ტრენინგს.

ნინო ბურჯანაძე აუდიტის სამსახურის დადგენილების გაუქმებას ითხოვს. საუბარია დადგენილებაზე, რომლის მიხედვითაც, პოლიტიკური პარტიები ვალდებული ხდებიან, რომ სარეკლამო დროის საფასური ერთიანად წინასწარ დაფარონ.

ინტერპოლის გადაწყვეტილებაზე იგორ გიორგაძის წითელი ცირკულარიდან მოხსნის შესახებ განმარტებები ქართულ ოცნებაში გაკეთდა.

სომხეთის პრეზიდენტმა შეიარაღებულ პირებს, რომლებიც პოლიციის შენობაში უკვე მეექვსე დღეა მძევლებს აკავებენ, იარაღის დაყრისკენ მოუწოდა. განცხადება სერჟ სარქისიანმა ძალოვანი უწყებების ხელმძღვანელებთან გამართულ საგანგებო თათბირზე გააკეთა.

პაველ შერემეტის მკვლელობის საქმეში გამოძიებას ორი ახალი ეჭვმიტანილი ჰყავს. ორივე პიროვნება იმ ვიდეო ჩანაწერზე ჩანს, რომელიც უკრაინულმა მედიამ დღეს გაავრცელა. კადრები გვიან ღამით ჟურნალისტის სახლთან არის გადაღებული, სადაც მისი ავტომობილი იყო გაჩერებული. ჩანაწერში ჩანს, რომ ჟურნალისტის მანქანას სავარაუდოდ მამაკაცი უახლოვდება და მძღოლის მხარესთან მიწაზე ჯდება. 6 წუთის შემდეგ იმავე ადგილას ჩანაწერზე ჩანთით ხელში ქალი ჩნდება, რომელმაც სავარაუდოდ მანქანაზე ასაფეთქებელი მოწყობილობა მიამაგრა. 

ოპერისა და ბალეტის თეატრში ხვალ სეზონის დახურვა იგეგმება. ღონისძიება ჯერ კიდევ 17 ივლისს იყო დაგეგმილი, მაგრამ დასის პროტესტის გამო გადაიდო. დასი თეატრის დირექტორის დავით კინწურაშვილის გადადგომას ითხოვდა. რამდენიმე წუთის წინ თეატრში ბრიფინგი დასრულდა.

დოლარის კურსის ხელოვნურად ზრდაში ადანაშაულებს ხელისუფლებას საპარლამენტო ოპოზიცია. ამ თემაზე განცხადება ნაციონალური მოძრაობის ერთ ერთმა ლიდერმა პეტრე ცისკარიშვილმა გააკეთა. ნაციონალური მოძრაობის პრეტენზიებს მოგვიანებით ფინანსთა მინისტრმა უპასუხა.

Prime Minister of Georgia continues to present candidates in different regions. Giorgi Kvirikashvili has named the candidates for Vani and Khoni. Giorgi Liluashvili will be the candidate for both cities.
Another candidate has been named in Samtredia. The Prime Minister has stated that Gia Mikeladze will participate in elections.