Новости за 24.07.2016

უკვე რამდენიმე თვეა სოფელ ჭოპორტში ათობით ადამიანი წყლის გარეშეა დარჩენილი. სოფელში ძირითადად ასაკოვანი ადამიანები ცხოვრობენ და მათ დღეში რამდენჯერმე რამდენიმე კილომეტრის გავლა უწევთ სუფთა წყლის მოსატანად. 

სენსაციური აღმოჩენები გრაკლიანის გორაზე.  არქეოლოგებმა აღმოაჩინეს წარწერა, რომელიც ჩვენი წელთაღრიცხვის მე-11 მე-10 საუკუნეებით თარიღდება. აღმოჩენა შარშან, იგოეთთან, გრაკლიანის გორაზე მიმდინარე გათხრებისას გაკეთდა, თუმცა წარწერის თარიღი ასეთი სიზუსტით მხოლოდ ახლა დადგინდა.

განახლებული პარტია ქართული ოცნების საარჩევნო სიაში ყოფილი შინაგან საქმეთა მინისტრი მოხვდა. კობა ნარჩემაშვილი პოლიტიკაში დაბრუნებას სწორედ ოცნების სიით გეგმავს. 

5 აგვისტოს რიო დე ჟანეიროში დაგეგმილ ოლიმპიურ თამაშებზე საქართველოს სახელით მოასპარეზე სპორტსმენებს მზადება რთული პირობებში უწევთ.

პოსტსკრიპტუმი  მოსამართლეების მადონა მაისურაძისა და გიორგი ჩემიას საქმიანობით დაინტერესდა. ქალბატონი მადონა რუსთავის საქალაქო სასამართლოში მუშაობს, მისი მეუღლე კი სააპელაციო სასამართლოში მუშაობდა, შესაბამისად ხშირ შემთხვევაში მათ ერთი და იგივე საქმის განხილვა უწევდათ.

ქართული საზოგადოების აბსოლუტური უმრავლესობისთვის, მიუღებელი აღმოჩნდა ლევან ვასაძის ოჯახის წევრის კუთვნილი კომპანია სამოსელი პირველის მიერ შექმნილი და ნაკრების წევრებისთვის შეთავაზებული ოლიმპიური ტანსაცმელი.

უფრო მეტი ვიდრე ტელევიზია ან ბიზნესი - ეს სიტყვები რუსთავი 2-ის მფლობელებს ძმებ ყარამანიშვილებს ეკუთვნით, რომლებმაც სამაუწყებლო კომპანიის გარშემო მიმდინარე პროცესებზე პოსტსკრიპტუმის კამერასთან ისაუბრეს.  

ინციდენტი მოხდა რამდენიმე წუთის წინ დოლიძის ქუჩაზე, იქ სადაც წინასაარჩევნო შეხვედრას ერთიანი ნაციონალური მოძრაობის წევრები მართავდნენ. 

რუსეთის ფედერაციის ოლიმპიური ნაკრები სრულ დისკვალიფიკაციას გადაურჩა. საერთაშორისო ოლიმპიური კომიტეტის სხდომაზე ხმათა უმრავლესობის გადაწყვეტილება კომიტეტის პრეზიდენტმა ტომას ბახმა გახმოვანა, თუმცა ოლიმპიურმა კომიტეტმა საბოლოო გადაწყვეტილების უფლება სპორტის ინდივიდუალური სახეობების ფედერაციებს დაუტოვა, ანუ თითოეული კონკრეტული საერთაშორისო ფედერაცია გადაწყვეტს დოპინგ სკანდალის გამო დაუშვას თუ არა ოლიმპიადაზე რუსი სპორტსმენები. აკრძალვა ძალაში დარჩა მხოლოდ რუსეთის მძლეოსნობის ნაკრებისთვის.

აღმოჩენა თელავში. სპეციალისტებმა ჩოლოყაშვილის ქუჩაზე, სავარაუდოდ, მეცამეტე საუკუნის გვირაბს მიაკვლიეს.

სამცხე-ჯავახეთში ნაციონალური მოძრაობის ლიდერები, მათ შორის გიგა ბოკერია, გივი თარგამაძე, გოკა გაბაშვილი და გიგი წერეთელი ჩავიდნენ და საკუთარი პარტიის პრიორიტეტები კიდევ ერთხელ შეახსენეს მოსახლეობას.

ოპერისა და ბალეტის თეატრის დასის ნაწილი დავით კინწურაშვილის გადაყენების მოთხოვნით ხვალ კულტურის სამინისტროსთან მორიგ აქციას გეგმავს. სოპრანოს და საინიციატივო ჯგუფის წევრის თამარ ივერის თქმით, კინწურაშვილს ჰყავს 30-მდე იურისტი, რომელსაც თეატრის ბიუჯეტიდან უხდის თანხებს.

ავტოსაგზაო შემთხვევა თბილისში-ვარდების მოედანზე ერთმანეთს სამარშუტო ტაქსი და მსუბუქი ავტომობილი შეეჯახნენ. შეჯახება იმდენად ძლიერი იყო, რომ ყვითელი სამარშუტო ტაქსი ამოყირავდა. 

„ქართული ყველის ფესტივალი“ მცხეთაში. ღონისძიებაზე საკუთარი პროდუქციით წარმოდგენილი იყო მცხეთა–მთიანეთის ყველა მუნიციპალიტეტი.

საქართველოს ვიცე-პრემიერმა რუსთავი 2-ის შესახებ მორიგი კომენტარი გააკეთა. კახი კალაძის თქმით, რუსთავი 2-ის ირგვლივ ამჟამად არაფერი განსაკუთრებული არ ხდება და მიმდინარე პროცესი მხოლოდ ორ კერძო პირს შორის სამართლებრივი დავაა. 

კვერცხი რომ მოადგა მერე გაახსენდა?! - ასე ეხმაურებიან ოპერისა და ბალეტის თეატრის დასის გაფიცული წევრები სამხატვრო ხელმღვანელის განცხადებას სადაც, დავით კინწურაშვილი აცხადებს, რომ დასის წევრებზე ზეწოლა მიმდინარეობს და ხელმოწერები დაძალებით არის შეგროვებული. 

დამოუკიდებლობის გაკვეთილები - ასე ქვია ეკა წამალაშვილის ახალ წიგნს, რომლის პრეზენტაციაც კიევში გაიმართა. მასში მოთხრობილია არა მხოლოდ საქართველოს, არამედ საბჭოთა კავშირში შემავალი სხვა ყოფილი ქვეყნების, მათ შორის უკრაინისა და ბალტიისპირეთის ქვეყნების რეალური ისტორიები დამოუკიდებლობისკენ მიმავალ გზაზე.

განათლების ყოფილი მინისტრი, თამარ სანიკიძე,  განათლების ხარისხის განვითარების ეროვნულ ცენტრს უხელმძღვანელებს. ინფორმაცია ჟურნალისტებს მოქმედმა მინისტრმა, ალექსანდრე ჯეჯელავამ, მიაწოდა. 

14 ადამიანი დაიღუპა ტერაქტის შედეგად ერაყში. თავდასხმა ბაღდადის შიიტურ კვარტალში მოხდა. თვითმკვლელმა ტერორისტმა საკონტროლო გამშვებ პუნქტთან აიფეთქა თავი. გარდაცვლილთაგან უმეტესობა მშვიდობიანი მოქალაქეები არიან.

იტალიელმა მაშველებმა 400-მდე მიგრანტი გადაარჩინეს. სამაშველო ოპერაცია ხმელთაშუა ზღვაში, ლიბიის სანაპიროსთან ჩატარდა. საზღვაო პატრულმა ღია ზღვაში სამი რეზინის ნავი შენიშნა და ოპერაცია დაგეგმა.

მთაში კიდევ ერთი ახალგაზრდა მამაკაცი დაიღუპა. მაშველებმა მის ცხედარს უშბაზე მიაგნეს.
წინასწარი ინფორმაციით, გარდაცვლილი უკრაინის მოქალაქეა. საქართველოს შინაგან საქმეთა სამინისტროს ინფორმაციით, მაშველებს ცხედრის ამოსაყვანად მუშაობა რთულ პირობებში მოუწიათ.

ოდესიდან გამთენიისას დეპორტირებული კანონიერი ქურდი თეიმურაზ ჩხეტიანი დაკავებულია. როგორც შსს-ს ოფიციალურ ვებგვერდზე გავრცელებულ ინფორმაციაშია აღნიშნული, იგი ქართველმა სამართალდამცველებმა აეროპორტში აიყვანეს.

საევაკუაციო ოპერაცია დაიწყო კალიფორნიაში, სადაც უკვე მესამე დღეა ტყის ხანძარს ვერ აქრობენ. სტიქიამ 5 ათასამდე ჰექტარის ფართობი მოიცვა და ქალაქ სანტა-კლარიტას მიუახლოვდა. საფრთხის გამო სამასზე მეტ ოჯახს საკუთარი სახლების დატოვება მოუხდა.

სამართალდამცველებმა 31 წლის ქალბატონი დააკავეს, რომელსაც ნარკოტიკული საშუალების უკანონო შენახვა-გადაზიდვაში ადანაშაულებენ.

გადაუღებელ წვიმას ჩინეთში ძლიერი წყალდიდობა და მსხვერპლი მოჰყვა. სტიქია ქვეყნის ჩრდილოეთ და ცენტრალურ რეგიონებს დაატყდა თავს. სამაშველო სამსახურის ინფორმაციით, დაზარალებულ რეგიონებში 150 ადამიანია დაღუპული. ასზე მეტი ადგილობრივი კი დაკარგულად მიიჩნევა.