Новости за 29.05.2016

მორიგმა სეტყვამ გორის რაიონში კიდევ რამდენიმე სოფელი დააზარალა. ერგნეთში, ქიწნისში, ფხვენისსა და შინდისში მოსახლეობის თქმით, მოსავალი თითქმის მთლიანად გაუნადგურდათ. მათ შორის ხეხილი და ხეივანი. ასევე ერთწლოვანი ნათესები.

6 სოფელი დაზარალდა ძლიერი წვიმისა და სეტყვის შედეგად ადიგენის რაიონში. სტიქიის ზონაში გვიანობამდე მუშაობდნენ შესაბამისი ტექნიკით ადიგენის, აბასთუმნის და ახალციხის საგანგებო სიტუაციების სამსახურების წარმომადგენლები.

მდინარეებში წყლის დონის მატებას არ ელოდებიან სინოპტიკოსები, თუმცა მათი პროგნოზით დღეს ისევ სეტყვაა მოსალოდნელი დღის მეორე ნახევარში აღმოსავლეთ საქართველოს მაღალმთიან რაიონებში. მათი ინფორმაციით, სეტყვა არ იქნება ძლიერი.

ტენდერის გარეშე მილიონიანი ხელშეკრულებების დადება ჩვეული პრაქტიკაა თბილისის მერიაში. როგორც არასამთავრობო ორგანიზაცია მედიატორის კვლევით ირკვევა, 2015 წლის დეკემბრიდან 2016 წლის მაისამდე დედაქალაქის მერიამ 180 ხელშეკრულება გააფორმა ტენდერის გარეშე, რომელთა საერთო ღირებულებამ  12 282 002 ლარს შეადგინა. თბილისის განვითარების ფონდს კი იმავე პერიოდში ტენდერის გარეშე 77 ხელშეკრულება აქვს გაფორმებული - ჯამში 16 906 322 ლარი.

კორუფციის ნიშნები სახელმწიფო უწყებებში. საუბარი ჯანდაცვის სამინისტროს და კვლავ პირდაპირი წესით შესყიდვებს ეხება. დოკუმენტებით ირკვევა, რომ ჯანდაცვის სამინისტროს სიპმა სოციალური მომსახურების სააგენტომ 2014 წლის 21 ოქტომბერს გამარტივებული შესყიდვის ხელშეკრულება გააფორმა შპს უნივერსალ ფუდთან, რომელიც 2014 წლის 23 სექტემბერს ანუ ხელშეკრულების გაფორმებამდე ერთი თვით ადრე დაფუძნდა.

რეგიონული განვითარებისა და ინფრასტრუქტურის სამინისტრო სკანდალში ეხვევა. საქმე დედაქალაქის მერის, დავით ნარმანიას, მინისტრობის პერიოდს და უწყების მიერ დაფუძნებულ სახელმწიფო საკუთრებაში არსებულ შპს სახელმწიფო სამშენებლო კომპანიას ეხება.

P.S. 26 მაისს 20 წლის გახდა. გადაცემას  თავდაპირველად კვირა ერქვა და ეთერში 1995 წელს გავიდა. გადაცემის პირველი და ერთადერთი წამყვანი დავით კიკალიშვილია.

ვლადიმერ პუტინის ტყვეოაბში გატარებული 700 დღის შემდეგ უკრაინელი მფრინავი უკრაინისთვის ახალ ბრძოლას იწყებს, ამჯერად უკვე სამშობლოში.

დამოუკიდებელობის მოპოვების შემდეგ პირველად საქართველოს სახელმწიფო ვიზიტით სლოვაკეთის პრეზიდენტი, ანდრეი კისკა, ეწვია.

ორი კვირის წინ ხურჩაში რუსი სამხედროების მიერ საქართველოს ტერიტორიაზე მოკლული გიგა ოთხოზორია 26 მაისს, დამოუკიდებლობის დღეს, დაკრძალეს.

საქართველომ გასულ კვირას ქვეყნის დამოუკიდებლობის დღე აღნიშნა, თუმცა ამ დღეს სამხედრო აღლუმები დიდი ქალაქებისთვისაა, სოფელ აძვისში კი 26 მაისი სულ სხვანაირად აღინიშნება - ამ დროს სოფლის სასაფლაო ითიბება.

ოკუპირებული ტერიტორიის მახლობლად მდებარე სოფელ მერეთში ხარაგაულის სახალხო თეატრი ჩავიდა.

მზიურში განახლებული და შეზღუდული შესაძლებლობის მქონე პირებისთვის ადაპტირებული საბავშვო პარკი გაიხსნა.

ევროპაში უძველეს სინაგოგას, რომელიც საქართველოში, ახალციხეში მდებარეობს, 275 წელი შეუსრულდა.

ქართული წიგნის ეროვნული ცენტრის ინიციატივით ქართული წიგნის ბაზრის კვლევა ჩატარდა. კვლევის შედეგების პრეზენტაცია ექსპო ჯორჯიაში გაიმართა. 

ქართლში მოსულმა სეტყვამ მოსავალი გაანადგურა. დაზარალებულია ატენის ხეობა.

თურქეთის პარლამენტმა ახალ პრემიერ-მინისტრ ბინალი ილდირიმსა და მინისტრთა კაბინეტს ნდობა გამოუცხადა.

აფხაზეთის ომის გმირების, ძმები წიკლაურების, სახელობის რაგბის ფესტივალი ყაზბეგში -
ტურნირი წელს პირველად ტარდება და მასში 12-წლამდე ასაკის მოზარდებისგან შემდგარი 24 გუნდი მონაწილეობს.

პოლიციის დღე რამდენიმე დღით ადრე მიულოცა აღსრულების ეროვნული ბიუროს პოლიციელებს იუსტიციის მინისტრმა.

ირანის ახლადარჩეულმა პარლამენტმა სპიკერად ალი ლარიჯანი დაასახელა. საკანონმდებლო ორგანო პირველ სხდომაზე არჩევნების შემდეგ დღეს პირველად შეიკრიბა.

კიევის ოლქში მოხუცებულთა თავშესაფარი დაიწვა. ხანძრის შედეგად, ბოლო ინფრომაციით 17 ადამიანია დაღუპული.

ინტერპოლმა ბორის ნემცოვის მკვლელობაში ერთ-ერთ ეჭვმიტანილზე ძებნა გამოაცხადა.

“ეს არ არის საერთაშორისოდ აღიარებული საფეხბურთო ტურნირი,“ -  ასე ეხმიანება შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე, ქეთევან ციხელაშვილი, ოკუპირებულ აფხაზეთში ფეხბურთის ჩემპიონატის გახსნას. 

"მთავარია, არ დაირღვეს საქართველოს კანონი," - ასე გამოეხმაურა ვენეციის კომისიის დასკვნას იუსტიციის მინისტრი.

როგორ მიმდინარეობს თბილისში ე.წ-ი ახალი გზის მიმდინარე ტერიტორიის გამწვანება - დეტალური ინფორმაცია ამის შესახებ დავით ნარმანიამ ადგილზე მერიის შესაბამისი სამსახურების წარმომადგენლებისგან მოისმინა. ტერიტორიის გამწვანება რამდენიმე დღეში უნდა დასრულდეს. მერიის ინფორმაციით, სულ ვერეს ხეობაში 10-ი ათასამდე წიწვოვან ბუჩქოვანი მცენარე დაირგვება.