Новости за 21.05.2016

საკრებულოს ნაციონალური მოძრაობის წევრი, ირაკლი აბესაძე, 17 მაისს საკრებულოში თბილისის მერის გამოსვლასა და ბოტანიკური ბაღის მიმდინარე პროცესებზე კურიერის პირდაპირ ეთერში საუბრობს.

ინციდენტი ახმეტაში - სოფელ არგოხში გამართული დოღის დასრულების შემდეგ მონაწილეებს შორის დაპირისპირება მოხდა.

ნინო ბურჯანაძის გაერთიანებული დემოკრატების საკრებულოს წევრი, თამარ ცინცაბაძე, საკრებულოში დედაქალაქის მერის, დავით ნარმანიას, მოხსენებას "თვითდაჯერებული და თვითკმაყოფილი ადამიანის მოხსენებას" უწოდებს.

საქართველოს პრეზიდენტის მრჩეველი, კახა კოჟორიძე, ხურჩაში მომხდარ მკვლელობას კურიერის პირდაპირ ეთერში ეხმაურება. კოჟორიძის თქმით, ის არ ფლობს ინფორმაციას, მოწვეული იქნება თუ არა პრეზიდენტის მიერ უშიშროების საბჭოს სხდომა, რომელიც დღეს ნაციონალურმა მოძრაობამ გაჟღერა. 

ე.წ. კაბელების საქმეზე პრეზიდენტის მიმართ არსებული მოთხოვნას ბრალდებულების შეწყალებასთან დაკავშირებით პრეზიდენტის მრჩეველი, კახა კოჟორიძე, კურიერის პირდაპირ ეთერში აცხადებს, რომ "დღეს არა კონკრეტულ საქმეზე უნდა იყოს საუბარი, არამედ სასამართლოს რეფორმირებაზე".

პრეზიდენტის მრჩეველი, კახა კოჟორიძე, პარლამენტის მიერ მიღებულ "საკონსტიტუციო სასამართლოს შესახებ" კანონს "ნეგატიურს" უწოდებს და ამბობს, რომ ის "საკონსტიტუციო სასამართლოს ფუნქციონირებას საფრთხის შემცველია".

ლეიბორისტული პარტიის ლიდერი, შალვა ნათელაშვილი, ხურჩაში 31 წლის გიგა ოთხოზორუას მკვლელობის ფაქტს "ხელისუფლების დღეს არსებულ ლოიალურ პოლიტიკას" უკავშირებს, რაც, ნათელაშვილის მტკიცებით, "ბიძინა ივანიშვილის მიერ არის დაკანონებული".

„ძალიან სამწუხაროა, რომ ჩვენი ხელისუფლების სრულიად უპასუხისმგებლო და გაუაზრებელ პოლიტიკას შეეწირა ჩვენი თანამოქალაქე,“ - ნაციონალური მოძრაობის წევრი, სალომე სამადაშვილი, ხურჩის ტრაგედიასთან დაკავშირებით კურიერის პირდაპირ ეთერში საუბრობს.

31 წლის გიგა ოთხოზორიას მკვლელობის ამსახველი კადრებში კარგად ჩანს, რომ რუსი სამხედრო საქართველოს კონტროლირებად ტერიტორიაზე გადმოდის და ოთხოზორიას რამდენიმე სასიკვდილო ჭრილობას აყენებს. მათ შორის ახდენს საკონტროლო გასროლას.

სახელმწიფო მინისტრი შერიგებისა და სამოქალაქო თანასწორობის საკითხებში, პაატა ზაქარეიშვილი, ხურჩაში გიგა ოთხოზურიას მკვლელობის ფაქტს "საშინელსა" და "სისხლის სამართლის უდიდეს დანაშაულს უწოდებს", თუმცა ამბობს, რომ ქვეყანაში მძიმე ვითარება არ არის და საქართველოს ხელისუფლება ყველაფერს გააკეთებს, რომ ეს იყოს „ერთადერთი მკვლელობის ფაქტი“.

ნაციონალური მოძრაობა პრეზიდენტს უშიშროების საბჭოს სხდომის მოწვევას სთხოვს. მათი პოზიციით, საოკუპაციო ხაზთან მოსახლეობა დაუცველია, რაც ხელისუფლების მხრიდან უსაფრთხოების არასათანადო ზომების არსებობაა.

„საშინელი ტრაგედია დატრიალდა,“ - ამ სიტყვებით ირაკლი ალასანიამ ხურჩაში მომხდარ მკვლელობასთან დაკავშირებით კურიერის პირდაპირ ეთერში ისაუბრა. 

"არა ოკუპაციას!", "რუსეთი კლავს!" - ასეთი წარწერების მქონე ტრანსპარანტებით აპროტესტებენ არასამათავრობო ორგანიზაციები და ადგილობრივი ჟურნალისტები ხურჩაში მომხდარ მკვლელობას.

"დღეს პროკურატურასთან შეკრებილებმა ივანიშვილს უთხრეს, რომ ყელში ამოხვედი," - თავისუფალი დემოკრატების ლიდერი, ირაკლი ალასანია, დღეს შეკრებილი პროტესტის მთავარ მიზანსა და სამომავლო გეგმებზე საუბრობს.

4-საათიანი განხილვა საკრებულოში - 17 მაისის სხდომა, რომელზეც დავით ნარმანია ბოტანიკური ბაღის გასხვისებასთან დაკავშირებით დაიბარეს, პოლიტიკურ დაპირისპირებაში გადაიზარდა.

პარტიის არსებობის ისტორიაში თავისუფალმა დემოკრატებმა პირველი მასშტაბური საპროტესტო აქცია გამართეს. პოლიტიკური პარტიის წევრებმა ქვეყნის მთავარ საგამოძიებო უწყებასთან ე.წ. კაბელების საქმეზე მიღებული გადაწყვეტილება გააპროტესტეს.

ესპანური ნეოკოლონიური სტილით წინა საუკუნის ოცდაათიან წლებში აშენებული კოშკი სახელწოდებით ჰეპნერ ჰოლი, კალიფორნიის შტატში ერთ-ერთი ყველაზე ცნობადი შენობაა, რომელიც ყოველწლიურად უამრავი ადამიანის ფოტოებზე ხვდება.

პროკურატურამ გიგა ოთხოზორიას მკვლელობის ფაქტზე სისხლისსამართლებრივი დევნა დაიწყო.

კოსოვოში ისლამური სახელმწიფოს წევრები გაასამართლეს. ტერორიზმის ბრალდებით სასამართლოს წინაშე 7 ბრალდებული წარსდგა.

"საკონსტიტუციო სასამართლოს შესახებ" კანონში ცვლილებები - კანონი, რომლის დამტკიცებამდეც რეკომენდაცია მმართველ გუნდს არ უთხოვია, ვენეციის კომისიაში ერთდროულად ორჯერ გაგზავნეს. პარლამენტის შემდეგ დასკვნა პრეზიდენტმაც მოითხოვა.

ნატო-ს სამეკავშირეო ოფისი ყურადღებით ადევნებს თვალს ე.წ. კაბელების საქმეს, რომლის ფარგლებშიც თავდაცვის სამინისტროს 5 თანამშრომელი სახელმწიფო ქონების გაფლანგვის ბრალდებით ა.წ. 16 მაისს გაასამართლეს.

თბილისის მერმა მეტროს შეკეთებული ვაგონები დაათვალიერა. ელექტრომოძრავი შემადგენლობის სარემონტო ქარხანაში ამ დროისთვის უკვე გარემონტდა 4 ძევლი და სულ იგეგმება 12 ვაგონის განახლება.

უკვე წლებია, მარნეულის სოფელ თაზაქენთის მოსახლეობას წყლის მომარაგება და მასში ფულის გადახდა უწევს, რადგან სოფელში წყალი წელიწადში ერთხელ, ბაირამობის დღესასწაულზე მხოლოდ ერთი კვირის განმავლობაში მოდის.

ეგვიპტის თავდაცვის სამინისტრომ კომპანია იჯიფთ ეარის კუთვნილი თვითმფრინავის ფრაგმენტების პირველი ვიდეომასალა გაავრცელა.

საკრებულოს შუალედური არჩევნებისთვის ცესკო მზადყოფნას გამოთქვამს. არჩევნები გლდანის, გარდაბნის, კასპის, წყალტუბოს, ოზურგეთის, ხობის და ზუგდიდის ადგილობრივი მაჟორიტარული ოლების 45 საარჩევნო უბანზე გაიმართება, რომლებზე 54 ათასზე მეტი ამომრჩეველია რეგისტრირებული.