Новости за 24.05.2016

კორცხელის ინციდენტში მონაწილე სპორტსმენების ნაწილმა შსს დატოვა. მონაწილეთა ნაწილის დაკითხვა ამ დრომდე გრძელდება. მათ შორის არის კობა ტყეშელაშვილიც. 

სპორტსმენი ილია მარტყოფლიშვილი ქართული ოცნების წევრს მამუკა მდინარაძეს მიმართავს და ბოდიშის მოხდას სთხოვს.

ქართული ოცნების პოლიტსაბჭოს წევრი, მამუკა მდინარაძე, მის მიერ დასახელებული სპორტსმენების კორცხელში ყოფნის ფაქტს უარყოფს და ამბობს, რომ მან გააკეთა განცხადება, რომ ამ სპორტსმენების მხრიდან იგეგმებოდა პროვოკაცია.

თსუ-ში აქცია განახლდა - აუდიტორია115-ის წევრები სტუდენტური თვითმმართველობის კაბინეტთან იმყოფებიან. როგორც სტუდენტები აცხადებენ, ისინი დაშლას არ აპირებენ.

თავისუფალი დემოკრატების წევრი, ირაკლი ჩიქოვანი, გადაცემა არჩევანში კორცხელში მომხდარ ფაქტზე საუბრობს.

რესპუბლიკური პარტიის თავმჯდომარე, ხათუნა სამნიძე, ხელისუფლების მოქმედებას კორცხელში გმობს და ამბობს, რომ „დღევანდელი მმართველი გუნდი ივიწყებს წარსულს, რაც გამოიარა წლების წინ, მაგრამ მოსახლეობას არა აქვს მოკლე მეხსიერება და ის აუცილებლად გაგვიხსენებს ამას არჩევანის დროს“.

ნაციონალური მოძრაობის ერთ-ერთი ლიდერი, გიგა ბოკერია, კორცხელში მომხდარ ინციდენტს გადაცემა არჩევანში იხსნებს და ამბობს, რომ "აქ დამნაშავე არის ის ადამიანი, ვინც შეკრიბა ეს ხალხი".

ადვოკატი პაატა აბულაძე კახი კალაძესთან ნათესაურ კავშირზე დასმულ შეკითხვას არ პასუხობს და ყველა კითხვაზე 26 მაისს განვითარებული მოვლენების გახსენებით პასუხობს.

გავრცელებულ ინფორმაციას, რომ სოფელ კორცხელში ჩხუბში მონაწილე სპორტსმენები დაკავებულები არიან შს სამინისტრო არ ადასტურებს.

ადვოკატი კობა კობახიძე პაატა აბულაძის განცხადებას ეხმაურება. მისი თქმით, "სირცხვილია, როდესაც პაატა აბულაძე აცხადებს, რომ ამ სპორტსმენების დაკავების უფლებას არავის მისცემს".

შინაგან საქმეთა სამინისტროსთან შეკრებილთა შორის კახა კალაძის სიძე იმყოფება. ამის შესახებ გადაცემა არჩევანში დეპუტატმა ირმა ნადირაშვილმა ისაუბრა.

პოლიტიკური მოძრაობა სახელმწიფო ხალხისთვის ერთ-ერთი ლიდერის, ხათუნა ლაგაზიძის, თქმით, "ხელისუფლებას ქვეყანა მიჰყავს სამოქალაქო დაპირისპირებისკენ". 

კორცხელის ინციდენტში მონაწილე სპორტსმენების დაკითხვა შსს-ში ამ წუთებშიც გრძელდება. სამინისტროსთან კი სპორტსმენების მხარდამჭერი აქცია მიმდინარეობს, სადაც გავრცელდა ინფორმაცია დაკითხვაზე მყოფი სპორტსმენების დაკავების თაობაზე. თუმცა, კურიერთან სამინისტროდან ეს ინფორმაცია ჯერ არავის დაუდასტურებია.

ნაციონალური მოძრაობის წევრი, ოთარ კახიძე, კორცხელში მომხდარ ფაქტთან დაკავშირებით გადაცემა არჩევანში საუბრობს.

ნაციონალური მოძრაობის წევრი, ელენე ხოშტარია, კორცხელში მომხდარზე პასუხისმგებლობას პრემიერს აკისრებს და მის შეფასებას მომხდარზე "დაგვიანებულს" უწოდებს.

ნაციონალური მოძრაობის წევრი, ირმა ნადირაშვილი, კორცხელში მომხდარ ინციდენტზე გადაცემა არჩევანში საუბრობს.  

ნაციონალური მოძრაობის წევრი, ნიკა მელია, გადაცემა არჩევანში კორცხელში მომხდარი ინციდენტის დეტალებს იხსენებს.

ნაციონალური მოძრაობის ლიდერი, მიხეილ სააკაშვილი, დავით ბაქრაძის იდეას „დიდი პოლიტიკური შერიგების“ თაობაზე მხარს უჭერს. ამის შესახებ სააკაშვილმა გადაცემა არჩევანში ისაუბრა.

ყოფილი პრეზიდენტი, მიხეილ სააკაშვილი, ბიძინა ივანიშვილს "მატყუარასა" და "ცრუპენტელას" უწოდებს.

„მე ვაპირებ საქართველოში დაბრუნებას და პროცესებში აქტიურად ჩართვას,“ - ამის შესახებ განცხადება ყოფილმა პრეზიდენტმა მიხეილ სააკაშვილმა გადაცემა არჩევანში გააკეთა, თუმცა მას არ დაუკონკრეტებია, როდის შეიძლება ის საქართველოში დაბრუნდეს.

ნაციონალური მოძრაობის ლიდერმა, მიხეილ სააკაშვილმა, პარტიაში მასთან არსებულ დაპირისპირებაზე გავრცელებული ხმები უარყო და თქვა, რომ გუნდში კამათი და დისკუსია მხოლოდ იდეოლოგიურ და ქვეყნისთვის მნიშვნელოვან საკითხებზე მიმდინარეობს.

"ვშიშობ, რომ უახლოესი კვირების მანძილზე ბიძინა ივანიშვილის მთავარი სამიზნე რუსთავი2 იქნება," - ამის შესახებ გადაცემა არჩევანში ყოფილმა პრეზიდენტმა, მიხეილ სააკაშვილმა, განაცხადა და თქვა, რომ საქართველოში მედიის დაცვა ეს დემოკრატიის მნიშვნელოვანი ნაწილია.

ყოფილი პრეზიდენტი, მიხეილ სააკაშვილი, ბიძინა ივანიშვილს ასლან აბაშიძეს ადარებს და ამბობს, რომ მას ხელისუფლებიდან წასვლა ისევე არ სურს, როგორც ეს არ სურდა ასლან აბაშიძეს და ედუარდ შევარდნაძეს, მაგრამ "საპარლამენტო არჩევნებზე მას მოუწევს ნაციონალური მოძრაობისთვის ხელისუფლების გადაბარება“. 

„ხალხის შეშინება არის შეუძლებელი“, „ძალადობის მეთოდები არ მუშაობს,“ - ასე აფასებს ყოფილი პრეზიდენტი, მიხეილ სააკაშვილი, კორცხელში მომხდარ ინციდენტს.

შუალედურ არჩევნებზე ყოფილმა პრეზიდენტმა, მიხეილ სააკაშვილმა, გადაცემა არჩევანში ისაუბრა და თქვა, რომ "ნაციონალური მოძრაობა ახალი ძალით დაბრუნდა".