Новости за 30.05.2016

ახალგაზრდა იურისტთა ასოციაციამ რუსთავი 2-ის საქმეზე სააპელაციო სასამართლოში საქმის განმხილველი კოლეგიის შეცვლის საკითხს ეხმიანება. ორგანიზაციამ არსებულ თემაზე სპეციალური განცხადება გაავრცელა, სადაც ითხოვს შესწავლილ იქნას რუსთავი 2-ის საქმის განმხილველი მოსამართლეების ცვლილების მიზეზი.

საერთაშორისო მედიის ცნობით თეთრ სახლთან უსაფრთხოების ნორმებია გამკაცრებული. სოციალურ ქსელებში გავრცელებული ფოტოებით ირკვევა, რომ ვაშინგტონში მობილიზებული არიან სამართალდამცავები, სამაშველო და სახანძრო სამსახურის თანამშრომლები. 

ვეგანური კაფის თანამშრომელი, რომელსაც ვინაობის გამხელა საკუთარი უსაფრთხოების გამო არ სურს, ულტრანაციონალისტების თავდასხმის დეტალებს ყვება. მისი ინფორმაციით კაფეში გუშინ საღამოს 20-მა აგრესიულმა ახალგაზრდამ სტუმრებსა და მომსახურე პერსონალს ფიზიკური და სიტყვიერი შეურაცხყოფა მიაყენა. ვერცხლის ქუჩაზე მომხდარი ინციდენტის თვითმხილველების ინფორმაციით, ულტრა ნაციონალისტთა ჯგუფმა კაფეში შესვლიდან რამდენიმე წუთში ხმაური დაიწყო. სიტუაცია კი მას შემდეგ დაიძაბა როდესაც მათ ტერიტორიის დატოვება მოსთხოვეს.

სასამართლო პროცესის დაჩქარებულ ტემპში მიმდინარეობა კითხვის ნიშნებს უჩენს მედიაზე მომუშავე მესამე სექტორის წარმომადგენლებს. მათი თქმით ხელისუფლება ცდილობს არჩევნებამდე შეცვალოს რუსთავი 2-ის სარედაქციო პოლიტიკა. ამის შესახებ მესამე სექტორის წარმომადგენლები საუბრობენ.

The Court of Appeal is preparing to issue a ruling on "Rustavi 2" case in rapid regime. It is possible that the panel will announce the decision on Rustavi2 case without giving the broadcasting company"s lawyers even one day for forming their positions.

სააპელაციო სასამართლო ფორსირებულ რეჟიმზე გადავიდა. არ არის გამორიცხული კოლეგიამ ხვალ უკვე გადაწყვეტილება გამოაცხადოს რუსთავი 2-ის საქმეზე ისე, რომ პოზიციების ჩამოსაყალიბებლად სამაუწყებლო კომპანიის ადვოკატებს ერთდღიანი ვადაც არ მისცა.

სახელმწიფო პროგრამები და ტენდერები-არასამთავრობო ორგანიზაცია "შესყიდვების მონიტორინგის და სწავლების ცენტრი" საჯარო უწყებებში არსებულ კორუფციულ გარიგებებზე საუბრობს. მესამე სექტორში ამტკიცებენ, რომ ტენდერები სამინისტროებში სპეციალურად შემუშავებული სქემის მიხედვით ტარდება.

რუსთავი 2-ის პროცესის ფონზე კი ბიძინა ივანიშვილი მედიის თავისუფლებაზე აკეთებს აქცენტს. იმ ფონზე, როდესაც ყველა საერთაშორისო ორგანიზაცია რუსთავი 2-ის საქმის პოლიტიკურ მოტივზე საუბრობს, ყოფილი პრემიერი თავის ვრცელ წერილში იმ დამსახურებებზე მიუთითებს, რომელიც მან ქართულ მედიას მოუტანა.

ვარშავის სამიტამდე ერთი თვით ადრე სლოვაკეთის პრეზიდენტი საქართველოს მხარდაჭერას უცხადებს და ნატო-ს წევრების მოახლოებულ შეხვედრაზე საქართველოს წარმატებას აანონსებს. ანდრეი კისკას განცხადებით, სირთულეების მიუხედავად, საქართველომ ევროატლანტიკური სტრუქტურებისკენ წინსვლა უნდა გააგრძელოს, რაშიც მას სლოვაკეთის მხარდაჭერა გარანტირებული აქვს.

ე.წ. გერმანული მოდელით საარჩევნო კოდექსში ცვლილებებს უმრავლესობამ კომიტეტებში მხარი არ დაუჭირა. მმართველმა პარტიამ ამის მიზეზად ახალი სისტემის კონსტიტუციასთან შეუსაბამობა დაასახელა. ქართული ოცნებაში ამტკიცებენ, რომ ცვლილებებით პარლამენტში მანდატების გადანაწილების პრინციპი დაირღვევა. რესპუბლიკელების მიერ მომზადებული დაწუნებული ცვლილებების შემდეგ, განცხადებები თავად რესპუბლიკელებმა გააკეთეს. ფრაქციის თავმჯდომარემ ქართულ ოცნებას იმ მოსალოდნელ შედეგებზე მიანიშნა, რომელიც შესაძლოა არჩევნების იგივე სისტემით ჩატარებას მოყვეს. Читать дальше...

რუსთავი 2-ის საქმეს შეერთებულ შტატებში განსაკუთრებული ყურადღებით აკვირდებიან. რუსთავი 2-თან დაკავშირებულ საკითხზე და საქართველოში მედიის თავისუფლების მნიშვნელობაზე სენატის შეიარაღებული ძალების კომიტეტის თავმჯდომარე, ჯონ მაკკეინი აცხადებს, რომ მედიის თავისუფლებასთან დაკავშირებით შეკითხვები არსებობს და საქართველომ უნდა უზრუნველყოს თავისუფალი, სამართლიანი და რეგიონისთვის სამაგალითო არჩევნების ჩატარება. ვაშინგტონში ხაზს უსვამენ, რომ მედიის თავისუფლება სამართლიანი საარჩევნო პროცესის განუყოფელი ნაწილია. Читать дальше...

ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, რუსთავი 2-ის დღევანდელ სასამართლოზე ნიკა გვარამიას სკანდალურ განცხადებას ეხმაურება. მისი თქმით, მისთვის როგორც ყოფილი სახალხო დამცველისთვის ეს განცხადება  ვერ იქნება დამაჯერებლობასთან ახლოს.   

საკონსტიტუციო სასამართლოს კანონპროექტთან დაკავშირებით პრეზიდენტის გადაწყვეტილებას ელოდებიან არასამთავრობო ორგანიზაციების წარმომადგენლები. ისინი აცხადებენ, რომ კანონი იმ ფორმით, რა ფორმითაც მმართველმა გუნდმა მიიღო ძალაში არ უნდა შევიდეს. მათი თქმით, ეს დაადასტურა ვენეციის კომისიამაც, რომელმაც ყველა ის კრიტიკული შენიშვნა გაიზიარა, რომლებიც ადგილობრივ არასამთავრობო ორგანიზაციებს აქვთ.

X-ფაქტორის ცოცხალ შოუსთნ დაკავშირებით დღეს რამდენიმე კომპანია თავის თანამშრომლებს სამსახურიდან დროზე ადრე ათავისუფლებს. კონკურსანტების გულშემატკივრებს შესაძლებლობა ექნებათ საკუთრი ოჯახის წევრებთან ერთად ნახონ საყვარელი გადაცემა.

საქართველოს ევროატლანტიკური მისწრაფებები, რეგიონში არსებული გამოწვევები და შიდა პოლიტიკური საკითხები განიხილა საქართველოს პარლამენტის თავმჯდომარემ სლოვაკეთის პრეზიდენტთან გამართულ შეხვედრაზე. მოლაპარაკებას უმრავლესობასთან ერთად ოპოზიციის წარმომადგენლებიც ესწრებოდნენ. დეპუტატების განმარტებით სლოვაკეთის პრეზიდენტმა კიდევ ერთხელ დაადასტურა ვარშავის სამიტის წინ საქართველოს მხარდაჭერა. 

რუსთავი 2-ისთვის დღევანდელი რთული დღის მიუხედავად საღამოს ეთერში ჩვენ მაინც საოცარ შოუს შემოგთავაზებთ-დღეს X-ფაქტორის დროა.

უნივერსიტეტის აკადემიური საბჭო დაპირისპირებულ სტუდენტებს დიალოგისკენ მოუწოდებს.

ყოფილი პრემიერის ბიძინა ივანიშვილის მიერ დღეს გამოქვეყნებულ წერილს ქართულ ოცნებაში "ობიექტურს, სწორსა და პერსპექტივაზე გათვლილს" უწოდებენ. როგორც პარტიის წევრები ამბობენ, მოსახლეობისთვის მნიშვნელოვანია ბიძინა ივანიშვილის დამოკიდებულებას.

რუსთავი 2-ის გენერალური დირექტორი ნიკა გვარამია კურიერის პირდაპირ ეთერში საქმის მოსამართლეებსა და იუსტიციის მინისტრს მიმართავს და უკანონო გადაწყვეტილებების გამო მკაცრად აკრიტიკებს.

Journalists and representatives of the third sector remark that today"s statement of Rustavi 2 Director General Nika Gvaramia shoud become the subject of interest of the judicial investigation. Gvaramia said at the trial that the previous panel of judges was under the pressure and asa result the acting panel was appointed .

ჟურნალისტები და მესამე სექტორის წარმომადგენლები განმარტავენ, რომ რუსთავი 2-ის საქმესთან დაკავშირებით გენერალური დირექტორის ნიკა გვარამიას დღევანდელი განცხადება სასამართლოზე საგამოძიებო უწყბების ინტერესის საგანი უნდა გახდეს. გვარამიამ სასამართლო პროცესზე  განაცხადა, რომ წინა კოლეგიის მოსამართლეებზე მოხდა ზეწოლა და ამ ზეწოლის შემდეგ დაინიშნა ამ ეტაპზე მოქმედი, კოლეგია.

Rustavi 2 trial in the Court of Appeal will be renewed tomorrow at 10:00.Although the station"s lawyers asked for time to study the case materials, the court did not satisfy this requirement and appointed the hearing for tomorrow 10:00 am .

რუსთავი 2-ის სასამართლო პროცესი სააპელაციო სასამართლოში ხვალ, დილის 10:00 საათიდან განახლდება. მიუხედავად იმისა, რომ ტელეკომპანიის ადვოკატებმა საქმის მასალების გასაცნობად დროს ითხოვდა. თუმცა სასამართლომ მათ ეს მოთხოვნა არ დაუკმაყოფილა და პროცესი ხვალ დილის 10:00 საათზე დაინიშნა.

პრეზიდენტთან უშიშროების საბჭოს სხდომა გაიმართა. მსჯელობის მთავარი თემები მიმდინარე და დაგეგმილი პოლიტიკური მოვლენები იყო. განიხილეს ნატო-ს ვარშავის სამიტისთვის მზადების თემა. საბჭოს წევრები ხურჩის ინციდენტსა და საოკუპაციო ზონებთან უსაფრთხოების საკითხებზეც მსჯელობდნენ. 

პოლიტიკოსები მიიჩნევენ, რომ რუსთავი 2-ის გენერალური დირექტორის ნიკა გვარამიას მიერ სასამართლო პროცესზე გაკეთებული განმარტება, სასულიერო პირის მიერ სასამართლოზე არსებულ ზეწოლაზე გაკეთებულ განცხადებასთან დაკავშირებით, გამოძიების დაწყების საფუძველი უნდა გახდეს.