Новости за 08.03.2016

კონსტიტუციაში ოჯახის შესახებ ჩანაწერის დამატების უკან ირაკლი ალასანია პოლიტიკურ მოტივებს ხედავს. განცხადება ამ საკითხზე ალასანიამ ტოკშოუ არჩევანში გააკეთა. გიორგი გაბუნიასთან საუბრისას ალასანიამ რუსულ პროპაგანდაზეც გაამახვილა ყურადღება. 

პანკისის ხეობაში თარხან ბათირაშვილის მოკვლის ფაქტს არ ადასტურებენ. განცხადებები მათ კურიერთან სატელეფონო საუბრის დროს გააკეთეს. 

რამდენიმე წუთის წინ საერთაშორისო მედიაში გავრცელდა ინფორმაცია, რომ ISIS-ის მებრძოლი თარხან ბათირაშვილი იგივე ომარ ალშიშანი მოკლეს. CNN-ის ინფორმაციით ალშიშანი სავარაუდოდ სირიაში ალშადადის პროვინციაში ჩატარებული სპეცოპერაციის დროს დაიღუპა. 

ამ წუთებში საპროტესტო აქცია მიმდინარეობს თბილისში, რუსეთის საელჩოსთან.  სოლიდარობის აქცია სოციალური ქსელის მეშვეობით დაიგეგმა. 

კახა კალაძე ნაციონალური მოძრაობის მიერ დასახელებული დავით ქარსელაძესთან იგივე ე.წ. "კალატოზასთან" ნაცნობობას უარყოფს და თავად გივი თარგამაძეს ადანაშაულებს ე.წ. კანონიერ ქუდებთან ახლო ურთიერთობაში.

ენერგეტიკის მინისტრი, კახა კალაძე, ნაციონალური მოძრაობის ბრალდებას იმის თაობაზე, რომ ენერგეტიკის სამინისტროს ე.წ. კანონიერმა ქურდმა დავით ქარსელაძემ, მეტსახელად "კალატოზამ" 1 მილიონ 100 ათასი ლარი ჩაურიცხა, "აბსურდულს" უწოდებს.

ვიცეპრემიერის, კახა კალაძის, თქმით, პარტიებთან შეხვედრის დროს შეთანხმებებს პრემიერ -მინისტრი, გიორგი კვირიკაშვილი, უხელმძღვანელებს.

ქართული ოცნების კოალიციის დაშლაში კახა კალაძე საგანგაშოს ვერაფერს ხედავს, თუმცა ამბობს, რომ მას სურვილი აქვს, 2016 წელს არჩევნებზე კოალიციის სახით წარსდგნენ.

თავისუფალი დემოკრატების ლიდერი, ირაკლი ალასანია, მაესტროს გარშემო მიმდინარე პროცესების უკან ხელისუფლების ინტერესებს ხედავს და ამბობს, რომ მაესტროზე გავლენების მოპოვების შემდეგ ხელისუფლება რუსთავი2-ის წინააღმდეგ დაწყებულ კამპანიას გააგრძელებს.

თავისუფალი დემოკრატების ლიდერი, ირაკლი ალასანია, მმართველ კოალიციაში მიმდინარე პროცესებს აფასებს და ამბობს, რომ "კოალიცია დაშლისთვის არის განწირული".

თავისუფალი დემოკრატების თავმჯდომარე, ირაკლი ალასანია ქვეყანაში უსაფრთხოების საკითხების პრობლემაზე საუბრობს და ამბობს, რომ "პრევენციაზე სამართალდამცავები ვერ მუშაობენ იმიტომ, რომ არის რესურსების ნაკლებობა". ამ პრობლემის მოსაგვარებლად კი ის ხელისუფლებას უსაფრთხოების საკითხების მოგვარებაზე შეხვედრას სთავაზობს.

"ეს არის ხელისუფლების ღირსების საქმე," - ეს შეფასება თავისუფალი დემოკრატების გენერალურმა მდივანმა, ალექსი პეტრიაშვილმა, გადაცემა არჩევანში გააკეთა და იმედი გამოთქვა, რომ მასზე თავდასხმის საქმე ძალოვანი უწყება დროულად გამოიძიებს.

თავისუფალი დემოკრატების გენერალური მდივნის, ალექსი პეტრიაშვილის, თქმით, მის წინააღმდეგ განხორციელებული საქმის გამოძიება არის "ჩვენი ქვეყნის ხელისუფლების ღირსების საქმე".

თავისუფალი დემოკრატების გენერალური მდივანი, ალექსი პეტრიაშვილი, მასზე თავდასხმაში დაკავებულ ლევან მექვაბიშვილთან რაიმე ტიპის ნაცნობობას კატეგორიულად გამორიცხავს და მას "შემსრულებელს" უწოდებს.

თავისუფალი დემოკრატების გენერალური მდივნის ალექსი პეტრიაშვილის თქმით, მის მიმართ განხორციელებული თავდასხმა იყო წინასწარ დაგეგმილი ოპერაცია.

თავისუფალი დემოკრატების გენერალური მდივანი, ალექსი პეტრიაშვილი, 26 თებერვალს მასზე თავდასხმის პროცესს დეტალურად გადაცემა არჩევანში იხსენებს და ექსკლუზიურად ყვება მომხდარზე.

უკვე ორი წელია, ზურაბ სეიდიშვილი დოკუმენტების გაყალბების ბრალდებით სასჯელს იხდის. თუმცა მიწა, რომლის უკანონოდ გაფორმებასაც ხელვაჩაურში მცხოვრებს გამოძიება ედავება, საუკუნეზე მეტია, მის ოჯახს ეკუთვნის.

ძვირადღირებული ვიდეო და ფოტოკამერები, რომლის შეძენაც რამდენიმე სახელმწიფო უწყებამ თითქმის ერთდროულად გადაწყვიტა. გასაჯაროებული დოკუმენტების მიხედვით ირკვევა, რომ სამინისტროები, მთავრობის კანცელარია და ადგილობრივი მუნიციპალიტეტი მხოლოდ 2016 წელს ათიათასობით ლარს ტექნიკური აპარატურის შესაძენად ხარჯავენ. მათ შორის მერია 100 ათასზე მეტ ლარს 2 ვიდეოკამერისთვის იხდის მიუხედავად იმისა, რომ მუნიციპალიტეტმა 2014 წელს ერთი ვიდეოკამერა უკვე შეიძინა, რაშიც 20 ათასი ლარი დახარჯა.

პარლამენტში ინიცირებული კანონპროექტის მხარდაჭერა არასამთავრობო ორგანიზაციებმა დეპუტატებს დღეს საპროტესტო აქციით მოუწოდეს. ქალთა მოძრაობის წევრები საკანონმდებლო ორგანოში გენდერული კვოტების განსაზღვრას ითხოვენ. აქციის ორგანიზატორები ქალებს პოლიტიკურ და საზოგადოებრივ ცხოვრებაში მეტი ჩართულობისკენ მოუწოდებენ.

სამოქალაქო სექტორის წარმომადგენლები საქართველოს ხელისუფლებას ნადია სავჩენკოს აქტიური მხარდაჭერისკენ მოუწოდებენ. ირაკლი ტაბლიაშვილს მიაჩნია, რომ საქართველომ ამისთვის ყველა საერთაშორისო ტრიბუნა უნდა გამოიყენოს.

მსოფლიოს დედაქალაქები და მათ შორის თბილისი საპროტესტო აქციებისთვის ემზადება. ხვალ მოსკოვში უკრაინელი მფრინავის ბოლო სასამართლო პროცესი გაიმართება.

ტელეკომპანია მაესტროს ახალი გენერალური დირექტორი ტელევიზიაში არ მისულა. თუმცა, ცნობილი გახდა, რომ არხის თანამშრომლებთან მოლაპარაკებებს ტელეკომპანია იმედის გენერალური დირექტორი აწარმოებს.

საკონსტიტუციო სასამართლოს თავმჯდომარის, გიორგი პაპუაშვილის, განცხადებებზე გამოძიების დაწყებას ითხოვს უშიშროების საბჭოს მდივანი. ირინა იმერლიშვილი ამბობს, რომ საკონსტიტუციო სასამართლოს თავმჯდომარეზე განხორცილებული ზეწოლის ფაქტებით სამართალდამცველები აუცილებლად უნდა დაინტერესდნენ.

პარლამენტი საკონსტიტუციო ცვლილებების შესახებ ინიციატივას ელოდება. ჩანაწერი იმის შესახებ, რომ ოჯახი ქალისა და მამაკაცის ერთობაა, კოალიციაში უთანხმოების საგანია.

The Industrials are planning themeeting with Prime Minister at the end of the week where they will introduce their own proposals to Kvirikashvili. Gogi Topadze`s Party are in favor of splitting of the coalition. the industrialists talk about the new coalition which will be after elections and unite teh parties that have overcome the 5% threshold.
The ruling team is also waiting for a meeting with Prime Minister. The parliamentary majority can not assert that the coalition will not fall apart.