Новости за 19.03.2016

„ხელისუფლება ინფლაციის ან ლარის დევალვაციის საკითხთან დაკავშირებით რაიმე სერიოზულ  ფაქტორად ბიუჯეტს არასოდეს არ განიხილავს,“ - ეს განცხადება ეკონომიკური განვითარების ცენტის ხელემძღვანელმა, რომან გოცირიძემ, კურიერის პირდაპირ ეთერში გააკეთა.

საზოგადოება 2030-ის ექსპერტი, ლევან კალანდაძე, ლარის კურსის გამყარებას ძირითადად საგარეო ფაქტორების დაბალანსებას უკავშირებს, რასაც ის „პოზიტიურ გარე შოკებს“ უწოდებს.

"ეს არის აბსოლუტურად მიუღებელი და პირდაპირი ჩარევა საქართველოს პოლიტიკურ ცხოვრებაში,“ - თავისუფალი დემოკრატების წევრი ირაკლი ჩიქოვანი გრიგორი კარასინის მიერ გაკეთებულ განცხადებას კურიერის პირდაპირ ეთერში აფასებს.

არასამთავრობო ორგანიზაცია საქართველოს რეფორმების ასოციაციის დამფუძნებელი, ელენე ხოშტარია, რუსეთის საგარეო საქმეთა მინისტრის მოადგილის, გრიგორი კარასინის, ბოლო განცხადებებში ორ მკვეთრ გზავნილს ხედავს, რომლის შესახებაც მან კურიერის პირდაპირ ეთერში ისაუბრა და თქვა, რომ „ჩვენ გვაძალებენ, შევეგუოთ ოკუპაციასა და ანექსიას“.

ნაციონალური მოძრაობა აბაშიძე-კარასინის ფორმატის გაუქმებას ისევ ითხოვს. ამის შესახებ დღეს კიდევ ერთხელ ისაუბრა დეპუტატმა, გიორგი ბარამიძემ, კურიერის პირდაპირ ეთერში.

საერთაშორისო გამჭვირვალობა-საქართველოს აღმასრულებელმა დირექტორმა, ეკა გიგაურმა, ფარული ვიდეოჩანაწერების გავრცელების წინააღმდეგ კამპანია ეს შენ გეხებას მიერ გამართული საპროტესტო აქციის მთავარ გზავნილებზე კურიერის პირდაპირ ეთერში ისაუბრა.

პარლამენტის ადამიანის უფლებათა დაცვის კომიტეტის თავმჯდომარე, ეკა ბესელია, შეწყალების კომისიის ყოფილი თავმჯდომარის, ალეკო ელისაშვილის, ბრალდებებს "იაფფასიანს" და "მდარე ხარისხიანს" უწოდებს.

მუქარით დაწყებული მოლაპარაკება ზურაბ აბაშიძესთან, რუსმა დიპლომატმა ისე დაასრულა, რომ მისთვის პასუხი არავის გაუცია. აბაშიძე ამბობს, რომ არ იცის რაზე ისაუბრა გრიგორი კარასინმა ტელეკამერებთან. მსგავსი მუქარა პრემიერის სპეციალური წარმომადგენლის მტკიცებით მოლაპარაკების დროს არ ყოფილა. საპირისპიროს ამტკიცებს გრიგორი კარასინი. რუსეთის საგარეო უწყების ოფიციალური განცხადებით პროტესტი ქართველი პოლიტიკოსების ანტირუსული გამონათქვამების გამო, შეხვედრაზეც დაფიქსირდა.

მაესტროს  მეწილე მაკა ასათიანი ტელეკომპანიის თანამშრომლებს მათი მოთხოვნების გათვალისწინებას ჰპირდება.

პირადი ცხოვრების ხელშეუხებლობის დაცვას ხელისუფლებას დღეს სამოქალაქო საზოგადოება სთხოვდა. აქცია მსვლელობა ფილარმონიიდან დაიწყო და მთავრობის კანცელარიასთან დასრულდა. კამპანია ეს შენ გეხებას! წევრებს გამაფრთხილებელ აქციაზე სამი კონკრეტული მოთხოვნა ჰქონდათ. ფარული თვალთვალის საქმეზე სწრაფი და ეფექტური გამოძიება, კანონმდებლობის გამკაცრება და სპეციალური საგამოძიებო სტრუქტურის შემქნა.

ლარის გამყარებას მთავრობა და მმართველი გუნდი წევრები, ნიშნისმოგებით, გიორგი ქადაგიძის ეროვნული ბანკიდან წასვლას უკავშირებენ. ასეთი პოზიცია 2030 ექსპერტებსაც აქვთ. მიხეილ დუნდუა ლარის გამყარებას სწორედ გიორგი ქადაგიძის წასვლას უკავშირებს.

ფლაიდუბაის სამგზავრო თვითმფრინავის ჩამოვარდნის შესაძლო მიზეზად ტერორისტული აქტი უკვე გამორიცხეს სამართალდამცველებმა.

სტამბოლის ცენტრში მომხდარი თავდასხმის პირველი კადრები ქუჩაში დამონტაჟებულმა უსაფრთხოების კამერამ გადაიღო. ტაქსიმის მოედნის მახლობლად მდებარე ისტიკლალის ქუჩაზე თავი თვითმკვლელმა ტერორისტმა აიფეთქა.

200-ლარიანი ჯარიმები და მარჯვენასაჭიანი ავტომობილების რეგისტრაციის დაგეგმილი აკრძალვა გააპროტესტეს მძღოლებმა თბილისში. მათ დიღმიდან შინაგან საქმეთა სამინსიტრომდე მსვლელობა გამართეს. აქციის მონაწილეებმა ხელისუფლებას ცვლილებებზე უარის თქმისკენ მოუწოდეს.

"მე და კონსტიტუცია", - ამ სახელწოდების კონკურსის ფარგლებში მოსწავლეები ერთმანეთს ქვეყნის მთავარი კანონის ცოდნაში ეჯიბრებიან.

სტამბოლის ცენტრში მომხდარი ტერაქტის შედეგად დაშავებულთა რიცხვი 36–მდე გაიზარდა, მათ შორის 12 უცხოელია. ისინი გერმანიის, ისრაელისა და ირანის მოქალაქეები არიან. დაღუპულია 4 ადამიანი. რამდენიმე დაშავებული კრიტიკულ მდგომარეობაშია.

"სრულიად აღმაშფოთებელი სახე მიიღო ტერაქტების სერიამ, რომელიც უკანასკნელ ხანს თურქეთს დაატყდა თავს," – ასე გამოეხმაურა საქართველოს პრემიერ-მინისტრი, გიორგი კვირიკაშვილი, სტამბოლში მომხდარ ტერაქტს.

ამ დროისთვის არსებული ინფორმაციით, სტამბოლის აფეთქებისას საქართველოს მოქალაქეები არ დაშავებულან. თუმცა, საკონსულოში ფუნქციონირებს ცხელი ხაზი და წარმომადგენლობა ცნობებს საათში რამდენჯერმე ამოწმებს სპეციალურ შტაბთან.

ქუთაისში, ჭავჭავაძის ქუჩაზე მდებარე კვების ობიექტში აფეთქება მოხდა. შედეგად სამი ადამიანი დაშავდა, აქედან ორ მათგანს მცირე დაზიანება აქვს მიღებული, ხოლო მესამეს დაზიანებები არ აღენიშნება. სამივე მათგანი საავადმყოფოშია გადაყვანილი.

სტამბოლის ტერაქტის დროს 36 დაშავებულიდან 12 უცხო ქვეყნის მოქალაქეა. გარდაცვლილთა რაოდენობა კი 4-მდე გაიზარდა.

"საარჩევნო კოდექსზე" მომუშავე ჯგუფს იუსტიციის მინისტრი უხელმძღვანელებს. ამის შესახებ გადაწყვეტილება დღეს ინტერფრაქციული ჯგუფის პრემიერ-მინისტრთან შეხვედრისას მიიღეს.

"ეს შენ გეხებას!" აქციაზე უფლებადამცველების, არასამთავრობო ორგანიზაციების და პოლიტიკოსების გარდა, იმყოფებოდნენ ჟურნალისტებიც. ასევე პირადი ცხოვრების ამსახველი ფარული ჩანაწერების გავრცელებას საზოგადოებისთვის ცნობილმა სახეებმაც გააპროტესტეს.

„ჩვენ არ დავუშვებთ ჩვენი ქვეყნის 1990-იან წლებში დაბრუნებას და კიდევ უფრო უარეს, საბჭოურ ჭაობში ჩარჩენას და ჩატოვებას,“ - კამპანია "ეს შენ გეხებას!" აქცია-მსვლელობაზე ალექსი პეტრიაშვილიც იმყოფებოდა.

თბილისში, ჩაიკოვსკის ქუჩის მაცხოვრებლები შველას ითხოვენ. ადგილობრივების განცხადებით, საფრთხე მათ სიცოცხლეს ემუქრება. ქუჩის მოსახლეობის განმარტებით, საცხოვრებელი სახლები ავარიულია და სასწრაფო რეაბილიტაციას საჭიროებს.

ეს შენ გეხება! - დღევანდელ აქციაზე პოლიტიკოსებიც იმყოფებოდნენ. აქცია-მსვლელობაში მონაწილეობა მიიღეს ნაციონალური მოძრაობის წევრებმა.